भरियाले पोल खोलपछि पक्राउ परे ३३ किलो सुन काण्डमा वरिष्ठ प्रहरी उपरीक्षक खत्री

<p>काठमाडौं ।<br>त्रिभुवन अन्तराष्ट्रिय विमानस्थलबाट साढे ३३ किलो सुन भन्सार छलेर भित्र्याइएको घटनामा नेपाल प्रहरीका वरिष्ठ प्रहरी उपरीक्षक श्याम खत्री पक्राउ परेका छन् ।<br><br>खत्रीलाई केन्द्रीय अनुसनधान ब्यूराको टोलीले प्रहरी प्रधान कार्यालयबाट पक्राउ गरेको हो ।</p><p>सुनकाण्डमा पक्राउ परेकाको बयानका आधारमा तस्करीमा खत्रीको संलग्नता देखिएपछि उहालाई पक्राउ गरिएको ब्यूरोले जनाएको छ ।<br><br>विमानस्थलमा कार्यरत खत्रीलाई सुनकाण्डपछि प्रहरी प्रधान कार्यालय सरुवा गरिएको थियो । &nbsp;&nbsp; &nbsp;<br><br>विमानस्थलको जाँच छलेर गौशाला पु¥याएको अवस्थामा ब्यूरोको टोलीले सुनसहित गत पुस २१ गते तीन जनालाई पक्राउ गरेको थियो । <br><br>सुनसहित मोरङका दिलबन्धु थापा, जनकपुरका सन्तोष काफ्ले र बाँकेका गोपालबहादुर शाही पक्राउ परेका थिए । <br><br>अनुसन्धानकै क्रममा भन्सारका कर्मचारी श्रीनारायण यादव र राज भन्ने राजकुमार ढकाललाई समेत यसअघि प्रहरीले पक्राउ गरिसकेको छ ।<br><br><br><br></p>