<p>टोकियो ।<br>नेपालको कुनै क्षेत्रको आधारमा गठन गरिएको मध्ये सबैभन्दा ठूलो गल्कोट समाज जापानले राजधानी टोकियो सहित ओसाका र नागोयामा भव्य सांस्कृतिक कार्यक्रम गर्ने भएको छ ।<br><br>पूर्व घोषणा अनुसार तीन ठाउँमा सांस्कृतिक कार्यक्रम गर्न लागिएको संस्थाले बताएको छ । डिसेम्बर ३१ मा नागोयाबाट सुरु सांस्कृतिक कार्यक्रम जनवरी १ ओसाका र जनवरी २ को टोकियोमा गरिने भएको संस्थाका अध्यक्ष नरबहादुर थापाले बताउनुभयो ।<br><br>कार्यक्रमको लागि तयारी तिब्र पारिएको भन्दै कार्यक्रममा नेपालबाट लोकप्रिय कलाकारहरु ल्याउने तयारी भइरहेको समेत बताइएको छ ।<br><br>गल्कोट समाज जापानले सांगीतिक कार्यक्रमबाट संकलित रकमलाई भूकम्प प्रभावित तथा बिकट क्षेत्रमा ७ कोठे बिद्यालय भवन बनाउन खर्च गर्ने बताएको छ । साथै बाँकी रकमबाट गल्कोट क्षेत्रको पर्यटन प्रवर्द्दनका लागि खर्च गरिने भएको छ ।<br><br>गत वर्ष अयोजना गरिएको सांगीतिक कार्यक्रमबाट संकलित रकमलाई समाजले गल्कोट क्षेत्रका सम्पूर्ण गाबिसका प्राथमिक स्वास्थकेन्द्र तथा स्वास्थ चौकिहरुमा स्वास्थ उपकरण वितरण तथा निशुल्क बृहत स्वास्थ शिबिर सम्पन्न गरेको बताएको छ ।<br><br>गल्कोट समाजले जापानमा कार्यक्रम गरेर उठेको रकम र सहयोग संकलनबाटै गल्कोटमा एम्बुलेन्स समेत सहयोग गरिसकेको छ ।<br><br></p>

<p>टोकियो ।<br><b><a target="_blank" href="https://topnepalnews.comjapan/4777">तीन महिनाअघि असोज २ गते निधन</a></b> भएका नेपाली विद्यार्थी शिवराज रोकामगरको यही २० नोभेम्बर आइतबारका दिन दाहसंस्कार गरिने भएको छ ।<br><br>अध्ययनका लागि जापान आएका मगरको उपचारका क्रममा निधन भएको थियो । सुतेको कोठामै अचेत अवस्थामा भेटेपछि अस्पताल भर्ना गरिएका शिवराजको उपचाको क्रममा निधन भएको थियो ।<br><br>मृत्युपछि उनको शव नेपाल पठाउन परिवारबाट आग्रह गरिएपछि संकलन गरिएको रकमबाट पछि शव भन्दा पैसा पठाउन भन्दै परिवारका सदस्यबाट अनुरोध आएपछि शव सदगद गर्ने विषय रोकिएको थियो ।<br><br>हालैमात्र दिवंगत भएका शिवराजको शव जापानमै सदगद गर्न परिवारबाट अनुमतीपत्र जापानस्थित नेपाली दुतावास प्राप्त भएपछि यही २० नोभेम्बरÞ आइतबार दाहसंस्कार गरिने भएको छ ।<br><br>शिवराजको दाहसंस्कार दिनको ठीक २ः३० बजे कामोइची ३–चोमे सिन्जुकु, टोकियो १६–१००३४ मा दाहसंस्कार हुने जनाइएको छ ।<br><br>यो स्थान ताकादानाबाबा स्टेसनबाट २ स्टेशनमा रहेको छ ।</p><p>यस्तो छ शिवराजको दाहसंस्कार गर्न परिवारबाट प्राप्त पत्र<br><br><img src="https://topnepalnews.comuploads/posts/f8ade7fe5acdf651454652586719b52b1479474394.jpg" style="width: 603.22px; height: 755.133px;"><br><br></p><h3><a target="_blank" href="https://topnepalnews.comjapan/4777">जापानमा नेपाली विद्यार्थीको निधन </a></h3><p><br></p>

