<p>टोकियो ।<br>जापानमा अध्ययनको लागि आएका नेपाली युवतीहरुमाथि यौन शोषण हुने गरेको गम्भिर तथ्य सार्वजनिक भएको छ ।<br><br>जापानको ओकिनावा टाईम्सले यस्तो कुराको पुष्टि गर्दै महत्वका साथ समाचार छापेपछि घटना बाहिर आएको हो ।<br><br>जापानको अन्य ठाउँमा समेत यस्ता घटना हुने गरेको नेपालीहरुबिच बेला बेलामा चर्चा भएपनि ओकिनावामा अध्ययनरत नेपाली विद्यार्थीहरुमाथि भने यौन शोषणसम्मको घटना भइरहेको <b><a target="_blank" href="http://www.okinawatimes.co.jp/articles/-/74425">ओकिनावा टाइम्स</a></b>ले आफ्नो एक बर्षको अध्ययनले देखाएको समाचार लेखेको छ ।<br><br>ओकिनावाबाट प्रकाशित हुने अन्य स्थानिय पत्रिकाले समेत नेपाली विद्यार्थीहरुको आवश्यक कागजपत्र हडपेर राख्ने गरेको समाचार बाहिर आए लगतै <b><a target="_blank" href="http://www.okinawatimes.co.jp/search?fulltext=%E3%83%8D%E3%83%91%E3%83%BC%E3%83%AB">यस्ता समाचारहरु प्रकाशित </a></b>गरेका छन् ।<br><br>आवासिय अनुमतिपत्र जाईरियो कार्ड एवं विमा कार्ड होकेनस्यो विद्यार्थीलाई नदिइ विद्यालयहरुले नै राख्नेगरेको रहस्य सार्वजनिक हुन नपाउँदै नेपाली महिला विद्यार्थीमाथि यौन शोषणको डरलाग्दो खवर बाहिरिएको हो ।<br><br>ओकिनावाका पत्रिकाहरुले लेखे अनुसार नेपाली कन्सल्टेन्सी तथा शैक्षिक परामर्सदाताहरुकै कारण विद्यालयहरुले त्यस्ता महत्वपूर्ण कागज विद्यार्थीलाई नदिए राख्ने गरेका हुन् ।<br><br>विद्यार्थीहरु विभिन्न बहानामा भाग्ने गरेकाले आफुहरुले नेपाली परमर्शदाता तथा एजेन्टहरुले नै भनेकाले राखेको विद्यालय प्रशासनले बताएको समाचारमा उल्लेख छ ।<br><br>जापानको दक्षिणी क्षेत्रमा पर्ने ओकिनावा टापुमा करिव दुई हजार नेपाली विद्यार्थी अध्ययन गर्दै आएका छन् । नेपाली पक्ष वा अन्य कुनै ठाउँबाट पुष्टि गर्न नसकिएपनि जापानी पत्रिकाले आफ्नो अध्ययनले भन्दै यस क्षेत्रमा रहेका अधिकाशं नेपाली युवतिहरु विभिन्न खाले यौन शोषणमा पर्ने गरेको लेखेको छ । उसले यसमध्ये कयौं बाध्यतावश यौन सम्पर्कसम्मको यौन शोषणमा परिररहेको जनाएको छ ।<br><br>पत्रिकाले नेपाली युवतीहरु यौन शोषणमा पर्नुपर्ने बाध्यताको कारण समेत लेख्दै कमजोर भाषा, जसरी पनि पैसा कमाउनुपर्ने बाध्यता र लक्ष्य रहेको जनाएको छ ।<br><br>विद्यार्थीको रुपमा आएर अध्ययनका लागि भन्दा पैसा कमाउनकै लागि लक्ष्य राख्दा जस्तो सुकै सम्झौता गर्दा उनिहरु शोषणमा पर्ने गरेको समाचारमा लेखिएको छ ।<br><br>पत्रिकाले जापान अध्ययनका लागि आउने युवतीहरुले थोरै पैसा बोकेर आउने, भाषामा अत्यन्त कमजोर, सहयोग गर्ने व्यक्ति नहुँदा यौन शोषणलाई स्विकार्दै आएको लेखेको छ ।<br><br>विद्यालयले महत्वपूर्ण कागजात नदिंदा, काम गर्ने ठाउँ खोज्न समस्या, कामदार कम्पनीले अरुको तुलनामा न्युन ज्याला दिने, काम दिएपनि परिश्रम र दवाव बढि पर्ने गरेको उल्लेख गर्दै पत्रिकाले यस्ता समस्या झेल्न नसकेर अधिकाशं विद्यार्थीहरु ओकिनावाबाट अन्यत्र शहरमा जाने गरेको समेत बताएको छ ।