23.7¡ÆC
<p>१८ जेठ, काठमाडौं ।<br><br>नेपालको साहसिक पर्यटन 'पर्वतारोहण' बारे पुस्तकका माध्यमबाट विश्वभर प्रचार गर्दै आएकी चिनियाँ विख्यात आरोही वाङ जिङको दोस्रो कृति ‘साइलेन्स अफ द समिट’ सार्वजनिक भएको छ ।<br><br>सर्वोच्च शिखर सगरमाथाको तीनपटक सफल आरोहण गरेकी लेखिका वाङको पुस्तकमा सगरमाथासहित सात महादेशका अग्ला हिमालको अवस्था र आरोहण भोगाइबारे उजागर गर्नुभएको छ ।<br><br>प्रधानमन्त्री केपी शर्मा ओलीले आरोही वाङ्को उक्त पुस्तकको प्रधानमन्त्री निवास बालुवाटारमा सार्वजनिक गर्नुभयो ।<br>त्यस अवसरमा प्रधानमन्त्री ओलीले पछिल्लो पुस्तकले नेपालको पर्वतीय पर्यटनलाई विश्वमा प्रवद्र्धन गर्नुका साथै नेपाल र चीनबीचको मैत्रीपूर्ण सम्बन्धलाई थप उचाइमा पु¥याउन मद्दत पुग्ने बताउनुभयो ।<br><br>नेपालका लागि चिनीयाँ राजदूत वु छुन्ताईले चीन र नेपालको कूटनीतिक सम्बन्धलाई थप प्रगाढ तुल्याउन आरोही वाङको पुस्तक सान्दर्भिक हुने बताउनुभयो ।<br><br></p>
हुम्लामा पहिलो सांस्कृतिक महोत्सव
<p>१८ जेठ, काठमाडौं ।<br>हुम्ला सदरमुकाम सिमकोटमा पहिलोपटक ‘हुम्ला सांस्कृतिक महोत्सव’को आयोजना गरिएको छ । <br><br>सञ्जीवनी कला केन्द्र र हुम्ला जिल्ला विकास समितिको संयुक्त आयोजनामा हिजो र आज भएको महोत्सवमा जिल्लाका २७ गाउँ विकास समितिले भाग लिएका छन् ।<br> <br>महोत्सवमा पुराना सांस्कृतिक झाँकी, महाकाल, ढाल तरबार, देउडा गीत, छुटके नाच, लोक गीत, नृत्य गरी ३७ टोलीले भाग लिएको जिल्ला विकास समिति हुम्लाले जनाएको छ । <br><br><br></p>
नेपाली फुटवल टिम लाओससँग बराबरीमै रोकियो
<p>१८ जेठ, काठमाडौं ।<br>नेपाल र लाओसबिच भएको अन्तराष्ट्रिय मैत्रीपूर्ण फुटबल खेल १-१ गोलको बराबरीमा सम्पन्न भएको छ ।<br><br>लाओसको भियान्तियान स्थित राष्ट्रिय रङ्गशालामा आईतबार साँझ भएको खेलमा नेपालले ७६ औँ मिनेटमा विशाल राईको गोल मार्फत अग्रता लिएको थियो ।<br><br>तर त्यसको दुई मिनेट पनि नबित्दै लाओसले बराबरी गोल फर्काएको थियो ।<br><br>नेपाली राष्ट्रिय फुटबल टिम मंगलबार काठमाडौँ फर्कदैँ छ ।<br><br>ए यफ सी अण्डर १४ फुटबल महोत्सव सोमबार सम्पन्न भएको छ ।<br><br>तजिकिस्तानको दुशान्वेमा भएको महोत्सवमा नेपालले किर्गीस्तन र अफ्गानिस्तानलाई पराजित गरेको थियो भने ईरान, ताजिकिस्तान र भारत संग पराजित भएको थियो ।<br><br></p>
नेपाली चेली भारतमा गाडी भित्रै भारतीयबाट सामुहिक बलात्कृत
