पारा टेटेलाई राष्ट्रिय च्याम्पियन नविताको सहयोग

<p><span style="line-height: 1.42857143;">काठमाडौं, असोज १५ । &nbsp;पाँचपटककी टेबलटेनिस महिला एकल राष्ट्रिय च्याम्पियन नविता श्रेष्ठले राष्ट्रिय शारीरिक अपाङ्ग टेबलटेनिस संघलाई शनिबार खेल सामाग्री सहयोग स्वरुप प्रदान गरेकी छन् । संघमा आबद्ध पारा टेबलटेनिस खेलाडीका लागि म्याच बल ५ दर्जन, मल्टी बल २५ दर्जन, टिसर्ट ३४ थान, नेट ४ थान, रबर र रबर प्रोटेक्टर ८–८ थान, साइड टेप १२ थान, जुत्ता १ जोर, ¥याकेट कभर १२ थान र ब्याग ५ थान प्रदान गरिएको हो ।</span><br></p><p><span style="line-height: 1.42857143;">नविताले संघका अध्यक्ष दीपक केसीलाई उक्त सामाग्री हस्तान्तरण गरिन् । करिब १ लाख २० हजार मूल्य बराबरको सामाग्री प्रदान गरिएको नविताका पति एवं टेबलटेनिस खेलाडी राकेश महर्जनले जनाएका छन् । नविताले विभिन्न कार्यक्रममा पाएको पुरस्कारको रकमबाट उक्त सामाग्री खरिद गरेर वितरण गरिएको रकेशले जानकारी गराए ।</span><br></p><p><span style="line-height: 1.42857143;">नविता २०६७ सालदेखि निरन्तर च्याम्पियन छिन् । नविताले भारतमा भएको १२ औं दक्षिण एसियाली खेलकुद (साग) को महिला डबल्समा नन्द एलिनासंग मिलेर कांस्य जितेकी थिइन् । नविताकी अर्की नन्द एरिका पनि टेबलटेनिस खेलाडी हुन् । नेपाल खेलकुद पत्रकार मञ्चले आयोजना गरेको पल्सर स्पोर्ट्स अवार्डअन्तर्गत पिपुल्स च्वाइस अवार्ड– २०७२ को उपाधि पनि जितेकी थिइन् । अवार्ड जित्ने क्रममा नविताले १ लाख ५५ हजार मत पाएकी थिइन् ।</span><br></p><p><span style="line-height: 1.42857143;">१२ औं सागको तयारीका लागि थाइल्यान्डमा रहेका बेला पारा टेबलटेनिस खेलाडीबाट प्रभावित भएर यहाँका पारा टेबलटेनिस खेलाडीलाई सहयोग गरेको बताइन् । ‘१२ औं सागको ट्रेनिङमा थाइल्यान्डमा गएको बेला मैले थाइल्यान्डका पारा टेबलटेनिस खेलाडीसंग खेल्ने अवसर पाएको थिए । पछि बुझ्दै जाँदा त्यो खेलाडी त पारा ओलम्पिकको स्वर्ण विजेता रहेछ । हाम्रोमा पनि पारा टेबलटेनिस खेलाडी छन् । हाम्रा खेलाडीले पनि सहयोग पाए भने अन्तर्राष्ट्रिय पारा प्रतियोगितामा पदक जित्ने सम्भावना छ । त्यो लक्ष्यलाई भेटाउन केहि सहयोग पुगोस् भनेर सहयोग गरेकी हुँ ।’– सामाग्री वितरण गुर्नको उद्देश्य प्रकाश पार्दै नविताले भनिन् ।</span><br></p>