Page 1528 – Top Nepal News

१३ देशका लागि राजदूत नियुक्तिको तयारी, कुन देशका लागि को ?

काठमाडौं, माघ २५ । सरकारले १३ मुलुकका दूतावासका लागि बिहीबार राजदूत नियुक्त गर्ने भएको छ । सत्तारूढ कांग्रेस, माओवादी केन्द्र र राप्रपाको भागबन्डाका आधारमा राजदूत नियुक्ति हुन लागेको हो । माओवादी र राप्रपाले टुंगो लगाइसकेका छन् भने कांग्रेसबाट बिहीबारसम्म टुंगो लाग्ने भएको छ । ‘अब चाँडै राजदूतहरूको नियुक्ति हुन्छ, यो साता निर्णय हुनेछ,’ परराष्ट्रमन्त्री डा. प्रकाशशरण महतले  भने । बिहीबार बस्ने मन्त्रिपरिषद् बैठकबाट राजदूत नियुक्तिका लागि सिफारिस गर्ने सरकारको तयारी छ । लगत्तै शुक्रबार परराष्ट्रमन्त्री महत बेल्जियम र लक्जेम्वर्ग भ्रमणमा जाने तय भएको छ । गत १९ साउनमा पुष्पकमल दाहाल प्रचण्ड नेतृत्वमा सरकार गठन भएयता भारतमा दीपकुमार उपाध्याय र चीनमा लीलामणि पौड्याल राजदूत नियुक्त भएका छन् । राजनीतिक स्रोतका अनुसार कांग्रेस कोटाबाट ६, माओवादीबाट चार र राप्रपाबाट तीनजना राजदूत हुनेछन् । माओवादीले केपी ओली नेतृत्वको सरकारका पालामा सिफारिस गरेका चारजनालाई नै निरन्तरता दिने प्रधानमन्त्रीनिकट स्रोतले जानकारी दिएको छ । माओवादी केन्द्रबाट अघिल्लो सरकारका पालामा डा। महेन्द्रबहादुर सिंह (कतार), लक्की शेर्पा (अस्ट्रेलिया), युवनाथ लम्साल (डेनमार्क), पदम सुन्दास (बहराइन) सिफारिस गरिएका थिए । यसपटक पनि यी देश दोहोरिन सक्ने सम्भावना रहेको बुझिएको छ । प्रधानमन्त्रीका परराष्ट्र मामिला सल्लाहकार डा। ऋषि अधिकारीले चाँडै राजदूत नियुक्तिका लागि प्रधानमन्त्री आफैँले अग्रसरता देखाइरहेको जानकारी दिए । ‘मलाई व्यक्तिबारे विस्तृतमा जानकारी छैन, तर प्रधानमन्त्रीले अग्रसरता देखाइरहनुभएको छ, सायद यसै साता टुंगिएला,’ अधिकारीले  भने । कांग्रेस कोटामा जापान, दक्षिण कोरिया, श्रीलंका, इजरायल, साउदी अरब पर्ने लगभग निश्चित भएको छ । यसबाहेक कांग्रेसको कोटामा थप दुई देशका लागि राजदूत हुनेछन् । यसपटक कांग्रेसबाट डा। जगदीशचन्द्र पोखरेल, डा. दिनेश भट्टराई, डा. विश्वम्भर प्याकुरेल, दिव्यमणि राजभण्डारीको नाम तय भएको छ । पोखरेल र भट्टराई क्रमशः कांग्रेस नेता रामचन्द्र पौडेल र डा. शशांक कोइरालाको सिफारिसमा परेको स्रोतले बतायो । सभापति देउवाको कोटाबाट राजभण्डारी र अर्थशास्त्री डा। प्याकुरेलको नाम तय भएको छ । बाँकी दुईजनाको अझै तय हुन बाँकी छ । यीमध्ये उपप्रधानमन्त्री एवं गृहमन्त्री विमलेन्द्र निधिको कोटाबाट एकजना सिफारिस गर्ने सभापति देउवाको तयारी छ । खाली रहेकामध्ये ओमन र बहराइनमा राजदूत पठाउने निर्णय तत्कालीन सुशील कोइराला नेतृत्वको सरकारले गरेको थियो । त्यहाँ पहिलोपटक राजदूत जाँदै छन् । राप्रपाको कोटाबाट नेता निरञ्जन थापा, प्रतिभा राणा र खगेन्द्र बस्नेत राजदूत हुने लगभग तय भएको पार्टी स्रोतले बतायो । यसैबीच, स्पेन वा पोर्चुगलमध्ये एउटा देशमा दूतावास राख्नेबारे छलफल भए पनि टुंगिन बाँकी रहेको परराष्ट्र स्रोतले बताएको छ । माओवादीले पोर्चुगल र कांग्रेसले स्पेनमा दूतावास खोल्नुपर्ने धारणा राख्दै आएका छन् आजको नयाँ पत्रिका दैनिकमा समाचार छ । राजदूत नियुक्त हुने देश श्रीलंकाजापानइजरायलसाउदी अरबकतारअस्ट्रेलियाडेनमार्कबहराइनम्यानमारबंगलादेशदक्षिण कोरियायुएईओमन

