<p align="justify">गुल्मी ।&nbsp; अविरल वर्षाले गुल्मीको सत्यवती गाउँपालिकाका विभिन्न स्थानमा पहिरोले घर बगाउँदा कम्तीमा ९ जनाको मृत्यु भएको छ भने ४ जना बेपत्ता छन् । सत्यवती गाउँपालिका–३ को दाङसिंगाको कसिङथलामा आमा र छोराको मृत्यु भएको छ । सत्यवती–३ कै सिङदीमा २ जना बेपत्ता भएको स्थानीय मनबहादुर राहाडीले जानकारी दिए ।<br>ठूलोलुम्पेकको कसिङथलामा स्थानीय ३० वर्षीय तिलकुमारी तरामुको घर पहिरोमा पुरिएको छ। पहिरोले पुरेर तिलकुमारी र उनका १० वर्षीय छाेरा दर्शनको मृत्यु भएको हो। सोही घरबाट २ जनालाई सकुशल उद्दार गरिएको छ।<br><br>सिङदीमा पहिराेले घर पुरिँदा माया विक र उनका १७ वर्षीय बवी विक बेपत्ता छन्। पहिरोले गाउँमा २० घर बढी जोखिममा परेको वडा सदस्य अर्जुन तरामुले जानकारी दिए।</p><p align="justify"><img style="width: 1000px;" src="https://topnepalnews.comuploads/posts/0980141d9fa9ca88b16b060dc5a10e661563861234.jpg"><br><br>सत्यवती गाउँपालिका–४ लिम्घा भीरकुनामा अहिलेसम्म ५ जनाको मृत्यु भएको स्थानीय कृष्ण भण्डारीले जानकारी दिएका छन्। भिरकुनाका मनबहादुर विक, कालु विक, छलि विक र चन्द्रे विक लगायत दर्जन बढी घरमा पहिरोले क्षति पुगेको छ। ४ जना पहिरोमा बेपत्ता छन्। बेपत्ता भएकाको अहिलेसम्म केही जानकारी नआएको उनले बताए।<br>लिम्घाको भीरकुनाका ६ घरमा पूर्ण रुपमा क्षति पुगेको छ। तीन घरमा ९ जना बस्दै आएका थिए। लिम्घाको भीर कुनामा माथिल्लो भाग र पूर्वबाट पहिरो झर्दा १० घर बढीका बासिन्दालाई सुरक्षित स्थानमा लैजान स्थानीय उद्धारमा खटिएका छन्। यहाँ अझै पनि २० घर बढी जोखिममा रहको स्थानीय भरत शाहीले बताए। बिहान ३ बजेपछि यहाँ ठूलो पानी परेको थियो। अहिले पनि लेदो माटोसहित पहिरो खसेको उनले बताए। </p><p align="justify"><br>…………………………………………………………………………………………………………………………………………………………………………………………………………………………………………………………………………………………….</p><p align="justify">गुल्मीका दुई स्थानमा पहिरो जाँदा ६ जनाको मृत्यु भएको छ। सत्यवती गाउँपालिका-४, मिल्मीमा आज बिहान खसेको पहिरोमा परि ४ जनाको मृत्यु हुनाका साथै थप ५ जना बेपत्ता भएका छन्।<br><br>सत्यवती गाउँपालिका-४ का वडाध्यक्ष दानबहादुर रानाका अनुसार हालसम्म ४ जनाको शव बाहिर निकालिएको छ। 'वस्तीमाथि करिब २ सय मिटरको उचाईबाट खसेको पहिरोले ३ घर बगाएको छ। ३ परिवारका ९ जना सुतिरहेको अवस्थामा पहिरो गएकोमा हालसम्म ४ जनाको शव निकालिएको छ,' उनले भने।<br><br>मृत्यु हुनेमा ६५ वर्षीय छल्लली बिक, २८ वर्षीय पम्फा बिक, १२ वर्षीय अञ्जली बिक र १० वर्षीय हेमन्त बिक छन्।