<p><span style="line-height: 1.42857143;">१८ </span><span style="line-height: 1.42857143;">जेठ, </span><span style="line-height: 1.42857143;">एजेन्सी</span><span style="line-height: 1.42857143;"> </span><span style="line-height: 1.42857143;"> ।</span></p><p><span style="line-height: 1.42857143;">तीन वर्षदेखि कोलकातामा बसिरहेकी एक नेपाली युवती कोलकोत्तामा गाडीभित्र सामुहिक बलत्कारको शिकार भएकी छिन् ।</span></p><p><span style="line-height: 1.42857143;">आइतबार राति त्यहाँको साल्ट लेक एरियाबाट राति ११ बजे उबर क्याब (ट्याक्सी) चढेर कफी सप जान निस्किेकी नेपाली युवती बलात्कृत भएकी हुन् । सेक्टर भिको कलेज मोर नजिकै उनी झरिन् तर कहाँबाट जाने हो अलमलमा परिन् ।</span></p><p><span style="line-height: 1.42857143;">नजिकै एक युवक उभिएका थिए। उनले सहयोग मागिन्।</span><span style="line-height: 1.42857143;">केटाले आफूलाई त्यो पसल कहाँ हो थाहा नभएको तर साथीहरुलाई बोलाएर बताउन सक्ने जवाफ दिए ।</span></p><p><span style="line-height: 1.42857143;">प्रहरीलाई ती नेपाली युवतीले दिएको बयानलाई उद्धृँत गर्दै इन्डियन एक्सप्रेस र इन्डिया टुडेले जनाए अनुसार त्यसपछि त्यो युवकले कसैलाई फोन गरेर बोलाए ।</span><br></p><p><span style="line-height: 1.42857143;">एकैछिनमा एसयुभी चढेर तीन जना केटाहरु बए। उनीहरुले कफी पसलसम्म जान लिफ्ट दिने बताए। </span><span style="line-height: 1.42857143;">युवती र फोन गर्ने युवक चढ्ने बित्तिकै गाडी हुँइकियो ।</span></p><p><span style="line-height: 1.42857143;">गुडिरहेको कारमा उनीहरुले सामूहिक बलात्कार गरे र साल्ट लेकको वैशाखी मोरमा पुर्यातएर सोमबार बिहान ३ बजेतिर गाडीबाट फ्याँकिदिए। </span><span style="line-height: 1.42857143;">एक अर्कै ट्याक्सी ड्राइभरले उनलाई देखेपछि नजिकैको विधाननगर नर्थ पुलिस स्टेसनमा पुर्योइदिए । त्यहाँ उनले उजुरी दर्ता गराइन् ।</span></p><p><span style="line-height: 1.42857143;"><br></span><span style="line-height: 1.42857143;">पत्रिकाका अनुसार अहिले प्रहरी सिसिटिभी क्यामेरा फुटेज हेर्दै गाडी पहिचान गर्ने कोशिश गरिरहेको छ। नेपाली युवतीलाई विधाननगर सब डिभिजन अस्पतालमा भर्ती गरिएको छ। चिकित्सकहरुले बलात्कार भएको पुष्टि गरेका छन् । </span></p>
जापानी पत्रकारले भने मलाई मद्दत गर्नु , यो मेरो अन्तिम अवसर हो
<p>१८ जेठ, एजेन्सी ।<br>सिरियामा बेपत्ता भएका जापानी पत्रकार मलाई मद्दत गर्नु , यो मेरो अन्तिम अवसर हो लेखिएको बिल्ला भिराइएर अपहरणकारीबाट सार्वजनिक भएका छन् ।<br><br>समाचार अनुसार अतिवादी ईश्लामिक समुह अल काइदासंग सम्बन्धित समूह जिहादी अल नुर्सले उनलाई गत जुलाईदेखी बन्धक बनाएर राखेका छन् ।<br><br>पत्रकार जुम्पी यासुडा सिरियाको बसिरियामा अपहरित भइ हाल बेपत्ता छन् । यसअघि अपहरित व्यक्तिबारे स्पष्ट हुन नसकेको बताएको जापान सरकारले अपहरित यासुडा जापानी नागरिक भएको पुष्टि गरेको छ ।<br><br>अतिवादीहरुले उनलाई अपहरणपछि कहाँ राखेको र मागका सम्वन्धमा खुलाएका छैनन् । जापान सरकारले भने बन्धक भएका यासुडाको मद्दतका लागी सबै प्रयास गरिने बताएको छ ।