<p><b>बाघखोर, नुवाकोट । बेलकोटगढी नगरपालिका वडा नं. ४ मा रहेको शुकुमान मेमोरियल पोलिक्लिनिकले बेलकोगढी नगरपालिकाको स्वास्थ्य सस्थामा कार्यरत स्वस्थ्य–कर्मचारीको सुरक्षाको लागी अति–आवश्यक स्वास्थ्य सामाग्रि उपलब्ध गराएको छ ।&nbsp;<br></b></p><p><b>बेलकोटगढीको नगर क्षेत्रमा रहेका स्वास्थ्य सँस्थाबाट माग गरिए अनुसार शुकुमान मेमोरियल पोलिक्लिनिकले स्वास्थ्य सँस्था मार्फत पुगेर सहयोग सामाग्रि उपलब्ध गराएको हो । शुकुमान मेमोरियल पोलिक्लिनिकका सँस्थापक एंव स्वास्थ्य तथा शिक्षाको लागी (हेन–नेपाल)का अध्यक्ष समेत रहनुभएका जगतबहादुर तामाङ, पोलिक्लिनिकका इञ्चार्ज डाक्टर दिलबहादुर तामाङ सहितको टोलीले सोमबार दुईपिपल स्वास्थ्य चौकी, थप–दुईपिपल स्वास्थ्य चौकी कोल्पुटार, जिलिङ स्वास्थ्य चौकी, बेलकोट स्वास्थ्य चौकी र मदानपुर स्वास्थ्य चौकीमा कार्यरत स्वास्थ्यकर्मीको लागी अति आवश्यक स्वास्थ्य सहायता सामाग्रि उपलब्ध गराउनुभएको हो ।&nbsp;</b></p><p><b>दुईपिपल स्वास्थ्य चौकीमा कार्यरत स्वास्थ्यकर्मीको लागी इञ्चार्ज भोजराज ढुङ्गेललाई एक थान पिपिई, एक थान थर्मलगन थर्मोमिटर, दुईसय थान मास्क, चार थान साबुन, दुई थान स्यानिटाइजर उपलब्ध गराइएको छ । यस्तै, धादिङहुदै नुवाकोट प्रवेश गर्ने यात्रुको स्वास्थ्य जाँच समेत गराउदै आएको थप–दुईपिपल स्वास्थ्य चौकीको लागी त्याहाँका इचार्ज सुनिल श्रेष्ठलाई एकथान थर्मलगन थार्मोमिटर, एक थान ब्लड प्रेसर जाँच गर्ने आधुनिक उपकरण, एक थान अक्सिजन जाँच गर्ने उपकरण, दुई थान पिपिई, दुई सय थान मास्क, दुई थान स्यानिटाइजर र एक बाकस पञ्जा उपलब्ध गराइएको छ ।</b></p><p><img src="https://topnepalnews.comuploads/posts/1aebd32123672226035dfa0ab06321c11586313148.jpg" style="width: 960px;"><b><br></b></p><p><br></p><p><img src="https://topnepalnews.comuploads/posts/9cda8434a79ef943ed8c825c1f5876e21586313159.jpg" style="width: 1156px;"><b><br></b></p><p><b>यस्तै, शुकुमान मेमोरियल पोलिक्लिनिकले जिलिङ स्वास्थ्य चौकीको लागी त्यहाँका इञ्चार्ज सुमित्रा पनेरु र वडा नं. ८ का वडाध्यक्ष भोजप्रसाद पुडासैनीलाई सयुक्त रुपमा एक थान पिपिई, दुई थान स्यानिटाइजर, २ थान ब्लडप्रेसर जाँच गर्ने उपकरण, एक थान अक्सिजन जाँच गर्ने उपकरण र चार थान साबुन उपलब्ध गराएको छ ।