<p>विदुर । नेपाल रेडक्रस सोसाइटी नुवाकोट शाखाले जारी रहेको कोरोना रोगको सक्रमण विरुद्ध लड्नको लागी नुवाकोटका सबै स्थानीयतहलाई स्वास्थ्य सहायता सामाग्रि उपलब्ध गराएको छ । रेडक्रस नुवाकोट शाखाले नुवाकोटम रहेका विदुर नगरपालिकालाई तीनसय लिटर क्षमताको एक थान पानी ट्याङ्की, सात थान कम्बल, पाचथान त्रिपाल, ६ थान साबुन, एक थान मग एक थान कोरोना रोग विरुद्धको सचेतनामूलक जानकारी लेखिएको सन्देशको ब्यानर उपलब्ध गराइएको रेडक्रस नुवाकोट शाखाका सहकोषाध्यक्ष उद्धवशर्मा रिजालले जानकारी दिनुभएको छ ।&nbsp;&nbsp;<br></p><p>उहाँको अनुसार विदुर नगरपालिका बाहेक जिल्लामा बाँकी रहेका ११ स्थानीयतहलाई दुई सय लिटर क्षमताको ट्याङ्की एकथान, साबुन ६ थान, सचेतनामूलक जानकारी लेखिएको सन्देशको ब्यानर एक थान, कम्बल ५ थान, त्रिपाल दुईै थान, हातधुन प्रयाग गर्ने मग एक थान सबै पालिकालाई उपलब्ध गराइएको छ ।</p><p><img src="https://topnepalnews.comuploads/posts/74df1525d7b6ccbbe131175547610e951590755689.jpg" style="width: 960px;"><br></p><p>यसैगरी, रेडक्रस मार्फत सञ्चालनमा रहेको PREPARE कार्यक्रम चलिरहेको जिल्लाको किस्पाङ गाउँपालिकाको वडा नं .१ भाल्चे र वडा नं .३ काहुलेमा पनि अन्य स्थानीयतहलाई उपलब्ध गराइए अनुसारको स्वास्थ्य सहायता सामाग्रि उपलब्ध गराइएको रेडक्रस नुवाकोट शाखा अन्तरगत सञ्चालित PREPARE कार्यक्रमका संयोजक मधुसुदन थापाले जानकारी दिनुभयो ।&nbsp;</p><p>कोरोना विरुद्धको माहामारीसंग लडिरहेको स्थानीयतहलाई रोगबाट बच्नको लागी सहयोग पुराउने उद्देष्यले रेडक्रस जिल्ला शाखा मार्फत हात धुनको लागी पानीको सहज व्यावस्थापन गराउन पानी ट्याङ्की सहित हात धुनको लागी साबुन, क्वारेन्टीनमा बस्ने व्यक्तिलाई प्रयोग गर्न कम्बल उपलब्ध गराइएको छ भने रोग विरुद्ध आम नागरिकलाई सचेतना र जागरुक बनाउन रेडक्रस मार्फत सञ्चालित PREPARE कार्यक्रम अन्तरगत नुवाकोटका सबै रेडियो मार्फत जानकारीमूलक सन्देश पनि प्रशारण गर्दै आएको PREPARE कार्यक्रमका संयोजक मधुसुदन थापाले जानकारी दिनुभयो ।&nbsp;</p><p><img src="https://topnepalnews.comuploads/posts/e39cf3179af6c240bb60a1edd6e433231590755697.jpg" style="width: 960px;"><br></p><p>गृह मन्त्रालय मार्फत विपद् व्यावस्थापनको लागी सरकारी साझेदारी रुपमा रहेको नेपाल रेडक्रस सोसाइटी मार्फत गरिएको सहयोग तथा प्रचारात्मक कार्यक्रमले नयाँ रोगको रुपमा देखिएको कोरोना विरुद्ध जागरुकता र सही सन्देश प्राप्त गर्न सहयोग पुगेको रेडक्रस PREPARE कार्यक्रमका सामुदायिक प्रशिक्षक समुन्द्रबाबु अधिकारीले जानकारी दिनुभयो ।</p><p>उहाँको अनुसार भूकम्प, बाढी पहिरो, आगलागी लगायतका विपद्को समयमा प्रभावकारी रुपमा सेवा पुराउदै आएको रेडक्रस नुवाकोटले अहिले जारी रहेको कोरोना विरुद्ध पनि स्थानीय सरकारलाई सहयोग गर्दै स्वांस सेवकको रुपमा आवश्यक प्राविधिक सहयोग समेत उपलब्ध गराउदै आएको छ ।