16.94¡ÆC
<p>काठमाडौ । नेपाल सरकारले ३ आयोजनाका लागि वन क्षेत्र प्रयोग गर्न दिने निर्णय भएको बताएका छन्। <br><br>मन्त्रिपरिषद् बैठकले गरेका निर्णय सार्वजनिक गर्न मन्त्रालयमा आयोजित नियमित पत्रकार सम्मेलनमा बोल्दै सञ्चार तथा सूचना प्रविधिमन्त्री गोकुल बाँस्कोटाले यस्तो जानकारी दिउका हुन्।<br><br>सरकारले दरबाङ-म्याग्दी जलविद्युत आयोजना, फिस्लिङ-तोलाङ-शक्तिखोर ग्रामीण सडक स्तरोन्नति र महाकाली सिञ्चाइ आयोजनाको नहर निर्माणका लागि वन क्षेत्र प्रयोग गर्ने दिने निर्णय भएको मन्त्री बाँस्कोटाले जानकारी दिएका हुन्। <br><br>बैशाख १७ गतेको मन्त्रिपरिषद् बैठकले यो निर्णय गरेको हो। <br><br>यस्ता छन् मन्त्रीपरिषद् बैठकका निर्णय<br><br>१. पन्ध्रौ योजना (आर्थिक वर्ष २०७६/७७–२०८०/८१) को आधारपत्र स्वीकृत गरिएको छ।<br><br>२. सबै स्थानीय तहमा ( Sub- National Treasury Regulatory Application (SuTRA) सफ्टवेयर लागू गर्ने निर्णय गरिएको छ।<br><br>३. साउदी विकास कोषबाट भूकम्पपछिको पुनर्निर्माण लागि उपलब्ध हुने ऋण सहायता स्वीकार गर्ने निर्णय गरिएको छ।<br><br>४. हातहतियार खरखजाना नियमावली, २०२८ को अनुसूचि ११(क) मा संशोधन गर्ने निर्णय गरिएको छ।<br><br>५. निम्न प्रयोजनका लागि राष्ट्रिय वन क्षेत्र प्रयोग गर्न दिने निर्णय गरिएको छ–<br><br>क) दरबाङ्ग–म्याग्दी जलविद्युत आयोजना (२५ मे.वा.)<br><br>ख) फिस्लिङ–तोलाङ–शक्तिखोर ग्रामीण सडक स्तरोन्नति<br><br>ग) महाकाली सिँचाइ आयोजनाको नहर निर्माण<br><br>६. प्रयोगशालामा कार्यरत कर्मचारीलाई प्रयोगशाला जोखिम भत्ता दिने निर्णय गरिएको छ।<br><br>७. सुशासन (व्यवस्थापन तथा सञ्चालन) ऐन, २०६४ बमोजिम सम्माननीय प्रधानमन्त्रीज्यूले प्रस्तुत गर्नुभएको वार्षिक प्रतिवेदन ‘आर्थिक वर्ष २०७४/७५’ संघीय संसद्समक्ष पेश गर्ने निर्णय गरिएको छ।<br><br>८. सैनिक प्राविधिक सेवा नियमावली, २०७५ स्वीकृत गरिएको छ।<br><br>९. सूचना प्रविधि आकस्मिक सहायता समूह सञ्चालन तथा व्यवस्थापन निर्देशिका, २०७५ स्वीकृत गरिएको छ।<br></p>
नयाँ शक्ति र फोरमबीच एकताको तयारी अन्तिम चरणमा राजपा पनि समावेश हुन इच्छुक
<p>काठमाडौ । नयाँ शक्ति पार्टी नेपाल र संघीय समाजवादी फोरम पार्टी एकताका लागि अन्तिम तयारीमा जुटेका छन्।<br><br>डा बाबुराम भट्टराई नेतृत्वको नयाँ शक्ति र उपेन्द्र यादव नेतृत्वको फोरमबीच पछिल्लो समय घनीभूत छलफल भएको स्रोतले बतायो। दुई अध्यक्षबीच आजै बिहान पनि वार्ता भएको थियो।<br><br>दुई अध्यक्षबीचको बैठकले एकीकृत पार्टीको आधिकारिक दस्तावेज तयार गरेको स्रोतको भनाइ छ। दुवै पार्टीबाट दस्तावेज अनुमोदित भएपछि एकता घोषणा मिति तय हुनेछ।