<p>काठमडौं,पुस ६ । भरतपुर क्यान्सर अस्पतालमा उपकरण खरिद, व्यवस्थापनलगायत विषयमा ठूलो आर्थिक अनियमितता भएको सरकारी छानबिन टोलीले देखाएको छ।<br></p><p>व्यवस्थापकीय हिसाबले अस्पताल अधोगतिमा लागेको उजुरी र गुनासोपछि स्वास्थ्य मन्त्रालयले बनाएको उच्चस्तरीय छानबिन टोलीले अनियमितता भएको ठहर गरेको हो ।<br></p><p>टोलीको प्रतिवेदन आउनेवित्तिकै स्वास्थ्यमन्त्री गगन थापाले अस्पतालका अध्यक्ष र कार्यकारी निर्देशकसँग स्पष्टीकरण सोधेका थिए । छानबिनका क्रममा टोलीले आर्थिक रुपमा वाषिर्क बजेटभन्दा बढी र स्रोत नै सुनिश्चित नभई २६ करोड रुपैयाँभन्दा बढी खर्च भएको देखिएको तर करोडौं मूल्यका उपकरण खरिद प्रक्रियामा आपसी विवादका कारण अड्किएको जनाएको छ ।<br></p><p>समितिले चीन सरकारले सहयोगस्वरूप दिएको २७ करोडबरारबरको उपकरण प्राप्त भएपछि हालसम्म त्यसको प्याकेजसमेत नखोली जडानमा चासै नदिएको समेत औंल्याएको छ आजको नागरिक दैनिकमा समाचर छ ।<br></p>

<p>काठमडौं,पुस ६ । पोखराको एक दैनिक पत्रिकामा मोडल आश्यकता भएको विज्ञापन प्रकाशित भयो । विज्ञापनका आधारमा पोखरा लामाचौरकी एक युवतीले फोन गरिन् । उनलाई पुष्कर खड्का भन्ने मानिसले अन्तरवार्ताका लागि भन्दै पोखराको होटल सन्तोषीमा बोलाएर ३ तोला ५० लाल सुनका गहना, आईफोन र १२ हजार रुपैयाँ लुटपाट गरे ।<br></p><p>यो त एक प्रतिनिसिध घटना मात्रै हो । खड्काले विभिन्न समयखण्डमा पोखरा र काठमाडौंमा यस्तो प्रकृतिको धन्दा गर्दै आएको खुलेको छ । काठमाडौंको पुतलीसडकस्थित होटल तिरुपती, सुन्धारास्थित न्यू सोनी गेष्ट हाउस, पोखराको निलकमल र होटल सन्तोषीमा युवतीलाई बोलाएर खड्काले लुटपाट गरेको प्रमाण प्रहरीले फेला पारेको छ ।<br></p><p>खड्काले मोडल बनाइदिन्छु भन्दै युवतीलाई बोलाएर धनसम्पत्तिसँगै अस्मिता पनि लुटेको पाइएको प्रहरीले वताएको छ । खड्काले युवतीलाई बन्धक बनाएको राख्ने गरेको वताइएको छ ।<br></p><p>अहिले खड्कालाई काठमाडौं प्रहरीले पक्राउ गरी कारबाही अघि बढाएको छ । आजको नागरिक दैनिकमा समाचार छ ।<br></p>

<p>काठमाडौं,पुस &nbsp;५ । विप्लव नेतत्वको नेकपा (माओवादी) ले पुस ७ गते उपत्यका बन्दको घोषणा गरेको छ । पेट्रोलियम पदार्थमा भएको मुल्य वृद्धि खारेजको माग गर्दै उपत्यका बन्द लगायत विभिन्न विरोधको कार्यक्रम सार्वजनिक गरेको हो । मंगलबार जारी गरेको विरोधको कार्यक्रममा पुस ६ गते विहान ९ बजे देखि १० बजेसम्म चक्काजाम र पुस ७ गते उपत्यका बन्दको कार्यक्रम सार्वजानिक गरेको हो ।<br></p><p>अन्तराष्ट्रिय बजारमा भएको मूल्य वृद्धिको कारण भनिए पनि विगतमा लिइएको चर्को मूल्यको तुलनामा नेपालमा अझै पेट्रोलियम पदार्थको मुल्य घटाउनु पर्ने विप्लव माओवादीले बताएको छ । एकैचोटी भारी मात्रामा मूल्य वृद्धि गर्नु पर्ने कुनै कारण नभएको भन्दै यसरी मूल्य वृद्धि गरिनु आयल निगमले गर्दै आएको घोटाला , राज्य संञ्चालकहरुले गर्दै आएको भ्रष्टचार र कालोबजारीलाई टेवा पुगेको भन्दै आन्दोलन गर्न बाध्य बनाईएको विज्ञप्तीमा जनाइएको छ ।<br></p>

