<p>काठमाडौं । गौशलाबाट हतियार सहित पक्राउ परेका कांग्रेस नेता तथा गुन्डा नाइके गणेश लामालाई&nbsp; तत्काल रिहा गर्न माग गर्दै काभ्रेको बनेपामा कांग्रेस कार्यकर्ता जुलुस निकालेका छन् । जुलुसमा कांग्रेस कार्यकर्ता र&nbsp; प्रहरीबीच झडप भएको छ। साँझ छ बजे बनेपामा लामालाई रिहा गर्ने माग गर्दै निकालेको मसाल जुलुस नियन्त्रण गर्ने खोज्दा दुईपक्षबीच झडप भएको हो। <br><br>मसाल जुलुस नियन्त्रण गर्ने खोज्दा प्रहरी माथि जुलसमा सहभागीले ढुङगामुढा गरेको जिल्ला प्रहरी कार्यालय काभ्रेले जनाएको छ।&nbsp; प्रहरीले स्थिति नियन्त्रण लिन दुई राउन्ड अश्रु ग्याससमेत प्रहार गरेको छ। बुधवार काठमाडौंको गौशालाबाट एक थान पेस्तोल र ६ राउण्ड गोली सहित पक्राउ परेका लामालाई रिहाको माग गर्दै कांग्रेस&nbsp; काभ्रेले आन्दोलनको नेतृत्व गरेको हो। <br><br></p>

<p>काठमाडौं । उपराष्ट्रपति पदमा वर्तमान उपराष्ट्रपति नन्दबहादुर पुन निर्विरोध भएका छन्। उम्मेवारी दर्ताको निर्धारित समयमा वर्तमान उपराष्ट्रपति पुनको मात्रै उम्मेवारी परेपछि उनी दोस्रो कार्यकालका लागि निर्विरोध भएका हुन्।<br>राष्ट्रपतिमा उम्मेदवारी दिएको कांग्रेसले उपराष्ट्रपतिमा भने उम्मेदवारी दिएको छैन।&nbsp; उपराष्ट्रपतिमा पुनको मात्रै उम्मेदवारी परे पनि विजयको घोषणा भोली मात्रै हुने भएको छ।&nbsp; निर्वाचनको कार्यतालिकाअनुसार भोलिसम्म दावी विरोधको समय रहेकाले आयोगले आज विजयी भएको घोषणा भोलि नै गर्ने भएको छ। <br><br>पुनको समर्थकमा सुवास नेम्वाण्ङ, पम्फा भुुसाल, रेखा शर्मा, भानुभक्त ढकाल, परशुराम मेघि गुरुङ र समर्थकमा माओवादी केन्द्रका नेताहरु देव गुरुङ ओनसरी घर्ती, जयपुरी घर्ती, राम नारायण बिडारी र राजेन्द्रप्रसाद गौतम छन्।<br><br>उम्मेदवारी दर्ता गर्दै उपराष्ट्रपति पुनले आफू संविधानको पालन गर्दै नेपालको सार्वभौमिकता र राष्ट्रिय अखण्डताका पक्षमा निरन्तर कटिवद्ध हुने बताए।<br></p>

<p><br></p><p>काठमाडौं । मन्त्रिपरिषद् विस्तारलाई लिएर एमाले वृतमा खैलाबैला मच्चिएको छ । प्रधानमन्त्री केपी शर्मा ओलीले सचिव योगेश भट्टराईलाई मन्त्री नबनाईकन गोकर्ण विष्टलाई मन्त्री बनाएपछि अहिले बरिष्ठ नेता माधव कुमार नेपाल समूह तनाबमा परेको छ । आज मन्त्रीहरुको सूचीमा एमालेवाट प्रदीप ज्ञवाली, गोकर्ण विष्ट, रघुवीर महासेठ, रवीन्द्र अधिकारी, जगत विश्वकर्मा, शेरबहादुर तामाङ रहेका छन् ।</p><p><br></p><p>एकाएक गोकर्णको ईन्ट्रीसँगै नेता नेपाल समूहमा अहिले खैलाबैला मच्चिएको छ । विष्ट बरिष्ठ नेता झलनाथ खनाल निकट नेता हुन् । खनालले यसअघि आफूलाई राष्ट्रपतिमा दाबी गरेका थिए । तर, राष्ट्रपतिमा विद्यादेवी भण्डारीले नै बाजी मारेपछि ओलीले खनाल निकट मानिएका नेता विष्टलाई मन्त्री बनाएर मन जितेका छन् ।</p><p><br></p><p>एमालेले आफ्नोतर्फबाट सरकारमा सहभागी गराउन ६ मन्त्री र एक राज्यमन्त्री छानेको छ। जसअनुसार आज सरकारमा सहभागी हुनेहरुमा एमाले सचिव प्रदीप ज्ञवालीलाई परराष्ट्र मन्त्रालयको जिम्मेवारी दिइएको छ । <br>गोकर्ण विष्ट–श्रम, रोजगार तथा सामाजिक सुरक्षा<br>रवीन्द्र अधिकारी–संस्कृति, पर्यटन तथा नागरिक उड्ड्ययन<br>रघुविर महासेठ–भौतिक पूर्वाधार तथा यातायात<br>शेरबहादुर तामाङ –कानुन, न्याय तथा संसदीय मामिला<br>जगतबहादुर विश्वकर्मा–युवा तथा खेलकुद<br>दिईएको छ । प्रधानमन्त्री केपी शर्मा ओलीले पार्टी नेताहरुसँगको छलफलपछि आफ्नो पार्टीकातर्फबाट सरकारमा सहभागी हुने मन्त्रीको नाम टुंगो लगाएका हुन्। यसअघि जनसंख्या तथा वातावरण बन्त्री रहेका लालबावु पण्डितलाई सामान्य प्रशासन मन्त्रालयको जिम्मेवारी दिइएको छ।</p><p><br></p>