&nbsp;</b></p><p><br></p><p><img src="https://topnepalnews.comuploads/posts/2d159c78015914ce2cc7196185e431441586313177.jpg" style="width: 1156px;"><b><br></b><b>यस्तै, बेलकोट स्वास्थ्य चौकीको लागी त्यहाँका इञ्चार्ज दिवाकर अधिकारी र स्वास्थ्य चौकी व्यावस्थापन समितिका सदस्य नारायण शाहलाई सयुक्त रुपमा एक थान पिपिई, दुई सय थान मास्क, एक्क थान थर्मलगन, दुई थान स्यानिटाइजर, एक थान ब्लडको प्रेसर जाँच गर्ने उपकरण, एक थान अक्सिजन जाँच गर्ने उपकरण, चार थान साबुन र एक बाकस पञ्जा उपलब्ध गराइएकोे छ ।&nbsp;</b></p><p><b><br></b><b>यस्तै, सोमबार नै मदानपुर स्वास्थ्य चौकीको लागी पनि पोलिक्लिनिकको तर्फबाट एक थान पिपिई, एक जान अक्सिजन जाँच गर्ने उपरकण, दुईसय थान मास्क, दुई थान स्यानिटाइजर, चार थान साबुन त्यहाँको स्वास्थ्य चौकीका इञ्चार्ज लक्ष्मी पौडेललाई प्रदान गरिएको छ ।&nbsp;</b></p><p><img src="https://topnepalnews.comuploads/posts/3bbf2c914930240ad57ab8a8803d1bda1586313261.jpg" style="width: 1156px;"><b><br></b></p><p><b>स्वास्थ्य सँस्थाले कोरोना भाइरसको सक्रमण कारण उच्च जोखिममा रहेर सेवा पुराउदै आएपनि उपचारको लागी सुरक्षित सहायता सामाग्रिको अभावले उनीहरु नै जोखिम अबस्थामा रहेको पाइएपछि सुरक्षित बनाउन तथा स्वास्थ्य सस्ँथाको लागी अति आवश्यक रहेको स्वास्थ्य सामाग्रिको अभावलाई केही हदसम्म हटाउनको लागी सामाग्रि उपलब्ध गराइको पोलिक्लिनिकले सस्थापक तथा युवा समाजसेवी जगतबहादुर तामाङले जानकारी दिनुभएको छ । पोलिक्लिनिकले स्थानीय सरकारको रुपमा सेवा पुराउदै आएका वडा कार्यालयहरु बेलकोटगढीको वडा नं. ३, ४, ५, ७, ८, १ण्, ११ र १२ नं. को वडा कार्यालयको लागी पनि आवश्यकता अनुसारको मास्क उपलब्ध गराएको छ भने यसअघि कुमरी स्वास्थ्य चौकीलाई पनि स्वास्थ्य सहायता सामाग्रि उपलब्ध गराएको थियो ।&nbsp;</b></p><p><img src="https://topnepalnews.comuploads/posts/cfe90018267e148261670a3461a400f01586313189.jpg" style="width: 960px;"><img src="https://topnepalnews.comuploads/posts/16fc8e40126cd538e21242e153b8d6dd1586313198.jpg" style="width: 1156px;"><img src="https://topnepalnews.comuploads/posts/fd6c563b1684303b05ff3dc185619c041586313205.jpg" style="width: 1156px;"><b><br></b></p><p><b>बेलकोटगढी नगरपालिका भित्र बाँकी रहेको स्वास्थ्य चौकी र ककनी गाँउपालिकाले पनि अहिलेको कोरोना त्रासको समयमा स्वस्थ्यकर्मीलाई सुरक्षित बनाउन केही अतिआवश्यक स्वास्थ्य सामाग्रि माग गरेकाले त्यहाँ पनि उपलब्ध गराउने योजना बनाएको पोलिक्लिनिकका इञ्चार्ज डाक्टर दिलबहादुर तामाङले जानकारी दिनुभएको छ ।</b></p><p><b>कोरोनाको त्रासदीपूर्ण अबस्थामा स्वास्थ्य सामाग्रिको अभावको कारण स्वास्थ्यकर्मीनै जोखिम अबस्थामा भएकाले उनीहरुको सुरक्षाको लागी पुराएको सहयोगले कोरोना रोगको सक्रमण रोक्न र जाँच गर्न जाने बिरामीको लागी सेवा प्रवाहमा गुणस्तरीय हुने विश्वास लिइएको छ ।