<br><br>सहमति अनुसार संघीय परिषद्को अध्यक्षता भट्टराई र केन्द्रीय समितिको अध्यक्षता यादवले गर्नेछन्। एकीकृत पार्टीको नाम समाजवादी पार्टी प्रस्ताव गरिएको छ, तर निर्णय भइसकेको छैन।<br><br>यसैबीच, दुई पार्टीबीचको एकता प्रक्रियामा राष्ट्रिय जनता पार्टी पनि सामेल भएको छ। तीनै दलका शीर्ष नेताहरुबीच बबरमहलमा वार्ता चलिरहेको बताइएको छ। दिउँसो २ बजेपछि सुरु भएको वार्तामा डा बाबुराम भट्टराई, उपेन्द्र यादव र राजपाका महन्थ ठाकुर छन्।<br><br>यसअघि पार्टी एकताका लागि राजपा र फोरमबीच पत्र आदानप्रदान समेत भएको थियो।<br></p>
नेपालमा पहिलो पटक ‘बर्डफ्लू’ रोगको सक्रमण मानिसमा देखियो, एक जनाको मृत्यु, बच्नको लागी यसौ गरौ
<p>काठमाडौ । बर्डफ्लूको संक्रमणका कारण एकजनाको ज्यान गएको छ । चरा र कुखुरालगायत पंक्षीमा देखिएको बर्डफ्लू मानिसमा पनि सरेको पुष्टि भएको हो ।<br><br>स्वास्थ्य मन्त्रालयका अनुसार काभ्रेका २१ वर्षीय एक युवकको बर्डफ्लू (एच फाइब एन वान) बाट ज्यान गएको पुष्टि भएको हो । ज्वरो र खोकी लागेर अस्पताल पुगेका उनलाई इन्फ्लुएन्जाको औषधि दिइएको थियो । तर उनको श्वासप्रश्वासमा समस्या भएर गएको चैत १५ गते नै ज्यान गएको थियो ।<br><br>बिरामी भएर उपचारका लागि अस्पताल पुर्याइएका ती युवकको र्यालको परीक्षण पछि उनलाई बर्ड फ्लू भएको भन्ने पुष्टि भएको हो ।<br><br>नेपालमा बर्ड फ्लू पुष्टि भएको यो पहिलो घटना हो । घटनाकाे जानकारी गराउन बिहीबार स्वास्थ्य मन्त्रालयमा पत्रकार सम्मेलन गरिएको थियो । मृतकको नाम भने खुलाइएको छैन । घटनापछि स्वास्थ्य सचिव डा. पुष्पा चौधरीले अप्रत्यासित घटना भएकाे बताउनुभएको छ । <br><br><b>कसरी सर्छ बर्ड फ्लू ?</b><br><br>बर्ड फ्लू संक्रमित पंक्षीहरुको प्रत्यक्ष सम्पर्कमा आउँदा यो भाइरस स्वस्थ व्यक्तिको शरीरमा प्रवेश गर्न सक्छ ।<br><br>रोगी पक्षीको मासु, अन्डा, सुलीलगायत बाहिर निस्किने पदार्थबाट रोग सर्छ । मासु चलाउँदा वा खोरमा काम गर्दा पनि रोग सर्छ ।<br><br>फिरन्ते चराको सम्पर्कबाट स्थानीय चरामा बर्ड फ्लू सर्छ। बर्ड फ्लू का भाइरस एउटा मानिसबाट अर्कोमा सरेको तथ्य भने अहिलेसम्म भेटिएको छैन । तर पंक्षीबाट मानिसमा भने सर्ने गर्छ ।<br><br>नेपालमा पहिलो पटक 'बर्डफ्लू' रोगको सक्रमण मानिसमा देखियो, एक जनाको मृत्यु, बच्नको लागी यसौ गरौ <br>- रोगको प्रकोप भएको ठाउँमा सकेसम्म नजाने ।<br>- मरेका पंक्षीलाई सोझै नछुने वा नचलाउने । नजिक जानु परेमा पनि माक्स लगाएर जाने ।<br>- रोग लागेका पंक्षीबाट जोगिने ।<br>- कुखुराको मासु खान रोक लगाउने । <br>- कुखुराको मासु, अण्डा खानै परेमा राम्ररी पकाएर मात्रै खाने ।<br></p>
यस्तो राख्न लागियो प्रदेशको नाम र राजधानीबारेको सुझाव
