<p>पप्पु गुरुङ्ग, &nbsp;दोेधारा &nbsp;चाँदनी,पुस ४ । भानु बहुमुखी क्याम्पस दोधारा चाँदनीले संचालन गरेको धनधान्य महायज्ञको हिजो छटौ दिनमा भक्तजनहरुले दिल खोलेर दान दिए । आफ्नो &nbsp;बालबालिकाको उज्जवल भविष्यको लागी शिक्षा क्षेत्रमा दान दिएको सबै दाताहरुले बताएका छन् । दोधारा चाँदनीको एक मात्र उच्च शिक्षा हासिल गर्ने शैक्षिक संस्थालाई सबैले आफुले सक्दो दान दिएको दाताहरुले बताएका छन् ।&nbsp;<br></p><p>दाताहरुको दान दिन दिनै बढ्दै गएको आयोजक महायज्ञ मुल आयोजक समितिले जनाएको छ् । दोधारा चाँदनी नपा ५ बस्ने तथा पुर्व–माननिय ईन्द्र बहादुर खत्रीले आफु र आफ्ना २ वटा श्रीमती सुमित्रा र नन्दा देबी खत्रीको नाउमा १ कट्टा भुमी भानुको अक्षय कोषको लागी दान गर्नुभएको छ् ।&nbsp;<br></p><p>उक्त जग्गाको मुल्य रु. १५ लाख १ हजार १ सय ११ रुपिँया आंकलन गरिएको छ् । यस्तै दोधारा चाँदनी नपा ६ निवासी नारायण दत्त भट्टले पनि १ कट्टा जग्गा दान गर्नुभएको छ् । जस्को मुल्य रु. २ लाख १ हजार १ सय ११ रुपिँया आंकलन गरिएको छ् । नगद दानाबाट रु. १ लाख ५३ हजार ३ सय ६ रुपिँया, कलशबाट रु. ५७ हजार २ सय, बचन दानबाट रु. ४ लाख २ हजार ६ सय ९९ रुपिया गरि आजको जम्मा रकम रु. २३ लाख १५ हजार ३ सय ८७ रुपिँया र १० कुन्टल धान दान प्राप्त भएको सचिवालयका प्रवक्ता गगन खत्रीले जानकारी दिनुभएको छ् ।&nbsp;<br></p><p>महायज्ञमा आज सम्म भुमी दान सहित रु. ६३ लाख ५६ हजार २ सय ४० रुपि“या र ४३ कुन्टल धान बराबरको दान प्राप्त भएको छ् । छटौ दिनमा सबै दाताहरुलाई सम्मान समेत गरिएको महायज्ञ मुल आयोजक समितिका सल्लाहकार संयोजक बेल बहादुर रानाले जानकारी दिनुभएको छ । महायज्ञका भजन टोलीले आज कृतन समेत प्रस्तुत भएको थियो ।&nbsp;<br></p><p>महायज्ञमा प्रत्यक दिन योगा बिहान ७ बजे देखी मूल पाठ पारायणबाट दैनिकी प्रवचन एवं भजन कृतन सुरु र हवन, १० बजे भजन कृतन, ११ बजे कथा वाचन एवं दान दाता सम्मान, २ बजे प्रवचन एवं झाँकी तथा लिला कार्यक्रम हुने महायय मूल आयोजक समितिका महासचिव गगन खत्रीले जानकारी दिनुभएको छ । यस्तै बेलुकी ७ बजे देखी साढे ९ बजे सम्म प्रवचन एवं भजन कृतन कार्यक्रम हुने उहाँले जानकारी दिनुभयो । महायज्ञको धार्मीक कार्यमा सहभागी हुन आयोजकले सबैमा आग्रह गरेको छ ।<br></p>

