<p>काठमाडौ । सर्वोच्च अदालतले पोखरास्थित फेवाताल अतिक्रमण गरेर बनाइएका घर टहरा गैरकानूनी भएको ठहर गरेपछि भत्काउनका लागि बाटो खुला भएको छ ।<br><br>सर्वोच्च अदालतका न्यायाधीश ओमप्रकाश मिश्र र सपना मल्लले गत वैशाख १६ गतेको फैसलाको पूर्ण पाठ मंसिर ६ गते बिहीबार सार्वजनिक गरेको छ ।<br><br>फैसलाको पूर्ण पाठमा फेवाताल अतिक्रमण गरेर बनाइएका घर टहरा गैरकानूनी भएको ठहर गरेपछि सो भत्काउनका लागि बाटो खुला गरेको छ । फेवातालमा गैरकानूनीरुपमा निर्माण भएको ठहरा भत्काउन माग गर्दै २०६७ सालदेखि विभिन्न छ वटा रिट निवेदन सर्वोच्च अदालतमा दर्ता भएको थियो ।<br><br>निवदेनको सुनुवाइपछि अदालतले तालको अतिक्रमण गरी बनाइएको घर टहरा भत्काउने फैसला सुनाएको थियो । त्यही फैसलाको पूर्णपाठ सार्वजनिक भएको हो । पूर्णपाठमा पोखरा महानगरपालिकालाई फेवातालको जग्गामा गैरकानूनीरुपमा निर्माण गरिएका संरचना भत्काउन भनेको छ ।</p><p><img style="width: 480px;" src="https://topnepalnews.comuploads/posts/02439075ae701f66eb261601a1d2488d1542933683.jpg"><br><br>फेवाताल संरक्षणका लागि विभिन्न समयमा भएका अध्ययन प्रतिवेदनमा दिइएका सुझावको कार्यान्वयनका लागि सरकारले आवश्यक निर्णय गरी तालको संरक्षण गर्ने कार्य गर्नु फैसलाको पूर्ण पाठमा भनिएको छ ।<br><br>फेवाताल अतिक्रमणका विषयमा जग्गा छानविन गर्न सरकारले विश्वप्रकाश लामिछानेको अध्यक्षता जग्गा छानविन समिति गठन गरेको थियो । सो समितिले नापी तथा फेवातालसम्बन्धी अध्ययनलाई समेत आधार बनाई विसं २०६९ जेठ ३ गते प्रतिवेदन सरकारलाई बुझाएको थियो ।<br><br>प्रतिवेदनमा उल्लेख भएअनुसार सरकारले यो आदेश प्राप्त भएको मितिले छ महीनाभित्र फेवातालको चारकिल्ला कायम गर्नु अदालतको पूर्ण पाठमा उल्लेख छ ।<br><br>फेवातालको संरक्षणमा हुनसक्ने थप जोखिम न्यूनीकरण गर्न अपनाउनुपर्ने पूर्वसावधानीअन्तर्गत चारकिल्लाबाट कायम भएको तालको किनाराबाट ६५ मिटरसम्मको भू–भागमा भवनलगायत तालको संरक्षणमा असर पर्ने कुनै पनि भौतिक संरचना निर्माण गर्न नपाउने गरी संरक्षण क्षेत्र कायम गर्नु पनि पूर्णपाठमा उल्लेख छ ।<br><br>त्यसका लागि प्रदेश कार्यपालिकाबीच समन्वय कायम गरी अनाधिकृत रुपबाट निर्माण भएका त्यस्ता घर, होटललगायतका स्थायी वा अस्थायी संरचना छ महीना भित्रै हटाउने व्यवस्था गर्नु भनिएको छ ।<br><br>मालपोत ऐनले ताल, पोखरी तथा सोको डिल, नहर, कुलोलाई सरकारी जग्गाका रूपमा परिभाषित गरेको हुँदा फेवाताल पनि सरकारको अधिनमा रहेकाले त्यस्ता सरकारी जग्गा व्यक्ति विशेषका नाममा दर्ता भएकालाई निषेध गर्नुपर्ने अदालतको पूर्ण पाठमा उल्लेख छ ।