<br><br>गुल्मीका प्रहरी प्रमुख दीपक कुमार बस्नेतले घटना मंगलबार बिहान ४ बजेतिर भए पनि स्थानीयले करिब ५ बजेतिर थाहा पाएर खबर गरेको जानकारी दिए। अहिले घटनास्थलमा सुरक्षाकर्मी तथा स्थानीयको सहयोगमा पहिरो पन्छाउने काम भइरहेको उनले बताए।<br><br>सो क्षेत्रमा सोमबार साँझदेखि पानी परेको र वरपरका परिवारलाई भने सकतर्कता अपनाउन आग्रह गरिएको वडाध्यक्ष रानाले बताए। वस्ती तत्काल सार्नुपर्ने आवश्यकता भने नरहेको उनको भनाइ छ।<br><br>सोही गाउँपालिकाको वडा नम्बर ३ मा पनि पहिरो गएको छ। सत्यवती गाउँपालिका–३, ठूलोलुम्पेक कसिन डाँडामा पहिरोले घर पुरिँदा ३२ वर्षीया तीलकुमारी त्रामु र ९ वर्षीय दर्शन त्रामुको मृत्यु भएको छ।<br><br>पहिरोमा पुरिएर १० वर्षीया करिश्मा त्रामु र १३ वर्षीय धनी त्रामु घाइते भएका प्रहरीले जनाएको छ।<br></p>

<p>खरानीटार । नुवाकोटकाे तादी गाउपालिका वडा नं २ मा गत असार १९ गते घट्टे खोलाले बगाएर मृत्यु भएको देबकृष्ण तामाङ र बेपत्ता हुनुभएका बिनोद तामाङको परिवारलाई सहयाेग स्वरुप तादी गाउँ कार्यपालिकाले रु २५००० हजार सहयाेग गरेकाे छ ।<br></p><p>पीडित परिवारलाइ गाउपालिका अध्यक्ष नारायण पाण्डे, उपाध्यक्ष ईश्वरि उप्रेती, प्रमुख प्रसासकिय अधिकृत अशोक बिष्ट&nbsp; र वडा अध्यक्ष बच्चुराम तामाङले सहयाेग रकम हस्तान्तरण गर्नुभएकाे हाे । उक्त रकम पीडित परिवारलाई थोरै भए पनि राहत महसुस भएको स्थानीय युवा प्रदीप शर्माले बताउनुभयाे ।</p><p>बाढीले बगाएर बेपत्ता बनाएकाे मध्ये देवकृष्णकाे शव दुइदिन पछि भेट्टिएकाे थियाे भने बिनाेद अझै बेपत्ता छन् ।</p>

<p>काठमाडौ । अविरल वर्षाका कारण देशका विभिन्न स्थानमा आएको बाढी, पहिरो र डुबानमा परी सोमबार दिउँसोसम्म ६७ जनाको मृत्यु भएको छ। <br><br>बाढी, पहिरो र डुबानमा परी काठमाडौंमा ३ जना, मकवानपुरमा ६ जना, ललितपुर, रौतहट र भोजपुरमा ५/५ जना, ओखलढुंगा, सिराहा र सिन्धुलीमा ४/४ जना, खोटाङ, धनुषा र काभ्रेमा ३/३ जना, झापा, उदयपुर, पर्सा, बारा, महोत्तरी, धादिङ र डोल्पामा २/२ जना तथा इलाम, पाँचथर, मोरङ, सुनसरी, रामेछाप, चितवन, पाल्पा र दाङमा १/१ जना गरी जम्मा ६७ जनाको मृत्यु भएको हो।<br><br>मृत्यु हुनेमध्ये २६ जना महिला ४१ जना पुरुष रहेका छन्। <br><br>बाढी पहिरोमा परेका काठमाडौंमा २ सय ८५ जना, ललितपुरमा ६१, उदयपुर १०, रौतहटमा २ सय, महोत्तरीमा ५ सय, सिराहामा २, सर्लाहीमा १ सय, सप्तरीमा २५, सिन्धुलीमा ७०, धादिङमा १७, चितवन १ सय ७० तथा भक्तपुर, सुनसरी, मकवानपुर, खोटाङ र डोल्पामा १/१ जना गरी जम्मा १ हजार ४ सय ४५ जनालाई सकुशल उद्धार गरी सुरक्षित स्थानमा स्थानान्तरण गरिएको छ।<br><br>बाढी पहिरोमा परी डोल्पामा ९ जना, सिन्धुलीमा ४ जना, इलाम र मोरङमा ३/३ जना, महोत्तरी र मकवानपुरमा २/२ जना तथा काठमाडौं, ललितपुर, झापा, सुनसरी, पर्सा, रौतहट, धनुषा, धादिङ र दाङमा १/१ जना गरी ३२ जना बेपत्ता भएका छन्। बेपत्ता भएकामध्ये १४ महिला र १८ जना पुरुष छन्। उनीहरुको खोजी कार्य जारी छ।