<br><br>जापानका पररष्ट्र मन्त्री फुमिओ किसिडाले सोमबार तस्विरमा देखिएका व्यक्ति यासुडा नै भएको भन्दै मन्त्रिपरिषदमा उनलाई छुटाउन र उनका बारेमा जानकारीहरु संकलन गर्न थालिएको बताएको छ ।<br><br>पछिल्लो समय द्धन्द्धग्रस्त मुलुकहरु इराक, सिरिया, अफगानिस्तान लगायतका देशमा पत्रकारहरुको असुरक्षा बढ्दै गइरहेको छ ।<br>अतिवादी समुह ईश्लामिक स्टेटले गत बर्ष एक अमेरिकी पत्रकार सहित केहीको विभत्स हत्या गरेको फोटो र भिडियो सार्वजनिक गरेको थियो भने सो उनिहरुको पकड रहेको क्षेत्रमा न्युनतम मानव अधिकार समेत हनन भइरहेको संयुक्त राष्टसंघले बताउँदै आएको छ ।<br></p>
अन्तत:कांग्रेसको अडानमा झुक्यो सरकार,कांग्रेसले सदन अवरोध नगर्ने
<p><span style="line-height: 1.42857143;">काठमाडौं,जेठ १८ । प्रमुख विपक्षी दल नेपाली कांग्रेसले बजेटबारे छलफल गर्न सोमवार बोलाइएको बैठक चार पटकसम्म अबरोध गरेपछि कांग्रेसको माग सम्बोधन गर्न सरकार तयार भएको छ । ब्यवस्थापिका संसदमा बजेट पेश गर्नुअघि नै सार्वजनिक भएको बारेमा अर्थमन्त्री विष्णु पौडेलले स्पष्टिकरण दिने भएका छन् ।</span><span style="line-height: 1.42857143;">बजेटबारे छलफल गर्न सोमवार बोलाइएको बैठक कांग्रेसको कारण सञ्चालन हुन सकेन् । अर्थमन्त्रीले संसदमा बजेट प्रस्तुत गर्नु अघि नै सूचना चुहिएको भन्दै कांग्रेसले पटक पटक संसद अवरुद्ध परेको थियो । </span></p><p>प्रधानमन्त्री केपी ओलीले भने बजेट सार्बजनिक नहुँदै यसअघि पनि पत्रपत्रिकामा आउने गरेको दाबी गर्दै छानबिन गर्न इन्कार गरेका थिए । तर कांग्रेसले सदन चल्न नदिने देखिएपछि सत्तारुढ दलहरुको मंगलबार विहान बसेको बैठकले छानविन गर्न समिति बनाउने निर्णय गरेका हुन् । <span style="line-height: 1.42857143;">बालुवाटारमा बिहान बसेको सत्तारुढ दलहरूको बैठकले विपक्षी दलको मागअनुसार छानिवन समिति बनाउने निर्णय भएको बैठकपछि राप्रपा नेपालका मुख्य सचेतक दिलनाथ गिरीले जानकारी दिए । संसद वैठक आज बोलाईएको छ । </span></p><p><br></p>
सेनाको गोलबारुद राख्ने डिपोमा बिस्फोट,१८ जना सैनिकको मृत्यु
<p><span style="line-height: 1.42857143;">मुम्बई,जेठ १८ । भारतको महाराष्ट्रस्थित पुलगाउँमा रहेको सेन्ट्रल एम्युनिसन डिपोमा आगलागी हुँदा २ सैनिक अधिकारीसहित १८ जनाको मृत्यु भएको छ । बिस्फोटपछि आगलागी हुँदा धेरै क्षति भएको समाचार संस्था पिटिआईले जनाएको छ । घटनामा सेनाका दुई उच्च अधिकारी र १७ जना जवान घाइते भएका छन् । </span><span style="line-height: 1.42857143;">आगलागीपछि छेउमा रहेका ६–७ गाउँ खाली गराइएको छ भने १ हजारभन्दा बढीलाई सुरक्षित स्थानमा सारिएको छ । आगलागी शुरु भएको स्थानमा भने आगलागी नियन्त्रण गरिसकिएको बताइएको छ । घटनाको छानबिन गर्न विशेष टोली गठन गरिएको छ । </span></p>
स्नातक तह द्धितीय बर्षको परीक्षा तालिका सार्वजनिक (तालिका सहित)