<br><br>“प्राकृतिक एवं मानवीय कारणले फेवाताल पुरिनेक्रम जारी नै रहेको र पुरिएको भाग व्यक्तिका नाममा दर्ता भएको देखिएको छ । यो आदेश प्राप्त भएको मितिले एक वर्षभित्र छानविन गरी गराई त्यस्तो दर्ता बदर गरी तालको नाममा दर्ता गर्ने गराउन भूमि सुधार तथा व्यवस्था मन्त्रालय, मालपोत कार्यालय कास्की र नापी विभागले समन्वय गरी आवश्यक निर्णय गर्नु”, पूर्ण पाठमा भनिएको छ ।<br><br>फेवातालको प्राकृतिक सुन्दरता, दुर्लभ वन्यजन्तु एव्म जैविक विविधताको संरक्षण गर्न तथा यसको ऐतिहासिक र सांस्कृतिक महत्व जोगाइराख्न यसको वातावरणीयस्तरसमेत कायम गर्नुपर्ने देखिएको हुँदा सरकारले आवश्यक निर्णय लिनु पाठमा उल्लेख छ ।<br><br>फेवाताल संरक्षणका लागि थप जग्गाको आवश्यकता परे जग्गाप्राप्ति ऐन २०३४ तथा सम्बन्धीत अन्य कानूनको रित पु¥याई फेवातालको आसपासमा रहेको व्यक्तिगत जग्गासमेत आवश्यकताअनुसार अधिग्रहण गरी तालको दीर्घकालीन संरक्षण गर्न गराउन सरकारले समन्वय गरी आवश्यक निर्णय गर्नु पनि पाठमा उल्लेख छ ।<br><br>“फेवातालमा भएको पानी र सो ठाउँको पर्यावरणीयस्तर बनाइराख्न एवं तालको गरिमा बचाइराख्न आवश्यक देखिएकाले सरकारले फेवाताललाई संरक्षित जलाधार क्षेत्र घोषित गर्न गराउन आवश्यक निर्णय लिनु”, पूर्ण पाठमा भनिएको छ ।<br><br>पूर्णपाठमा फेवातालको जलको स्रोतका रूपमा रहेका हर्पन खोलालगायतका तालमा मिसिने अन्य खोलाले वर्षायाममा पानी सँगसँगै बगाएर ल्याएको माटो, बालुवा, ढुङ्गा र पोखरा शहरबाट बगेर आउने ढललगायत सेती नहर, बुलौदी, फिर्के खोला र सतह ढलको आउटफलबाट आउने फोहरसमेतले ताल पुरिनेक्रम जारी रहेको देखिएको छ ।<br><br>आदेश प्राप्त भएको तीन वर्षभित्र फेवातालको जलको स्रोत रहेको हर्पनलगायतका खोलाले पानी सँगसँगै बगाएर ल्याउने माटो, बालुवा, ढुङ्गा, झारपात नियन्त्रणलाई व्यवस्थित गरी तालको स्वच्छता कायम गर्ने व्यवस्था मिलाउनु पनि पाठमा उल्लेख छ ।<br><br>फेवाताल वरिपरि भएका जग्गामा कृषि कार्य गर्दा त्यसमा प्रयोग गरिने रासायनिक मल, विषादी इत्यादि फेवातालको पानीमा समेत मिसिन जाँदा पानी दूषित हुन गई जलचर, माछा एवं जीवजन्तुसमेतको जीवन सङ्कटमा पर्दै गएको छ ।<br><br>त्यसैले फेवातालमा रासायनिक मल एवं विषादीको प्रयोगमा अविलम्ब प्रतिबन्ध लगाई प्राकृतिक मलसम्म प्रयोग गर्न सचेतना फैलाउनेलगायतका कार्य गर्न सरकारले मातहतका निकायलाई यथाशीघ्र निर्देशन दिई त्यसको यथोचित अनुगमन गर्नु पाठमा उल्लेख छ ।<br><br>फेवातालको जैविक विविधता, आश्रित जलचरको जीवनलाई सङ्कटमा पार्ने गरी तालको पानीलाई प्रदूषण गर्ने, तालको प्राकृतिक क्षेत्रफल अतिक्रमण हुनेगरी आसपासका क्षेत्रमा घर तथा होटल निर्माण गर्न एव्म तालको वातावरणलाई नकारात्मकरूपमा असर गर्ने कुनै पनि कार्य नगर्न पाठमा भनिएको छ ।<br><br>त्यसका लागि सरोकारवाला निकायले आपसमा समन्वय गरी आवश्यक निर्णय गरी मापदण्ड बनाई सोको कार्यान्वयन गर्नु भनिएको छ ।<br><br>फेवातालको पानीमा फैलिएको जलकुम्भीले पानीको गुणमा हानि पु-याउने, पानीमा अक्सिजनको कमी गराउने, यसबाट जलीय झारमा वृद्धि हुने र पानीको सतहमा परिवर्तन भई जलीय जैविक विविधतामा नकारात्क प्रभाव पार्ने हुनाले जलकुम्भी नियन्त्रण गर्न आवश्यक कार्य गर्नु पनि पूर्ण पाठमा उल्लेख छ । <br></p>