<p>टोकियो ।<br>अनुहारमा मासुको डल्ला पलाउनुका साथै शरिरका विभिन्न भागमा ट्युमरका कारण मासु पलाएपछि समस्यामा परेका ललितपुर जिल्लाका अशोक श्रेष्ठको उपचारको लागि जापानमा अभियान सुरु गरिएको छ ।<br><br>अमेरिकामा मात्र यसको उपचार संभव भएको तथा उपचारको लागि करिव ४० लाख नेपाली रुपैयाँ लाग्नेभएपछि अपुग रहेको करिव ५ लाख रुपैयाँ सहयोगको लागि नेवास् अन्तर्राष्ट्रिय फोरम जापानले आर्थिक संकलन अभियान सुरु गरेको हो ।<br><br>ललितपुर धोवीघाटका अशोक श्रेष्ठको उपचारार्थ विभिन्न देशमा रहेका नेपालीहरुको पहलमा करिव ३४ लाख नेपाली रुपैयाँ संकलन भइसकेको बताइएको छ ।<br><br>जापानमा नेवास् अन्तर्राष्ट्रिय फोरम जापानको नेतृत्वमा जापानवासी नेपालीहरुसँग सहयोग संलकन थालिएको हो ।<br><br>समाचार अनुसार ३४ हजार डलर संकलन गरिसकेका अशोकको लागि ६ हजार डलर अपुग रहेको छ ।</p><p>स्नाकोत्तर तहसम्म अध्ययन गरिसकेका अशोक विज्ञानका शिक्षक समेत थिए ।<br><img src="https://topnepalnews.comuploads/posts/ffff327a26bfa28f2a3c6f52abc076441479468416.jpg" style="width: 717.775px; height: 430.833px;"><br><br>तर उनले हाल शरिरमा ट्युमरकै कारण पलाएको मासुका कारण दैनिक जिवनमा समस्या झेल्नुका साथै रोजगारी समेत नपाइरहेकाले एक नेपालीको उपचार र भविष्यको लागि सहयोग गर्न नेवास् अन्तर्राष्ट्रिय फोरम जापानले अनुरोध गरेको छ ।<br><br>अशोक श्रेष्ठलाइ उपचारको निम्ति जापानमा आर्थिक संकल अभियान संचालन गर्ने नेवास् अन्तर्राष्ट्रिय फोरम जापानको जापान पोष्ट बैक १०१७०(८९१९१८०१ नेवास् कोक्साई फोरम जापान९ ネワコクサイフォーラムジャパン० मार्फत सहयोग गर्न अपिल गरेको छ।<br><img src="https://topnepalnews.comuploads/posts/a51e2f80e184e0d2e0af20248f719fd81479468434.jpg" style="width: 665px; height: 386.682px;"><br>आफ्नो बारेमा आर्थिक सहयोगको बारेमा अशोकले यस्तो भनेका छन् ।</p><p>विभिन्न काम तथा पढाईको सिलसिलामा जापानमा बस्दै आउनु हुने समस्त नेपाली दाजुभाई, दिदीबहिनिहरुमा मेरो नमस्कार । सर्बप्रथम समस्त नेपाली दाजुभाई, दिदीबहिनिहरुमा सुस्वास्थ्य र सफलताको लागि प्रथना गर्दछु ।<br><br>मेरो उपचारका लागि विभिन्न देशमा नेपाली दाजुभाई, दिदीबहिनिहरुबाट आर्थिक सहयोग अभियानबाट सहयोग जुटिरहेको जानकारी गराउन चाहन्छु । अमेरिकाको सिकागो स्थित सेन्ट जोसेफ अस्पतालमा डा। म्याकिननसँग सन् २०१४ देखि निरन्तर सम्पर्क रहेको र डा म्याकिननले मेरो थ्रीडि सिटि स्कान सहित मेरो सम्पुर्ण मेडिकल अध्ययन गर्नु भएको छ । सोही अनुसार हस्पिटलले इस्टिमेट गरेको अनुसार अप्रेसनको लागि ३५,००० डलर र अन्य खर्च गरि कूल ४०,००० डलर लागत अनुमान गरि मैले आर्थिक सहयोग लागि आव्हान गरिएको थिए र सोही अनुसार आर्थिक सहयोग जुट्न थालेको र हालसम्म ३४,००० डलर उठेको छ ।<br><br>अनुमानित रकमको केहि हजार डलर अझै अपुग छ, त्यो रकम पुगेपछि अमेरिका भिसाको लागि प्रोसेस गर्नेछु । भिसाको लागि रकम मेरो आफ्नै खातामा देखाउनु पर्ने भएकोले संकलित सबै रकम मेरो एकाउन्टमा ट्रान्सफर गर्न अनुरोध गरेको छु र सो रकम क्रमश मेरो बैक खातामा जम्मा हुन थालेको छ ।<br><br>यसै क्रममा जापानमा बस्नु हुने नेपाली दाजुभाई, दिदीबहिनिहरु पनि आर्थिक सहयोगका लागि इच्छुक हुनुहुन्छ भन्ने खबर पाँए, अत्यन्तै खुशी लाग्यो । जापानमा बसोबास गर्दै आऊनुभएको शिव तण्डुकारले मलाई प्रयत्क्ष सम्पर्क राख्नुभएको थियो । उहाँ आवद्ध संस्था नेवा: अन्तर्राष्ट्रिय फोरम, जापानको अगुवाईमा आर्थिक सहयोग संकलन गरे हुन्छ भनेर सोध्नुभएको थियो । यदि स्वईच्छाले दिनुहुन्छ भने हुन्छ भनेको छु ।