नागढुंगा हुँदै रसुवा नाकातिर गइरहेको गाडीभित्र गाडीभित्र ४ करोड नगद भेटियो

<p>काठमाडौंं,माघ १ । काठमाडौंबाट नागढुंगा हुँदै रसुवा नाकातिर गइरहेको स्कार्पियो गाडीभित्र ४ करोड ४० लाख मूल्य बराबरको विदेशी मुद्रा फेला परेको छ । विदेशी मुद्रासहित तीनजना चिनियाँ नागरिकहरु पक्राउ परेका छन् ।<br></p><p>प्रहरीले राति सवा दुई बजे एक महिला र दुई पुरुष सहित बा १ य १२३२ नम्बरको पर्यटकहरु चढ्ने स्कार्पियो गाडी नियन्त्रणमा लिएको हो । पक्राउ परेका चिनियाँ नागरिकका साथबाट २ लाख ६० हजार अमेरिकी डलर बरामद भएको छ । त्यसैगरी १८ हजार युरो र केही अष्ट्रेलियन डलरसमेत गाडीमा फेला पारिएको प्रहरीले जनाएको छ ।<br></p><p>हिजो राती नै चीनको केरुङ्ग नाका हुँदै काठमाडौं भित्रिएको १५ किलो सुन प्रहरीले बरामद गरेको छ। शुक्रवार राती १ बजेतिर महानगरीय प्रहरी वृत बालाजुका प्रहरी नायव उपरिक्षक सन्तोष तामाङसहितको प्रहरी टोलीले बालाजुको चमतीबाट उक्त सुन बरामद गरेको हो ।<br></p><p>सुनसहित गाडी चालक भक्तपुर सुर्यबिनायक ११ पलाँसे बस्ने वर्ष ३० को रबिन्द्र भुजेल पक्राउ परेका छन्। ना १ ज ४९६४ सुमोबाट सुन बरामद भएको हो। गाडीको अगाडीको ईन्जिनको भागमा ब्याट्रीको फलामको फल्स बटम जस्तो बनाई लुकाई छिपाई राखेको अबस्थामा सुन बरामद भएको प्रहरीले जनाएको छ।<br></p><p><br></p>