<p><span style="line-height: 1.42857143;">काठमाडौं,असोज १५ । तीन वर्षीया बालिकाको अद्भुत कला क्षमता आइतबार प्रदर्शन हुँदैछ । नेपाल कला परिषद् (आर्ट काउन्सिल)मा हुने एकल चित्रकलामार्फत तीन वर्षीय बालिका विदेहा रञ्जनको कला हेर्न पाइने भएको छ । विदेहाको तेस्रो जन्मदिनको अवसर पारेर ‘सिर्जनाको बिहानी’ नामक चित्रकला प्रदर्शन गर्न लागिएको हो ।&nbsp;</span><br></p><p><span style="line-height: 1.42857143;">सो प्रदर्शनीमा तीन वर्षीया विदेहाले कोरेकी कलात्मक चित्रहरू प्रदर्शन हुनेछन् । सो प्रर्दशनीको उद्घाटन उनकै ७० वर्षीय हजुरआमा प्रिती दाहालले गर्ने कार्यक्रम छ । स्पाइनी ब्याबलरको आयोजनामा हुन लागेको प्रर्दशनीमा विदेहाको ८० ओटा कलाकृति प्रदर्शन गरिनेछ । प्रर्दशनी बिहान ११ बजेदेखि दिउँसो ४ बजेसम्म सञ्चालन हुनेछ भने अवलोकनका लागि कुनै शुल्क नलाग्ने आयोजकले जानकारी दिएको छ ।&nbsp;</span><br></p><p><span style="line-height: 1.42857143;">नेपाली कला प्रर्दशनीको इतिहासमै पहिलोपटक सानो उमेरकी बालिकाले कोरिएको चित्रकला प्रर्दशनी गर्न लागिएको हो । उक्त कार्यक्रममा विदेहाको २२ वटा अङ्ग्रेजी तथा नेपाली गीतको भिडियो सार्वजनिक हुने उनको बुबा पल्लव रञ्जनले जानकारी दिएका छन् । १४ महिनाको उमेरमै चित्र कोर्न सुरु गरेकी विदेहाको आधा कलाकृतिहरू सिसाकलमको माध्यमबाट कोरिएका छन् । त्यस्तै मार्करले बोर्डमा कोरिएका चित्रहरू पनि रहेका छन् ।&nbsp;</span><br></p><p><span style="line-height: 1.42857143;">त्यसैगरी श्याम–स्वेत सिर्जना बाहेक चुम्बकीय बोर्डमा बनाईएका कृति तथा पेस्टलका माध्यमबाट बनाईएका चित्रकला पनि प्रर्दशनीमा राखिनेछन् ।&nbsp;</span><br></p><p><span style="line-height: 1.42857143;">चित्रकलामा शेषनारायणको मन्दिर, टौदह, सिद्धीपोखरी, नागदह, जनकपुरमा देखिएको माछा, पात, भित्तामा देखिएको माकुरो, झुसेलकिरा, हिरण्यवर्ण महाविहार, कछुवा, घरमा पालेको खरायो उनको कलामा समेटिएका छन् । त्यस्तै बालबालिकाको संसारमा आउने भूतप्रेत, कार्टुनमा देखेको मासा, भालू र व्वाँसो पनि उनको कलामा परिणत भएका छन् । उनको सिर्जनामा उडिरहेको पुतली, लुगा सुकाउँदै गरेको मानिस, भक्तपुर सहर, आकाशमाथि उडेको बादल, धान रोपार्इं, हाँस, कुखुरा, मःमः, मादल र बाँसुरी परेका छन् ।