युवासंघ रुपन्देही अध्यक्षको पूर्व एमाले कार्यकर्ताबाट हत्या प्रहरी

<p>५ पुस, भैरहवा ।<br>एमाले युवा भातृ संगठन युवा संघ रुपन्देही अध्यक्ष दुर्गा तिवारीको हत्या पूर्व एमाले कार्यकर्ता रहेका मनोज पुन भन्ने पनोज बुढा मगरले हत्या गरेको प्रहरीले बताएको छ ।<br><br>पुरानो रिसइबिका कारण मगरले हत्या गरेको पाइएको प्रहरीले बताएको छ । सोमबार दिउँसो देवदहको खैरनी बजारमा तिवारी माथि गोली प्रहार गरिएको थियो । कोखामा गोली लागेका उनको देवदह मेडिकल कलेजमा उपचारका क्रममा निधन भएको थियो ।<br>हत्या अभियुक्त मगर देवदह नपा ६ का २८ वर्षीय युवा हुन् ।<br><br>‘घटनाको अनुसन्धान गर्दा हालसम्म तिवारीको हत्यामा मनोज पुनको प्रत्यक्ष संग्लनता पाएको भन्दै प्रहरीले पुनको तिवारीसँग पुरानो रिसिइबी र ९ महिना अघि पनि पुनले तिवारीमाथि गोली प्रहार गराउनु ९आक्रमण० अघि २० लाख रुपैयाँ फिरौती मागेको अनुसन्धानमा खुलेको बताएको छ ।<br><br>पुन पुन यसअघि पनि संगठित अपराध हातहतियार खरखजाना र ज्यान मार्ने उद्योग मुद्दामा संलग्न रहेको पाइएको भन्दै फरार रहेका पुनको खोजि भइरहेको बताएको छ ।<br><br>हत्या पछि परार पुनले इन्टरेनबाट फोन गरेर हत्या आफुले गराएको बताएको प्रहरीले जानकारी दिएको छ । चन्दा असुलीका कारण तिवारीकै दवावमा पार्टीबाट निस्कासित भएपछि यसअघि समेत गोली प्रहार गरि हत्या प्रयास गरेपनि असफल रहेका पुनका ८ सहयोगी यसअघि नै पक्राउ परेका थिए ।<br><br>यसपटक पनि उनले भारतमा रहेर तिवारीको हत्या गराएको प्रहरी आशंका छ । प्रहरीले घटनामा संलग्नहरुको व्यापक खोजि भइरहेको भन्दै भारतीय प्रहरीको सहयोगमा पनि प्रहरीको खोजि थालिने बताएको छ ।<br><br></p>