<p>काठमाडौ । प्रदेश नं २ को राजधानी र नामकरणका लागि गठित संवाद सुझाव आयोगले आज मुख्यमन्त्री लालबाबु राउतलाई अध्ययन प्रतिवेदन बुझाएको छ ।<br><br>आयोगले पत्रकार सम्मेलन गरी आयोगका अध्यक्ष डा हरिवंश झाले मुख्यमन्त्री राउतलाई आज मुख्यमन्त्री कार्यालयमा प्रतिवेदन बुझाउनु भएको हो ।<br><br>मुख्यमन्त्री राउतले प्रतिवेदन ग्रहण गर्दै प्रतिवेदनलाई अध्ययन गरी प्रदेशसभाको समितिलाई हस्तान्तरण गरिने बताए । उनले प्रदेशको स्थायी राजधानी अत्यावश्यक र आम जनताको चासोको विषय रहेकाले प्रतिवेदनलाई मन्त्रिपरिषद्मा छलफल गरी विलम्ब नगरी प्रक्रिया अगाडि बढाइने जानकारी दिए ।<br><br>आयोगका अध्यक्ष डा झाले जनभावनाअनुरूप प्रजातान्त्रिक वातावरणलाई मध्यनजर गर्दै जनप्रतिनिधि, नागरिक समाज, बुद्धिजीवी, दलका प्रतिनिधिसँग बृहत् छलफल गरी अध्ययन प्रतिवेदन प्रस्तुत गरिएको बताए । उनले प्रदेशका आठै जिल्लामा प्रश्नावली, विचार र छलफलका माध्यमबाट आएको सुझाव सङ्कलन गरी प्रतिवेदनमा समेटिएको जानकारी गराए ।<br><br>आठ सय जनालाई प्रश्नका माध्यमले सुझाव सङ्कलन र आठै जिल्लामा बृहत् छलफल कार्यक्रम गरी प्रतिवेदन तयार गरिएको छ भन्दै उनले प्रदेशको राजधानीमा जनकपुर, वीरगञ्ज, सिमरौनगढ, बर्दिवासलगायत नाम र प्रदेशको नामकरणमा मधेश, मध्य मधेश, मिथिला, मिथिला–भोजपुरा, जानकीलगायत नाम सुझावबाट आएको बताए ।<br></p>
यस्तो राख्न लागियो प्रदेशको नाम र राजधानीबारेको सुझाव
<p>काठमाडौ । प्रदेश नं २ को राजधानी र नामकरणका लागि गठित संवाद सुझाव आयोगले आज मुख्यमन्त्री लालबाबु राउतलाई अध्ययन प्रतिवेदन बुझाएको छ ।<br><br>आयोगले पत्रकार सम्मेलन गरी आयोगका अध्यक्ष डा हरिवंश झाले मुख्यमन्त्री राउतलाई आज मुख्यमन्त्री कार्यालयमा प्रतिवेदन बुझाउनु भएको हो ।<br><br>मुख्यमन्त्री राउतले प्रतिवेदन ग्रहण गर्दै प्रतिवेदनलाई अध्ययन गरी प्रदेशसभाको समितिलाई हस्तान्तरण गरिने बताए । उनले प्रदेशको स्थायी राजधानी अत्यावश्यक र आम जनताको चासोको विषय रहेकाले प्रतिवेदनलाई मन्त्रिपरिषद्मा छलफल गरी विलम्ब नगरी प्रक्रिया अगाडि बढाइने जानकारी दिए ।<br><br>आयोगका अध्यक्ष डा झाले जनभावनाअनुरूप प्रजातान्त्रिक वातावरणलाई मध्यनजर गर्दै जनप्रतिनिधि, नागरिक समाज, बुद्धिजीवी, दलका प्रतिनिधिसँग बृहत् छलफल गरी अध्ययन प्रतिवेदन प्रस्तुत गरिएको बताए । उनले प्रदेशका आठै जिल्लामा प्रश्नावली, विचार र छलफलका माध्यमबाट आएको सुझाव सङ्कलन गरी प्रतिवेदनमा समेटिएको जानकारी गराए ।<br><br>आठ सय जनालाई प्रश्नका माध्यमले सुझाव सङ्कलन र आठै जिल्लामा बृहत् छलफल कार्यक्रम गरी प्रतिवेदन तयार गरिएको छ भन्दै उनले प्रदेशको राजधानीमा जनकपुर, वीरगञ्ज, सिमरौनगढ, बर्दिवासलगायत नाम र प्रदेशको नामकरणमा मधेश, मध्य मधेश, मिथिला, मिथिला–भोजपुरा, जानकीलगायत नाम सुझावबाट आएको बताए ।<br></p>