&nbsp;</p><p><img src="https://topnepalnews.comuploads/posts/6553a01130a3d646b01b121daf6873981590755768.jpg" style="width: 960px;"><img src="https://topnepalnews.comuploads/posts/985e76d1fb09785269e92fd9f354a4d81590755764.jpg" style="width: 960px;"><img src="https://topnepalnews.comuploads/posts/813317f6a74f8985da1df40cb3eac3ba1590755762.jpg" style="width: 960px;"><img src="https://topnepalnews.comuploads/posts/5d6b4fba025e84c7431a64a3a53ee0b31590755760.jpg" style="width: 960px;"><img src="https://topnepalnews.comuploads/posts/3e832a71664d3581da82f66cff67bb1b1590755755.jpg" style="width: 960px;"></p><p><br></p><p><img src="https://topnepalnews.comuploads/posts/a148e53b2bcf651d936879d48941e4ea1590755704.jpg" style="width: 960px;"></p><p><img src="https://topnepalnews.comuploads/posts/bc230b079193f655a70d435e5dfa29231590755709.jpg" style="width: 432px;"><img src="https://topnepalnews.comuploads/posts/31b1ba1abc75760d9a62da1a16c4fed81590755713.jpg" style="width: 432px;"><img src="https://topnepalnews.comuploads/posts/bf37488a1fb50dcdf68911e0812d7e8f1590755718.jpg" style="width: 960px;"><img src="https://topnepalnews.comuploads/posts/260c13eee9609a907fa9eb41b2ba9f2b1590755722.jpg" style="width: 960px;"><img src="https://topnepalnews.comuploads/posts/a4944b6ebb3a6d1fc822bdb85dacd3931590755726.jpg" style="width: 540px;"><img src="https://topnepalnews.comuploads/posts/8231a56ab98aa83377a1fb7bf7e03e9d1590755731.jpg" style="width: 960px;"><img src="https://topnepalnews.comuploads/posts/a797bfb346b2bd72d16eebc56acb18041590755736.jpg" style="width: 960px;"><img src="https://topnepalnews.comuploads/posts/bf8169bb6b708b4fccda97ba9a2107951590755740.jpg" style="width: 960px;"><img src="https://topnepalnews.comuploads/posts/1c7589b840e9f82f931d82897428fc691590755746.jpg" style="width: 960px;"><img src="https://topnepalnews.comuploads/posts/1c7589b840e9f82f931d82897428fc691590755751.jpg" style="width: 960px;"><img src="https://topnepalnews.comuploads/posts/55b3cdc6ae26ce67df8bc31db9fd231c1590755771.jpg" style="width: 960px;"><br></p><p><br></p><p><b><a href="https://www.facebook.com/nuwakotredcross/">तस्वीर सौजन्य : नेपाल रेडक्रस सोसाइटी, जिल्ला शाखा नुवाकोट ।</a></b><br></p>