<p>त्रिशुली ।<br>नुवाकोट जिल्लाको विदुर नगरपालिका स्थित वडा नम्बर ३ शेरामा भेट्टिएको गाईको स्वरुपमा रहेको मुर्तिको दर्शन गर्न दर्शनार्थीको घुईचो लाग्न थालेको छ ।<br><br>गौ माता भगवानको संरक्षणमा नुवाकोट दरबार स्मारक संरक्षण तथा दरबार हेरचाह कार्यालय नुवाकोटले चासो समेत देखाएको छ ।<br><br>गएको मंसिर २८ गते धान्य पूर्णिमा पर्वको दिन महेश्वर श्रेष्ठ र मदनसिंह खड्काको खेतको सिमानामा भेट्टिएको ढुङ्गाको आकृतिमा रहेको गाईको स्वरुपमा रहेको भगवानको स्थलगत निरीक्षण गर्दै दरबार हेरचाह कार्यालय नुवाकोटका प्रमुख अर्जुनप्रसाद फुयाँलले पुरातात्विक रहेको अनुमान गर्दै संरक्षणको लागी केन्द्र मार्फत नै पहल सुरु गरेको बताउनुभएको छ ।<br></p><p><img src="https://topnepalnews.comuploads/posts/87f2dc1cbcd79330034abf1ff1c4ed871482113500.jpg" style="width: 570.917px; height: 657.667px;"><br></p><p><br>जमिनमुनी भेटिएको गाइ आकारको मुर्तीबारे खवर सार्वजनिक भएपछि नुवाकोट जिल्ला सहित धादिंग र रसुवा जिल्लाबाट समेत दर्शनार्थीहरु आउन थालेको पाइएको छ ।<br></p>

<p>पप्पु गुरुङ्ग, ३ पौष, दोधारा चाँदनी । दोधारा चाँदनीको बडवाल टोलमा झोलुङ्गे पुल निमार्ण कार्य सुरु भएको छ् । दोधारा चाँदनी नगरपालिका वडा नं. ३, बडवाल टोललाई जोड्नको लागी मंसिर १० गते देखि निर्माण कार्य संचालन भएको बताईएको छ् । हात्ती प्रभावती क्षेत्र भनेर प्रख्यात यस क्षेत्रमा हात्तीको आतंक सहित जगबुडा नदीबाट आउने बाढीले बिगत लामो समय देखि स्थानियहरु आतंकित बन्दै आएका छन् ।&nbsp;<br></p><p><br></p><p>गत असार सम्झौता अनुसार आउदो असारमा निर्माण कार्य सम्पन्न गर्ने लक्ष्य राखिएको निर्माण कार्यको जिम्मा लिएका श्री गिता स्वर्णीम जेबी, पोखराले जनाएको छ् । कम्पनीका प्रतिनिधी बिश्व खनालले दोधारा चाँदनीको वडा नं. ३ मा जगबुडा नदीमा निर्माण हुदै गरेको झोलुङ्गे पुल यहि असारमा सम्पन्न गर्ने लक्ष्य राखिएको बताएका छन् । करिब १ सय ४७ मिटर लामो निर्माण हुन लागेको पुलले बडवाल टोल, तथा सिमावर्ती भारतिय बजार नगरालाई समेत जोड्ने भएको हुदा हजारौ स्थानियहरु प्रत्यक्ष लाभान्भित हुने स्थानियहरुको भनाई रहेको छ् । पुल बन्दै गर्दा बडवाल टोलका स्थानियहरु बढी खुशी भएका छन् ।&nbsp;</p><p><br></p><p>जंगली हात्ती तथा बाढीको त्राशले निकै सताउदै आएका स्थानिहरुमा पुल बन्दा भागेर ज्यान जोगाउन सहज भएको महशुस गरेका छन् । “बल्ल बडवाल टोलमा एसएलसी पढ्ने मानछेको उत्पादन हने भयो” स्थानिय महाबिर क्षेत्रीले भने । जगबुडा नदीमा पुलको अभावले बडवाल टोलका बिद्यार्थी प्राबि तह उक्लेपछि बिद्यालय छाड्ने गर्थे ।