<p>आरके महतो-१ माघ, बर्दिबास ।<br><br>हास्यकलाकार महजोडि (मदनकृष्ण श्रेष्ठ र हरिबंश आचार्य)ले धुर्मुस–सुन्तलीले हास्यकलाकारिता क्षेत्रलाई उज्यालाएका बताएका छन् । धुर्मुस सुन्तली फाउण्डेशनले निर्माण कार्य थालेको बर्दिवासस्थित एकीकृत नमुना मुसहर बस्ती स्थल पुगेका मह जोडिले स्थानीय सञ्चारकर्मीसंग कुराकानी गर्दै धुर्मुस र सुन्तलीले थालेका देश निर्माणको काम सिङ्गो कलाकारिता क्षेत्रले गर्व गर्न लायकको रहेको बताए ।&nbsp; देश बनाउन हिडेका धुर्मुस र सुन्तलीलाई देश विदेशमा रहेका सबै नेपालीले खुलेर सहयोग गरिदिन महजोडीले सबैमा अपिल गरेका छन् ।<br><br>रकेटको गतिमा काम भइरेको भन्दै मदनकृष्ण श्रेष्ठले भने,‘पौष २५ गते शिलान्यास&nbsp; गरेको एकिकृत नमुना मुसहर बस्तीको निर्माण काम पाँच दिनबीच&nbsp; निर्माणको काम निकै अघि बढेछ । काम कसरी अघि बढ्छभन्ने दृष्टान्त बनेको छ ।’ धुर्मुश र सुन्तलीले दर्शक मात्र नहसाएर अहिले विकासको काम गरेर देशैलाई हसाइरहेको उनले बताए । ५० वटा बन्ने भनेकोमा घर मध्ये २० वटा घरको जग हालेर दण्डी ठडिएको देख्दा हरिबंश अच्मित ! हुदैं मदनकृष्णको कुरामा थपेर भने,‘ जांगरिला हातको कमाल देखियो । धुर्मुस—सुन्तली बस्ती बनाउनुको साथै सबै नेपालीको मन जोड्न तराई झरेका हुन् । ’ &nbsp;<br><img src="https://topnepalnews.comuploads/posts/6873b97051bfa34a2eb3aa71d06483a11484385184.jpg" style="width: 655px; height: 491.25px;"><br><br>काम सुरु भएको १०० दिनमै घर हस्तान्तरण गरिने घोषणा गरिएको छ । यति थोरै अवधीमा ५० वटा घर हस्तान्तरण हुन सक्ला…? भन्ने संचारकर्मीहरुको प्रश्नमा मदनकृष्ण ले भने,‘यहाँको काम गराइले तोकिएको अवधीमै घर हस्तान्तरण हुन्छ । हुनु पर्छ । हेर्नुस् त काम गर्दा हुने रहेछ नी । ढिला सुस्तीले देश विकास हुन सकेको छैन । शिलान्यास गर्न आउँदा फिल्ड सम्म थियो । पाँच दिनमा आउँदा त २० वटा घरको जग खनेर १० वटा घरको त&nbsp; पिलरै हालने क्रम जारी छ ।’ दैनिक झन्डै २ सय कामदार खटेर जाडो मौसममा बस्ती खटेर निर्माणको काम गरिरहेका छन् । ६५ जना गाउँले श्रमदान गरिरहेका छन् ।<br><br><img src="https://topnepalnews.comuploads/posts/80e51f069d943dff2da847d256f416c91484385204.jpg" style="width: 666px; height: 499.5px;"><br></p><p>काम गर्दै गरेका महिला दिदीबहिनीहरुले निर्माण स्थलमा महजोडि जाँदा नमस्कार गर्दा महजोडि खुशि भए । हरिबंशले दिदी बहिनीहरुस.हात मिलाउँदै भने,‘ मन सोझिएको छ, काम सोझिएको छ । आउने बैशाख १ गते नयाँ बर्षमा यहांहरु(मुसहरहरु) नयां घरमा सर्छन् । ’ बोल्न लाजाउने मुसहरहरु&nbsp; नमस्कार गर्न सिकेको पाएको भन्दै परिवर्तन सम्भव रहेको भन्दै उनले बस्ती निर्माण सबैले आआफ्ना ठाउँबाट सहयोग गर्नु पर्नेमा जोड दिए ।<br><br>कलाकारिता क्षेत्रका हस्तीहरु बिकास निर्माण र समाजसेवाका क्षेत्रमा पसेर देश निर्माणको काममा जुटेका छन् । अब देश निर्माण गर्छौं भन्नेले के गर्लान्..? भन्ने प्रश्न चौतर्फी उठिरेको छ । यस प्रश्नको उत्तरमा मदनले भने,‘ चिन्ता गर्नु पर्दैन देश निर्माण गर्छौ भन्नेहरुले..। धुर्मुस–सुन्तली काभ्रेको पहरी बस्ती, सिन्धुपाल्चोकको गिरान्चोर सकेर बर्दिवास मुसहर बस्ती आएका छन्् । यो सकेर कहीं जालान् । बांकी सिंगै नेपाल देश बनाउंछौं भन्नेका लागि खुला छ । बनाउंछौ भन्नु..