<p>काठमाडौं,पुस ५ । संसद्को गतिरोध अन्त्य गर्न प्रमुख तीन राजनीतिक दलका शीर्ष नेताहरुको सामेबार बसेको बैठक बिनानिश्कर्ष टुंगिएको आजको कान्तिपुर दैनिकमा खबर छ । संविधान संशोधन विधेयकबारे सत्तापक्ष र प्रतिपक्षले आ–आफ्नो अडान नछाड्दा बैठक निश्कर्षविहिन बनेको हो ।<br></p><p>बैठकमा शीर्ष नेताहरुबीच चर्काचर्कीनै परेको छ । प्रधानमन्त्री पुष्पकमल दाहालले निरन्तर संसद् अवरोधको आलोचना गरेपछि नेकपा एमाले अध्यक्ष केपी ओलीले पनि त्यसको प्रतिवाद गर्दै ‘प्रधानमन्त्रीको ओहदामा बसेर अशोभनीय अभिव्यक्ति नदिन’ सचेत गराएका थिए ।<br></p><p>बैठकमा कांग्रेस सभापति शेरबहादुर देउवा र एमाले उपाध्यक्ष बामदेव गौतमबीच पनि चर्को बाद प्रतिवाद भएको समाचारमा उल्लेख छ । बैठकमा कांग्रेस नेता रामचन्द्र पौडेलले भने देउवाभन्दा फरक धारणा राखेका थिए ।<br></p><p>एमालेले हिजो बसेको बैठकमा संशोधन प्रस्ताव फिर्ता लिए मात्र सहमति हुने स्पष्ट पारेको छ ।<br></p>

<p>काठमाडौं,पुस ५ । कुलमान घिसिङ नेपाल विद्युत प्राधिकरणको कार्यकारी निर्देशक हुनासाथ राजधानी उपत्यका र आपसापका जिल्लामा लोडसेडिङ अन्त्य भयो। तिहारको झिलिमिलीपछि लोडसेडिङ बढ्ने त्रास थियो तर, अचानक लोडसेडिङ गायब भयो। मान्छे चकित छन् आखिर के चमत्कार गरे कुलमानले? यो चमत्कार होइन भने बिजुली कहाँ थियो भन्ने प्रश्न जीतितै छ। किनकी १३ वर्षदेखि जनता अध्यारोको प्रताडना भोग्न बाध्य थिए। अहिले विद्युत प्रणालीमा बिजुली नथपिए पनि लोडसेडिङ समाप्त भएको छ। यो खबर हामीले आजको नयाँ पत्रिका दैनिकबाट लिएका हौ।</p><p>विगतका वर्षमा पनि लोडसेडिङको चर्चा हुन्थ्यो, यस वर्ष पनि यसैको चर्चा भइरहेको छ। फरक यति मात्र छ, विगतमा कति घन्टा लोडसेडिङ हुन्छ भन्ने चर्चा हुन्थ्यो भने यस वर्ष कसरी लोडसेडिङ अन्त्य भनयो भन्ने जिज्ञासा।</p><p>त्यही जिज्ञासा कार्यकारी निर्देशन घिसिङसँग नयाँ पत्रिकाले गरेको कुराकानीका क्रममा घिसिङले अब लोडसेडिङको तालिका नआउने बताएका छन्। उनले उपभोक्तालाई ढुक्क हुन समेत आग्रह गरेका छन्।</p>

<p>काठमाडौं,पुस ४ । नेकपा एमाले निकट युवा संघ रुपन्देहीका अध्यक्ष दुर्गा तिवारीको गोली हानी हत्या भएको छ । अज्ञात समूहको गोली लागेका युवासंघ जिल्ला अध्यक्ष दुर्गा तिवारीको उपचारको क्रममा निधन भएको हो ।<br></p><p>देवदहमा ईट्टा व्यवसाय सञ्चालन गर्दै आएका तिवारीमाथि रातो पल्सर मोटरसाइकलमा चढेका दुईजना व्यक्तिले &nbsp;दिउँसो साढे तीन बजे देवदह ८ कोलीय बचत तथा सहकारी संस्थादेखि १ सय मिटर दक्षिणमा गोली प्रहार भएको प्रहरीले जनाएको छ । दायाँतर्फ पछाडिबाट हानिएको गोली छातीको अगाडि बायाँतर्फबाट बाहिर निस्किएको प्रहरीले जनाएको छ।<br></p><p>अज्ञात समूहले गोली प्रहार गरेपछि अस्पताल पुर्‍याइएको थियो । घटनापछि स्थानीय अरू युवाहरूलाई समेत प्राईभेट नम्बरबाट फोनगरी मनोज पुन भन्ने व्यक्तिले धम्की दिने गरेको स्थानीयले जनाएका छन्। गोली प्रहार पछि देवदहवासी त्रसित बनेका छन्। ५ नम्बर प्रदेश टुक्राउन नहुने माग गर्दै एमालेको नेतृत्वमा संविधान संसोधन विरुद्धको आन्दोलन चलिरहेको समयमा एमाले भातृ संगठनका जिल्ला नेता मारिएपछि तनाव बढ्ने संकेत देखिएको छ ।<br></p>