</p><p><br></p><p>“तर अब पुल बनेपछि हाम्रा नानीहरु निमाबि तह पढ्न पाउने भए” हर्षित हुदै स्थानिय क्षेत्रीले भने । एउटा प्राथमिक तहको विद्यालय बाहेक अरु कुनै सरकारी निकाय छैन् &nbsp;“सरकारको उपस्थिति भनेको एउटा अधुरो विद्यायल मात्रै हो,” स्थानिय क्षेत्रीले भने –“त्यो विद्यालयको अपुरो शिक्षा हासिल गरेर हाम्रा छोराछोरी भारतमा मजदुरी गर्न बाध्य छन् ।” विद्यालय स्थापना भएको साल देखि नै गाउ“का बालबालिकाले प्राथमिक तह सम्मको शिक्षा हासिल गर्ने गरेको भए पनि निम्न माध्यमिक र त्यस भन्दा माथिको शिक्षा हासिल गर्न वगबुडा नदी बाधक बन्दै गउको हो ।&nbsp;</p><p><br></p><p>गाउँका ६ सय भन्दा बढी बालबालिकाले प्रावि तह सम्मको अध्ययन गरेको भए पनि गाउ“मा माथिल्लो तह सम्मको अध्यापन हुने विद्यालय नहुदा र जोगबुढा नदीमा पुल नभएकै कारण विद्यार्थीको पढाइ अधुरो रहदै आएको छ । “अब हाम्रो टोलमा एसएलसी पढ्ने मान्छे पाईने भए” अर्का स्थानिय लक्ष्मी क्षेत्रीले भने । उनले थपे–“अब बाढी तथा हात्तीले बच्न पनि झेलुङ्गे पुल हाम्रो लागी बरदान हुने भयो” खुशी हुदै क्षेत्रीले भने ।</p>

<p>काठमाडौं,पुस ३ । कमला (नाम परिवर्तन) लाई एउटा युवाको फेसबुकमा साथी बन्ने अनुरोध आयो। कमलाले अनुरोध गर्ने युवाको विवरण हेरिन्। युवा युरोपमा बस्ने नेपाली रहेछन्। उनले साथी बन्ने अनुरोड्ढ स्वीकारिन्। कमला र ती युवा फेसबुकमा साथी भए।<br></p><p>सरकारी सेवामा अधिकृत स्तरको जागिरे कमलासँग विस्तारै ती युवाको च्याट हुन थाल्यो। युवाको कुराकानी र प्रसंग चाखलाग्दा बन्दै गए। अविवाहित कमलालाई युवाको गफले मोहित बनाउँदै लग्यो। केही महिनाको अन्तरालपछि च्याटमै कमला र ती युवाको मित्रता प्रेममा परिणत भयो। अब दृश्यसहितको संवादमा कहिले युवाले त कहिले कमलाले दायर नाघ्दै गए।<br></p><p>सामाजिक सञ्जालकै दृश्य संवादमा कमला र युवा दुबैले गोपनियता भन्ने केही बाँङ्की राखेनन्। तर, त्यती घनिष्टता अहिले कामलाका लागि जीवनकै ठूलो भुल साबित भएको छ।विवाहको मिति र समय पनि फेसबुकबाटै तय गरेका युवक अन्तर्राष्ट्रिय ठग भएको तथ्य सार्वजनिक भएपछि कमलाको दैनिकी तनावग्रस्त बन्यो।<br></p><p><br></p><p>कमलाजस्तै काठमाडौंकी अर्की एक महिला फेसबुकमा साथी बनेका युवाले अमेरिकाबाट पठाएको २० लाख रूपैयाँको उपहार लिन आठ लाख खर्च गरेकी छन्। तर उपहार हात पर्न सकेको छैन।ती युवाले उनलाई सुरूमा साथी बनाएर उनको व्यक्तिगत र पारिवारिक जानकारी लिएका थिए। उनलाई सबैभन्दा आकर्षक बस्तुकाविषयम सोधेर सोही बस्तु खरिद गरेको भन्दै फोटो पठाएका थिए।