युवती जिस्काएको निहुँमा जन्ती र घरगाँउले कुटाकुट, एकको ज्यान गयो
<p>गोरखा । गोरखामा युवती जिस्काएको निहुँमा विवाहमा आएका जन्ती र बेहुली पक्षबीच झगडा हुँदा एकजनाको मृत्यु भएको छ ।<br><br>लमजुङको राइनस नगरपालिका–४, अल्कटारबाट आएका जन्ती र गोरखा पालुङटार नगरपालिका–४ कुमाल गाउँका बेहुली पक्षबीच युवती जिस्काएको विषयमा विवाद हुँदा कुटाकुट भएको हो ।<br><br>बेहुली पक्षाकाले कुटपिट गर्दा घाइते भएका जन्ती पक्षका ३४ वर्षीय विष्णुबहादुर कुमालको उपचारको क्रममा मृत्यु भएको प्रहरीले जनाएको छ । पोखराको गण्डकी मेडिकल कलेजमा उपचारका क्रममा कुमालको मृत्यु भएको हो ।<br><br>बेहुली लिएर फर्कंदै गर्दा १७–१८ जना युवाको समूहले जन्ती बोकेको गाडीलाई बीच बाटोमै रोकेर कुटपिट गरेको प्रहरीले जनाएको छ ।<br><br>घटनामा संलग्नको खोजी भइरहेको र शंका लागेका केहीलाई पक्राउ गरिएको प्रहरीले बताएको छ ।<br></p>
एक करोड सात लाख लगानीमा विदुरमा बनाउन थालियो व्यवस्थित बधशाला
<p>नुवाकोट । विदुर नगरपालिका वडा नं ४ को सिमचउरमा विदुर बधशाला भवनको निर्माण सुरु गरिएको छ । भवनको सोमबार शिलान्यास गर्दै विदुर नपाका प्रमुख सञ्जु पण्डितले नगरबासी उपभोक्ताले स्वस्थकर मासु उपभोग गर्न पाउने अधिकार प्रदान गर्न सुरु गरिएको कार्यलाइ चरणबद्ध रुपमा अगाडि बढाउने बताउनुभयो । भवन निर्माण सहित सिमचउर क्षेत्रको संरक्षण र विकासलाई समेत समावेश गरिने जानकारी दिनुभयो । उहाँले भवन निर्माणको लागी खनिएको जगमा इट्टा राखेर शिलान्यास गर्नुभएको हो । </p><p><br><img style="width: 1024px;" src="https://topnepalnews.comuploads/posts/5b584f4471b8252465a028eb4459fbc21556545143.jpg"></p><p><br>उक्त अवसरमा विदुर नपाका उपप्रमुख गिता दाहालले स्वस्थ्य मासु
खरिदविक्रीको लागी निर्माण थालिएको बधशालाले अब्यबस्थित कारोबार हुँदै आएको
मासु पसल सञ्चालन, नगर क्षेत्रको सरसफाइमा सुधार पुग्ने विश्वास व्यक्त
गर्नुभयो । <br><br>सो कार्यक्रममा विदुर कृषि फर्मका सञ्चालक काजीमान ले
निर्मनणाधीन बधशाला निर्माणस्थलसम्म पुग्ने ब्यबस्थित सडक, विद्युत सेवा र
स्थानीयबासीको सहयोग आवश्यक रहेको बताउनुभयो ।<br><br>उक्त बधशाला भवन एक करोड सात लाख रुपैयाँमा विराट–रत्न श्रेष्ठ एण्ड वि.वाइ .एन. जेभी मार्फत निर्माण थालिएको हो । भवनलाइ तोकिएको समयमा गुणस्तरीय कार्यका साथ पूरा गर्ने निर्माण ब्यवसायीका प्रतिनिधि विष्णुप्रसाद सापकोटाले बताउनुभयो ।</p><p><img style="width: 1024px;" src="https://topnepalnews.comuploads/posts/65c58941f44cbbeb250c060a044155c51556545176.jpg"><br></p><p><br>भवनमा