<p>काठमाडौ । डडेल्धुराबाट डोटी तर्फ छुटेको पिसजोन बोडिङ बान्डुग्रीसैनको बस दुर्घटना हुदाँ २३ जनाको मृत्यु भएको छ । दुर्घटनामा घटनास्थलमै १५ जना र डडेल्धुरा उपक्षेत्रीय अस्पताल ल्याउदै गर्दा ८ जना गरि २३ जनाको मृत्यु भएको प्रहरीले जनाएको छ । </p><p>डडेल्धुराको उग्रतारा देहीजात मेला हेरेर फर्किएको बस गन्यापधुरा गाँउपालिकाका रडुवाको मोडमा सडकबाट ३०० मीटर तल खसेर दुर्घटना भएको हो । मृतकको संख्या अझै बढ्न सक्ने र घाईतेहरुको अबस्था पनि चिन्ताजनक रुपमा देखिएको घटनास्थल पुग्नु भएका प्रहरी नायब उपरिक्षक डम्बरबहादुर केसीले जानकारी दिनुभयो । दुर्घटनामा २० जना घाईतेको उद्धार गरि उपचारका लागी उपक्षेत्रीय अस्पताल पुर्याएको प्रहरी प्रमुख केसीले जानकारी दिनुभयो । <br>से १ प २९३ नम्बरको पिसजोन इङलिस बोडिङको अपरन्ह बस&nbsp; ४ : ५० बजेतिर दुर्घटना भएको हो ।</p><p>&nbsp; प्रमुख जिल्ला अधिकारी मोहनराज जोशी, डडेल्धुरा प्रहरी प्रमुख केसी सहितको सुरक्षा निकायको टोली घटनास्थल पुगेर उद्धार गरिरहेको छ । घटनास्थलमै रहेका प्रजिअ जोशीले दिएको जानकारी अनुसार घटना स्लथको प्रकृती उद्धार कार्यका लागी ज्यादै अप्ठेरो रहेको र अध्यारो भएका कारण उद्धार कार्यमा समस्या भईरहेको बताउनुभयो । <br>मृतकको पहिचान खुल्न सक्ने अबस्था अहिले नै सम्भब नरहेको जानकारी दिदै&nbsp; प्रजिअ जोशीले उद्धार कार्य जारी रहेको बतायनुभयो । घटनामा गम्भीर घाइतेको सङ्ख्या धेरै भएकाले उनीहरुलाई बचाउनको लागी प्रयासमा उद्धार टोली रहेको छ । &nbsp;</p><p>बसमा डोटीको बान्डुसैन क्षेत्रका उग्रतारा मेला हेर्न आएका स्थानियहरु रहेको जनाएको छ । बसमा ४० भन्दा बढी सवारी रहेको प्रहरीले जनाएको छ ।&nbsp; <br><br></p>

<p align="justify">नुवाकोट । वन क्षेत्रको संरक्षण गरी पर्यापर्यटन प्रबद्धन गर्नको लागी लाङटाङ राष्ट्रिय निकुञ्जले मध्यवर्ती क्षेत्र अन्तरगत पर्ने विभिन्न १४ समूहलाई ग्याँसचुल्हो, ग्यास सिलिण्डर प्रदान गरेको छ । यस्तै, विद्यालयबाट उत्पादन हुने फोहरको सही व्यवस्थापन र पानी शुद्धिकरण गर्ने उकरण समुदायले सञ्चालन गर्दै आएको होमस्टेलाई उपलब्ध गराएको छ ।<br><br>दुप्चेश्वर गाँउपालिकको वडा नं. १ घ्याङफेदीमा इन्द्रेणी मध्येवर्ती क्षेत्र उपभोक्ता समूहले मंसिर ६ गते बिहीबार आयोजना गरेको कार्यक्रममा निकुञ्जले उपलब्ध गराएका सामाग्रिहरु लाभान्वित वर्गलाई प्रदान गर्दै गाँउपालिकको अध्यक्ष योबिन्द्रसिंह तामाङले वनक्षेत्रको संरक्षण गरी पर्यावरण सफा बनाउनको लागी आग्रह गर्नुभएको छ ।