<p>काठमाडौं,पुस &nbsp;५ । &nbsp;तोकिएको कार्यालयमा नजाने कर्मचारीप्रति सरकार अब कडारुपमा प्रस्तुत हुने भएको छ । सामान्य प्रशासन मन्त्रालयले संघीयताको अभ्यासमा जाँदा निजामती कर्मचारीहरुलाई संघ, प्रदेश र स्थानीय तहमा समायोजन गर्ने गरी विधेयकअनुसार समायोजनका क्रममा तोकिएको कार्यालय नजाने कर्मचारीलाई ३५ दिनपछि स्वतः अवकास दिइने भएको छ ।<br></p><p>मन्त्रालयले तयार पारेको विधेयकलाई कानुन मन्त्रालयले समेत सहमति दिइसकेको छ । अब उक्त विधेयक आगामी मन्त्रिपरिषद बैठकमा पेश हुनेछ । विधेयकमा कर्मचारी समायोजनको चार आधार तय गरिएको छ । अब बाटोको म्याद बाहेक ३५ दिनभित्र समायोजन गरिएको संघ, प्रदेश वा स्थानीय तहको सेवाको पदमा हाजिर नहुने कर्मचारी स्वतः सेवाबाट हट्नेछन् । कुनै कर्मचारीले अवकास पाएमा उसले प्रचलित कानुन बमोजिम पाउने सुविधा भने पाउने गरी विधेयक नाईएको छ ।<br></p><p>यस्तै कर्मचारीलाई एक तह बढुवा दिएर समायोजन गर्ने प्रस्ताव अस्वीकार गरिएको छ भने कर्मचारीले रोजेको संघ, प्रदेश वा स्थानीय तहमा कर्मचारी समायोजनले प्राथमिकता पाउनेछ । यस्तै, समायोजन गर्दा कर्मचारीको नागरिकताको प्रमाणपत्रमा उल्लेख भएको ठेगानालाई समेत आधार मामानेर जागिर घर पायक स्थानमा सारिनेछ ।<br></p><p>कर्मचारी समायोजनको समन्वय र अनुगमन गर्न एउटा समिति बन्नेछ । मुख्य सचिवको संयोजकत्वमा सेवा सञ्चालन गर्ने निकायका सचिव र सामान्य प्रशासन मन्त्रालयका सचिव रहनेछन् ।<br></p>

<p>काठमाडौं । छोरीहरुबीच सम्पत्ति कसले खाने भन्ने विवादका कारण पर्सामा एक वृद्धको मृत्यु भएको तीन दिनपछि मात्रै दाहसंस्कार भएको छ ।<br><br>शुक्रबार साँझ मृत्यु भएका पर्सा धोरेका झक्कु सहनीको सोमबार प्रहरीको दबाबमा दाहसँस्कार भएको हो ।</p><p>सम्पत्तिका विषयमा सहनीका छोरीहरु उमादेवी र सिन्धुदेवीबीच सम्पत्तिको विषयमा विवाद भएको थियो ।</p><p>दुवै बिबाहीत छोरीहरुलाई बाबु सहनीले मृत्यु हुनुअघि आफ्नो जग्गा भाग लगाइदिएका थिए ।</p><p>तर, बाबुले भाग लगाइदिएको जग्गा चित्त नबुझेपछि उनीहरु झगडामा उत्रिएका थिए ।<br><br>सहनीका दाजुभाइपट्टिका छोराहरुले पनि दाहसंस्कार खर्चबापत सम्पत्ति नपाएसम्म शबमा दागवत्ती नदिने अडान लिएका थिए । आजको अन्नपूर्ण पोस्टमा समाचार छ ।<br></p>