दुव्र्यसनी हटाउन प्रहरीको बिद्यालय स्तरीय सचेतनामुलक कार्यक्रम

पप्पु गुरुङ्, २५ माघ, दोधारा चाँदनी । ईलाका प्रहरी कार्यालय दोधारा चाँदनीले लागु औषध विरुद्धको बिद्यालय स्तरिय सचेतनामुलक कार्यक्रम संचालन गरिरहेको छ । विद्यार्थीहरुलाई बढि लागु पदार्थ दुव्र्यसनीको प्रभाव पर्ने भएकाले विद्यालयमा अभियान लिएर गएको ईलाका प्रहरी कार्यालय दोधारा चाँदनीका प्रहरी निरीक्षक बीरदत्त पन्तले बताए । पहिलो चरणमा दोधारा चाँदनी क्षेत्रमा सो अभियान थालिएको छ । प्रहरी निरीक्षक पन्तले दोधारा चाँदनीमा लागु औषधमा प्राय: जसो बिद्यार्थी संलग्नता देखिएकोले त्यसलाई नियन्त्रण गर्न विद्यालय–विद्यालयमा अभियान थालिएको बताए । ईलाका प्रहरी कार्यालय दोधारा चाँदनीको आयोजना र दोधारा चाँदनी नगरपालिका कार्यालयको सहयोगमा जुवा तास एवंम लागु औषधको कुलतमा नपरौ, समाजमा घट्ने अपराधिक घट्नाहरुको रोकथाममा सबैले हातेमालो गरी सभ्य समाजको निर्माण गरौ भन्ने मुल नाराका साथ दोधारा चाँदनीको अधिकांश बिद्यालयमा पुगेर जनचेतना फेलाउने कार्य गर्ने प्रहरीले जनाएको छ् । अभियानको क्रममा हिजो दोधारा चाँदनी नगरपालिका वडा नं. ८ स्थित रहेको श्री अम्बिका उच्च माबिमा गएर प्रहरीले बिद्यार्थीहरु संग छलफल तथा अन्र्तक्रिया गरेको छ् । कक्षा ११ र १२ अध्ययनरत  अन्दाजी ८५ जना बिधार्थीहरु र सो बिधालय का शिक्षकहरुको सहभागितामा कार्यक्रमको सुरुमा सहभागीहरुले जनगुनासा, जिज्ञासा तथा अपेक्षाहरु राखेका थिए । सोही जिज्ञासाहरु माथि प्रकाश पार्दै प्रहरी निरिक्षक बीरदत्त पन्तले समाजमा हुने विभिन्न हिसात्मका घटनाको प्रमख कारण जुवातास, मादक पदार्थ तथा लागु औषध रहेको र दशै तिहारको बेला झन यस्ता कार्यहरुले प्रशय पाउने भएकाले यस्ता असमाजिक क्रियाकलापमा सहभागी नहुन आग्रह गरेका छन् । जुवा तास, मादक पदार्थ एवंम लागु औषध जस्ता असमाजिक कार्यहरुले व्यक्तिगत स्वास्थ्य तथा समाजमा पर्ने असरहरुको बारेमा बताउदै निरिक्षक पनतले यस बिरुद्धको अभियानमा सबैले हातेमालो गर्नु जरुरी रहेको बताएका छन् । यस अघि जनज्योती माबिमा प्रहरीले लागु औषध विरुद्धको  बिद्यालय स्तरिय सचेतनामुलक कार्यक्रमको सुरुवात गरेको हो ।