</b></p><p><b>यसैगरी, निजी क्षेत्रबाट सञ्चालनमा रहेका स्वास्थ्य सँस्थाले अहिलेको कोरोनाको त्रासदीपूर्ण अबस्थामा प्रभावकारी सेवा नदिएको गुनासो आइरहेको समयमा शुकुमान मेमोरियल पोलिक्लिनिकले नियमित जाँत तथा परीक्षणलाई थप विस्तार गरेको छ ।&nbsp;</b></p><p><img src="https://topnepalnews.comuploads/posts/524bac940b1a366df5c43fa75e27aec01586313216.jpg" style="width: 960px;"><b><br></b></p><p><b>कोराना रोगको त्रास फैलिएसगैँ बिहानैदेखि दिनभर सेवा उपलब्ध गराएर जाँच गराउदै आएको छ भने जाँच गराउन आउनेलाई कोरोना रोगको बारेमा सचेतना गराउदै निःशुल्क रुपमा मास्क समेत उपलब्ध गराउदै आएको छ ।&nbsp;</b></p><div><img src="https://topnepalnews.comuploads/posts/d087761c51e8f6a3cb902752c692317e1586313223.jpg" style="width: 960px;"><br></div>

<p>काठमाडौ । विश्व नै कोभिड– १९ (कोरोना) भाइरसले त्राहिमाम छ । विश्वभर ७ लाखभन्दा धेरै मानिस कोरोना भाइरबाट संक्रमित छन् भने ३३ हजारभन्दा धेरै मानिसले ज्यान गुमाइसकेका छन् ।</p><p>नेपालमा कोरोनाको संक्रमण अहिलेसम्म ५ जनामा मात्र देखिएको छ ।&nbsp; कोरोनाको संक्रमणबाट जोगिनका लागि नेपाल सरकारले देशैभरि लकडाउन गरेको अवस्था छ । लकडाउनको अवस्थामा देशभरका मानिसहरू आफ्नै घरमा सुरक्षित बसेका छन्, तर प्रहरी भने अहिले सडकमा छ ।&nbsp;</p><p>लकडाउनको कार्यान्वयन गराउन र आमनागरिकको सुरक्षाका लागि खटिएको नेपाल प्रहरी केरोना भाइरसको संक्रमणबाट कति सुरक्षित छ त ? प्रहरीले सुरक्षाको के कस्ता विधिहरू अपनाएको छ ? यो आमचासोको विषय हो ।<br></p><p>सडकमा उभिने अधिकांश प्रहरीले समान्य खालको मास्क प्रयोग गरिरहेको देखिन्छ । स्यानिटाइजर र साबुन पानीले हात धुने खालका सेफ्टीहरू कतिपय चोकमा उपलब्ध भएपनि सबै ठाउँमा भने छैन ।<br></p><p>‘बजारमा मास्क पनि पाइँदैन हामीले कपडाको मास्क प्रयोग गरिराखेका छौं त्यसले कति छेक्ला र ? मानिसहरू नजिक आउँदा पनि कोरोना सर्छ कि भन्ने डर लाग्छ,’ बालाजु क्षेत्रमा ड्यूउटीमा खटिएका एक जवानले गुनासो गरे ।<br></p><p>दिनभर ड्यूटीमा खटिएको प्रहरीलाई बेलुकी आफ्नो ब्यारेकमा धेरै जवानहरूसँग एउटै कोठामा सुत्नुपर्ने बाध्यता छ । यसले यदि कोही प्रहरीलाई कोरोनाको संक्रमण भएको खण्डमा अरू जोगिने देखिँदैन ।<br></p><p>‘हामीले बाहिरबाट जाँदा साबुन पानीले हात त धुन्छौं के त्यतिमात्र पर्याप्त हो ? एउटा कोठामा २ भन्दा धेरै जवानहरू सुत्नुपर्छ यदि कसैलाई कोरोनाको संक्रमण भएको खण्डमा सबैलाई सर्ने अवस्था छ,’ माइतीघर थापाथली क्षेत्रमा खटिएका एक प्रहरी हवल्दारले आफ्नो गुनासो सुनाए ।<br></p><p>ड्यूटीमा खटिएर आएका प्रहरी कर्मचारीले आफ्नो ब्यारेकमा बेलुका सुत्न आउँदा राम्रोसँग साबुन पानीले हात धुन र स्यानिटाइजरको प्रयोग बाहेक अन्य कुनै पनि खालको सुरक्षा प्रविधि नभएको नेपाल प्रहरीका सह–प्रवक्ता वरिष्ठ प्रहरी उपरीक्षक (एसएसपी) उमेशराज जोशीले स्वीकारे ।<br></p><p>‘हामीले सडकमा ड्युउटीमा खटिएर आएका प्रहरी कर्मचारीलाई साबुन पानीले हात हुने र स्यानिटाइजरको प्रयोग अनिवार्य बनाएका छौं,’ सह–प्रवक्ता एसएसपी जोशीले भने ।<br></p><p>नेपाल प्रहरीले आवासीय तालिमहरू पनि केही समयका लागि पोष्टपण्ड गरेको छ । हात नमिलाउने, दूरी कायम गर्ने साथै अनिवार्य बस्नुपर्ने मिटिङहरू पनि खुला ठाउँमा आवश्यक दूरी कायम गरी बस्न थालिएको एसएसपी जोशीले बताए ।<br></p><p>जोशीले भने– ‘हामीले अफिसमा बस्ने मिटिङहरू पनि खुला ठाउँमा आवश्यक पर्ने दूरी कायम गरेर बस्ने गरेका छौं ।’ नेपाल प्रहरीलाई लकडाउन पहिलो अनुभव भएकाले यसलाई कसरी सुरक्षात्मक तरिकाले ड्यूटी गर्ने भन्ने बारेमा अनुभव नभएको प्रवक्ता जोशीले बताए ।</p><p><b>हामीले मास्क र स्यानिटाइजर कहाँबाट ल्याउने ?<br></b></p><p>ड्यूटीमा खटिएका प्रहरीलाई अहिले मास्क र स्यानिटाइजरको व्यवस्था कहाँबाट गर्ने भन्ने चिन्ता छ । दिनमा १४/१५ घण्टा ड्यूटीमा खटिनुपर्ने भएकाले मास्क र स्यानिटाइजरको व्यवस्था गर्न समस्या भएको बताउँछन् ।&nbsp;<br></p><p>‘दिनभर ड्यूटीमा खटिनुपर्छ । हामीले कहाँबाट मास्क र स्यानिटाइजरको जोहो गर्ने ? प्रहरीलाई मास्क र स्यानिटाइजर अनिवार्य बनाइएको छ । बजारमा मास्क अभाव छ, प्रहरीका सम्बन्धित निकायले उपलब्ध गराएको छैन,’ कोटेश्वरमा ड्यूटी गरिरहेका एक ट्राफिक प्रहरीले भने ।<br></p><p><b>यस्तै </b>प्रहरीले दिनभर घाममा कपडाको मास्क प्रयोग गरेको देखेर केही मनकारी व्यापारी तथा स्थानियहरूले उपलब्ध गराएको मास्क प्रयोग गरिहरको बानेश्वरमा कार्यरत एक प्रहरी जवानले बताए ।<br></p><p>उनले भने, ‘हामी मास्क र स्यानिटाइजर खोज्न कहाँ जानु, बाटोमा देख्ने स्थानीय व्यापारीहरूले दिएको मास्कले काम चलाएको छु ।’ जोखिम मोलेर फिल्डमा खटिने प्रहरीलाई राज्यले यस्तो संक्रमणको समयमा सुरक्षाका सामाग्रीहरू उपलब्ध गराउनुपर्ने प्रहरी उच्च अधिकारीहरूको बुझाई ।&nbsp;</p><p>'हामीले सीमित स्रोत र साधनमा जोखिम मोलेर नागरिकहरूलाई सुरक्षा दिइरहेका छौं । यो बन्द हड्ताल जस्तो होइन बिल्कुलै नयाँ र प्राकृतिक महामारी भएकाले प्रहरीले जोखिममै मोलेर काम गरिरहेका हौं,' प्रहरी प्रवक्ता जोशीले भने ।<br></p><p>केही समयअगाडि संक्रमणको उच्च जोखिममा रहेका एयरपोर्टमा कार्यरत लगभग ३ सय ५० प्रहरी कर्मचारीलाई महानगरीय प्रहरी कार्यालयले एन ९५ मास्क वितरण गरेको थियो ।<br></p><p>यदि कोही प्रहरी कर्मचारीलाई कोरोनाको संक्रमण भइहालेको खण्डमा उनीहरूलाई कहाँ आइसोलेसनमा राख्ने भन्ने पनि राम्रो व्यवस्था छैन । नेपाल प्रहरी अस्पतालमा १० वटा आइसोलेसन बेड भएतापनि यो पर्याप्त होइन ।<br></p><p>कोरोना भाइरसको माहामरी फैलिरहेको अवस्थामा आमनागरिकलाई सुरक्षा दिने प्रहरी कर्मचारीलाई आवश्यक सुरक्षा सामाग्री उपलब्ध गराउनु सरकारको पनि दायित्व हो ।<br></p><p><b>यो सामाग्रि लोकान्तर अनलाइनमा कार्यरत गगन अर्याललको सहयोगमा तयार गरिएको हो ।&nbsp;</b><br></p>

<p>जनकपुरधाम । विश्वव्यापी महामारीको रुपमा फैलिरहेको कोरोना भाइरस संक्रमणको त्रास एवं निरन्तरको लकडाउनका कारण जनकपुरधामस्थित जानकी मन्दिरको मूल ढोका बन्द गरिएको छ।<br></p><p>कोरोनाको संक्रमण बढ्न सक्ने खतरालाई मध्यनजर गर्दै मन्दिरमा सम्भावित भीडभाड हुन नदिन मन्दिरको मूल ढोका सर्वसाधारणका लागि बन्द गरिएको हो। मन्दिर बन्द गर्नका लागि जिल्ला प्रशासन कार्यालय धनुषाले निर्देशन दिएको हो।<br></p><p>मन्दिरका छोटे महन्थ रामरोशन दास वैष्णवले भने, ‘मन्दिरमा प्रत्येक दिन बिहान र बेलुका हुने पूजापाठ एवं आरती अझै जारी रहेपनि मन्दिरको मुल ढोका बन्द गरिएको हो।'<br></p><p>सन् १९११ मा स्थापित जानकी मन्दिरको मूल ढोका पहिलो पटक बन्द गरिएको उनको दावी छ। भने,'१ सय ९ वर्षको इतिहासमा पहिलो पटक सर्वसाधारणका लागि मन्दिरको ढोका बन्द गरिएको हो।'<br></p><p>आउँदो चैत २० गते रामनवमी छ। उक्त दिन रामको जन्मोत्सवको मनाइन्थ्यो। भव्य पूजा अर्चना हुन्थ्यो, मेला लाग्थ्यो। तर लकडाउनका कारण रामनवमीको मेला हुँदैन। 'विशेष पूजा हुने भनिएको छ तर कुनैपनि उत्सवको कार्यक्रम भने राखिएको छैन', महन्थ दासले बताए।&nbsp;<br></p>

<p>काठमाडौ । दैनिक ज्यालादारी, विपन्न, मजदुर तथा श्रमजीवीहरुलाई खाद्य सामाग्री उपलब्ध गराउन सर्वोच्च अदालतले सरकारलाई आदेश दिएको छ । अधिवक्ता विष्णु लुइटेलले दायर गरेको रिटमा सुनुवाइ गर्दै न्यायाधीश विश्वम्भरप्रसाद श्रेष्ठको एकल इजलासले तीनै तहको सरकारको समन्वयमा खाद्यन्न र राहत वितरण गर्न आदेश दिएको हो।&nbsp;<br></p><p><br></p><p>कोरोना भाइरसको जोखिम न्यूनीकरणका लागि भएको लकडाउनको अवधि लम्बिँदा ज्यालादारी र मजदुरले खान नपाउने अवस्था बन्ने भन्दै सरकार स्वयमलले राहतका कार्यक्रम अघि बढाउन अदालतले आदेश दिएको हो।