</p><p><br></p><p>उपहार पार्सल गरी पठाएको जानकारी दिएर बिदामा बसेका ती युवा उनले रकम पठाएको भोलिपल्टदेखिनै सामाजिक सञ्जालबाट हराए। उनलाई उपहार पठाउन लाग्ने भन्सार शुल्क भन्दै भारत र भैरहवाबाट फोन गरी रकम मागिएको थियो।केही लाख खर्च गरेर लाखौंको सामग्री पाउने चाहनामा उनले आठ लाख गुमाएको अनुसन्धानमा खुलेको छ।</p><p><br></p><p>केन्द्रीय अनुसन्धान ब्युरो (सीआईबी) मा फेसबुकलाई माध्यम बनाएर ठगिएका आधा दर्जन उजुरी परेका छन्। ब्युरोका अनुसार ठगिने सबै महिला छन्। अधिकांशलाई उपहारको लोभ देखाउर भन्सार र भाडाबापतको रकम भन्दै पैसा मागिएको छ। केही युवतीसँग भने अश्लील दृश्यसहित संवाद भएको उजुरी परेको ब्युरोले जनाएको छ।</p><p>‘अमेरिका र युरोपबाटै गिरोहले धन्दा चलाएको देखिन्छ। भारत र नेपालमा रहेका गिरोहका सदस्य रकम लिने र फोन गर्ने कार्यमा जुटेको भेटियो,’ ब्युरोका प्रमुख डिआईजी नवराज सिलवालले भने।</p><p><br></p><p>उनका अनुसार धनाढ्य परिवारका गृहिणी गिरोहको पहिलो निसानामा परेका छन्। यस्तै केही जागिरे र कामकाजी महिलासमेत गिरोहबाट ठगिएको ब्युरोको अनुसन्धानमा देखिएको छ। ‘हामीले एक हजार पाँच सयको हाराहारीमा युवती तथा महिला ठगिएको अनुमान गरेका छौं, निवेदन आउने क्रम जारी छ। ठगिएका केही महिला परिवारको प्रतिष्ठाका कारण सार्वजनिक हुन चाहेनन्,’ सिलवालले भने।</p><p><br></p><p>ब्युरोमा परेको उजुरीअनुसार उपहारको लोभमा परी ठगिने महिलालाई अमेरिकामा रहेका युवाले उपहार पठाएको जानकारी दिएपछि आफू बिदामा रहने बताएका थिए। उनले उपहार पठाएको तेस्रो दिन भारतबाट कसैले फोन गर्दै उपहार महँगो भएको र भन्सारमा मिलाउने भन्दै रकम मागेको थियो।</p><p><br></p><p>नेपालबाट पैसा पठाएको दोस्रो दिन भैरहवाबाट नेपाली युवाले फोन गरी थप रकम माग गरेका थिए। भैरहवामा रकम पठाएको दुई सातासम्म उपहार हात नपरेपछि महिला ब्युरोको सम्पर्कमा पुगेकी हुन्।</p><p><br></p><p>‘हामीले ठग गिरोहको निर्देशनमा रकम पठाउन सघाउने दुईजनालाई पक्राउ गरेका छौं। सामाजिक सञ्जालमार्फत भएको कुराकानीका आधारमा व्यक्ति पहिचान र पक्राउ गर्न समय लाग्छ, अनुसन्धान जारी छ’ ब्युरोकी एसपी मिरा चौधरीले भनिन्। उनले यस्तै प्रकारको ठगीको घटना केही महिनाअघि मकवानपुरमा समेत भएको बताइन्।</p><p><br></p><p>ब्युरोले मंसिर २३ मा एक महिलाको उजुरीपछि ललितपुर सुन्धाराका अनिलनाथ श्रेष्ठ र काठमाडौं बनस्थलीकी अनीता महर्जनलाई नियन्त्रणमा लिएर अनुसन्धान गरिरहेको छ। दुवैले ठगिने महिलाले पठाएको रकम व्यवस्थापन गर्न सघाएको ब्युरोको प्रारम्भिक अनुसन्धानबाट खुलेको हो आजको नागरिक दैनिकमा समाचार छ ।</p>