</p><p align="justify"><img style="width: 1024px;" src="https://topnepalnews.comuploads/posts/11bd095ceed7ff7c3e41d15304ea55511542896407.jpg"><br><br>अध्यक्ष तामाङले समुदायले पराम्परादेखि प्रयोग गर्दै आएका वन क्षेत्रको उपभोगलाई समयअनुकुल&nbsp; संरक्षण र पर्यावरणलाई असर नपुग्ने गरी अहिलेका आधुननिक सामाग्रिको उपभोग गरेर हरियाली कायम राख्नको लागी आग्रह गर्नुभएको छ । निकुञ्जबाट प्राप्त भएको सामाग्रिको रुपमा उहाँले वडा नंं १ अर्थात साविक घ्याङफेदीमा रहेको विभिन्न १४ समूहलाई ग्याँस चुल्हो र ग्याँस सिलिण्डर प्रदान गर्नुभएको छ । </p><p align="justify"><img style="width: 768px;" src="https://topnepalnews.comuploads/posts/58855032f9d775e3bb7e9eec8f7bb7861542896333.jpg"><br><br>अध्यक्ष तामाङले घ्याङफेदी समूहलाई दुई वटाँ ग्याँस चुल्हो र तीन वटा सिलिण्डर, नेगी सेल्जुङ काहुले समूहलाई तीन वटाँ ग्याँस चुल्हो र दुई वटा सिलिण्डर, दोलुङ कटुञ्जे समूहलाई तीन वटाँ ग्याँस चुल्हो र तीन वटा सिलिण्डर, निग्लेनी समूहलाई दुई वटाँ ग्याँस चुल्हो र दुईवटा सिलिण्डर, तालु समूहलाई दुई वटाँ ग्याँस चुल्हो र दुई वटा सिलिण्डर, कसेरी समूहलाई दुई वटाँ ग्याँस चुल्हो र दुई वटा सिलिण्डर प्रदान गरिएको छ । </p><p align="justify"><img style="width: 768px;" src="https://topnepalnews.comuploads/posts/ab217a4394745f399cf62fc5fe3884411542896351.jpg"><br><br>यसैगरी, चेताङ समूहलाई दुई वटाँ ग्याँस चुल्हो र दुई वटा सिलिण्डर, घ्यावर समूहलाई चार वटाँ ग्याँस चुल्हो र तीन वटा सिलिण्डर, उप्रा समूहलाई दुई वटाँ ग्याँस चुल्हो र दुई वटा सिलिण्डर, सिसिपु समूहलाई पाँच वटा वटाँ ग्याँस चुल्हो र चार वटा सिलिण्डर, घ्याङडाँडा समूहलाई तीनवटाँ ग्याँस चुल्हो र दुई वटा सिलिण्डर, सिङ्काटे समूहलाई दुई वटाँ ग्याँस चुल्हो र दुई वटा सिलिण्डर, ह्वीकेल समूहलाई तीन वटाँ ग्याँस चुल्हो र दुई वटा सिलिण्डर र किगाँउ सेम्दोङ समूहलाई चार वटाँ ग्याँस चुल्हो र दुई वटा सिलिण्डर प्रदान गरिएको छ । निकुञ्जले उपलब्ध गराएको ग्याँस र चुल्होले गाँउमा&nbsp; भोज गर्ने समयमा दाउराको प्रयोग गर्नुपर्ने बाध्यता हटाएर जंगलको संरक्षण र खाना पकाउनको लागी निकुञ्जको मध्यवर्ती क्षेत्रका बासिन्दालाई सहज बनाउने लक्ष्य लिइएको छ । </p><p align="justify"><img style="width: 768px;" src="https://topnepalnews.comuploads/posts/16f9dd784fb6c97bb5676a7ec7da849c1542896368.jpg"><br><br>यस्तै, निकुञ्जले इन्द्रेणी मध्येवर्ती क्षेत्र उपभोक्ता मार्फत निकुञ्ज संरक्षणमा सहयोग पु-याउन वडा नं १ मा रहेका दश वटा विद्यालयलाई एक–एक थान फोहर संकलन गर्ने भाडाँ उपलब्ध गराइएको छ । विद्यालयमा उत्पादन हुने फोहरलाई संकलन गरी नष्ट हुने र नहुने बर्गिाकरण गरी त्यसको बिसर्जन गर्दा बातावरणलाई असर पुग्नबाट जोगाउन सकिने विश्वास लिइएको छ ।