भारतमा आयो ठूलो भूकम्प, नेपालको धनगढी सम्म हल्लियो

काठमाडौं, २४ माघ । भारतमा ठूलो भूकम्प गएको छ । भारतको भूकम्पले नेपालसम्म ठूलो धक्का महशुस भएको छ । टाइम्स अफ इन्डियाका अनुसार उत्तरखण्डलाई केन्द्र बनाएर ५ दशमलब ८ रेक्टर स्केलको भूकम्प गएको हो । भारतको उत्तरखण्ड स्थित पिपलकोटीमा भूकम्पको केन्द्र विन्दु बनेको हो । क्षतिको विवरण आउँन सकेको छैन । भूकम्पको धक्काले नेपालसम्म हल्लाएको छ ।<o:p></o:p>

<o:p> </o:p>

प्रेमिकामाथि एसिड प्रहार,उपचारको क्रममा मृत्यु

काठमाडौं,माघ २४ ।  रुपन्देहीमा तेजाब प्रहार गरी एक युवतीको हत्या गरिएको छ । आइतबार राति बुटवल उपमहानगरपालिका–६ स्थित मेरिडियन होटलको कोठा नं १०३ मा बास बस्न गएका धादिङ नौबिसेका २८ वर्षीय सुनिल कोइरालाले नवलपरासी गैँडाकोट–५ की २७ वर्षीया तुल्सा सापकोटालाई तेजाब प्रहार गरेको अभियोग प्रहरीले लगाएको छ ।  राति पौने १२ बजेतिर होटलमा बास बस्न गएका ती युवक र युवती मदिरा सेवन गरी सुतेको र सुतेको केही समयपछि झगडा हुँदा युवकले तेजाब प्रहार गरेको प्रहरीले बताएको छ ।  तेजाब प्रहार गर्दा गम्भीर घाइते भएकी सापकोटाको बुटवलस्थित लुम्बिनी अञ्चल अस्पतालमा उपचार हुन नसकी भैरहवास्थित युनिभर्सल कलेज अफ मेडिकल साइन्सेज शिक्षण अस्पतालमा उपचारका क्रममा आज अपराह्न मृत्यु भएको हो । सापकोटाको शव भैरहवास्थित भीम अस्पतालमा राखिएको छ । अभियुक्त कोइराला भने प्रहरी नियन्त्रणमा रहेको रुपन्देही प्रहरीले जनाएको छ । रुपन्देहीका प्रहरी प्रमुख प्रहरी उपरीक्षक रवीन्द्र धानुकका अनुसार योजनाबद्ध तरिकाले कोइरालाले सापकोटालाई तेजाब प्रहार गरेको प्रारम्भिक अनुसन्धानले देखाएको छ । रासस