हालको लागी कुखुर र खसीबोकाको मात्र बधस्थल बनाइने वडा नं. ४ का वडासदस्य
बसन्त रिजालले बताउनुभयो । उहाको अनुसार सुरक्षित तथा व्यवस्थित बधशाला
जिल्लामा नभइरहेको अबस्थामा केन्द्र सरकारबाट प्राप्त भएको बजेट मार्फत
बन्ने बधशाला नमूना र जिल्लाबासीको लागी उपयोग हुने विश्वास गरिएको छ । </p><p><br></p>
काठमाडौंका अभिभावकले आफ्नै सन्तानलाई ‘मन्द विष’ खुवाउने गरेको पाइयो
<p>काठमाडौ । देशका अन्य शहर र गाउँको तुलनामा संघीय राजधानी काठमाडौंमा बस्ने व्यक्तिहरु स्वस्थ जीवनशैली यापन गर्छन् भन्ने अनुमान गरिन्छ । काठमाडौंमा बस्ने व्यक्तिले आफूसँगै आफ्ना नानी–बाबुको स्वास्थ्यप्रति पनि विशेष चासो दिन्छन् भन्ने आम अनुमान हुन्छ ।<br><br>तर, एक अनुसन्धानबाट काठमाडौं उपत्यकामा बस्ने व्यक्तिले आफ्ना बालबालिकाको स्वास्थ्यमाथि ‘खेलवाड’ गरिरहेका देखिएको छ । अनुसन्धानका अनुसार काठमाडौंमा बस्ने अभिभावकले आफ्ना बालबालिकालाई स्वास्थ्यमा गम्भीर असर पुर्याउने खानेकुरा खुवाइरहेका छन् ।<br><br>खानामा पर्याप्त पोषणतत्व छैन र यसले बालबालिकाको समग्र स्वास्थ्यमा खराब गर्छ भन्ने जान्दाजान्दै अभिभावकले आफ्ना बालबालिकालाई जंक फूड खुवाइरहेका अध्ययनले देखाएको छ ।<br><br>अध्यनका अनुसार सस्तो र सजिलै पाइने हुनाले विशेषगरी काठमाडौँ उपत्यकाका अभिभावले आफ्ना बालबालिकालाई खाजाका रूपमा नुन र चिनीको मात्रा बढी भएको अस्वस्थ जंक फूड खुवाइरहेका छन् । पोषणविद्हरु जंक फूडलाई एक प्रकारको ‘मन्द विष’को रुपमा लिन्छन् ।<br><br>स्वास्थ्य तथा जनसङ्ख्या मन्त्रालयको समन्वयमा हेलन केलर इन्टरनेशनले सार्वजानिक गरेको एक अध्ययनअनुसार उपत्यकाका १२ देखि २३ महीनाका ७५ प्रतिशत बालबालिकाले अस्वस्थकर खाजा खाइरहेको पाइएको थियो ।<br><br>सो अध्ययन १८ बालबालिकामा गरिएको हेलन इन्टरनेशनलमा कार्यरत डा अतुल उपाध्यायले जानकारी दिए । ती बालबालिकाका पोषणको अवस्था जानकारी लिन पाखुराको नाप, उचाइ, तौल तथा रगत परीक्षण गरिएको थियो । ‘सर्वेक्षणबाट ७५ प्रतिशत बालबालिकाले अस्वस्थकर खाजा खाइरहेको पाइयो । उमेर अनुसार गुणस्तरीय, पर्याप्त मात्रा विविध प्रकार र सुरक्षित पौष्टिक आहार खान पाएका बालबालिकाको सङ्ख्या न्यून रहेको देखिन्छ,’ डा उपाध्यायले भने ।<br><br>प्रोटिन, कार्बाेहाइड्रेड, क्यालोरी, मिनरल्स थोरै पाइने खानालाई जंक फूड भनिन्छ । पछिल्लो नेपाल जनसाङ्ख्यिक सर्वेक्षण २०१६ का अनुसार करीब ४६ प्रतिशत गर्भवती महिला तथा ५३ प्रतिशत ५ वर्षमुनिका बालबालिका रक्तअल्पताबाट प्रभावित रहेका छन् ।<br><br>यसैगरी शिशु तथा बाल्यकालीन पोषणको सिफारिस गरेअनुसार पौष्टिक खाना खान नपाएका बालबालिकाको सङ्ख्या ४७ प्रतिशत मात्र रहेको छ । यसैबीच स्वास्थ्य सेवा विभाग, परिवार कल्याण महाशाखाले पोषणमा सरकारको लगानी बढाउन आवश्यक रहेकोमा जोड दिएको छ ।</p>