&nbsp;</p><p><br></p><p>संघ, प्रदेश र स्थानीय तहको समन्वयमा मजदुर तथा विपन्न व्यक्तिको खाद्य अधिकारको हक सुनिश्चित गर्न अदालतले आदेशमा भनेको छ।&nbsp;</p><p><br></p><p>खाद्य सुरक्षाको अधिकार प्रत्याभूत गर्न सरकारले गरेको निर्णयहरु समेत समेटेर रिटलाई चैत २३ गते पुनः पेशी तोक्न पनि अदालतले आदेश गरेको छ।&nbsp;&nbsp;</p>

<p>काठमाडौ । भारतले कोरोना भाइरस(कोभिड–१९) बाट एक जनाको मृत्यु भएको पुष्टि गरेको छ । बिहीबार राति कर्नाटक राज्य सरकारले कोभिड–१९ को संक्रमणबाट एक जनाको मृत्यु भएको पुष्टि गरेको हो । कर्नाटकको कलबुर्गीका ७६ वर्षीय पुरुषको कोभिड–१९ को संक्रमणबाट गत मंगलबार मृत्यु भएको राज्य सरकारका स्वास्थ्य मन्त्री बी श्रीरामुलुले जानकारी दिएका छन्। भारतमा कोभिड–१९ को संक्रमणबाट मृत्यु भएको यो पहिलो घटना हो।<br></p><p>कर्नाटक स्वास्थ्य विभागका आयुक्तका अनुसार ती व्यक्तिको मंगलबार नै मृत्यु भए पनि कोभिड–१९ संक्रमणको आशंका मात्रै गरिएको थियो। तर ल्याब रिपोर्टपछि उनको मृत्युको कारण भाइरस संक्रमण नै देखिएको आयुक्तले जानकारी दिए।<br></p><p>प्रशासनले ती व्यक्ति को–कोसँग सम्पर्कमा थिए भन्नेबारे अनुसन्धान गरिरहेको र उनीसँग सम्पर्कमा आएका व्यक्तिलाई आइसोलेसनमा राख्न थालेको पनि कर्नाटक सरकारले जानकारी दिएको छ। मृत्यु हुने व्यक्ति साउदी अरेबियाबाट फर्किर्एको र यसअघि तेलंगानाको एउटा अस्पतालमा उपचार गराएको पनि खुल्न आएको स्वास्थ्य अधिकारीहरुले जानकारी दिएका छन्।<br></p><p><b>दिल्लीका स्कुल, कलेज र सिनेमा हल बन्द गर्ने निर्णय</b></p><p>कर्नाटक सरकारले बुधबारसम्म ती व्यक्तिको मृत्यु कोभिड–१९ को संक्रमणबाट नभएको दाबी गर्दै आएको थियो। ती व्यक्तिमा निमोनिया, हाइपरटेन्सन र दमबाट पीडित रहेको नेसनल इन्स्टिच्युट अफ् भाइरोलोजी, पुनेको ल्याब रिपोर्टपछि मात्रै कोभिड–१९ संक्रमणको पुष्टि भएको स्वास्थ्यमन्त्री श्रीरामुलुले जानकारी दिएका छन्।</p><p>गत फेब्रुअरी २९ मा साउदीबाट फर्केलगत्तै ती व्यक्ति बिरामी परेको र मार्च ५ मा कलबुर्गीकै अस्पतालमा भर्ना गरिएको पनि भारतीय सञ्चारमाध्यमले जनाएका छन्। कलबुर्गीबाट हैदराबाद लगिएको र त्यसपछि मंगलबार राति हैदराबादबाट एम्बुलेन्समार्फत कर्नाटक ल्याउँदै गर्दा ती व्यक्तिको मृत्यु भएको पनि बताइएको छ।</p><p>कर्नाटक सरकारले मृत्यु भएका व्यक्तिको व्यक्तिगत जानकारी खुलाएको आरोपमा कलबुर्गी जिल्लाका प्रमुख स्वास्थ्य अधिकारीलाई निलम्बन पनि गरेको छ।<br></p><p>बिहीबार रातिसम्म भारतमा ५७ भारतीय र १७ विदेशी नागरिकमा कोभिड–१९ को संक्रमण देखिएको छ।<br></p>