<p style="text-align: justify; ">नुवाकोट ।&nbsp;राष्ट्रिय गौरवको आयोजनाको रुपमा रहेको गल्छीदेखि मैलुङसम्मको आठवटा पक्कि पुल निर्माण कार्य कोरोना सक्रमणका बीच स्वास्थ्य सुरक्षामा उच्च सतकर्ता अपनाई काम तिव्र गतिमा अघि बढाइएको छ ।</p><p>कोरोना भाइरसका कारण अधिकांश ठाउँमा कामदारको अभावले निर्माणका गतिविधिहरु रोकिएपनि गल्छीदेखि मैलुङसम्मको आठवटा पक्कि पुल निर्माणले भने तिब्रता पाएको हो । स्थानीय १५० भन्दा बढी कामदार पुल निर्माणको काममा खटिएको गल्छी–त्रिशुली–मैलुङ–स्याफ्रुबेशी–रसुवागढी सडक आयोजनाका प्रमुख नारायणदत्त भण्डारीले जानकारी दिनुभएको छ ।&nbsp;</p><p><img src="https://topnepalnews.comuploads/posts/db953c54afda14175d1e37d9a205634b1590580593.jpg" style="width: 960px;"><br></p><p>उहाँको अनुसार धादिङको गल्छीस्थित महेशखोला, नुवाकोटको कोल्पुटार स्थित कोल्पु खोला,रातामाटे स्थित ठुलो खोला, गेर्खुखोला स्थित गेर्खुखोला, रसुवा र नुवाकोटको सिमाना बेत्रावती स्थित फलाखुखोला, नयाँपुल स्थित त्रिशुली नदी, चिप्लेटी स्थित त्रिशुली नदी र रसुवाको मैलुङ स्थित ठाडो खोलामा पक्कि पुल निर्माण भइरहेको छ ।&nbsp;&nbsp;<br></p><p>निर्माणाधीन पुलको स्टिम ढलान, नदी नियन्त्रण, सडक, फुटपाथ रेलिङ निर्माण, खोला स्याल्ब ढलान, जग ढलान र वीन वाल लगाउने काम अहिले पनि स्वास्थ्य सतकर्तामा ख्याल गर्दै भइरहेको छ । गल्छी देखि मैलुङसम्मका ११ स्थानमा पुल निर्माण गर्नुपर्ने भएपनि अहिले ८ स्थानमा मात्र पुल निर्माणको भईरहेको छ । सुरक्षित तरीकाले भइरहेको काम आगामी पुष मसान्तसम्ममा निर्माण सम्पन्न गर्नुपर्ने भएकाले पनि कोरोनाको सक्रमणको समयमा कामलाई तिव्र बनाइएको छ ।&nbsp;</p><p>पुलको जस्तै योजना अन्तरगतको सडक विस्तारको काम पनि जारी रहेको छ ।&nbsp; सडक अन्तरगत बेलकोटगढी नगरपालिकाको वडा नं.७ कल्चौडेको भीर काट्ने, केही स्थानमा कालोपत्रे गर्ने काम भइरहेको छ । आयोजनाको समग्र काम दुई तिहाई पूरा हुनलागेसगैँ प्रगति सन्तोषजनक रहेको जिल्लाका जनप्रतिनिधि लगायतका सरोकारवालाहरुले बताएका छन् ।&nbsp;</p><div><br></div>

<p>नुवाकोटमा पहिलो पटक कोरोना संक्रमण पुष्टि भएको छ । नुवाकोटको ककनी गाउँपालिकाको वडा नम्बर ३ मा ३९ वर्षिय एक जना पुरूषमा कोरोना संक्रमण पुष्टि भएको हो । काठमाडाैँ महानगरपालिकाको समन्वयमा भएको कोरोना परीक्षणमा ती पुरूषमा कोरोना संक्रमण पुष्टि भएको हो ।<br></p><p>काठमाडौँ महानगरपालिकाको फोहोरमैला व्यवस्थापन सम्बन्धी बैठकमा सहभागिता जनाएका थिए । ती पुरूषसँगै बैठकमा सहभागी नुवाकोटकै अन्य केही व्यक्तिको भने कोरोना संक्रमण नदेखिएको बुझिएको छ । कोरोना संक्रमण पुष्टि भएपछि ती पुरूषलाइ काठमाडौँ लैजाने तयारी गरिएको छ । कोरोना संक्रमित पुरूष राजनीतिमा सक्रिय रहेदै आएक थिए । आज अपरान्ह स्वास्थ्य तथा जनसंख्या मन्त्रालयले यसको औपचारिक पुष्टि गरेको हाे ।</p>