<p><span style="line-height: 1.42857143;">काठमाडौं,जेठ १८ । त्रिभुवन विश्वविद्यालय, परिक्ष नियन्त्रण कार्यलय बल्खुले २०७३ सालमा सञ्चालन गर्ने स्नातक तह दोस्रो बर्षको परीक्षातालिका सार्वजनिक गरेको छ । मानविकी, व्यवस्थापन, विज्ञान,कानुन र शिक्षाशास्त्र संकायको नियमित तथा प्रईभेट परीक्षादिने विद्यार्थीहरुको परीक्षातालिका सार्वजनिक गरेको छ । </span><span style="line-height: 1.42857143;">परीक्षा बिहान ७ देखि १० र दिउसो १ बजे देखि ४ बजे सम्म संचालन हुने परीक्षा नियत्रण कार्यलय बल्खुले जनाएको छ । साथै परीक्ष फर्म भर्न छुटेका विद्यार्थीहरु लाई जेष्ठ २६ र २७ गते दुई दिन समय दिएको छ ।</span></p>
भक्तपुरमा मोटरसाईकल दुर्घटनामा एकको मृत्यु, दुई घाईते
<p>१८ जेठ, भक्तपुर । <br>काठमाण्डौबाट ठिमी तर्फ आउँदै गरेको बा. ७४ प. ५२४८ नम्बरको मोटरसाईकल कौशलटारमा दुर्घटना हुँदा एकजनाको मृत्यु भएको छ भने दुई जना घाईते भएका छन् ।<br><br>दुर्घटनामा मोटरसाईकल चालक मध्यपुरथिमि नगरपालिका ९ बस्ने वर्ष २७ का सुरेन्द्र श्रेष्ठको मृत्यु भएको महानगरीय प्रहरी बृत्त थिमिका प्रमुख एवं प्रहरी नायब उपरीक्षक प्रविण श्रेष्ठले जानकारी दिनुभयो ।<br><br>गएराती तिब्र गतिमा आएको तीन जना सवार मोटरसाईकल ६ लेन सडकको डिभाईडरमा ठक्कर खाएर दुर्घटना भएको थियो ।<br><br>मोटरसाईकलमा सवार रहेका मध्यपुरथिमि नगरपालिका ८ बस्ने वर्ष २७ का संजय श्रेष्ठ र सोही नगरपालिका ९ वस्ने वर्ष २७ का मुकेश श्रेष्ठको भने नागरिक अस्पतालमा उपचार भईरहेको प्रहरीले जानकारी दिएको छ ।<br><br></p>
पर्वतमा छतबाट खसेर एकको मृत्यु
<p>१८ जेठ, पर्वत ।<br>सल्यान जिल्ला घर भई पर्वत सदरमुकाम कुश्माबजारमा मजदुरी गर्दै आएका एक व्यक्तिको छतबाट खसेर मृत्यु भएको छ ।<br><br>सल्यानको काग खोला ९ का ५५ बर्षिय लिलाधर खड्काको छतको छतबाट खसेर मृत्यु भएको हो ।<br><br>मंगलबार विहान करिव ६ बजेको समयमा खड्काको छतबाट खसेर मृत्यु भएको जिल्ला प्रहरी कार्यालय पर्वतले जनाएको छ । कुश्मा नगरपालिका ९ वडागाउँ स्थित लामिछाने होटलको छतबाट खसेर खड्काको मृत्यु भएको हो ।<br><br>मृतक खड्काको सव सडकमा घोप्टो परेको अवस्थामा भेटिएको र पोष्मार्टमका लागि जिल्ला अस्पताल पर्वतमा पठाइएको प्रहरी निरिक्षक दिपक पातलीले जानकारी दिए । <br><br></p>
खुकुरी प्रहार गरि दाहालको हत्या
<p>१८ जेठ, चरिकोट ।<br>पानीको विषयमा विवाद हुदा दोलखा मिर्गे गाविस वडा नम्बर ५ चिलाउने खर्कका ५४ बर्षिय केशव दाहालको हत्या भएको छ ।