रुसी राजदूतको गोली हानी हत्या (भिडियो सहित)

<p>एजेन्सी ।<br>रुसका राजदूतको टर्कीमा गोली हानी हत्या भएको छ । टर्कीका लागि रुसी राजदूत एन्ड्रे कार्लोफको टर्कीका प्रहरी अधिकारीले नै गोली हानी हत्या गरेका हुन् ।<br><br>राजधानी अंकारामा रहेको आर्ट ग्यालरीमा भएको प्रदर्शनीमा भाषणका लागि मञ्चमा जान लागेका राजदूत कार्लोफमाथि २२ वर्षिय प्रहरी अधिकारी मेवलुत मेर्त एडिन्टासले गोली हानी हत्या गरेका हुन् ।<br><br>एडिन्टास अंकारा दंगा प्रहरीमा कार्यरत रहेको बताइएको छ । एडिन्टास जवाफी कारवाहीमा मारिएको टर्कीका सरकारी अधिकारीलाई उद्धृत गर्दै बिबिसीले जनाएको छ ।<br><br>सिरियामा भइरहेको संघर्षमा रुसले सिरियाली राष्ट्रपति बसर अल असदको समर्थन गरेको विरोधमा टर्कीमा प्रदर्शन हुँदै गएको छ ।</p><p><img src="https://topnepalnews.comuploads/posts/0f18aa70af79ae790630cde5729bcd3e1482206309.jpg" style="width: 624px;"><br><br>सिरिया युद्धमा रुसी समर्थनको विपक्षमा रहेका ति प्रहरी अधिकारीले राजदूत कार्लोफको हत्या गरेको हुन सक्ने अनुमान गरिएको छ ।<br><br>टर्कीका राष्ट्रपति रिसेप तैयप एर्दोगानले आक्रमर्ण रुस र टर्कीको सम्बन्ध बिगार्ने उद्देश्यले भएको प्रतिक्रिया दिएका छन् ।<br><img src="https://topnepalnews.comuploads/posts/000e9bb17837bf158e111dd3f45d7d8c1482206321.jpg" style="width: 624px;"><br>दुई देशबिचको सम्बन्ध बिगार्ने कसैको उद्देश्य पूरा हुन नदिने भन्दै उनले यो घटनाका विषयमा रुसी राष्ट्रपति भ्लादिमिर पुटिनसँग टेलिफोनमा कुराकानी गरेको समाचारमा जनाइएको छ ।<br></p><p><br></p>
<iframe title="New York Times Video – Embed Player" scrolling="no" allowfullscreen="true" marginheight="0" marginwidth="0" id="nyt_video_player" src="https://static01.nyt.com/video/players/offsite/index.html?videoId=100000004830578" width="480" frameborder="0" height="321"></iframe>