जापान सहित विभिन्न देशका १६ शहरमा नेपाली वस्तुहरुको छुट्टै प्रदर्शनी तथा विक्री

काठमाडौं । काठमाडौं महानगरपालिकाको भगिनी सम्वन्ध स्थापना भएका शहरहरुमा नेपाली वस्तुहरुको विक्री प्रवद्र्धन गर्ने उद्धेश्यले विक्री प्रवद्र्धन कक्ष संचालनमा ल्याइने भएको छ । महानगरपालिकाको भगिनी सम्वन्ध स्थापना भएका अमेरिका, जापान, चीन, भारत, म्यान्मार, कोरिया लगाएत मुलुकका १६ वटा शहरहरुमा नेपाली वस्तुहरुको छुट्टै प्रदर्शनी तथा विक्री कक्ष संचालन गर्ने बिषयमा आइतबार उद्योग मन्त्रालय र काठमाडौं महानगरपालिका बीच सहमति भएको हो । त्यस अवसरमा उद्योग मन्त्री नवीन्द्रराज जोशीले राष्ट्रिय स्वार्थमा एक अर्का संस्थाहरुको सहयोगलाई समन्वयात्मक रुपमा अगाडि बढाउने उद्धेश्यका साथ उद्योग मन्त्रालयले यस प्रकारको कार्यलाई अगाडी बढाएको बताउनु भयो । कार्यक्रममा काठमाडौं महानगरपालिकाका कार्यकारी प्रमुख रुद्र सिं तामाङ्गले अहिले काठमाडौं महानगरपालिकाको विश्वका १६ वटा शहरहरुसंग भगिनी सम्वन्ध कायम रहेको र निकट भविश्यमानै थप २० वटा शहरहरुसँग भगिनी सम्वन्ध कायम हुने र विक्री कक्ष सञ्चालनले नेपालको उद्यमशीलता विकासमा सघाउ पुग्ने बताउनु भयो ।

जन्मन नपाउँदै बच्चा चोर्ने महिला बच्चा सहित पक्राउ

वीरगञ्ज । वीरगन्ज स्थित नारायणी उपक्षेत्रीय अस्पतालबाट चोरी भएको शिशुको ४८ घण्टा पछि प्रहरीले सकुशल उद्धार गर्नुका साथै चोरीमा संलग्न महिलालाई पक्राउ गरेको छ । जिल्ला प्रहरी कार्यालय पर्साले स्थानीय २२ बर्षिया लालसा देवी साहलाई बच्चा सहित आज दिउँसो पक्राउ गरि सार्वजनिक गरेको छ । बिहे गरेको ५ वर्ष सम्म बच्चा नभएको कारण नवजात शिशुलाई अफुले गत शुक्रबार अस्पतालबाट चोरेर लगेको बयान बच्चाको अपहरणमा संलग्न लालसादेवि साहले दिएको प्रहरीले जनाएको छ ।   छोरो जन्माएर सुत्केरी खान माइत आएको भनिएकी लालसादेवीले अर्कैको बच्चा चोरेर माईती घर पुगेपछि पर्सा प्रहरीले बच्चा सहित महिलालाई पक्राउ गरेको पत्रकार सम्मेलनमा मध्यक्षेत्र प्रहरी कार्यालय हेटौडाका प्रहरी नायव महानिरिक्षक पशुपति उपाध्यायले बताउनु भयो ।   प्रहरीले बच्चा आफन्तलाई जिम्मा लगाएको छ । अहिले बच्चाको नारायणी उपक्षेत्रिय अस्पतालको सघन उपचार कक्षमा राखि उपचार भईरहेको र बच्चाको स्थिति सामान्य रहेको पत्रकार सम्मेलनमा अस्पतालका बाल रोग विशेषज्ञ डा।शैलेश ठाकुरले बताउनु भयो ।

