<p>१ असोज, काठमाडौं ।<br>चरम विवादीत लोकमानसिंह कार्कीलाई अख्तियार दुरुपयोग अनुसन्धान आयोगको प्रमूखमा नियुक्ती गरेको फाइल हराएको भनी हांस्यास्पद जवाफ दिने सरकारी अधिकारीलाई सर्वोच्च अदालतले फाइल बुझाउन सात दिनको समय दिएको छ ।<br><br>सर्वोच्च अदालतमा मुद्दा परेका अख्तियार दुरुपयोग अनुसन्धान आयोगको प्रमुख आयुक्तमा लोकमानसिंह कार्कीको नियुक्तिको फाइल भूकम्पमा हराएको बताउने सरकारलाई सो फाइल सात दिनभित्र पेश गर्न शुक्रबार सर्वोच्चले आदेश दिएको हो । सो फाइल समयभित्र नपठाए जरिवाना गर्ने समेत आदेशमा उल्लेख छ ।<br><br>सर्वोच्चको पूर्ण इजलाशले कार्कीको नियुक्ति सम्बन्धी यसअघिको निर्णयलाई सदर गर्ने निर्णयमा कानुनी त्रुटि रहेको औंल्याउँदै सर्वोच्च अदालतले त्यसको पुनरावलोकन गर्ने भन्दै सो आदेश दिएको हो ।<br><br>प्रधानन्यायाधीश सुशीला कार्कीसहित न्यायाधीशहरू विश्वम्भरप्रसाद&nbsp; श्रेष्ठ र सपना प्रधान मल्लको पूर्ण इजलासले उक्त फैसलाविरुद्ध अधिवक्ता ओमप्रकाश अर्यालले दिएको पुनरावलोकनको निवेदनमा निस्सा हुने आदेश दिएको हो ।</p><p>न्यायिक पद्धतिमा विरलै मात्रै निस्सा प्रदान गरिन्छ । सर्वोच्चले नै प्रतिपादन गरेको नजिर बाझिएमा, नयाँ तथ्य वा प्रमाण फेला परेमा, फैसलामा गम्भीर त्रुटि भेटिए निस्सा प्रदान गरी पुनरावलोकन हुने व्यवस्था छ ।<br><br>यो आदेशसँगै कार्कीको नियुक्तिको योग्यताको प्रश्नमा पुनस् संवैधानिक परीक्षण गरिने भएको हो । त्यसका लागि फैसलामा चित्त नबुझाउने व्यक्तिले ६० दिनभित्र सर्वोच्च अदालतमा निवेदन दिनुपर्छ । कार्कीको मुद्दामा अदालतले गरेको फैसला त्रुटिपूर्ण भन्दै २०७२ मंसिर १० गते निवेदन परेको थियो ।<br><br>पूर्ण इजलासले २०४१ साउन ९ देखि २०४७ असोज १९ गतेसम्म लोकमानसिंह कार्की कार्यरत राजप्रासाद सेवालाई विशेषज्ञताको योग्यतामा समावेश हुने गरी सर्वोच्च अदालतले यसअघि गरेको फैसला संविधानको मर्मअनुकूल नभएकाले उक्त फैसला पुनरावलोकन हुने आदेश दिएको हो । ।<br><br>नेपालको अन्तरिम संविधानमा अख्तियारको प्रमुख आयुक्त हुनका लागि लेखा, राजस्व, इन्जिनियरिङ, कानुन, विकास वा अनुसन्धानको क्षेत्रमा कम्तीमा २० वर्ष काम गरी अनुभव र ख्याति प्राप्त गरेको हुनुपर्ने’ उल्लेख छ । २०४७ असोज १९ गते निजामती सेवामा प्रवेश गरेका लोकमानसिंह कार्कीले २०६५ भदौ २५ गते राजीनामा दिएका थिए । १८ वर्ष पनि अनुभव नपुगेको अवस्थामा २०४१ साउनदेखि २०४७ असोजसम्मको राजप्रासाद सेवा अवधिलाई पनि गणना गरी २० वर्ष पुर्‍याएर कार्कीलाई नियुक्त गरिएको थियो ।<br><br>राजप्रासाद सेवा अवधि जोडिएको यही विवादको कानुनी व्याख्यासहितको फैसला त्रुटिरहित नदेखिएको भनी शुक्रबार पुनरावलोकनको आदेश भएको हो ।<br><br>२०७० वैशाखमा अख्तियारको प्रमुख आयुक्तमा कार्कीको नियुक्तिपछि त्यो कानुनविपरीत भएको दाबीसहित अधिवक्ता ओमप्रकाश अर्यालले रिट दायर गरेका थिए । उक्त रिटलाई सर्वोच्चका न्यायाधीशहरू गोपाल पराजुली र ओमप्रकाश मिश्रको संयुक्त इजलासले २०७१ असोज ८ गते खारेज गरिदिएको थियो ।<br></p>

<p>३१ भदौ, चितवन ।<br>पाचौं राष्ट्रिय लाखे नाच प्रतियोगितामा भाग लिन भोजपुरबाट आएको टोलीमध्यको एक बेपत्ता भएका छन् । नारायणी नदिमा नुहाउन गएका उनलाई नदिले बगाउदाँ बेपत्ता भएका हुन् ।</p><p>धरान घर भई हाल&nbsp; काठमाडौं बस्ने १८ बर्षीय&nbsp; सौगात मोक्तान लाई नारायणी नदिले बगाउदाँ बेपत्ता भएको र खोजी कार्यभइरहेको जिल्ला प्रहरी कार्यालय चितवनका प्रहरी प्रमुख बसन्त कुवरले जानकारी दिनुभयो ।</p><p>हिजोबाट शुरु भएको लाखे नाचको प्रतियोगितात्मक कार्यक्रम आज हुदैंछ । प्रतियोगितामा ३२ टोलीबीच प्रतिस्पर्धा हुने मुल संयोजक निर्जनलाल श्रेष्ठले जानकारी दिनुभयो । </p><p><b>लाखे नाच आज पनि जारी<br></b>चितवनको नारायणगढमा हिजो सुरु भएको पाँचौँ राष्ट्रिय लाखे नाच प्रतियोगिता २०७३ आज पनि जारी छ । प्रतियोगितामा मोरङ, सुनसरी, खोटाङ, उदयपुर, धादिङ, तनहूँ, चितवन, गुल्मी, दाङलगायतले विभिन्न जिल्लाबाट ३२ समूह सहभागी भएका छन् । सहभागीहरुमध्ये बिहीबार १६ समूहले प्रतिष्पर्धा गरेका छ्न भने बाँकी समूहले आज ९शुक्रबार० प्रतिष्पर्धा गर्दैछन् ।</p><p>प्रतियोगितामा पहिलो हुने समूहलाई ७५ हजार रुपैयाँ, दोस्रो हुनेलाई ५० हजार रुपैयाँ, तेस्रो हुनेलाई २५ हजार रुपैयाँ र सान्त्वना हुनेलाई १० हजार रुपैयाँ पुरस्कारको व्यवस्था समेत गरिएको छ । प्रतियोगिता सम्पन्न गर्नको लागि १५ लाख ३४ हजार रुपैयाँ खर्च हुने आयोजकको अनुमान रहेको छ । प्रतियोगिताको उद्घाटन एमालेका नेता एवंम पूर्वप्रधानमन्त्री झलनाथ खनालले गर्नुभएको थियो ।</p><p><b>उपाधी दाबेदार बन्दिपुरे टोली सहभागि नभई फर्कियो <br></b>चौथो जिल्ला स्तरीय लाखे नाच प्रतियोगितामा प्रथम भएको बन्दिपुरको टोली राती नै फर्किएको छ । आयोजकको निमन्त्रणामा राती ८ बजे चितवन आइपुगेको टोली प्रतियोगितामा नाम दर्ता गर्न नपाएपछि फर्किएको हो ।</p><p>टोलीका एक पुरेन्द्र श्रेष्ठले आयोजक आफैले बोलाएर नामै दर्ता गर्न नमानेपछि आफुहरु बस्नुको औचित्य नभएर फर्र्किएको बताउनुभयो । यसबारेमा लोक संस्कृति संरक्षण तथा राष्ट्रिय लाखे नाच प्रतिष्ठान नेपालका अध्यक्ष राजेन्द्र कुमार पियासंग सम्पर्क गर्दा केही जवाफ दिन चाहनुभएन ।</p><p>लोक संस्कृति संरक्षण तथा राष्ट्रिय लाखे नाच प्रतिष्ठान नेपालको आयोजनामा लाखे नाच हुन थालेको हो । कार्यक्रमको हिजो एक कार्यक्रमका बीच एमाले बरिष्ठ नेता झलनाथ खनालले उद्घाटन गर्नुभएको हो । <br></p>

<p>३१ भदौ, नयाँ दिल्ली ।<br>&nbsp;भारतका प्रधानमन्त्री नरेन्द्र मोदीको निमन्त्रणामा चारदिने औपचारिक भ्रमणमा रहनुभएका प्रधानमन्त्री प’ष्पकमल दाहालले ‘गार्ड अफ अनर’ ग्रहण गर्ने भएका छन् ।<br><br>राष्ट्रपति भवन नयाँ दिल्लीमा आज आयोजित विशेष समारोहमा प्रधानमन्त्री दाहाललाई भारतीय सेनाको विशेष टुकडीले सम्मान गारत अर्पण गरेको थियो ।<br><br>समारोहमा भारतीय प्रधानमन्त्री नरेन्द्र मोदीले प्रधानमन्त्री दाहालसँग भेट गर्नुका साथै नेपाली प्रतिनिधिण्डलसँग परिचय गरिएको थियो ।<br><br>आजै प्रधानमन्त्री दाहाले महात्मा गान्धीको समाधिस्थल राजघाट पुगेर श्रद्धाञ्जली पनि अर्पण गरे ।<br><br>भारतको चारदिने राजकीय भ्रमणमा रहनुभएका प्रधानमन्त्री पुष्पकमल दाहालले आजै भारतीय विदेशमन्त्री सुष्मा स्वराजले शिष्टाचार भेटवार्ता गरेका छन् ।<br><br>भेटका क्रममा दुई देशबिचका आपसी हितका बिषयमा कुराकानी भएको थियो ।<br>आजै स्थानिय समय अनुसार १२ स् ३० मा नयाँ दिल्लीस्थित हैदराबाद हाउसमा बिदेशमन्त्री शुष्मा स्वराजले पत्रकार सम्मेलन गर्ने कार्यक्रम रहेको छ ।<br><br>आजै बिभिन्न सन्धि सम्झौतामा हस्ताक्षर हुने भएकोले पनि प्रधानमन्त्री र बिदेशमन्त्रीको भेटलाई बिषेश महत्व दिईएको छ ।<br><img src="https://topnepalnews.comuploads/posts/15b61201586113cf8af19f260da5a4811474011788.jpg" style="width: 720px;"><br>यसैबिच प्रधानमन्त्री पुष्पकमल दाहाल प्रचण्ड र भारतीय प्रधानमन्त्री नरेन्द्र मोदी बिचको भेटका क्रममा प्रधानमन्त्री पत्नी सीता दाहाल मोदीसँगै हातबानेर सबेको दृश्य फोटो खिच्दा नमिलेको र यो कुटनीतिक मर्यादा थाहा नभएको भन्दै सामाजिक सञ्जालमा चर्को आलोचना र व्यंग्य हुन थालेको छ ।<br><br>तस्विरमा प्रचण्ड पत्नी दाहाल मोदी भएतिर बसकी छिन् भने उनले दुईदेशका प्रधानमन्त्रीले हात मिलाएर फोटो खिचीरहेको बेलामा रिसाएको जस्तो ढुस्स अनुहारमा हात बानेर बसेको देखिन्छ ।<br></p>