श्री एयरको जाहाजको ढोका खुलेन
<p>धनगढी । काठमाडाैंबाट धनगढीका लागि उडेकाे श्री एयरकाे जहाजकाे ढोका 'लक' भएकाे छ।<br><br>लक भएर ढाेका नखुलेपछि यात्रुलाइ पाइलट चढ्ने तथा ओर्लने ढाेकाबाट बहिर निकालिएकाे छ।<br><br>अहिले जहाज एयरलाइन्सका प्राविधिक टाेलीबाट मर्मत भइरहेकाे छ।<br><br>धनगढी एयरपोर्टमा श्री एयरलाइन्सको नाइन एन एएमओ जहाज ल्यान्ड भएको आधा घण्टा हुॅदा पनि ढोका नखुलेपछि पाइलट निस्कने ढोकाबाट यात्रु आरालिएको थियो।<br></p>
नेपाल र चीनबीच के के विषयमा भयो हस्ताक्षर (विस्तृतमा )
<p>काठमाडौ । नेपाल र चीनबीच यातायात तथा पारवहन प्रोटोकलसहित ७ सम्झौतामा हस्ताक्षर भएको छ।<br><br>राष्ट्रपति विद्यादेवी भण्डारीको चीनको राजकीय भ्रमणका क्रममा नेपाल र चीनबीच सोमबार अपरान्ह बेइजिङस्थित ग्रेटहल अफ दि पिपुलमा ती सम्झौतामा हस्ताक्षर भएका हुन् । <br><br>दुवै देशका राष्ट्रपतिबीचको दुईपक्षीय भेटवार्तापछि भण्डारी र सीको उपस्थितिमा ती सम्झौता भएका हुन् । <br><br>दुई देशबीच सबैभन्दा महत्वपूर्ण मानिएको यातायात तथा पारवहन सम्झौताको प्रोटोकलमा नेपालको तर्फबाट परराष्ट्रमन्त्री प्रदीपकुमार ज्ञवालीले र चीन सरकारको तर्फबाट चिनियाँ यातायात मन्त्री ली सियाओफङले हस्ताक्षर गरे।<br><br>त्यस्तै चीनले नेपाललाई प्रदान सहयोग प्रदान गर्ने सम्बन्धी अर्को सम्झौतामा पनि हस्ताक्षर भएको छ। सो सम्झौता अनुसार अनुसार चीनले नेपाललाई १६ अर्ब ५० करोड रुपैयाँको हाराहारीमा सहयोग प्रदान गर्नेछ। <br><br>नेपाल र चीनबीच आर्थिक तथा प्राविधिक सहयोका विषयमा पनि सम्झौतामा भएको छ । त्यस्तै नेपालको हिमाली क्षेत्रमा बसोबास गर्ने नागरिकको जीवनस्तर सुधार्नका लागि सहयोगात्मक साझेदारीलाई सशक्त बनाउने सम्झौता पनि भएको छ । <br><br> दुई देशबीचको भन्सार व्यवस्थामा आपसी सहयोग गर्न सम्झौता पनि भएको छ। <br><br>नेपाल नापतौल तथा गुणस्तर विभाग र चीनको गुणस्तर प्रशासनबीचमा आपसी सहकार्यका लागि पनि हस्ताक्षर भएको छ। <br><br>त्यस्तै चीन र नेपालबीचमा सांस्कृतिक सम्पदाको अवैध आयातनिर्यात, चोरी, तस्करी लगायतका कुराहरुलाई रोक्नका लागि पनि सम्झौता भएको छ।<br></p>
धादिङका बमबहादुर १३ वर्षपछि समातिए