भरियाले पोल खोलपछि पक्राउ परे ३३ किलो सुन काण्डमा वरिष्ठ प्रहरी उपरीक्षक खत्री

काठमाडौं । त्रिभुवन अन्तराष्ट्रिय विमानस्थलबाट साढे ३३ किलो सुन भन्सार छलेर भित्र्याइएको घटनामा नेपाल प्रहरीका वरिष्ठ प्रहरी उपरीक्षक श्याम खत्री पक्राउ परेका छन् । खत्रीलाई केन्द्रीय अनुसनधान ब्यूराको टोलीले प्रहरी प्रधान कार्यालयबाट पक्राउ गरेको हो ।सुनकाण्डमा पक्राउ परेकाको बयानका आधारमा तस्करीमा खत्रीको संलग्नता देखिएपछि उहालाई पक्राउ गरिएको ब्यूरोले जनाएको छ । विमानस्थलमा कार्यरत खत्रीलाई सुनकाण्डपछि प्रहरी प्रधान कार्यालय सरुवा गरिएको थियो ।      विमानस्थलको जाँच छलेर गौशाला पु¥याएको अवस्थामा ब्यूरोको टोलीले सुनसहित गत पुस २१ गते तीन जनालाई पक्राउ गरेको थियो । सुनसहित मोरङका दिलबन्धु थापा, जनकपुरका सन्तोष काफ्ले र बाँकेका गोपालबहादुर शाही पक्राउ परेका थिए । अनुसन्धानकै क्रममा भन्सारका कर्मचारी श्रीनारायण यादव र राज भन्ने राजकुमार ढकाललाई समेत यसअघि प्रहरीले पक्राउ गरिसकेको छ ।

बिम्स्टेकको सत्रौँ संयुक्त कार्यदलको बैठक काठमाण्डौमा शुरु

काठमाडौं । बहुक्षेत्रीय प्राविधिक तथा आर्थिक सहयोगका लागि बङ्गाल खाडीका राष्ट्रहरुको प्रयास बिम्स्टेकको सत्रौँ संयुक्त कार्यदलको बैठक हिजोदेखि काठमाण्डौमा शुरु भएको छ । बिम्स्टेकको अध्यक्ष नेपालले आयोजना गरेको बैठक अन्तर्गत आज उच्च पदाधिकारीहरूको सत्रौँ तयारी बैठक हुनेछ भने भोली सदस्य देशका विदेश मन्त्रालयका सचिवहरुको सत्रौँ बैठक हुने छ । बिम्स्टेकले क्षेत्रीय गरिबी निवारण, व्यापार तथा लगानी, यातायात र सञ्चार, ऊर्जा, पर्यटन, प्रविधि, कृषि, वातावरण तथा विपद् व्यवस्थापन, जनस्वास्थ्य, सदस्य देशका जनता–जनताबीचको सम्पर्क विस्तार, प्रतिआतङ्कवाद र अन्तरदेशीय अपराध नियन्त्रण तथा जलवायु परिवर्तनलाई आपसी सहयोगका प्राथमिकताका क्षेत्रमा राखेको छ । दक्षिण तथा दक्षिण पूर्वी एसियाली मुलुकहरूको उपक्षेत्रीय सङ्गठन बिम्स्टेकमा नेपाल, बङ्गलादेश, भारत, म्यान्मा, थाइल्यान्ड र श्रीलङ्का सदस्य छन् ।

माछा मार्न गएका एक वालकको वगेर मृत्यु

जुम्ला । जिल्लाको कालिकाखेतु गाविसमा माछा मार्न गएका एक वालकको नदिमा वगेर मृत्यु भएको छ ।कालिकाखेतु ५ का १३ वर्षिया निरज शाहीको सोमवार विहान ७ वजे वगेर मृत्यु भएको जिल्ला प्रहरी कार्यालय जूम्लाले जनाएको छ ।विहान माछा मार्न गएका शाहीको ७ वजे नै वगेर मृत्यु भएको प्रहरी नायव उपरिक्षक गुरु विष्णु काफ्लेले जानकारी दिनु भयो ।हिमानदि स्थित चोरगौडा भन्ने स्थानमा उनी वगेका थिए ।