<p style="text-align: justify; ">रानीपौवा&nbsp; । विश्वभर फैलिएको कोराना रोगको भाईरसको संक्रमण नियन्त्रण तथा रोकथाम प्रभावकारी बनाउन ककनी गाउँपालिकाले आगामी जेठ १२ गतेसम्मको लागी लकडाउन थप गरेको छ ।&nbsp;<br></p><p style="text-align: justify; ">आज बसेको स्थानीय विपद् व्यावस्थापन समितिलको बैठकले नेपाल सरकारले यही जेठ ५ गतेसम्मको लागी लगाएको लकडाउन कार्यान्वयन हुने र त्यसपछि पनि रोगको जोखिम कायम हुने देखिएको भन्दै ककनी गाउँपालिकाले आफ्नो पालिकाभित्रका आठवटै वडामा जेठ १२ सम्म लकडाउन लगाएको अध्यक्ष मानबहादुर लामाले जानकारी दिनुभएको छ ।&nbsp;</p><p style="text-align: justify; ">गाउँपालिकाको अध्यक्ष लामाले ‘टपनेपालन्यूज डट कम’संग कुरागर्दै काठमाडौ उपत्यकासंग जोडिएको नाका भएका कारण पैदल र सवारी साधनको आउजाउ नियन्त्रण गर्न ५ देखि १२ गतेसम्म एम्बुलेन्स बाहेक अरु सबै किसिमका सवारीसाधन सञ्चालन गर्न नपाउने नियम बनाई लकडाउनलाई कडाईको साथ कार्यान्वयनमा ल्याउन लागिएको जानकारी दिनुभएको छ ।&nbsp;</p><p style="text-align: justify; ">ककनी गाँउपालिकाले यही जेठ ५ गतेदेखि एक सातासम्मको लागी लकडाउन जारी राख्ने निर्णय गरेसगै काठमाडौ उपत्यकाको फोहोर बिसर्जनको काम पनि प्रभावित बनाउन लागिएको छ ।</p><p style="text-align: justify; ">ककनी गाँउपालिकाले एम्बुलेन्स बाहेक तरकारी, दुध, फलफुल, फोहार खाद्यान्न लगायतका सामाग्रि बोकेका सवारी समेत चल्न नदिने निर्णय गरेसगैँ उपत्यकाको फोहर नुवाकोट ल्याएर बिसर्जन गर्न नपाइने भएको छ ।&nbsp;</p><p style="text-align: justify; "><img src="https://topnepalnews.comuploads/posts/a0e36cd53d80df9b8241167a6375221f1589635912.jpg" style="width: 960px;"><br></p><p style="text-align: justify; ">काठमाडौ महानगरपालिकाको सरसफाईको क्षेत्र सहित महानगरका कर्मचारी समेत गरेर ३१ जनामा किट परीक्षणको क्रममा कोरोना रोगको सक्रमण देखिएसगैँ उपत्यकाको फोहर ल्याउन समेत रोक लगाउने ककनी गाँउपालिकाको अध्यक्ष मानबहादुर लामाले जानकारी दिनुभएको छ ।&nbsp;&nbsp;</p><p style="text-align: justify; ">काठमाडौमा एकपछि अर्को गर्दै कोरोनाबाट सक्रमित हुनेको सङ्ख्या बढिरहेको र नुवाकोट ल्याउने फोहर संकलनम खटिने कर्मचारीलाई समेत रोग देखिएपछि नुवाकोटमा बढेको जोखिम घटाउन ककनी गाँउपालिकाले बाध्य भएर लकडाउन १२ गतेसम्मको लागी घोषणा गर्नुपरेको जनाएको छ ।</p><p style="text-align: justify; ">काठमाडौं महानगरपालिको सरसफाई क्षत्रेमा संलग्न ३१ जना सफाईकर्मीमा कोराना भाइरसको आरडिटी किट परीक्षणमा कोरोना रोगको सक्रमण देखिएको पाइएपछि ककनी गाउँपालिकाले यही जेठ ५देखि रोगको सक्रमण जिल्लाम भित्रन नदिनको लागी लकडाउन थप गर्नुपरेको जनाएको छ ।&nbsp;</p><p style="text-align: justify; "><img src="https://topnepalnews.comuploads/posts/f51575d6b4c24f8b84e13de3d921ccc71589635900.jpg" style="width: 405px;"><br></p><p style="text-align: justify; ">उपत्यकाको तीन जिल्लामा उत्पादन हुने करीब एक हजार टन फोहर नुवाकोटको ककनी गाउँपालिकाको वडा नं. १ र २ ओखरपौवार वडा नं. ३ चाउथे तथा धादिङको धुनवेशी नगरपालिकाको वडा नं. १ र २ मा फालिदै आएकोमा सबैपक्षबाट रोक लगाउनको लागी दिइएको दबाबले ककनीले लकडाउन थप र एम्बुलेन्स बाहेक अरु सवारी साधन सबै ठप्प बनाउने सहितको निर्णय गरेको हो ।&nbsp;</p><div style="text-align: justify; "><br></div>

