टप नेपाल न्यूज 
नुवाकोट, असार ६ । तारकेश्वर गाउँपालिकालाई जिल्ला सदरमुकामसँग जोड्ने मुख्य सडक गोर्स्याङ–निग्लेनी–दाङसिङ सडक को ढलान तथा कालोपत्रेसहित स्तरोन्नतिका लागि चालु आर्थिक वर्षमा बागमती प्रदेश सरकारबाट दुई शीर्षकमा गरी रु. ६ करोड ९२ लाख बजेट विनियोजन गरिएको छ।
तारकेश्वर गाउँपालिकाले प्राथमिकताका साथ माग गरेको बजेट पूर्ण रूपमा प्राप्त नभए पनि विनियोजित रकम सन्तोषजनक रहेको गाउँपालिका अध्यक्ष शिव अधिकारी ‘अबिरल’ ले बताउनुभएको छ।
उहाँका अनुसार उक्त सडकको स्तरोन्नतिले तारकेश्वर गाउँपालिका र जिल्ला सदरमुकामबीचको यातायात पहुँच थप सहज र सुरक्षित बन्ने अपेक्षा गरिएको छ।
यसका लागि बजेट विनियोजनमा सहयोग पुर्याएको भन्दै अध्यक्ष अधिकारीले बागमती प्रदेश सरकार तथा विशेष गरी पूर्वमुख्यमन्त्री एवं प्रदेशसभा सदस्य बहादुरसिंह लामा प्रति हार्दिक आभार व्यक्त गर्नुभएको छ।
प्रतिक्रिया