पर्वतमा रोकिरहेको गाडीमा आगलागी

पर्वत । पर्वत सदरमुकाम कुश्मा बजारमा रोकेर राखिएको वसमा आगालागी भएको छ ।सदरमुकाम कुश्मा स्थित जिरो किलोमिटरमा रोकेर राखिएको वसमा गएराती आगालागी हुँदा वस जलेर नष्ट भएको छ ।आगालागीवाट ध १ ख ५१४ नम्बरको वसमा आगो लागेको प्रहरीले जनाएको छ ।राती ११ वजेतिर आगो लागेको खबर गरेपछि पुगेको प्रहरी र स्थानीयले आगो नियन्त्रणमा लिएपनि वस भने जलेर पुरै नष्ट भएको छ ।स्थानीय रुटमा चल्ने वसमा के कारणले आगो लागेको थियो भन्ने कुरा यकिन हुन सकेको छैन ।स्थानीय सुवास पौडेलले बस भित्रको वारिङ सट भएर आगो लागेको बताउनुभयो तर यथार्थ कुरा के हो भनेर प्रहरीले अनुसन्धान गर्ने प्रहरी नायव उपरिक्षक शेखर खनालले जानकारी दिनुभयो ।पर्वत सदरमुकाममा कुश्मामा एकमहिना अगाडी पनि वसपार्कमा रोकिएको गाडीमा आगो लागेको थियो ।

थोत्रा गाडी नहटाउन धर्ममा नाममा संघ खोलेका अगुवा समेत लागे

काठमाडौं । प्रदुशण र अस्तव्यस्तताको पहिलो कारण बनेको २० बर्ष पुराना थोत्रा गाडी हटाउने सरकारको स्वागतयोग्य निर्णयको बिरोध गरिरहेको राष्ट्रिय लोकतान्त्रिक ट्रेड युनियन महासंघलाई हिन्दुका नाममा खोलका संगठनमा अगुवाले समेत साथ दिएको पाइएको छ । यही फागुन १७ गतेदेखि २० वर्ष पुराना यातायातका साधनहरूमाथि प्रतिबन्ध लगाउने सरकारको निर्णयको बिरोध गरिरहेको लोकतान्त्रिकका नाममा अलोकतान्त्रिक माग गरिरहेको संगठनलाई हिन्दु सेना नेपाल, हिन्दु जागरण यूवासंघ जस्ता धार्मिक संगठनले समेत साथ दिएका छन् । धर्मको नाममा संगठन खोलेर व्यापारिका गलत मागमा साथ दिएका यि संस्था संगै स्वरोगजार यातायात संघ पनि थोत्रा गाडी काठमाडौंबाट हटाउन नहुने पक्षमा देखिएको छ । नेपाल मातृभूमि पार्टी नाममा अस्तित्वमै नदेखिएको दलका अध्यक्ष बताउने ओमप्रकाश विश्वकर्माले सरकारले गरेको निर्णय मजदुरको गाँस खोस्ने खालको भएको आरोप लगाए । त्यस्तै नेपाल शिवसेना पार्टीका अध्यक्ष माधवप्रसाद भण्डारीले सरकारले पुराना गाडी विस्थापित् गरेर नयाँ गाडी खरिद गर्ने कार्यमा कमिशन कुम्ल्याउनेतिर लागेको आरोप लगाए पनि उनले थोत्रा गाडीले पारेको असरबारे चुक्क बोलेनन् । कार्यक्रममा नेपाल यातायात महिला चालक समुहकी अध्यक्ष मिनाचन्द ठकुरीले पनि २० बर्ष पुराना भएपनि थोत्रा गाडि हटाउन नहुने माग गरिन् ।