<p>काठमाडौं ।<br>विवादास्पद संविधान संशोधन विधेयक फिर्ताको माग गर्दै आएको प्रतिपक्षिदल नेकपा एमालेले सभामुखले राखेको शिर्ष दल बैठकमा आफ्नो अडान दोहोर्याएको छ ।<br><br>यसअघि राष्टपतिले डाकेको बैठकमा समेत एमालेको अडान र सरकारको हठका कारण निस्कर्ष बिहिन बनेको वैठककै कारण आजको संसद बैठक समेत स्थगित हुन पुगेको छ ।<br><br>सरकारले संसदमा दर्ता गरेको संविधान संशोधन प्रस्ताव फिर्ता लिन एमाले सहित प्रतिपक्षिदलहरुले माग गर्दै आएको छ भने सत्ता साझेदार दल कुनैपनि हालतमा विवादीत संशोधन प्रस्ताव पारित गर्ने अडान राख्दै आएको छ ।<br><br>सोमबार बसेको संसद बैठकको सुरुमा नेपा राष्ट्रिय पार्टीका संसदीय दलका नेता लक्ष्मण राजवंशीले संशोधन प्रस्ताव फिर्ता लिन माग गरेका थिए ।<br><br>उनले अहिलेको संशोधन प्रस्तावले मुलुकको समस्या समाधान हुने भन्दा पनि समस्या बल्झिने भन्दै प्रस्ताव फिर्ता लिन माग गरेका थिए ।<br><img src="https://topnepalnews.comuploads/posts/dc609605c7f7d7ed21bd4c5aed81bfa21482138464.jpg" style="width: 800px;"><br><br>राजवंशीले आफ्नो भनाइ राखिसकेपछि&nbsp; सबै विपक्ष दलका सांसद आफ्नो आशनबाट उठेर विरोध जनाएका थिए ।<br><br>सभामुखले आफ्नो सिटमा बस्न गरेको आग्रह सांसदहरुले नमानेपछि बैठक पुस ७ गते बिहीबार एक बजे सम्मकालागि स्थगित भएको छ ।<br><br>सभामुख ओनसरी घर्तीले संसद सुचारु गर्ने विषयमा शिर्ष दलका शिर्ष नेताको बैठक आज बिहान राखेकी थिइन् ।<br><br>बैठकमा प्रधानमन्त्री एवं माओवादी केन्द्रका अध्यक्ष पुष्पकमल दाहाल, कांग्रेस सभापति शेरबहादुर देउवा र एमाले अध्यक्ष केपी ओली, उपाध्यक्ष बामदेव गौतम र प्रमुख सचेतक भानुभक्त ढकाललगायतका नेता सहभागी थिए । <br><br>बैठकपछि एमाले उपाध्यक्ष बामदेव गौतमले सरकारले संशोधन प्रस्ताव फिर्ता लिनुपर्ने मागमा एमाले अडिग रहेको भन्दै संशोधन प्रस्ताव थाँती राखेर निर्वाचन सम्बन्धी विधेयक संसदमा पेश गरे संसद सुचारु हुने बताए ।<br><br>संविधान संशोधनको प्रस्तावका कारण लगातार संसद बैठक अबरोध हुँदा संसदमा छलफलमा रहेको निलम्बित अख्तियार प्रमुख लोकमानसिंह कार्की विरुद्धको महाभियोग प्रस्ताव समेत अन्योलमा परेको छ ।</p><p>जसले गर्दा कार्कीमाथिको कारवाही प्रक्रिया त्यसै रोकिएको छ । विभिन्न पार्टीका सांसद तथा नागरिक स्तरबाट एमाले सहितका दलहरुले गर्दै आएको संसद अवरोधमा कार्कीको विषय रोक्न नहुने भन्दै कार्की बिरुद्धको छलफलमा संसद खुल्न दिन माग हुँदै आएको छ ।<br></p>