&nbsp;</span><br></p><p><span style="line-height: 1.42857143;">‘हुने विरुवाको चिल्लो पात’ भनेझं' सानै उमेरदेखि प्रतिभाको धनी विदेहाको दिनर्चया चित्रकला तथा संगीत मै तल्लिन हुने गरेको छ । आफ्ना अभिभावकसँग कतै घुम्न गयो भने त्यस ठाँउमा देखेको वस्तुस्थितिलाई चित्रमा उर्ताने उनको स्वभाव हो । कुनैदिन आफूहरू नउठ्दै एकाबिहानै उठेर उनी चित्र कोर्न थालिसकेको हुने उनको अभिभावकहरू बताउँछन् । उनले आफुले देखेको र घुमेको ठाँउको चित्र एक–दुई दिनदेखि पाँच छ महिनापछि पनि कोर्ने गरेकी छिन् । एक वर्षअघि कोरेको चित्र कुन ठाँउको हो भनेर उनले सम्झन सक्ने क्षमता उनमा रहेको पाईन्छ । सानै उमेरमा यस्तो चमत्कार देखेर अभिभावक साथै उनलाई चिन्ने साथीभाई, आफन्त, छरछिमेक समेत चकित परेका छन् ।&nbsp;</span><br></p><p><br></p><p>सरल, नम्र स्वाभावकी विदेहाको प्रर्दशनीले बाल मनमस्तिष्क भित्रको झलक मात्र नदिई शिशु विकास, कौशलता परिर्वतन, बौदिकता, सिर्जनशिलता, शारिरीक समन्वन र रचनात्कम क्षमता अभिवृद्धि सम्बन्धि दर्शकहरूमा चेतनाको विकास गर्ने उनकी आमा भगवती सापकोटा बताउँछिन् । विदेहा ‘माया माई लभ’,‘सन अन द माउन्टेन’ अंग्रेजी श्रीस्वस्थानी जस्ता पुस्तक प्रकाशित गरेका पल्लव रञ्जनकी छोरी हुन् । प्रदर्शनीमा कलाप्रति मोह राख्ने स्रोता, विभिन्न विद्यालयका विद्यार्थी, कलाकार, कवि, लेखक र विभिन्न संघ संस्थाका व्यक्तिहरूको सहभागीता रहने बताइएको छ ।&nbsp;</p><div><br></div>

<p>१५ असोज, इलाम ।<br>इलाका प्रहरी कार्यलय पशुपतिनगर र सामुदायिक प्रहरी सेवा केन्द्र पशुपतिनगर एबं स्थानीय बासीको सक्रियतामा पुर्वी इलामको सिमावर्तित बजार पशुपतिनगर बजारमा हरेक महिनाको एक देखि दुईपटक सरसफाई गर्ने गरेको छ ।</p><p>बजार क्षेत्रमा हुने फोहोर सकलन गरी जल्नेलाई जलाउने नजल्नेलाई गाडने र पुन प्रयोग गर्न मिल्नेलाई पुन प्रयोग गर्ने गरीएको&nbsp; सामुदायिक प्रहरी सेवा केन्द्रका अध्यक्ष कमल गदालले बताउनु भयो । सिमावर्तित बजार र भारतबाट नेपाल आउने एक नाका भएकोले नेपाल आउने पर्यटकहरुलाई सुरुमै सफा नेपाल देखाउन पाए पर्यटकहरु मा राम्रो प्रभाव पर्ने भएकोले पनि सफा र सुन्दर बजार निमार्णकोलागि घरअगाडी फोहोर नगर्न जनचेतना जगाउनको साथै फोहोर पनि सकंलन गर्ने गरेको गदालको भनाई छ ।</p><p>प्रहरी , सामुदायिक प्रहरी सेवा केन्द्रका प्रतिनिधि , उद्योग बाणिज्य सघँका प्रतिनिधि , होटल ब्यवसायी , बजार बासी ,&nbsp; युवा बर्ग , सघँ सस्थाँका प्रतिनिधिको सहभागितामा बजार क्षेत्रमा भएको फोहोर सकंलन ,&nbsp; फोहोर नगर्न सचेतना , डस्बीन ब्यवस्थापन लगायत गर्ने गरेको स्थानीय साबित्रा सिवाले बताउनु भयो । </p><p>बिजयदशमीलाई मध्यनजर गर्दै यस पटक आजै घटस्थापनाको दिन सफा गरीएको र आगामी दिन पनि आवस्यक्ता हेरी दैनिक सफा गर्ने र दशैभर जनचेतना बिस्तार कार्यलाई जारी राखने उहाहरुको भनाई छ । दशैको अवसरमा पशुपतिनगरमा चहलपहल बढदैछ हरेक सोमबार हाट समेत लाग्ने गर्दछ ।&nbsp; &nbsp;<br><br><br></p>