<br><br>सहयोग गर्न चाहनुहुने जापानवासी दाजुभाई, दिदीबहिनिहरु तथा जापानी एवंम विदेशी सहयोगीहरुलाई मेरो बारे केही छोटो जानकारी गराउन चाहन्छु ।<br><br>मेरो विस्तृत जानकारी भिडियो तथा राष्ट्रिय अन्तर्राष्ट्रिय अन्तर्वार्ताबाट अवगत भएको हुनुपर्छ । तथापि छोटो जानकारी दिन चाहन्छु । मेरो नाम अशोक श्रेष्ठ हो र म हाल ललितपुर धोबिघाटमा डेरामा बस्दै आएको छु । मैले पब्लिक युथ, क्षेत्रपाटिमा मास्टरसम्म पढेको हु । मैले करिब १० बर्ष दैनिक ज्यालादारी एकाउन्टेन्ट र १० बर्ष कम्प्युटर ट्रेनरको रुपमा काम गरेको थिए ।<br><br>म सिंगल अविबाहित हु । मेरो मातापिताको देहान्त पछि मेरो विकराल स्थिति आयो (विस्तृत जानकारिका कृपया भिडियो हेर्नू होला)। <iframe src="https://www.youtube.com/embed/UdVG1LOHzzM" allowfullscreen="" width="660" frameborder="0" height="415"></iframe>
<br><br>मेरो बाल्यकालमा कुनै ट्युमर थिएन । म तपार्इहरु झै सामान्य थिए । मेरो कलेज लाइफसम्म पनि आजको जस्तो विकराल स्थिती थिएन । तर कलेज लाइफसम्म आँखा ढाकी सकेको थियो । हालको भन्दा ४० प्रतिशत भन्दा कम होला । मेरो बायाँ आँखा पनि हाल -७.५ भिजन कमजोर रहेको छ । चश्मा लगाउन नमिल्ने (नअड्ने)हुनाले कन्टाक्ट लेन्स लगाउदै आएको छु ।

<iframe src="https://www.youtube.com/embed/7W0pIyVsAPM" allowfullscreen="" width="660" frameborder="0" height="415"></iframe>

तर कन्टाक्ट लेन्समा नजिकको पढ्न लेख्न समस्या ।<br><br>मैले नेपालमा वेलायत डाक्टर र भारतमा गरि चारपल्ट अप्रेसन गरि सकेको छु । मुल समस्या भनेको मेरो अनुहारको बिकराल ट्युमरका कारण खानपिन, बोलिमा समस्या हुनु र समाजिक हैरानी हुनु, जागिर नपाउनु हो । यिनै सबैको कारण मैले इन्टरनेट मार्फत अमेरिकामा डाक्टर म्याककिननसँग सम्पर्क भएको हो । डाक्टर म्याककिननका अनुसार मेरो यो अप्रेसन जटिल रहने र मेरो दायाँ कन्चटको सम्पूर्ण गिलो मासु निकाली रिकन्ट्रक्सन गर्नुपर्ने हुन्छ। मेरो यो अप्रेसन ३-४ पटकसम्म लाग्न सक्ने छ। यो ३५,००० पहिलो ठूलो अपरेसनको लागि अनुमानित गरेको रकम हो<br><br>मैले अहिले पहिलो अपरेसनको लागि सबैसित अनुरोध गरेको हु । पहिलो अपरेसन गराउन सकेमा र सफल भएमा थप अरुको लागि के गर्ने म तपाईंहरु को सल्लाह ले गर्नेछु । मेरो यहाँहरु सबैसित बिनम्र अनुरोध छ कि कृपया आफुलाई समस्या नपर्ने गरि स्वेच्छाले चाहनु हुनेहरुले मात्र सहयोग गर्नु होला । आफुलाई समस्या पर्ने गरि कृपया नगर्नु होला, यसबाट मलाई पीडा महसुस हुन्छ ।<br><br>अन्तमा जापान स्थित नेपाली दाजुभाई, दिदिबहिनिहरुमा र समस्त सहयोगिहरुमा हृदय देखि धन्यवादर न्यानो अभिबादन । मैले यथास्थिति छोटकरीमा म र मेरो समस्या उल्लेख गरि जानकारी गराएको छु । विस्तृत जानकारी, बैंक एकाउन्ट, इमेल र सम्पर्क नम्बरको लागि मेरो फेसबुक पेज हेर्नू होला । विस्तृत जानकारीको लागि मेरो भिडियो र अन्तरबार्ताको लिंक यसै साथ राखेको छु ।<br><br>साथै तपाइहरुलाई कुनै थप जानकारी वा जिज्ञासा भएमा मेरो मोबाइल वा इमेलमा सम्पर्क राख्नु हुन विनम्र अनुरोध गर्दछु ।<br><br></p>
<iframe src="https://www.youtube.com/embed/CAeqKp6ZvC4" allowfullscreen="" width="660" frameborder="0" height="415"></iframe>