</p><p>छिमेकी ५२ बर्षिय अम्बरबहादुर तमाङले खुकुरी प्रहार गरी केशवको हत्या गरेको जिल्ला प्रहरी कार्यालय दोलखाका प्रहरी निरीक्षक ललनकुमार कुर्मीले जानकारी दिनु भयो । </p><p>घट्नामा मृतक केशवको श्रीमती सिता दहाल घाईते भएको प्रहरीले जनाएको छ । ढाडमा खुकुरी प्रहारबाट चोटलागेको सितालाई उपचारको लागि सदरमुकाम चरिकोट ल्याईएको प्रहरी निरीक्षक कुर्मीले बताउनु भयो । </p><p>प्रारम्भीक घट्ना विवरण अनुसार केहि समय अघि देखि केशव र छिमेकी अम्बरबहादुर बीच पानीको विषयमा विवाद भएको थियो ।</p><p>आज विहान ६ः ३० बजे तिर मादक पदार्थ सेवन गरी आएका अम्बरबहादुरले घरमा गहु केलाउदै गरेकी आफ्नी श्रीमती शेषमाला तमाङसंग झगडा गरेका थिए । लगतै छिमेकी तल्लो घरका केशव र सिता दहाललाई खुकुरी प्रहार गरेको स्थानियले बताएका छन् ।</p><p>खुकरी प्रहारबाट टाउको र गर्दनमा चोट लागेको केशवको घट्ना स्थलमै मृत्यु भएको थियो ।<br>घट्नाबारे बिस्तृत अध्यन भै रहेको र अभियुक्त अम्बरबहादुर फरार रहेकोले खोजि भै रहेको प्रहरी निरीक्षक कुर्मीले जानकारी दिनु भयो ।<br></p>
सिमलटारी फ्रेन्ड्स क्लवको नेतृत्वमा एम्बुलेन्स सञ्चालनको तयारी
<p><span style="line-height: 1.42857143;">सिमलटारी,जेठ १८ । व्यवसायिकरणको बाटोमा लम्किरहेको गुल्मी जिल्लास्थित मर्भुङ गाविसको सिमलटारीलाई आधार बनाएर एम्बुलेन्स संचालन गर्न पहल थालिएको छ । सडक यातायातको पहुँच पुगेपनि स्तरीय स्वास्थ्य संस्था तथा एम्बुलेन्सको अभावमा यहाँका बासिन्दा आकस्मिक उपचारबाट बन्चित छन् । एम्बुलेन्स खरीद गर्न अहिले यूवाहरु आर्थिक सहयोग जुटाउने अभियानमा छन् । </span><br></p><p><span style="line-height: 1.42857143;">सिमलटारी फ्रेन्ड्स क्लवले यस अभियानको नेतृत्व गरिरहेको छ । क्लवले एम्बुलेन्स संचालन गर्ने अभियानमा सहयोग गर्न सरोकारवाला सबैमा आग्रह गरेको छ । ‘हामी मानिसलाई अकाल मृत्युबाट जोगाउने अभियानमा छौं’, सिमलटारी ढावका स्थानीय यूवा (हाल कोरिया) भोजेन्द्र थापाले भने, ‘यस कार्यमा सबैको सहयोगको अपेक्षा गरेका छौं ।’ </span><br></p><p><span style="line-height: 1.42857143;">सिमलटारी गुल्मी जिल्ला क्षेत्र नम्बर तीनको केन्द्र हो । यहाँ आकस्मिक उपचारको व्यवस्था छैन । सिमलटारीलाई केन्द्र बनाएर एम्बुलेन्स सञ्चालन गर्दा मर्भुङ, सिर्सेनी, घमिर, अर्जे, अर्खाबाङ, महभिर, धुर्कोटलगायत एक दर्जन गाविस प्रत्यक्ष लाभान्वित हुनेछन् । एम्बुलेन्स खरिदका लागि आर्थिक सहयोग गर्न चाहाने दाताहरुले साइन रेसुङ्गा विकास बैंकमा खोलिएको खाता नम्बर ०१४ ००४ ००१ ००४ ५३० ००००१ मा रकम जम्मा गर्न सक्ने क्लबको भनाई छ । </span><br></p><p><span style="line-height: 1.42857143;">तमघास_सिमलटारी_पूकोटदह सडक पिच आयोजना चलिरहेको सिमलटारीमा पछिल्लो समय सुस्त गतिमा भएपनि व्यवसायक गतिविधि प्रारम्भ भइसकेका छन् । निकै लामो समयदेखि सडक यातायातले जोडिएपनि अदुरदर्शी स्थानिय राजनैतिक नेतृत्वका कारण सिमलटारीले अझै पनि विकासको गति समाउन सकेको छैन ।</span><br></p><p><br></p><p>-अच्युत पुरीको ब्लगवाट</p><p><br></p><p><br></p>