<p>काठमाडौ ।&nbsp; कोरोना प्रभावित राष्ट्रबाट आउने व्यक्तिले अनिवार्य रूपमा १४ दिन क्वारेन्टाइनमा बस्नुपर्ने भएको छ ।<br></p><p>शनिबार साँझ सिंहदरबारमा बसेको मुख्यसचिव लोकदर्शन रेग्मी नेतृत्वको कोरोना नियन्त्रण समितिको बैठकले यस्तो निर्णय गरेको हो । बैठकले सात दिनभन्दा बढी समयको हेल्थ सर्टिफिकेटलाई मान्यता नदिने तर नेपाल प्रवेश गर्दा सात दिन भएकोलाई भने मान्यता दिने निर्णय गरेको छ ।<br></p><p>कोरोना भाइरसको संक्रमण हुन नदिन उच्च सकतर्कता अपनाउँदै तराईका ६ नाका र अन्य ३१ नाकामा स्वास्थ्य जाँच कडाई गर्ने, अध्यागमनमा थप कडाई गर्ने र जोकसैलाई पनि सहज रूपमा प्रवेश गर्न नदिने निर्णय गरेको स्वास्थ्य तथा जनसंख्या सचिव यादव कोइरालाले जानकारी दिए । उनले जोखिमयुक्त क्षेत्रमा काम गर्ने स्वास्थ्यकर्मीलाई प्रोत्साहन गर्न पनि सरकार तयार रहेको बताए ।<br></p><div><br></div>

<p>काठमाडौ ।&nbsp; कम नम्बर ल्याएको भन्दै विद्यार्थीहरुलाई हात चिर्न लगाउने शिक्षिकालाई प्रहरीले नियन्त्रणमा लिएको छ । काठमाडौंको जडीबुटीस्थित जागृति एकेडेमीकी शिक्षिका सीतालक्ष्मी कर्माचार्यलाई बानेशवर प्रहरी वृत्तले नियन्त्रणमा लिएको हो ।<br></p><p>प्रहरीकाअनुसार अहिलेसम्म उजुरी परेको छैन । तर शनिबार विद्यालयका पि्रन्सिपलकाम साथै केही अभिभावकलाई बोलाएर छलफल गरिएको छ ।<br></p><p>छलफलका क्रममा शिक्षिका कर्माचार्यले आफ्नो गल्ती स्वीकार गरेकी छन् ।<br></p><p>घटना बाहिर आएपछि विद्यालयले पनि शिक्षिका कर्मचार्यलाई अवकास दिएको छ ।<br></p><p><b>के हो घटना ?<br></b></p><p>कर्माचार्य १२ वर्षदेखि सोसल साइन्स पढाउँदै आएकी शिक्षिका हुन् । उनले गत साता ६ र ७ कक्षाका विद्यार्थीको कक्षा परीक्षा लिएकी थिइन् । पीडित विद्यार्थीहरुकाअनुसार उनले त्यहीबेला राम्रो नम्बर नल्याउनेको हात चिरिदिने चेतावनी दिएकी थिइन् ।<br></p><p>परीक्षाको फुलमाक्स २० र पासमाक्स ८ र निर्धारण गरिएको थियो । परीक्षामा राम्रो नम्बर नल्याएको भन्दै उनले बिहीबार विद्यार्थीहरुलाई बेञ्चमा उभ्याइन् । सिसाकलम तिखार्ने ब्लेडले आफ्नो हातमा आफैं चिर्न निर्देशन दिइन् ।<br></p><p>निर्देशन नमाने आफैं चिरिदिने धम्की दिएपछि विद्यार्थीहरुले आ-आफ्नो हात काटेको पीडित विद्यार्थीहरुले बताएका छन् ।<br></p><p>सबैभन्दा कम नम्बर ल्याउने विद्यार्थीको हात बढी काटिएको छ । उनीहरुको हातमा १५ देखि २० पटक ब्लेडले चिरिएको छ ।<br></p><p>कक्षा ६ मा अध्ययनरत २५ र सातमा अध्ययनरत नौ विद्यार्थीको हातमा चिरिएको छ ।<br></p>