<br><br>&nbsp;यसैगरी निकुञ्ज मार्फत प्राप्त भएको पाँच लाख रुपैयाँ भन्दा बढी मूल्यपर्ने पानी शुद्धिकरण गर्ने उपकरण घ्याङफेदीको साविक वडा नं. ४ मा रहेका होमस्टेहरुले प्रयोग सामूहिक रुपमा प्रयोग गर्ने गरी उपलब्ध गराइएको गाँउपालिकको अध्यक्ष तामाङले बताउनुभएको छ ।<br></p><p align="justify"><img style="width: 1024px;" src="https://topnepalnews.comuploads/posts/c1f8ab32571202ae1e702fad4e33b41c1542896387.jpg"><br>पानी शुद्धिकरण गर्ने उपकरणले बोत्तलको पानी प्रयोग गरिराख्नु पर्ने बाध्यता अन्त्य हुने र पर्यटकको आगमनको समयमा बोतलको पानी प्रयोग गरी निकुञ्ज क्षेत्रमा जथाभावी फ्याक्नाले पर्यावरणमा पुग्दै आएको असर समेत घटाउन सहयोग मिल्ने विश्वास लिइएको छ । <br><br>कार्यक्रममा गाँउपालिकाको उपाध्यक्ष अञ्जु आचार्यले निकुञ्जको मध्यवर्ती क्षेत्रका बासिन्दाले&nbsp; पर्यावरण जोगाउनको लागी गर्ने सानो प्रयासले पर्यटन प्रबद्धन र जंगल क्षेत्रको संरक्षणमा उल्लेख्य सहयोग पुग्ने बताउनुभएको छ । उहाँले गाँउमा सामाजिक कार्यको लागी भोज बनाउन आवश्यक दाउराको लागी रुख ढाल्नुपर्ने बाध्यता ग्याँस चुल्हो र सिलिण्डर प्राप्त भएपछि हटाउनको लागी आग्रह गर्नुभएको छ । <br><br>कार्यक्रममा इन्द्रेणी मध्यवर्ती समूहका अध्यक्ष नरेश तामाङ, वडा नं .१ का कार्यबहाक वडाध्यक्ष नाग साङ तामाङ, होमस्टे सञ्चालन समितका अध्यक्ष कर्मजीत तामाङ, मध्यवर्ती उपभोक्ता समितिमा अन्तरगतका विभिन्न समूहमा आबद्ध उपभोक्ताहरुको सहभागिता रहेको थियो । <br><br><br></p>

<p align="justify">खरानीटार । नुवाकोटको तादी गाउँपालिकाका कर्मचारी कार्यालयको काम छाडेर भ्रमण जान लागेको भन्दै केही अनलाइनमा आएको समाचार भ्रामक भएको गाउँपालिकाले जनाएको छ । <br><br>आज गाँउपालिकाले बिज्ञप्ती जारी गर्दै चालु आर्थिक वर्षको बार्षिक नीति तथा कार्यक्रम अन्तरगत गाँउसभाबाट स्वीकृत भएको चालु खर्च अन्तरगत कर्मचारीको क्षमता विकास, तालीम अध्ययन, अवलोकन शिर्षकमा कानून बमोजिम एवम् प्रक्रिया पु-याएर आन्तरिक भ्रमणको रुपमा प्रदेश न ६ जान लागेको स्पष्ट पारेको छ ।<br><br>गाँउपालिकको प्रमुख प्रशासकीय अधिकृत अशोक विष्टले जारी गरेको ध्यानाकर्षण पत्रमा कार्यपालिकाको कार्तिक १६ गते बसेको बैठकको निर्णय अनुसार आन्तरिक पर्यटनलाई टेवा पु-याउदै नेपालको प्रदेश न ६ मा&nbsp; पर्ने विभिन्न स्थानीयतहको भ्रमण गरी त्याहाको सकारात्मक काम तथा अनुभव बटुल्नको लागी जान लागेको भ्रमणलाई अनावश्यक टिप्पणी र भ्रम फैलाएर केही अनलाईनले बाहिर ल्याएको खबर भ्रमपूर्ण रहेको उल्लेख गरिएको छ । <br><br>ध्यानाकर्षण पत्रमा गाँउपालिकाले कुनैपनि कार्यक्रमहरु बार्षिक नीति तथा कार्यक्रम भित्र नपरेका, गाँउसभाले पास नगरेका र कार्यपालिका बैठकले निर्णय नगरेकालाई काम नगर्ने स्पष्ट बनाउदै कर्मचारीको क्षमता विकास शिर्षकमा हुन लागेको भ्रमण राज्यले उपलब्ध गराएको सुविधा र एक–अर्को स्थानीयतह बीच अनुभव बाढेर त्यसको फाइदा सेवाग्राहीलाई पुग्नेमा केन्द्रित गराउन लागेको जनाइएको छ ।