<br><br>साथै धनकुटामा ८ जना, मकवानपुरमा ५ जना, ललितपुर र सिराहामा ३/३ जना, झापा, भोजपुर, सुनसरी, महोत्तरी, काभ्रे र सिन्धुलीमा २/२ जना तथा काठमाडौं, भक्तपुर, खोटाङ, उदयपुर, रामेछाप, धादिङ, दोलखा र चितवन १/१ जना गरी जम्मा ३९ जना घाइते भएका छन्। घाइतेमध्ये १८ महिला र २१ पुरुष रहेका छन्। घाइतेहरूलाई उपचारका लागि स्थानीय अस्पताल लगिएको छ।<br><br>पहिरो तथा बाढीको कारण बन्द भएका विभिन्न स्थानका बाटो प्रहरीले सुचारु गराएको छ। साथै महोत्तरी बर्दिबास नगरपालिका १ र ४ जोड्ने पूर्व पश्चिम राजमार्गमा रहेको भप्सी खोलामा डाइभर्सन गरेको बाटो पानीको बहाब बढ्न गई सोमबार बिहानबाट अवरोध भएको छ। साथै ललितपुर, मकवानपुर, रामेछाप, मुस्ताङ, मनाङ, ओखलढुङगा, भोजपुर, रौतहट, महोत्तरी, पाल्पा, कालिकोट लगायतका स्थानमा भएको बाटो अवरोध हटाउने कार्य जारी छ। <br><br>अविरल वर्षाको कारण देशका विभिन्न स्थानमा आएको बाढी, पहिरो र डुवानबाट प्रभावित स्थानहरुमा भएको क्षति न्यूनीकरण र उद्धारमा सम्बन्धित प्रहरी कार्यालयका प्रहरी कर्मचारीहरु उद्धारमा सक्रिय रुपमा संलग्न रहेका छन्। <br><br>साथै बाढी पहिरोको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, पहिरोमा पुरिएका धनमाल निकालेर सुरक्षा गर्ने काम समेत विभिन्न निकाय र स्थानीयवासीको समन्वय र सहयोगमा प्रहरीले गरिरहेको छ।<br></p>

<p>काठमाडौ । नेपाली कांग्रेसका संघीय सांसदले बाढी पहिरो प्रभावितलाई पाँच दिनको तलब बराबरको रकम सहयोग गर्ने भएका छन्। <br><br>बाढी पहिरो र डुबान प्रभावितका लागि राहत स्वरुप नेपाली कांग्रेसका संघीय संसदमा प्रतिनिधित्व गर्ने सांसदहरुले ५ दिनको तलब बराबरको रकम सहयोग गर्ने&nbsp; कांग्रेसले जानकारी दिएको छ। <br><br>यससँगै विपदबाट उद्धार, राहत र पुनर्स्थापनामा जुट्नुपर्ने समय सरकार संसदको सामना गर्न नै तयार नहुनु दुखद् पक्ष भएको कांग्रेसले जनाएको छ।<br><br>उद्धार, राहत र पुर्नस्थापनाका विषयमा संसदमा गम्भीर छलफल गर्न अत्यावश्यक भएको कांग्रेसले जनाएको छ। कांग्रेस र राष्ट्रिय जनता पार्टीले प्रतिनिधि सभामा बाढी पहिरोसँग सम्बन्धित अत्यन्त जरुरी सार्वजनिक महत्वको विषय प्रस्ताव प्रति&nbsp; सत्तापक्ष सकारात्मक नदेखिएको प्रमुख सचेतक बालकृष्ण खांडद्धारा जारी विज्ञप्तीमा भनिएको छ। । <br><br>यसैबीच संघीय संसदका अन्य कार्यसूची स्थगन गरी बाढी पिडितका विषयमा गृहमन्त्रीको जानकारी माग गर्दै कांग्रेस र राजपाले संसदमा दर्ता गराएको विशेष महत्वको प्रस्तावको सुनुवाई भएको थिएन।<br><br>संसदको धारणा सुनी सरकारले प्रतिबद्धता व्यक्त गर्नुपर्ने समयमा सरकारले जनतालाई विश्वास र भरोसा दिलाउन नसकेको ठहर गरेको छ। संसदलाई वेवास्ता गर्नुलाई कांग्रेसले असंवेदनशील, अनुत्तरदायी र असहिष्णुता कार्य भनी खेद प्रकट गरेको छ। <br><br></p>