<p>काठमाडौ । कर्तव्य ज्यान मुद्दाका फरार अभियुक्तलाई १३ वर्षपछि प्रहरीले पक्राउ गरेको छ।<br><br>पक्राउ पर्नेहरुमा धादिङ रुबिभ्याली गाउँपालिका-२ बस्ने ५९ वर्षीय बमबहादुर विक, सोही ठाउँ बस्ने ३४ वर्षीय हेम डल्ला विक र ४० वर्षीय साकर्की विक छन्।<br><br>उनीहरुमध्ये बमबहादुर आइतबार धादिङ तिप्लिङ कामीगाउँबाट, हेम आइतबार रसुवाको आमा छोदुङ गाउँपालिका-५ प्राजुङबाट र साकर्की गत बुधबार काठमाडौं गौशालाबाट पक्राउ परेका हुन्।<br><br>जिल्ला अदालत धादिङको २०७४ मंसिर १९ गतेको फैसला अनुसार कर्तव्य ज्यान मुद्दामा पक्राउ परेका बमबहादुरलाई २० वर्ष, हेम डल्लालाई २० वर्ष र सार्कीलाई २ वर्ष कैद सजाय तोकिएको थियो।<br><br>विक समेतका ८ जनाले २०६३ कार्तिकमा धादिङ तिप्लिङ कामीगाउँ बस्ने २७ वर्षीय देवबहादुर विकलाई देउसी खेल्न जाउँ भन्दा बिरामी भएकोले नमानेको कारण कुटपिट गरी घाइते बनाएको थिए।<br><br>पछि उपचारको क्रममा उनको मृत्यु भएको थियो। मृत्यु भएपश्चात् उनीहरुले शवलाई सोही ठाउँको चिमडाँडामा लगेर जलाई नष्ट गरेका थिए।<br><br>त्यसपछि उनीहरु फरार भएका थिए।<br><br>धादिङ जिल्ला अदालतकै फैसलाले घटनामा संलग्न धादिङ रुबिभ्याली गाउँपालिका-२ बस्ने ४५ वर्षीय पुर्ण बहादुर विक २०६४ भदौ ११ गते र सोही ठाउँ बस्ने ३१ वर्षीय मंगले कामी भन्ने डिल बहादुर विक २०७३ जेठ ३ गते पक्राउ परी कारागार चलान भइसकेका छन्।<br></p>
अनुहार ढाक्ने कपडा लगाउन प्रतिबन्ध, बुर्का लगाउन भने पाइने
<p>एजेन्सी । गएको २१ अप्रिल ‘इस्टर’ को दिन आतंकवादी समूहले गराएको सिलसिलाबद्ध बम विस्फोटपछि श्रीलंकाको सरकारले अनुहार ढाक्ने सबै कपडामाथि प्रतिबन्ध लगाएको छ । ‘इस्टर’ को दिन भएको सिलसिलाबद्ध आत्मघाती हमलामा दुई सय ५० भन्दा बढीले ज्यान गुमाएका थिए । <br><br>राष्ट्रपति मैत्रिपाला सिरिसेनाले राष्ट्रिय सुरक्षालाई ध्यानमा राख्दै यस्तो आपतकालीन कमद उठाएको जानकारी दिए । सोमबारबाट लागू हुने यो प्रतिबन्धले मुस्लिम महिलाहरुले लगाउने बुर्कामा भने कुने असर गर्ने छैन । <br><br>पहिचानका लागि कुनै पनि व्यक्तिले आफ्नो पूरै अनुहार देखाउनै पर्ने कुरा आदेशमा भनिएको छ । बीबीसी संवाददाता अज्जाम अमीनका अनुसार, श्रीलंकाको प्रधानमन्त्री कार्यालयले एक बयान जारी गर्दै प्रधानमन्त्रीले कानुन मन्त्रीसँग यसबारेमा एक मस्यौदा तयार गर्नका लागि भनेका छन् । <br><br>‘कानुन मन्त्रीले श्रीलंकाको मुस्लिम धार्मिक गुरुहरुको प्रमुख संस्था आईसीजेयूका अधिकारीहरुसँग सल्लाह र सुझाव लिएर एक मस्यौदा तयार गर्नुपर्छ ।’ प्रधानमन्त्री सिरिसेनाले भनेका छन् । तर आईसीजेयूले भने एक प्रस्ताव पास गर्दै सरकारसँग अनुहार ढाक्ने कपडामाथि प्रतिबन्ध लगाउन अपिल गरेका छन् । <br><br>'इस्टर' को दिन भएको आत्मघाती हमलापछि श्रीलंका सरकारले यस्ता कयौं किसिमका कदम उठाएको छ । राष्ट्रपतिले नेशनल तौहीत जमात र जमियत मिल्लत इब्राहीमजस्ता संगठनमाथि प्रतिबन्ध लगाएको छ । यी संगठनका बैंक खाता पनि फ्रिज गरिएको छ । <br><br></p>