<br><br>२८ घण्टा भन्दा बढी समय काममा लगाउन नपाउने भएपनि सो भन्दा बढी समय लगाएर कम ज्याला दिएर नेपाली विद्यार्थीहरुमाथि शोषण भइरहेको भन्दै पत्रिकाले उनिहरुले तल्लो स्तरको मानिएको खेतीपाती, माछा मासु काट्ने, तरकारी काट्ने देखि केहीले अवैध मानिएको डान्स बार तथा यौन क्रियाकलाप सम्म हुने त्यस्ता खाले ठाउँमा काम गर्नुपरिरहेको दावीका साथ <b><a target="_blank" href="http://ryukyushimpo.jp/news/entry-407401.html">समाचार लेखेको </a></b>छ ।<br><br>यस्ता समाचार बाहिरिएसँगै जापानमा रहेका नेपाली समुदायबाट घटनाबारे चिन्ता र चासो व्यक्त गरिएका छन् ।<br>तर जापानमा रहेका नेपालीहरुको साझा अभिभावक मानिने नेपाली राजदूतावास जापान र ठूलो संस्थाको रुपमा चिनिएको एनआरएन जापान लगायत संघसंस्थाहरुले केही बोलेको छैनन् ।<br><br>यस्ता घटनाका समाचार तथा विवरणहरु जापानमा रहेका क्रियाशिल परिचित केही व्यक्ति तथा समाचारमार्फत जापान सहित नेपालमा समेत पुग्दा जापानमा अध्ययनका लागि आएका आफ्ना किशोरी छोरी तथा छोराहरुबारे चिन्ता र चासो व्यक्त गर्ने क्रम बढेको पाइएको छ ।<br></p>

<p>टोकियो ।<br>स्वरले नै लोकप्रिय बनेका एक गायक हुन् विपुल क्षेत्री । स्वरले यस अर्थमा गित भन्दा म्युजिक भिडियोमा बढी मेहनत र लगानी खर्चेर चल्तीका बनिरहेका गायक भन्दा फरक छन् उनि अर्थात् विपुल ।<br><br>युट्युवमा मात्र उनलाई सब्सक्राइब गर्नेको संख्या ७८ हजार नाघिसकेको छ । राम साईलि, असार, सिन्डिकेट जस्ता गितलाई युट्युवमा दशौं लाख पटक सुनिसकिएको छ ।<br><br>त्यसो त उनको लोकप्रियता दाँज्ने र जाँच्ने यि नै एकमात्र आधार भने होइनन् । विना कुनै म्यूजिक भिडियो, केवल दुई एल्बम (इस्केचेज अफ दार्जिलिगं २०१४, मायाँ २०१६), त्यसमाथि विल्कुल फरक धारको नेपाली गित संगित ।<br><br>यसैको जगमा टेकेर सबै उमेर समुहको रोजाईमा पर्न सक्नु उनको वास्तविक संगितको कला हो । यस कारण लोकप्रिय छ विपुल क्षेत्री एन्ड ट्राभलिङ ब्यान्ड ।<br><br>विश्वविख्यात विश्वविद्यालयमा सांगितिक अध्ययन गरेका बिपुलको अगाडी पश्चिमा र भारतीय संगित क्षेत्रको कमाई र लोकप्रियताको अवसर बग्रेल्ति थिए र छन् ।</p><p>तर पनि मनै नेपाली तनै नेपाली भएपछि सबै फिक्का हुँदो रहेछ बिपुल भन्छन्-'हिन्दी र अंग्रेजी भाषामा काम गर्न अहिलेसम्म रुचि जागेको छैन, म नेपाली हुँ र नेपाली संगीत नै मेरा निम्ति प्रिय छ, अबको मेरो जीवन नेपाली संगीतमै समर्पित रहनेछ ।'<br><br><img src="https://topnepalnews.comuploads/posts/e92d5257638bc1387fd9891b7504fd221481173110.jpg" style="width: 691px; height: 388.688px;"><br><br>बसाईले भारत भएपनि विगुलकै शब्दमा भन्ने हो भने शरीरमा नेपाली रगत र श्रृजनामा नेपाली संगित बोक्दै नयाँ सांगितिक अध्याय कारिरहेका बिपुल आगामी महिना अर्थात् जनवरी १५ तारिखका दिन जापानमा रहेका नेपालीहरुका लागि सांगितिक मनोरञ्जन दिन आउने भएका छन् ।<br><br>'बिदेसिएका नेपालीमा नेपाली भावना प्रगाढ हुन्छ, म त्यही नेपाली संस्कारमा हुर्किएँ, त्यसैले आफ्नोपन जाग्छ, अझ राम्रो गर्न पाए हुन्थ्यो जस्तो लाग्छ ।' यहि भावनाका साथ जापानमा रहेका नेपालीहरुका लागि नेपालीपन झल्कने मौलिक गित संगित पस्कन विपुल क्षेत्री एन्ड ट्राभलिङ ब्यान्ड आउन लागेको आयोजक गोरेटो प्रोडक्सन्स् टिमले टपनेपालन्युजडटकम लाई जानकारी दिएको छ ।</p><p><br><iframe src="https://www.youtube.com/embed/0bfk90rWV9U" allowfullscreen="" width="660" frameborder="0" height="400"></iframe>
