नोभेम्वर २७ मा टोकियोमा ‘जात्रा’ देखाईदै

<p>टोकियो ।<br>नेपालमा सफल प्रदर्शन र व्यापक चर्चा पाइरहेको चलचित्र जात्रा जापानमा पनि प्रदर्शन हुने भएको छ ।<br><br>सनराईज कर्पोरेसन् र बाराकाडेले हांस्य चलचित्र भनिएको जात्रालाई जापानमा प्रदर्शन गर्ने भएको छ ।<br><br>प्रदिप भट्टराईद्वारा निर्देशित चलचित्र जात्रामा विपिन कार्की, रविन्द्र सिंह बाँनिया, बर्षा राउत र रविन्द्र झाको अभिनय रहेको छ ।<br><br>संभावना बोकेका निर्देशक र अभिनयमा उत्कृष्ठ मानिएका कलाकारले भरिएको चलचित्रले नेपालमा १ करोड रुपैयाँको ब्यापार गरिसकेको निर्माण पक्षले बताएको छ ।<br><br>चलचित्र जात्रा मल्टिप्लेक्स सहित देशभरका चलचित्र घरहरुमा प्रदर्शन भइरहेको छ ।<br><br>जापानमा बाराकाडे रेष्टुरेन्ट स्थित ‘बाराकाडे गुड टाईम्स हल’ मा समेत चलचित्र नियमीत प्रदर्शन गरिने भएको आयोजकले बताएको छ ।<br><br>चलचित्र जात्राको आधिकारिक वर्ल्ड वाईड विक्रेता हाईलाइटस् नेपालले गरेको छ ।<br><br>जापानमा २७ नोभेम्बर २०१६ आईतवार र ४ डिसेम्वर २०१६ आईतवारका दिन दुईपटक प्रदर्शन गरिने भएको छ । <br><br>साँझ ६ बजे प्रदर्शन गरिन लागिएको चलचित्रको टिकट २ हजार येन तोकिएको छ ।<br><br></p>