भारतलाई खुसीपार्न देउवा संविधान संशोधनमा दुई तिहाई जुटाउन आफैं कस्सिए

काठमाडौं । आलोपालो प्रधानमन्त्रीको सौदाबाजीमा सरकारमा गएको नेपाली काँग्रेसका सभापती शेरबहादुर देउवा भारतलाई खुशी पारेर भावी प्रधानमन्त्री बन्नकै लागि विवादास्पद संविधान संशोधनमा दुई तिहाइ पुर्याउन लागि परेका छन् । सत्ता साझेदार नेपाली कांग्रेस र मधेसी मोर्चाबीच संविधान संशोधन विधेयक कसरी पारित गराउने भन्नेबारे छलफल भएको छ । कांग्रेस सभापति शेरबहादुर देउवाले आइतबार दिउँसो मधेसी मोर्चाका नेताहरुलाई बुढानीलकण्ठमा बोलाएर संशोधनको पक्षमा दुई तिहाइ पुर्याउन मोर्चा र काँग्रेसले अन्य दलहरुलाई फकाउने सहमती गरेका छन् । बैठकमा संविधान संशोधन विधेयकबारे छलफल भएको भारत निकट कांग्रेस नेता कृष्ण सिटौलाले जानकारी दिए । देउवाले एक समय संविधान संशोधन विधेयकमा एमालेले पनि भोट हाल्ने र दुई तिहाईले पास हुने दाबी गर्ने गरेपनि अहिले त्यो भन्न छाडेका छन् । संविधान संशोधन नहुने अवस्था देखेपछि देउवा जसरी पनि पारित गराउन लागि परेका छन् । आइतबारको बैठकमा उनले दुई तिहाई पुर्‍याउन सरकारसँग दलहरु लाग्नु पर्ने प्रस्ताव गरेका थिए । संविधान संशोधन प्रस्ताव पारित गराउन काँग्रेसले पहल नगरेको मधेशी मोर्चाका नेताहरुले भनेपछि पहल गर्ने प्रतिवद्धता कांग्रेसले जनाएको सदभावना पार्टीका सहअध्यक्ष लक्ष्मण लालकर्णले जानकारी दिए । मधेसी मोर्चाका नेताहरुले सरकार निर्माणमा सहयोग गरेपनि विभिन्न नियुक्तिहरुमा मधेशी मोर्चाका आसेपासेलाई बेवास्ता गरिएको गुनासो पनि गरेका थिए ।बैठकमा भारत केन्द्रित राजनीति गरेर मधेशी मोर्चाको नाममा तराईमा राजनीति गर्दै आइरहेका नेताहरुले मधेश आन्दोलनका नाममा भएको हिंसात्मक प्रदर्शनमा मारिएका भारतीय र झुण्डिएर मेरका भनिएका व्यक्तिलाई अझैसम्म शहिद घोषणा नगरेको गुनासो मसेत गरेका थिए । जवाफमा काँग्रेसले यसमा सरकारसँग समन्वय गरेर निर्णय गराउने आश्वासन दिएका थिए ।

१३ देशका लागि राजदूत नियुक्तिको तयारी, कुन देशका लागि को ?

दुव्र्यसनी हटाउन प्रहरीको बिद्यालय स्तरीय सचेतनामुलक कार्यक्रम

भारतमा आयो ठूलो भूकम्प, नेपालको धनगढी सम्म हल्लियो

प्रेमिकामाथि एसिड प्रहार,उपचारको क्रममा मृत्यु

जापान सहित विभिन्न देशका १६ शहरमा नेपाली वस्तुहरुको छुट्टै प्रदर्शनी तथा विक्री

जन्मन नपाउँदै बच्चा चोर्ने महिला बच्चा सहित पक्राउ

भरियाले पोल खोलपछि पक्राउ परे ३३ किलो सुन काण्डमा वरिष्ठ प्रहरी उपरीक्षक खत्री

बिम्स्टेकको सत्रौँ संयुक्त कार्यदलको बैठक काठमाण्डौमा शुरु

माछा मार्न गएका एक वालकको वगेर मृत्यु

पर्वतमा रोकिरहेको गाडीमा आगलागी

थोत्रा गाडी नहटाउन धर्ममा नाममा संघ खोलेका अगुवा समेत लागे

भारतलाई खुसीपार्न देउवा संविधान संशोधनमा दुई तिहाई जुटाउन आफैं कस्सिए

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता