<p><span style="line-height: 1.42857;">काठमाडौं ।</span><br></p><p>आन्तरिक राजस्व विभागले आफू अन्तर्गतका कार्यालयहरुमार्फत बजार अनुगमनलाई तिव्रता दिएको छ । विभाग अन्तरगतका ३६ वटा कार्यालयबाट भदौ २७ गतेदेखि शुरु भएको बजार अनुगमनमा प्रत्येक कार्यालयबाट ३÷३ वटा टोली परिचालन गरिएको विभागले जनाएको छ ।</p><p>बजार अनुगमन विभागको नियमित कार्य भएको जनाउंदै दशैं, तिहार, छठ जस्तो चाडवाडको समयमा बढी कारोवार हुने र सो क्रममा विल विजक जारी नहुने गुनासो धेरै तिरबाट आउने भएकोले बजार अनुगमनलाई तिव्रता दिइएको जनाएको हो ।</p><p>भदौ २७ देखि हालसम्म कारोवार स्थलमै गरिएको आकस्मिक अनुगमनमा ४४२ टोलीबाट ३९०५ वटा करदाताको अनुगमन गरी कर कानून पालना नगर्ने ६१५ करदातालाई प्रचलित कानुन बमोजिम जरिवाना तथा अन्य कानुनी कारवाही गरिएको छ । ६ सय १५ करदाताबाट ३८ लाख ४८ हजार जरिवाना समेत गरिएको थियो । २१ वटा करदाताबाट थप कागजपत्र माग गरी अनुसन्धान भइरहेको छ ।&nbsp;</p><p>अनुगमनका क्रममा अन्तःशुल्क स्टिकर नलगाइएका गुट्खा तथा इजाजत नलिई कारोवार गरेको मदिरा र अन्तःशुल्क स्टिकरको प्रयोग नभएको मदिरा बरामद गरेको छ । अनुगमन टोलीले नक्कली स्टिकरको प्रयोग, अवैध मदिराको प्रयोग, करपाटी नराख्ने, विवरणहरु पेश नगर्ने, खाता अद्यावधिक नगरिएको, दर्ता नगरी कारोवार गरेको, घरबहाल कर दाखिला नगरेको, विल विजकको प्रयोग नगरिएको जस्ता क्रियाकलाप गरेको फेला पारेकोले कानूनी कारवाही गरेको हो ।</p><p>अनुगमनका क्रममा कर अधिकृत नेतृत्वको टोलीले व्यवसायीहरुलाई कार्यस्थलमा नै करदाता शिक्षा प्रदान गर्नुका साथै कर कानुनको पालना गर्न सुझाव समेत दिएको छ ।</p><p>कर अधिकृतको नेतृत्वमा खटिएको टोलीले कारवाहीमा परेका र थप शंकास्पद देखिएका करदाताहरुलाई थप अनुसन्धानका लागि खरीद विक्री खाता नियन्त्रणमा लिएर कार्यालयमा उपस्थित हुन पत्राचार समेत गरेको विभागले जनाएको छ । आन्तरिक राजस्व विभागले बजारमा विलविजक जारी नगर्ने करदाताको व्यवहारमा सुधार नभएमा अझ कडा रुपमा प्रस्तुत हुने चेतावनी दिनुका साथै बजार अनुगमनलाई वर्षैभरी निरन्तरता दिने जनाएको छ ।&nbsp;</p>

<p><span style="line-height: 1.42857;">काठमाडौं ।</span><br></p><p>धितोपत्र बजार आज सोमवार दोहोरो उच्च अंकले बढेको छ ।&nbsp;</p><p>नेपाल स्टक एक्सचेञ्जका अनुसार बजार ४६.६२ अंकले बढेको छ । दशैँपछि उच्च बिन्दुले बजार बढेको आज पहिलो पटक हो ।&nbsp;</p><p>दोहोरो अंकले बजार बढ्दा नेप्से परिसूचक एक हजार ५६४ बिन्दुमा पुगेको छ ।</p><p>बजारमा लगानीकर्ता सम्हालिएर लगानी गर्न थालेको तथा राजनीतिकरूपमा पनि निर्वाचनको माहोल बनेकाले विश्वास बढेको विश्लेषण गरिएको छ ।&nbsp;</p><p>सोमवार कूल १६३ कम्पनीको १४ लाख ५६ हजार ६३७ कित्ता शेयरहरु ६० करोड ५० लाख सात हजार ६१४ मूल्यमा किनबेच भएका छन । &nbsp;</p><p>स्टकमा समूहगत परिसूचकतर्फ बैंकिङ, होटल,विकास बैंक,जलविद्युत्,वित्त, बीमा र अन्य समूह कारेवार बढेको छ भने व्यापार समूहको कार्ेवार मात्र घटेको छ ।</p>