<p>नुवाकोट । सूर्यगढी गाँउपालिका वडा नं. ४ र म ५ जोड्ने दाम्रो खोलमा ढेड महिनामै नयाँ झोलुङ्गे पुल निर्माण गरिएको छ । यसअघि रहेको पुल गएको माघमा क्षति पुगेपछि गाँउपालिकाको अध्यक्ष शन्तबहादुर घले र उपाध्यक्ष मुञ्जु बुढाथोकी सहित दुई वडाका वडाध्यक्षहरुको पहलमा विशेष योजना मार्फत बिनियोजित गरिएको सात लाख रुपैयाँ र ५० हजार रुपैयाँ बराबरको श्रमदान समेत गरेर चैत २ गतेबाट सुरु भएको झोलुङ्गे पुलको निर्माण जारी रहेको बन्दाबन्दीको समयमा पनि डेढ महिनाको टोटो अवधिमै कार्यसम्पन्न गरेर आज उद्घाटन गरिएको हो ।&nbsp;<br></p><p>नयाँ पुलको उद्घाटन गर्दै गाँउपालिकाको अध्यक्ष घलेले जनताको माग र आवश्यकताको लागी काममा गुणस्तर र छिटो काम गरेर लाभ पुराउनको लागी आफ्नो लक्ष्य अनुसा पुल निर्माण समितिलाई गरेको कामको प्रशंसा गर्नुभएको छ । उपाध्यक्ष मञ्जु बुढाथोकीले छोटो अवधिमा निर्माण र काममा भएको गुणस्तर तथा स्थानीबायसको श्रमदानले बनेको पुलबाट गाँउपालिकालाई हौसला मिलेको बताउनुभएको छ । सामाजिक दुरी कायम राखेर तथा कोराना रोगको सक्रमणबाट सुरक्षित रहने उपाय अवलम्वन गर्दै आयोजित पुल उद्घाटन कार्यक्रमा वडा नं. ४ का वडाध्यक्ष रामकुमार गिरी, वडा नं. ५ का वडाध्यक्ष भैरवबहादुर अधिकारी, दुवै वडाका वडासदस्यहरु, काँग्रेस ४ नं. वडा सभापति रामशरण राई, ५ नं. वडासभापति रामचन्द्र बोगटी लगायतको सहभाििगता रहेको थियो ।</p><p>&nbsp;लकडाउनको समयमा निर्माण सामाग्रि खरिद र ओसारपासरमा करीब एक महिना काम गर्न समस्या हुदाँ पनि दुई महिना नपुग्दै पुल सम्पन्न हुनुमा स्थानीयबासीको श्रमदान र सहयोगको उपलब्धी रहेको ‘वडा नं. ४ र ५ जोड्ने दाम्रे खोला झोलुङ्गे पुल निर्माण समितिमा अध्यक्ष बासुदेव लम्सालले जानकारी दिनुभएको छ ।&nbsp;</p><p>उहाँको अनुसार मोटरसाइकमा सवार मानिस समेत तर्न सक्ने गरेर बनाइएको पुल निर्माणले चार हजार भन्दा बढी स्थानीयबासीले प्रत्यक्ष रुपमा लाभ लिन सक्ने देखिएको छ । पुल निर्माणले सूर्यगढी गाँउपालिका वडा नं. २ को फटपुर, वडा नंं ४ को अचाने, बेलडाँडा, हिरामुनीटार, वडा नं.५ को खारे र ढाडे तथा तादी गाँउपालिका वडा नंं. ६ काे स्याङ्ले र गौरीगाँउका बासिन्दालाई आउजाउ गर्न सहजता पुगेको छ ।&nbsp;</p><p><img src="https://topnepalnews.comuploads/posts/49ca5eb9a2aa4f3983c9593efa39e84b1589031897.jpg" style="width: 720px;"><br></p><p><br></p><p><img src="https://topnepalnews.comuploads/posts/8c23ce9b43cc5863cde21c7af105bae31589031882.jpg" style="width: 960px;"><img src="https://topnepalnews.comuploads/posts/0387aaecd8a698bcefd2bafcb85e733b1589031888.jpg" style="width: 960px;"><img src="https://topnepalnews.comuploads/posts/15022f09c4479b2182a93422de98ffbe1589031893.jpg" style="width: 960px;"><img src="https://topnepalnews.comuploads/posts/02657d00b3fc3e167e53d0e73a19153c1589031900.jpg" style="width: 960px;"><br></p><div><br></div>

<p>नुवाकोट । दुप्चेश्वर गाँउपालिकाको वडा नं. १ घ्याङफेदीमा वडा कार्यालयको नयाँ भवन बनाउन थालिएको छ । करीब ९१ लाख रुपैयाँ लागानीमा निर्माण थालिएको नयाँ भवनको आज जिल्ला समन्वय समिति नुवाकोटका प्रमुख सन्तमान तामाङले शिलान्यास गर्नुभएको हो ।<br></p><p>जिसस नुवाकोटको ५४ लाख रुपैयाँ र बाँकी गाँउपालिकाको लगानीमा निर्माण थालिएको भवनलाई तोकिएको अवधि आगामी असोज भित्रै कार्य सम्पन्न गर्न जिसस प्रमुख सन्तमान तामाङले निर्माण व्यावसायीलाई आग्रह गर्नुभएको छ । कार्यक्रममा गाँउपालिका अध्यक्ष योविन्द्रसिंह तामाङले भाडाको भवनबाट सेवा दिदै आएको वडा कार्यालयलाई नयाँ भवन र्मिाण पछि जनतालाई प्रवाह गर्ने सेवा गुणस्तर र सरल बनाउन सहयोग पुग्ने विश्वास लिएको बताउनुभएको छ । उहाँले आफ्नै भवन नभएका अन्य वडामा पनि क्रमशः भवन निर्माणमा गाँउपालिकाले सहयोग गर्ने प्रतिबद्धता जनाउनुभएको छ ।</p><p>एस.के निर्माण सेवा मार्फत बनाउन लागिएको भवनमा ६ कोठाको ढेड तले पक्कि भवन रहने बताइएको छ । नयाँ भवन शिलान्यास कार्यक्रममा गाँउपालिकाको उपाध्यक्ष अञ्जु आचार्यले नयाँ भवन&nbsp; अपाङ्गतामैत्री बनाउन लागिएको बताउनुभएको छ । भवन शिलान्यास कार्यक्रममा गाँउपालिकाको प्रमुख प्रशासकीय अधिकृत छत्रबहादुर अधिकारी, वडा नं. १ का वडाध्यक्ष सुनबहादुर तामाङ लगायतको उपस्थिती रहेको थियो ।&nbsp;<img src="https://topnepalnews.comuploads/posts/f57b73ec49880c1296acf479361021091589031459.jpg" style="width: 1157px;"><img src="https://topnepalnews.comuploads/posts/2e47dec38bd95d2f0a3866172dd72add1589031455.jpg" style="width: 1157px;"><img src="https://topnepalnews.comuploads/posts/11be79a669c9c9b0ad87d83dd4a67a2d1589031450.jpg" style="width: 1157px;"></p><p><img src="https://topnepalnews.comuploads/posts/da393e62f6369f7fb9a1fe258eb66c421589031436.jpg" style="width: 1157px;"><img src="https://topnepalnews.comuploads/posts/0a5427e51544250d5a283a488d3a7d1a1589031443.jpg" style="width: 1157px;"><br></p><div><br></div>

<p>नुवाकोट&nbsp; । दुप्चेश्वर गाँउपालिकाको वडा नं. २ ओढोरेको माइली तामाङको दुवै मिर्गौला खराबीको कारण मृत्यु भएको छ ।<br></p><p>दुवै मिर्गौलामा खराबी देखिएपछि चैत पहिलो साता उपचारको लागी भारत गएपनि त्यहाँ कोरोना&nbsp; रोगको सक्रमणको कारण मिर्गौला फेर्नको लागी दाता खोजेर लैजान र रकम अभावले समयमै धरौटी रकम राख्न नसकेपछि घरर फर्कदै गर्दा आज बेलकोटगढी नगरपालिका वडा नं. ५ को कोप्पुटारमा आइपुगेपछि मृत्यु भएको&nbsp; गाँउँपालिकाको अध्यक्ष योविन्द्रसिंह तामाङले जानकारी दिनुभएको छ ।