<p>काठमाडौ ।&nbsp; कोरोना भाइरसको आतङ्कले विश्वलाई थिचिरहेका बेला नेपालमा सलहको आतङ्क थपिएको छ । कोरोनाले मानिसको ज्यान लिइरहेको छ भने सलह चाहिँ मानिसले मीठो मानेर भोजन गरेको चर्चा छ ।<br></p><p>विदेशी मुलुकमा सलह भुटेर, उसिनेर, साँधेर अनि झोलसहित खाएका कैयौँ भिडियो युट्युबमै भेटिन्छन् । नेपालमा यो खान हुन्छ भन्ने एकथरी छन् भने खान हुँदैन भन्ने मत राख्ने विज्ञ छन् र उनीहरूले चरा, कुखुरा वा हाँसलाई दाना बनाएर दिन सकिने बाटो पनि देखाएका छन् ।</p><p><b>मीठो मानेर खाए : जोशी<br></b></p><p>काठमाडौँं उपत्यकावासीले वर्षौंअघि नै सलहलाई हाँडीमा भुटेर खाएको इतिहास छ । १०१ वर्षीय शताब्दी पुरुष तथा संस्कृतिविद् सत्यमोहन जोशीले नेपालमा सलह आएको उतिबेलै देख्नुभयो । उहाँले त्यतिबेला सलह पोलेर अनि हाँडीमा भुटेर काठमाडौँका मानिसले खाएको समेत देख्नुभएको छ ।</p><p>उहाँका अनुसार सलह आकाशै ढाकेर आएका थिए । करोडौँ सङ्ख्यामा थिए भन्ने उहाँको अनुमान छ । उहाँ सलहले बादल जस्तै सूर्य नै नदेखिने अँध्यारो बनाइदिएका थिए भनेर स्मरण गर्नुहुन्छ । सलह जहाँ बस्यो रुखपात, धान बाली त्यहाँको हरियाली सखाप बनेको उहाँ सम्झनुहुन्छ । उपत्यका त्यो समय खेत नै खेत अनि वरिपरि हरियाली जङ्गलले भरिएको थियो । सलहले खाएपछि बुच्चे र ठुटे बोटबिरुवा हेरेर किसान दिक्क भएका थिए ।</p><p>उहाँका अनुसार काठमाडौँका विभिन्न स्थानका मानिसले सलह समाते । त्यति मात्र होइन सडकमा लहरै भाग लगाएर बेच्न पसल नै थापे । शताब्दी पुरुष जोशी आफू खाने अनि मसला हालेर मीठो बनाएको सलह अरूलाई बेचेर चखाएको मैले देखेको हुँ भन्नुहुन्छ । एक भागको दुई पैसादेखि चार पैसा सम्ममा बेच्ने गरेका थिए । उहाँको कथनले नेपालमा सलहले आतङ्क मच्चाएको र मानिसले खाएको पनि पुष्टि हुन्छ । सरदार भीमबहादुर पाँडले त्यस बखतको नेपाल पुस्तकमा वि. सं. १९८५ मा आकाशै ढाक्ने गरी नेपालमा सलह आएको उल्लेख गर्नुभएको छ । उहाँले सलहले अनिकाल नै पारेको र मानिसले सलह खाएको पनि चर्चा गर्नुभएको छ ।</p><p><b><br></b></p><p><b>के साँच्चै सलह खान हुन्छ त ?</b></p><p>पछिल्लो समय सलह खरिद बिक्री गर्ने क्रम बढेको छ । यसलाई पकाएर खाने प्रवृत्ति पनि देखिएको छ । सलह खान हुन्छ भन्नेले खान थालेका छन् । खान हुन्न कोरोना जस्ता भाइरस फैलाउन सक्छ भन्ने अर्काथरीले नखान प्रेरित गरिरहेका छन् । त्रिभुवन विश्वविद्यालयका कीट विज्ञ डा. प्रेमबहादुर बुढा सलहमा उच्च प्रोटिन हुने भएकाले खान हुने बताउनुहुन्छ । सलह भगाउन प्रयोग गरिने विषादी र विभिन्न देश डुलेर आएकाले यसमा रोग वा भाइरसको अंश हुन्छ कि भन्ने मानिसमा एक प्रकारको आशङ्का रहेको छ तर उहाँ त्यो कुराले महìव नराख्ने उल्लेख गर्नुहुन्छ । उहाँले कहीँ कतै विषादी प्रयोग गरिएको सुनिएको छ तर त्यसले सलहलाई खासै असर गर्दैन, नेपालको परम्परागत समाजमा यस्ता कीरा खाने चलन छ भन्नुभयो । वर्षा मौसम रहेको र उड्ने कीरा भएकाले विषादीको असर नरहने दाबी गर्नुभयो ।</p><p>उहाँका अनुसार नेपालमा आएको सलह तेस्रो जेनेरेसनको हो । अफ्रिकाबाट उडेको सलहको तेस्रो पुस्ता भएकाले भाइरसजन्य सङ्क्रमणको सम्भावना न्यून रहेको उहाँको भनाइ छ ।</p><p>अर्का कीट विज्ञ सञ्जय विष्टले मानिसले खान हुने÷नहुने सुुझाव नदिने तर कुखुरा र हाँसका लागि दानाका रूपमा प्रयोग गर्न सकिने बताउनुभयो । किसान र उद्यमीलाई त्यही सुझाएको जानकारी दिनुभयो ।&nbsp;&nbsp;</p>