<p>काठमाडौ ।&nbsp; अख्तियार दुरुपयोग अनुसन्धान आयोगले धरानस्थित बिपी कोइराला स्वास्थ्य विज्ञान प्रतिष्ठानका पूर्व उपकुलपति सहित ८ जनालाई १६ करोड १० लाख ७५ हजार ८२ रुपैयाँ भ्रष्टाचार गरेको आरोपमा मुद्दा दायर गरेको छ।<br><br>अख्तियारले विशेष अदालतमा उनीहरुविरुद्ध भ्रष्टाचार निवारण ऐन अनुसार कैद र जरिवानासहित बिगो रकम असुलको मागदाबी सहित मुद्दा दर्ता गरेको हो। प्रतिष्ठानका पदाधिकारी तथा कर्मचारीले ऐन विपरीत बदनियतपूर्वक गैरकानुनी रुपमा आर्थिक लाभ लिई सप्लायर्स तथा आफूलाई फाइदा र प्रतिष्ठानलाई हानि नोक्सानी पु¥याएको भन्दै अख्तियारले उनीहरुविरुद्ध आज सोमबार विशेषमा आरोप पत्र दायर गरेको हो।<br><br>अख्तियारले सबैभन्दा बढी पूर्व उपकुलपति दासले ४ करोड ८ लाख ९८ हजार १९ रुपैयाँ भ्रष्टाचार गरेको आरोप पत्रमा उल्लेख गरेको छ। त्यसपछि अस्पतालका तत्कालिन निर्देशक अरविन्द कुमार सिन्हादे ३ करोड ७५ लाख ३० हजार ६ सय १९, रजिष्ट्रार तुलबहादुर श्रेष्ठले ५६ लाख ७७ हजार ४ सय पाँच, लेखा प्रमुख दिनेश राज दाहालले २ करोड ३४ लाख ८१ हजार ८ सय १९, डेपुटी म्यानेजर अमित श्रीवास्तवले १ करोड ७४ लाख भ्रष्टाचार गरेको उल्लेख छ।<br><br>यस्तै उपकरण सप्लायर्स कम्पनी प्रोसिजन मेडिकल प्राली र वायोमेड इन्टरनेसनलका प्रोपाइटर चेतन अग्रवाल र उपकरण सप्लायर्स सर्विकेम डिस्टिव्युटर्सका प्रोपाइटर उमेश अग्रवालले क्रमश: १ करोड ४ लाख र ६० लाख ३७ हजार रकम भ्रष्टाचार गरेको अख्तियारले जनाएको छ।<br><br><br></p>

<p>काठमाडौ । अविरल वर्षाको कारण शुक्रबारदेखि देशका विभिन्न स्थानमा आएको बाढी पहिरोमा परी शनिबार दिउँसोसम्म ३२ जनाको मृत्यु भएको छ।<br><br>बाढीपहिरोमा परी २१ जना बेपत्ता भएका छन् भने २६ जना घाइते भएको गृह मन्त्रालय अन्तर्गतको राष्ट्रिय आपत्कालीन कार्य संचालन केन्द्रले जानकारी दिएको छ। <br><br><b>मृतकहरुको संख्या</b><br>बाढी पहिरोमा परी ललितपुरमा ६ जना र भोजपुरमा ५ जना, काठमाडौं, खोटाङ, काभ्रेमा ३/३ जना, मकवानपुर, धादिङ र सिन्धुलीमा २/२ जना तथा ओखलढुंगा, पर्सा, रामेछाप, ईलाम, झापा र बारा १/१ जना गरी ३२ जनाको ज्यान गएको हो।<br><br>विभिन्न स्थानमा भएको सडक समेत अवरोध भएको र प्रहरीले हटाउने कार्य गरिरहेको मन्त्रालयले जनाएको छ।</p><p><strong><a href="https://drive.google.com/file/d/1DGdPdB1IvEkc9CQj3P_DawNm9ePb8sVJ/view">हेर्नुहोस् राष्ट्रिय आपत्कालीन कार्य संचालन केन्द्रले बेलुका ७ बजे तयार गरेको विस्तृत रिपोर्ट :</a></strong><br></p>