&nbsp;</p><p><img src="https://topnepalnews.comuploads/posts/3f90049cb0dd39e6221c1302d2d379721589031288.jpg" style="width: 638px;"><br></p><p>उनको दुवै मिर्गौलामा खराबी देखिएपछि गाँउपालिकाको तर्फबाट सहयोग उपलब्ध गराउन पहल भइरहेपनि भारतमा उपचाररत अस्पतालले नेपाल फर्कन भनेपछि उहाँकै पहलमा घरमा ल्याउन लागिएको समयमा बीचबाटेमा नै मृत्यु भएको हो ।&nbsp;</p><p>समयमै रोग पत्ता लाग्न नसकेको र आर्थिक अभावले ४८ वर्षका माइली तामाङले उपचार सेवा नपाएर मृत्यु भएको भन्दै गाँउपालिकाको अध्यक्ष योविन्द्रसिंह तामाङले दुःख व्यक्त गर्नुभएको छ । उनको शवको आजै अन्तिम दाहसँस्कार गरिएको परिवारले जनाएका छन् ।&nbsp;</p><p>&nbsp;</p><div><br></div>

<p><b>विदुर । नुवाकोट जेसिजको आयोजनामा नेपालभरका जेसिज सहभागी भएको एक दिने ‘टी ब्याग’ लिडरसिप तालिम सम्पन्न भएको छ । कोरोना रोगको सक्रमणको कारण जुम प्रविधि मार्फत सञ्चालन भएको तालिममा सहभागीलाई जेसिआई सिनेटर सन्तोष कुमार पीले सहजिकरण गर्दै लिडरसिपको विकासमा अपनानउन सकिने जानकारीको सिकाई आदानप्रदान गरिएको आयोजक नुवाकोट जेसिजका अध्यक्ष श्रीकृष्ण आचार्यले जानकारी दिनुभएको छ ।</b></p><p><b> नेपालको ७७ जिल्लाका जेसिज अध्यक्ष सहित प्रतिनिधिको सहभागिता रहेका लिडरसिप तालिममा सन् २०१० का भारतीय जेसिजका अध्यक्ष समेत रहनुभएका सन्तोष कुमार पीले नेतृत्वको विकासको लागी आफूमा रहेको अन्तनिहित प्रतिभालाई प्रष्फुटन गराई समाज, राष्ट्र र विश्व समुदायमा योगदान पुर्याउनको लागी आह्वान गर्नुभयो । जेसीज एउटा खुला विश्वविद्यालय र आबद्ध सदस्यहरु सबै यसका विद्यार्थी भएकाले पढाईको विषयवस्तु नेतृत्व र व्यक्तित्वविकास लिडरसिपको लागी अतिआवश्यक गुण हुनपर्नेमा जोड दिनुभयो ।&nbsp;</b></p><p><b><img src="https://topnepalnews.comuploads/posts/6d9a86c5ee0ac63e983de70187646b871588339330.jpg" style="width: 945px;"><br></b></p><p><b>१८ देखि ४० वर्ष भित्रका युवा सदस्यहरूको अन्तर्राष्ट्रिय संस्थाको रुपमा रहेका जेसिज व्यक्तित्व तथा नेतृत्व विकासको लागि समर्पित रहदै आएको छ । यसले जेसीज जात, धर्म, बर्ग तथालिङ्गमा भेदभाव नगर्ने भएलको पवित्र सँस्थाको रुपमा लिने गरिएको छ । यसमा आबद्ध सदस्यहरुलाई नेतृत्व र व्यक्तित्वविकास, विभिन्न तालिम,आत्मविश्वास बढाउन जोड दिने गरेको छ ।&nbsp;</b></p><p><b><img src="https://topnepalnews.comuploads/posts/68b6e38800e84cc2f3ff0699e31da91f1588339339.jpg" style="width: 960px;"></b></p><p><b><img src="https://topnepalnews.comuploads/posts/8e67b9285b78e381a1659d5c33f7d69e1588339343.jpg" style="width: 960px;"><img src="https://topnepalnews.comuploads/posts/f53c42205708d724b4027480c84725631588339347.jpg" style="width: 960px;"><br></b></p><div><br></div>