अनि बनाउन लाग्नु । भई हाल्यो नि !’ नेपाली जनताले देश विकास, समृद्धि र शान्ति खोजि रहेका छन् । देशलाई सुन्दर बनाउन धेरै काम गर्न बाँकी छ ।मदनको कुुरामा हरिबंशले थपे,‘देशमा काम गर्नु पर्ने क्षेत्र बिशाल छ । बनाउंछौ भन्ने मित्रहरुले संकल्प गरेर अघि बढे हुन्छ । सम्झिए हामी पनि सकेको सहयोग गर्न पुग्छौं ।’<br><br><img src="https://topnepalnews.comuploads/posts/8e6230401727770d1cc8b6b40b237fbe1484385235.jpg" style="width: 664.756px; height: 498.567px;"><br>धुर्मुस र सुन्तलीसहितको जांगरिलो नयाँ पुस्ता हास्य व्यंगमा मात्र धाराबाहिक श्रृङख्ला नपकेर विकास निर्माणको धाराबाहिक श्रृङख्ला जनता सामु पस्किरहेको भन्दै मह जोडिका मदनकृष्ण श्रेष्ठले खुशी व्यक्त गरे । उनले भने,‘ नायाँ पुस्ता नयाँ काममा छ । के तपांईहरुलाई संका छ..? हाम्रो हास्य कलाकारिता क्षेत्रमा मान्छे (दर्शक) हंसाउनेमात्र हैन, देश हंसाउने पात्र छन् । धुर्मुस र सुन्तलीको अभियानको सिको नेताहरुले नगरे नेताहरुको भोट गुम्छ । त्यसैले धुर्मुस र सुन्तलीले गरिरहेका काम नेताहरुको लागि चुनौति सावित भएको छ ।’<br><br>दर्शक हसाउने र जनचेतना फैलाउने कामबाट धुर्मुस र सुन्तलीले विकास निर्माणकोे अभियानबाट सरकारले सिक्नु पर्ने हरिबंशले बताए । मदनको कुरामा उनले थप्दै भने,‘ मदन दाइले भन्नु भयो नि..† हामी हाम्रो नयाँ पुस्ताप्रति गर्व गछौं । धुर्मुस र सुन्तलीबाट देश बनाउने ज्ञान सरकारले सिकुन ।<br><br>बर्सौंदेखि रोग, भोक र अशिक्षाले पछाडी परेका महोत्तरीको बर्दिबास नपा २ स्थित मुसहर बस्तीको मुहार फेर्न एकिकृत नमुना मुसहर बस्ती नाम परियोजना अघि बढाएर धुर्मुस—सुन्तली फाउण्डेसनले काम थालेको छ । बस्ती बनाउन चार करोंड ७८ लाख लाग्ने भएको छ ।‘यो मानवता र सद्भावको कार्य हो,’ धुर्मुसले आग्रह गर्दै उनले भने,‘बस्ती निर्माणका लागि सबैले हातेमालो गरौं ।’सहयोगको लागि सबैमा उनीहरुले अपिल गरेका छन् ।<br></p>

<p>पाँचथर ।<br>ताप्लेजुङबाट बिर्तामोडतर्फ&nbsp; जादै गरेको&nbsp; मे१ ज २५४६ नम्बरको जिप पाँचथर फिदिमको लालिखर्क नजिक तुसारोमा चिप्लिएर सड्कबाट करिब पाँच सय मिटर तल खस्ता जिपमा सवार आठै जना घाइते भएका छन् ।</p><p>जिल्ला प्रहरी कार्यालय पाँचथरले दिएको जानकारी अनुसार&nbsp; आज बिहान करिब १० बजे सो जिप दुर्घटना भएको हो । घाइतेहरुमा मोरङ डागाीहाटका एकै परिवारका तीन दाजु भाईसमेत रहेका छन् ।</p><p>घाइतेहरु मध्ये चालक देवान दोर्जे, ताप्लेजुङकी नैनकला कार्की, ताप्लेजुङकै रोसन लिम्बुको अवस्था गम्भिर रहेको र उनीहरुलाई जिल्ला अस्पताल पाँचथरमा पारम्भिक उपचार पछि थप उपचारको लागि झापातर्फ रिफर गरिसकेको जिल्ला अस्पताल पाँचथरले जनाएको छ ।</p><p>घाइतेहहरु मोरङ डागाीहाटका जिबन खड्का, प्रमबहादुर खड्का र तुवन खड्का तेहथुमका सरोज खनाल, पाँचथर याङनामका रुद्र लोवासहित रहेका छन् घाइते अन्य तीन जनालाई पनि थप उपचारको लागि झापातर्फ रेफर गरिएको बताइएको छ ।</p><p>कतिपय घाइतेहरु पाथीभराको दर्शन गरेर फर्कदै गरेको जनाइएको छ ।&nbsp;&nbsp; सडकबाट पाँच सय मिटर तल भीरमा खसेको सो गाडी रुखमा अल्जेर अडेको थियो ।<br><br><br><br></p>