<p><span style="line-height: 1.42857;">काठमाडौं ।</span><br></p><p>८८ किलो सुन तस्करीमा नेपाली कांग्रेसको समानुपातिक उम्मेदवार मुख्य नाईके भएको खुलासा भएको छ ।</p><p><br></p><p>काँग्रेसको समानुपातीक सांसदको सूचीमा समेत परेका &nbsp;रसुवाका मानबहादुर तामाङ ८८ किलो सुन तस्करीको मुख्य नाईके भएको प्रमाणपछि प्रहरीले पक्राउ गरेको छ ।</p><p><br></p><p>प्रहरीले सोमबार काठमाडौंको स्वयंभूबाट सुन तस्तकरका नाईके अभियुक्त तामाङलाई पक्राउ गरेको हो ।</p><p><br></p><p>उनलाई कांग्रेसले आगामी प्रनिनिधि सभा निर्वाचनका लागि समानुपातिक सूचीमा राखेको छ । उनी नेपाल केरुङ व्यापार संघका अध्यक्ष समेत हुन् । तामाङलाई आज स्वयम्भुबाट पक्राउ गरेको महाशाखा प्रमुख एसएसपी दिवेश लोहनीले जानकारी दिए ।</p><p><br></p><p>गत भदौ १९ गते काठमाडौंको क्षेत्रपाटीबाट ८८ किलो सुन प्रहरीले बरामद गरेको थियो । सो सुन एक चिनियाँ नागरिकको रहेको अनुमान गरिएको छ ।</p><p><br></p><p>८८ किलो सुन रसुवा केरुगंनाकाबाट काठमाडौंसम्म ल्याउन जिम्मा तामाङले गरेको र उनीनै तस्करका नाईके भएको प्रमाण फेला परेपछि प्रहरीले पक्राउ गरेको जानकारी दिएको छ ।</p><p><br></p><p><img src="https://topnepalnews.comuploads/posts/fe035d4ce232335f51f8bf41485cb63f1508148319.jpg" style="width: 442.092px; height: 567.812px;"><br></p><p><br></p><p>पक्राउ परेका तामाङलाई हिरासतमा राखी महाशाखाले अनुसन्धानअघि बढाएको छ । उनी पक्राउ परेसँगै नुवाकोटका शिर्ष काँग्रेस नेताहरु तथा सरकारमा रहेका काँग्रेसका नेताहरुले समेत उनलाई छुटाउन दबाव दिन थालेको उच्च प्रहरीश्रोतले जानकारी दिएको छ ।</p>

<p><span style="line-height: 1.42857;">पर्वत ।</span><br></p><p>मकै जोन कार्यक्रम सञ्चालन भएको पर्वतको फलेवासमा मकै थन्काउने गोदामघर निर्माण भैरहेको छ । उक्त गोदामघर निर्माणको काम अहिले चलिरहेको छ । फलेवास नगरपालिका ५ खानीगाउँमा निर्माधिन गोदामघरमा २५ टन मकै थन्काउन सकिने जनाइएको छ । &nbsp;</p><p>प्रधानमन्त्री कृषि आधुनिककरण परियोजना मकै जोन कार्यान्वयन कार्यालय फलेवासले गोदामघर निर्माणको कार्य गरिरहेको हो । साविकका गाविस खानीगाउँ मुडिकुवा, शंकरपोखरी ,थापाठाना ,लिमिठाना र ठानामौलामा उत्पादन हुने मकै वीउको थन्काउन गोदामघर वनाइँदै गरेको वरिष्ठ कृषि विकास अधिकृत वसन्तकुमार श्रेष्ठले जानकारी दिनुभयो । यि ६ गाविस मकै जोनमा समाबेश भएका छन् । ति गाविसमा सुचिकृत भएको ५८६ हेक्टर क्षेत्रफलमा मकै खेती गरिन्छ । कृषकहरुले उत्पादन गर्ने मकैको वीउ जोनले खरिद गरेर वजारीकरण गर्ने श्रेष्ठले वताउनुभयो । ‘कृषकले उत्पादन गर्ने मकैको वीउ यहाँ थन्काएर राख्ने र वजारीकरण गर्ने लक्ष्य हो’ श्रेष्ठले भन्नुभयो ।&nbsp;</p><p>गत आर्थिक वर्षवाट निर्माण थालिएको गोदामघर निर्माणका लागि अहिलेसम्म २३ लाख रुपैयाँ खर्च भैसकेको छ । करिव ५० प्रतिशत काम सकिएको निर्माण कार्य चालु वर्षको अन्तिमसम्म सक्ने लक्ष्य रहेको छ । यो वर्ष पनि वजेट स्विकृत भएर आईसकेको छ वरिष्ठ कृषि विकास अधिकृत श्रेष्ठले भन्नुभयोे,‘ यो वर्ष सबै काम पुरा गर्नुपर्ने दवावमा छौँ । ’गोदामघरमा वीउका लागि छुट्टै र अन्य प्रयोजनका लागि चाहिने मकै भण्डारण गर्ने छुट्टै गोदामघर हुने उहाँले वताउनुभयो ।&nbsp;</p><p>गतवर्ष देखि मकै जोन कार्यक्रम सञ्चालन भएपछि समुह र सहकारी गठन गरेर कृषकहरुले मकै उत्पादन गरिरहेका छन् । यो वर्ष झकलक कृषि सहकारीले १५ टन मकैको वीउ उत्पादन गरेको छ भने अम्वोट कृषक समुहले ५ टन र लिमिठाना वीउ उत्पादक समुह ३ टन उत्पादन गरेको छ ।&nbsp;</p><p>भण्डारण गर्ने गोदामघर निर्माण भईनसकेकाले यो वर्षको वीउ भने सिधै वजार मुल्यको आधारमा विक्री गर्ने योजनामा रहेको कृषि अधिकृत हेम शर्मा तिवारीले जानकारी दिनुभयो । ‘कृषकहरुले वीउ विक्री गर्दिनुप¥यो भनेर भनेका छन्, तिवारीले भन्नुभयो,‘हामीले केहि फर्म र कम्पनीलाई खबर गरेका छौँ केहि दिनमै उनीहरु यहाँ आएर लैजाने कुरो छ ।’</p>