<p><b>बिदुर । नुवाकोटबाट प्रकाशन भईरहेको उत्तरगया दैनिकले जिल्लाको पत्रकारिता क्षेत्रमा क्रियाशिल पत्रकारहरु मध्ये एक जनालाई बर्षेनी क्रियाशिल पत्रकारिता पुरस्कारबाट सम्मानित गर्ने भएको छ । दैनिकका सम्पादक बिष्णु चालिसेका अनुसार यसबर्ष उक्त पुरस्कारबाट नुवाकोटको पत्रकारिता क्षेत्रमा लामो समयदेखि क्रियाशिल देबचन्द्र भट्टलाई प्रदान गरिने भएको छ । २५ हजार रुपैया पुरस्कार राशीको उक्त पुरस्कार आगामी साउन ६ गते पत्रिकाको दोस्रो बार्षिकोत्सवको अवसरमा प्रदान गरिने समेत सम्पादक चालिसेले जानकारी दिएका छन् ।&nbsp;<br></b></p><div><br></div>

<p><span style="color: rgb(68, 68, 68); font-family: Mukta; font-size: 20px;">लक डाउनकै समयमा जमुना राना र <a href="https://www.facebook.com/lekhnath.acharya.71">लेखनाथ आचार्य</a>को आवाजमा रहेको नयाँ गीत सार्वजनिक गरिएको छ । बाबुराम पन्थीको शब्द तथा जमुना रानाको संगीत रहेको ‘सपनी’ बोलको गीत यु ट्युब मार्फत सार्बजनिक गरिएको हो । हुम गैरेको निर्देशनमा बनेको भिडियोलाई रबिन्द्र खड्काले छायांकन र हुम गैरेले सम्पादन गरेका छन् । सार्वजनिक भिडियोमा दिपासा बिसी र सागर सिलवाल फिचर्ड छन् । भिडियो सुजन म्युजिकको अफिसियल यु ट्युब च्यानल मार्फत सार्वजनिक गरिएको छ ।</span></p><p><font color="#444444" face="Mukta"><span style="font-size: 20px;"><b>हेर्नुहोस भिडियो …</b></span></font></p><p><br></p> <iframe width="560" height="315" src="https://www.youtube.com/embed/Wfm8BKbXlvI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen=""></iframe>

<p>नुवाकोट । कोरोना (कोभिड–१९) को माहामारी विरुद्धको लड्न सांसद् बहादुरसिंह लामाले जिल्लाको सबै स्थानीयतहलाई स्वास्थ्य साहायता सामाग्रि आज उपलब्ध गराउनुभयो ।<br></p><p>नेपाली काँग्रेसका केन्द्रीय सदस्य समेत रहनुभएका लामाले व्यक्तिगत खर्चमा जिल्लाको बाह्रैवटा स्थानीयतहको लागी १५५ थान पिपिई (बुटसमेत), ५५ थान इन्फ्रारेड फोरहेड थर्मोमिटर (थर्मल गन), १२ थान स्यानिटाइजर स्प्रे मेसिन, ८०० थान एन–९५ मास्क, दशहजार थान सर्जिकल मास्क, पाँच हजार थान कपडाको मास्क, १०५ लिटर स्यानिटाइजर र एक थान बिग स्प्रे मेसिन प्रदान गर्नुभयो ।</p><p>जिल्ला समन्वय समितिको सभाहल विदुरमा आयोजित कार्यक्रम मार्फत सांसद् लामाले जिल्लाका दुई नगरपालिका र दश गाउँपालिका गरी बाह्रै स्थानीयतहका प्रतिनिधिलाई पाँच सेट पिपिई, दुईथान थर्मल गन, एकथान स्यानिटाइजर स्प्रे मेसिन, पाँच लिटर ह्यान्ड स्यानिटाइजर, पाँच लिटर क्लोरिनयुक्त स्प्रे स्यानिटाइजर, २० थान एन–९५ मास्क, तीनसय थान सर्जिकल मास्क र दुईसय थान कपडाको मास्क दिनुभयो ।</p><p>महामारीको समयमा सबै एक भई (सत्तापक्ष र प्रतिपक्ष नभनी) महामारी विरुद्ध लड्नुपर्ने भन्दै सम्पूर्ण राजनीतिक दल, प्रशासन, सुरक्षासंयन्त्र, सामाजिक संघसंस्था, उद्योगी–व्यापारी, सञ्चारकर्मी र नागरिकसमाजको सहकार्यले नै कोरोनाको महामारी रोक्ने सकिने उहाँले विश्वास व्यक्त गर्नुभयो ।&nbsp;&nbsp;</p><p>उहाँले आजै जिल्लाको विभिन्न स्थानको जिल्ला प्रवेसको नाकामा खटिएका सुरक्षा निकायका युनिट सहित जिल्लाका स्वास्थ्यकर्मी र सञ्चारकर्मीको लागी पनि स्वास्थ्य सुरक्षा सामाग्रि उपलब्ध गराउनुभयो ।</p><p>यसअघि उहाँले जिल्लाको लिखु र किस्पाङ गाउँपालिकामा रहेका स्वास्थ्यचौकी र स्वास्थ्य सहायता कक्ष (हेल्थ डेस्क)को लागी आवश्यक पिपिई, मास्क, थर्मलगन लगायतका सामाग्रि उपलब्ध गराउनुभएको थियो ।</p><p><img src="https://topnepalnews.comuploads/posts/f737dbb71815cae150a9fd59a85e6f4e1590911226.jpg" style="width: 720px;"><img src="https://topnepalnews.comuploads/posts/ddeb0ae9ffad7cf314a3d3ee3d0fea171590911236.jpg" style="width: 720px;"><br></p><div><br></div>