<p>विदुर । विदुर नगरपालिका वडा नंं २ स्थित ‘आमाको माया छात्राबास’लाई दुई समाजसेवीहरुले पुग्ने खाद्यान्न सहयोग उपलब्ध गराएका छन् ।<br></p><p>विदुर नगरपालिका वडा नं. ४ निवासी समाजसेवी रुक्मेणी सेढाई र उहाँको साथी गुल्मी जिल्ला घर भएर अहिले अमेरिकामा बस्दै आउनुभएका कोपिला गौतमले ‘आमाको माया’ छात्रावासमा आश्रित बालकहरुको लागी आज खाद्यान्न सामाग्रि बालगृहका सञ्चालक सोमप्रसाद पाण्डेलाई हस्तान्तरण गर्नुभएको हो ।</p><p><img src="https://topnepalnews.comuploads/posts/947fa692a4ba8622253ec62522c9c8841587552326.jpg" style="width: 1157px;"><br></p><p>अमेरिका निवासी कोपिला गौतमले उपलब्ध गराउनुभएको चामल ११ बोरा, तेल एक बाकस, दाल एकबोरा, मस्यौरा एक बोरो प्रदान गरिएको हो । यसैगरी, बट्टार निवासी जयगणेश सहकारी सँस्थाका शेयर सदस्य समेत रहनुभएका समाजसेवी रुक्मेणी सेढाई मार्फत दुई सिलिण्डर ग्याँस र एक बाकस विस्कुट बालगृहलाई उपलब्ध गराउनुभएको हो । बट्टार निवासी समाजसेवी रुक्मेणी सेढाईले बालगृहमा आश्रित बालगृहको लागी सहयोग पु-याउन अमेरिकी निवासी आफ्नो साथी मार्फत समेत सहयोग उपलब्ध गराएर अभिभावक नभएका तथा भएर पनि खान र बस्ने वातावरण नभएका बालबालिकालाई सहयोग गर्ने उद्देष्यले आमाको माया छात्राबासलाई सहयोग गरेको बताउनुभएको छ ।&nbsp;</p><p><img src="https://topnepalnews.comuploads/posts/735cba3580fd34d5411551ed5ed7161b1587552344.jpg" style="width: 1157px;"><br></p><p>छात्राबासका बालबालिकालाई खाद्यान्न सामाग्रि सहयोग प्रदान गर्न रेडियो चिम्टेश्वरका अध्यक्ष तथा जयगणेश सहकारी सँस्थाका सचिव प्रकाशकुमार अधिकारी, नेपाली काँग्रेस नुवाकोट क्षेत्र नं. २ का सभापति जगतबहादुर तामाङ, वडा नं .२ का वडासदस्य राधाकृष्ण भण्डारी लगायतको सहभागिता रहेको थियो । दाताहरुबाट प्राप्त भएको खाद्यान्न र ग्याँसले बालगृहमा अहिले आश्रित २४ जना बालकहरु रहेकाले उनीहरुको लागी दुई महिनाको लागी राहत पुग्ने बालगृहका सञ्चालक सोमप्रसाद पाण्डेले बताउनुभएको छ । जनजाती कल्याण आश्रम नेपाल मार्फत सञ्चालित नुवाकोट जिल्लाकै एकमात्र बालगृह ‘आमाको माया छात्रावास’लाई सरकारी सहयोग प्रभावकारी नहुदाँ दाताले उपलब्ध गराएको सहयोगबाट सञ्चालनमा रहेको छ ।&nbsp;</p><p><img src="https://topnepalnews.comuploads/posts/7939792f1a14ffe1fe58950c841faf431587552361.jpg" style="width: 1157px;"></p><p><br></p><p><img src="https://topnepalnews.comuploads/posts/c4d21e9d89eab638e2884fc816d8cb331587552423.jpg" style="width: 1157px;"><br></p><p><img src="https://topnepalnews.comuploads/posts/e0a49e64156983c429e4cb64cacd4dde1587552382.jpg" style="width: 1157px;"><br></p><div><br></div><div><img src="https://topnepalnews.comuploads/posts/9fc7fb616b2f51708985879fd82ff0381587552398.jpg" style="width: 1157px;"><br></div>