</p><p align="justify"><img style="width: 540px;" src="https://topnepalnews.comuploads/posts/1f1da5655048309a8e6365a3a53ae2f81542897219.jpg"><br>गाँउपालिकामा निर्वाचित जनप्रतिनिधिको आगमन पछि स्थानीय सरकारको रुपमा जनतालाई सेवा पु-याउन क्रियाशिल रहेकाले कानूनले निर्दिष्ट गरे भन्दा बाहेकको गतिविधि नहुने स्पष्ट पार्दै गाँउपालिकाको कर्मचारी काम छोडेर घुम्न जान लागेको भनेर श्रोत उद्रित नगरी आएको समचार गलत भएको जनाएको छ । <br><br>गाँउपालिकाले बेथिती ढङ्गबाट कर्मचारीलाई काम गर्न दबाब दिने, नियम भन्दा बाहिर जाने तथा व्यक्तिगत स्वार्थको लागी कुनै क्रियाकलाप नगर्ने भएकाले जनताको सेवा तिव्रता, इमान्दारिता, सुशासन एवम् पारदर्शी बनाउन सदैव तत्पर रहेको प्रतिबद्धता समेत गाँउपालिकाको अध्यक्ष नारायणप्रसाद पाण्डेले जनाउनुभएको छ ।<br></p>

<p align="justify">नुवाकोट । प्रेस काउन्सिल नेपालले पत्रकार आचारसंहिता जागरण अभियान शुरु गरेको छ ।&nbsp; पत्रकारिता क्षेत्रलाई व्यवस्थित गर्दै पत्रकार आचारसंहिताप्रति जिम्मेवार र उत्तरदायी बनाउने उद्देश्यले काउन्सिलले गुल्मी, अर्घाखाची, सर्लाही, पर्सालगायतका जिल्लामा मंसिर ५ गते बुधबारदेखि जागरण अभियान शुरु गरेको हो । अभियानअन्तर्गत जिल्लाका पत्रकार र सरोकारवाला निकायबीच अन्तक्र्रिया, गोष्ठी, प्रेस अनुगमन, आचारसंहिताबारे पत्रकारको समस्या र आचारसंहिताको कार्यान्वयनको अवस्थाबारे अध्ययन गरिने काउन्सिलका निमित्त मुख्य अधिकृत तथा सूचना अधिकारी दीपक खनालले जानकारी दिनुभएको&nbsp; । जागरण अभियान देशैभरि सञ्चालन गर्न लागिएको छ ।<br><br>&nbsp;&nbsp; &nbsp;पछिल्लो समयमा काउन्सिलमा पत्रकार आचारसंहिता उल्लङ्घनका उजुरी बढ्दै गएको समयमा अभियानलाई अर्थपूर्ण रुपमा हेरिएको छ । पछिल्लो तीन महीनामा प्रेस काउन्सिल नेपालमा ५३ वटा पत्रकार आचारसंहिता उल्लङ्घनसम्बन्धी उजुरी परेको तथ्याङ्कले देखाएको छ । <br><br>&nbsp;यस आर्थिक वर्षको गत साउनदेखि असोज मसान्तसम्ममा विद्युतीय माध्यममा ३७ वटा र छापा माध्यममा १४ वटा गरी ५१ वटा उजुरी परेको पाइएको छ । <br><br>नेपाल पत्रकार महासङ्घको सहमतिमा प्रेस काउन्सिल नेपालले पत्रकार आचारसंहिता, २०७३ जारी गरेको छ । <br>आचारसंहिताको पत्रकार र सञ्चारमाध्यमको कर्तव्यमा प्रेस स्वतन्त्रताको संरक्षण र सम्वद्र्धन गर्नुपर्ने, सत्यतथ्य, सन्तुलित र वस्तुनिष्ठ सूचना सम्प्रेषण गर्नुपर्ने र समाचार, विचार र विज्ञापन छुट्टिने गरी सम्प्रेषण गर्नुपर्ने लगायत १५ बुँदा उल्लेख गरिएको छ ।<br><br><br></p>