<br><br>नेपालमा आधा दर्जन कन्सर्ट गरेका बिपुल नेपालसँगै भारतमा रहेका नेपालीबिच उत्तिकै लोकप्रिय छन् । दर्जन हाराहारीमा भारतका ठूला सहरमा कन्सर्ट गरिसकेको विपुल क्षेत्री एन्ड ट्राभलिङ ब्यान्डले जनवरी १५ तारिखमा जापानमा रहेका नेपालीहरुका लागि विशेष प्रस्तुती गर्दैछ ।<br><br>आफ्ना लोकप्रिय दर्जन बढी गितसँगै केही नयाँ श्रृजना समेत पस्कने तयारीमा रहेको बताइएको कन्सर्टको तयारी र टिकट विक्रि धमाधम भइरहेको आयोजकले बताएको छ ।<br><br>जापानमा <a target="_blank" href="https://topnepalnews.comjapan/5081">मुक्ति एण्ड रिभाइवल व्याण्डको हालसम्मकै भव्य नेपाली कन्सर्ट </a>गरेको 'गोरेटो प्रोडक्सन्स्'ले बिपुल र उनको व्याण्डको यस कन्सर्टलाई अझै उत्कृष्ठ बनाउने बताएको छ ।<br><br>नयाँ बर्षको शुभकामना सँगै जनवरी १५ तारिख आइतबारका दिन हुने कन्सर्ट टोकियो स्थित रुने कोदाइरा हल कोदाइरा स्टेशन नजिक गर्ने भएको छ ।<br><br>टोकियो सहित नजिकका शहरबाट समेत कन्सर्टमा आउनको लागि टिकट लिने क्रम बढेको भन्दै आयोजकले हालसम्म ३ सय बढी टिकट विक्रि भइसकेको भन्दै एक हजार दर्शक उपस्थित हुने लक्ष्य राखेको छ ।<br><br>साँझ&nbsp;६ बजेबाट हुने कन्सर्टको लागि ४ बजेनै हल खुल्ला हुने र कन्सर्ट समयमै सुरु हुने भन्दै आयोजकले टिकट बुकिगं र विक्रि उत्साहजनक रहेकोमा हालसम्म टिकट लिनुभएका सबैलाई धन्यवाद सहित टिकट लिन चाहनुहुने सबैलाई समयमै लिगिदिन अनुरोध समेत गरेको छ ।<br>

<iframe src="https://www.youtube.com/embed/bNoGXzEL1mA" allowfullscreen="" width="660" frameborder="0" height="415"></iframe>

<br><br>कार्यक्रम स्थलमै टिकट लिएमा ४ हजार जापानी येन लाग्ने भएकाले अहिलेनै लिएमा ५ सय येन छुट रहेको भन्दै टिकट बुकिगंको लागि आयोजलाई सम्पर्क गर्न अनुरोध गरिएको छ ।<br><br><img src="https://topnepalnews.comuploads/posts/e6092cf4ff4baa46d21474473550f69c1481340019.jpg" style="width: 798px;"><br><br>कार्यक्रमबारे आयोजकको जानकारी र सम्पर्क <b><a target="_blank" href="https://www.facebook.com/goretoproductions/">यहाँबाट</a></b> गर्न सकिन्छ<br>Bipul Chettri &amp; the travelling band live in JAPAN (TOKYO)!!!<br>Date: 2017 January 15th, Sunday<br>Venue: TOKYO (Rune Kodaira Hall)<br>Access: Kodaira Station<br>(Just 1 min walk from station)<br>24 mins to Kodaira station from Takadanobaba Station<br>Gate open at: 16:00 PM<br>Live Start: Sharp 17:00 PM<br>Ticket Price: ¥3500 (Advance)<br>¥4000 (On door)<br></p><h4>For Booking Please Message Us.. <a target="_blank" href="https://www.facebook.com/goretoproductions/">Goreto Production</a></h4><p></p>