<p>टोकियो ।<br>जापान सरकारले बिदेशी नागरिकलाई एक बर्षमै पिआर दिने भएको छ ।<br><br>एक बर्षमै पिआर पाउनको लागि भने जापान सरकारले उच्च दक्ष कामदार हुनुपर्ने बताएको छ ।<br><br>जापानी अधिकारीहरुलाई उदृत गर्दै जापानी सञ्चार माध्यमहरुले उल्लेख गरे अनुसार उच्च दक्ष विदेशीलाई पिआरमा सरलता सहितको कानुन निर्माण अघि बढेको छ । जस अनुसार घरेलु कामदारको रुपमा समेत जापान आउने बाटो खुलेको छ ।<br><br>जापान सरकारले उच्च दक्ष विदेशीहरुलाई दिइदै आएको स्थायी बसोबास अनुमति ९पिआर० प्रक्रियालाई सहज बनाउने भन्दै यसअघि कम्तिमा ५ बर्षमा मात्र दिइंदै आएको पिआर लाई एक बर्षमा झार्ने भएको हो ।<br><br>जापानी अधिकारीहरुका अनुसार आर्थिक क्षेत्रमा दक्ष र विशेषज्ञता हाँसिल गरेका, प्राविधिक दक्ष कामदारलाई जापान आउन सहज हुनेगरि नयाँ नियम आउने भएको छ ।<br><br>मंगलबार जापान न्याय मन्त्रालयले उच्चस्तरका दक्ष जनशक्तिहरुलाई पहिलो प्राथमिकतामा राखेको भन्दै विश्वभरका दक्ष जनशक्तिको लागि जापानको यात्रा सहज बनाउने बताएको छ ।<br><br>आगामी मार्चसम्ममा नयाँ पिआर सम्बन्धी निर्देशिका बन्ने र यसमा बढीमा तीन बर्षमा त्यस्ता जनशक्तिले पिआर पाउने न्याय मन्त्रालयले प्रष्ट पारेको छ ।<br><br>अमेरिकाले बिदेशी नागरिकको लागि नयाँ कडा नियम लागु गर्ने तथा भएका बिदेशी नागरिकलाई समेत न्यून गर्ने खवरहरु सार्वजनिक भइरहँदा विश्वकै तेस्रो आर्थिक शक्तिको रुपमा रहेको जापानले भने आफ्नो देश आउन चाहने विदेशीको लागि सहज नियम बनाउन लागि परेको छ ।<br><br>यसरी पिआर पाउन आवेदन दिएकाहरुको वार्षिक आम्दानी, भाषा, शिक्षा लगायतका आधार बनाइने भएको छ ।<br><br>जापानको तल्लो सदनले समेत केयरगिभर क्षेत्रमा काम गर्ने विदेशी कामदारलाई वर्किङ भिसा दिने गरी नयाँ अध्यागमन संशोधन नीति पारित गरिसकेको छ ।<br><br>यो नीति पारित भएसँगै न्यून तलब पाउने केयर गिभर, घरेलु कामदार, कृषि लगायतका क्षेत्रमा समेत अब बिदेशीले वर्किङ भिसा लिएर कानुनी रुपमा जापान आउने बाटो खुलेको छ ।<br><br>जापान न्याय मन्त्रालयले पिआर पाएकाहरुले आफ्नो परिवार सहित काम गर्ने कामदार समेत ल्याउन पाउनेगरि नयाँ नीति ल्याउने बताएपनि पिआर पाउने व्यक्तिका परिवार समेत प्रत्यक्ष रुपमा लाभान्वित हुने देखिएको छ ।<br><br></p>

<p>काठमाडौं ।<br>नेपाल रेडक्रक सोसाइटीलाई जापान सरकारले चारवटा एम्बुलेन्स सहयोग गरेको छ ।<br><br>बुधबार नेपाल रेडक्रस सोसाइटी केन्द्रीय कार्यालयमा नेपालका लागि जापानका राजदूत मासासी ओगाआले नेपाल रेडक्रस सोसाइटीका अध्यक्ष संजीव थापामार्फत चारवटा एम्बुलेन्स हस्तान्तरण गरेका हुन् ।</p><p>नेपाल रेडक्रस मार्फत चारवटा एम्बुलेन्स गुल्मी, प्युठान, मोरङ र उदयपुर जिल्लाको लागि दिइने भएको छ ।<br><br>करिव ७४ लाख रुपैयाँ पर्ने ति एम्बुलेन्स गुणस्तरिय र सुविधा सम्पन्न रहेको छ ।<br><br>कार्यक्रममा बोल्दै नेपालका लागि जापानी राजदूत मासासीले नेपालका ग्रामीण समुदायका मानिसहरुलाई स्वास्थ्य सेवा प्राप्त गर्न सहयोग गरिएको एम्बुलेन्सले सघाउने विश्वास व्यक्त गरे ।<br><img src="https://topnepalnews.comuploads/posts/41c4c34f4ce5b878aac1af2b19c8fcc71479363672.jpg" style="width: 726.078px; height: 424.7px;"><br>नेपाल रेडक्रस सोसाइटीका अध्यक्ष संजीव थापाले नेपाल रेडक्रससँग तीन दशक अगाडिदेखि खानेपानी, सरसफाई लगायत मानवीय सेवा कार्यमा जापान सरकारले सहकार्य र सहयो गर्दै आएको भन्दै जापान सरकार, जापनीज रेडक्रस र जापानी जनताबाट निरन्तर सहयोग पाइरहेकोमा धन्यवाद व्यक्त गरे ।<br><br>कार्यक्रममा स्वागत गर्दै नेपाल रेडक्रस सोसाइटीका महामन्त्री देवरत्न धाख्वाले नेपाल रेडक्रस सोसाइटीलाई जापान सरकार र जापानी रेडक्रसले गर्दै आएको सहयोगको लागि धन्यवाद व्यक्त गर्दै सहयोग र सहकार्य पाइरहने विश्वास व्यक्त गरे ।<br></p>