<p><span style="line-height: 1.42857143;">सिन्धुपाल्चोक,असोज १५ । &nbsp;अविरल वर्षापछि गएको पहिरोले घर पुरिँदा राम्चे-७ पुरानो गाउँमा एक जनाको मृत्यु भएको छ। &nbsp;दुई जना बेपत्ता भएका छन्। पुरानागाउँमा राति साढे २ बजे माथिबाट खसेको ढुंगासहितको ढिस्कोले भूकम्पपछि बनाएको टहरो पुर्दा ३५ वर्षीय रामकुमार तिमल्सिनाको मृत्यु भएको प्रहरीले जनाएको छ। घाइते हुनेमा चन्द्रकान्त तिमल्सिना र कमला तिमल्सिना छन्।</span><br></p><p><span style="line-height: 1.42857143;">त्यस्तै बेपत्ता हुनेमा सम्झना तिमल्सिना र उद्वव तिमल्सिना छन्। बिहान साढे ३ बजेतिर राम्चे भीर ५० मिटर माथिबाट खसेको प्रहरी निरीक्षक इलाका प्रहरी कार्यालय बाह्रबिसेले जनाएको छ ।&nbsp;</span><br></p><p>&nbsp;</p>

<p><span style="line-height: 1.42857143;">काठमाडौं,असोज १५ । &nbsp;आजदेखि हिन्दु धर्मावलम्बी नेपालीहरुको महान पर्व बडा दशैं सुरु भएको छ । विजयादशमीको पहिलो दिन आज घरघरमा कलश स्थापना गरी घटस्थापना गरिँदैछ । घटस्थापनासँगै आज घरघरमा जमरा राखिन्छ । &nbsp;आज हनुमान ढोकास्थित दशै घरमा बिहान जमरा राखिँदैछ । आश्विन शुक्ल पक्ष प्रतिपदाको दिनलाई घटस्थापना भनिन्छ । यसै दिनदेखि नवरात्री आरम्भ हुन्छ । यस दिन घर घरमा जमरा राखिन्छ र कलशको स्थापना गरी देवी–देवताको आह्वान गरिन्छ ।</span><br></p><p><br></p><p>यस दिन झिसमिसे बिहानीमै आत्मशुद्धी गरी नदी, खोला, बगर या आफूलाई पायक पर्ने ठाउँमा गई चोखो बालुवा या माटो ल्याई दसैं घर या पूजाकोठामा राखी त्यस ठाउँमा जमरा उमार्न जांै, मकैलगायतका अनाज छर्ने गरिन्छ ।</p><p><br></p><p>माता भगवतीलाई मनपर्ने बनस्पति जमरा भएकाले भगवतीलाई खुशी पार्नको लागि जमरा उमार्ने गरिएको हो । यसैगरी माटोको विशुद्ध जलपूर्ण घडाको वरिपरि नौवटा देवीको स्वरुपको प्रतिमूर्ति मानी गाईको गोबरले नौवटा देवीको वेदी बनाई लेपन गरिन्छ र घडाको वरिपरि जौ छर्ने गरिन्छ ।</p><p><br></p><p>अनि अनन्त शक्तिस्वरुपा महाकाली, महालक्ष्मी र महासरस्वतीको पूजाआजा गरिन्छ । यसै दिनदेखि नवमीसम्म घरघरमा र देवीका मन्दिरमा पहिलो दिनकै बमोजिम भगवती दुर्गाको पूजा, आराधना र प्रार्थना गरिन्छ ।</p><p><br></p><p>दुर्गा सप्तशती चण्डी पाठ गरिन्छ । आज राखिएको जमरा देवीको प्रसादका रुपमा विजया दशमीका दिन मान्यजनको हातबाट टीकासँगै लगाइने गरिन्छ । उपत्यका लगायत देशैभरको देवी मन्दिरहरुमा आज विहानैदेखि दर्शन गर्न जानेको घुईंचो लागेको छ ।</p><div><br></div>