<p>काठमाडौं&nbsp;। प्रधानमन्त्री केपी ओलीले शुक्रबार मन्त्रिपरिषद् विस्तार गरेका छन् । विवादरहित रुपमा सरकार गठन गर्न सफल ओली सरकार नयाँ ‘आशलाग्दो’ अनुहारहरु देखिएका छन् । नवनियुक्त मन्त्रीहरुले शुक्रबार नै शितल निवासमा राष्ट्रपति विद्यादेवी भण्डारीबाट शपथ लिए ।<br>&nbsp;<br>मन्त्रीहरुको सूचीमा एमालेका प्रदीप ज्ञवाली, गोकर्ण विष्ट, रघुवीर महासेठ, रवीन्द्र अधिकारी, जगत विश्वकर्मा, शेरबहादुर तामाङ रहेका छन् भने माओवादी केन्द्रका वर्षमान पुन, शक्ति बस्नेत बिना मगर, गिरिराजमणि पोखरेल र चक्रपाणी खनाल रहेका छन्।<br>यी हुन् ओलीका सारथी<br>मन्त्रीहरु<br>प्रदीप ज्ञवाली–परराष्ट्र<br>गोकर्ण विष्ट–श्रम, रोजगार तथा सामाजिक सुरक्षा<br>रवीन्द्र अधिकारी–संस्कृति, पर्यटन तथा नागरिक उड्ड्ययन<br>रघुविर महासेठ–भौतिक पूर्वाधार तथा यातायात<br>शेरबहादुर तामाङ –कानुन, न्याय तथा संसदीय मामिला<br>जगतबहादुर विश्वकर्मा–युवा तथा खेलकुद<br><br>गिरिराजमणि पोखरेल-शिक्षा, विज्ञान तथा प्रविधि<br>वर्षमान पुन–ऊर्जा, जलस्रोत तथा सिँचाइ<br>शक्तिबहादुर बस्नेत-वन तथा वातावरण<br>चक्रपाणि खनाल–कृषि, भूमि व्यवस्था तथा सहकारी<br>बिना मगर–खानेपानी<br><br>यसैबीच, नवनियुक्त राज्यमन्त्रीहरुलाई पनि शुक्रबार नै प्रधानमन्त्री ओलीले पद तथा गोपनियताको शपथग्रहण गराएका छन्।<br>राज्यमन्त्रीहरु<br>गोकुल बाँस्कोटा- सञ्चार तथा सूचना प्रविधि<br>पद्मा अर्याल- स्वास्थ्य तथा जनसंख्या<br>रामकुमारी चौधरी- कृषि, भूमि व्यवस्था तथा सहकारी<br>धनबहादुर बुढा-संस्कृति, पर्यटन तथा नागरिक उड्ड्ययन<br></p>

<p><br>काठमाडौं । नेपाली कांग्रेसका नेताहरुले बुधवार गौशलाबाट हतियार सहित पक्राउ परेका कांग्रेस नेता तथा गुन्डा नाइके गणेश लामालाई तत्काल रिहा गर्नुपर्ने माग राखेका छन्। <br>&nbsp;रिपोर्टर्स क्लब नेपालमा नेपाली कांग्रेस जिल्ला कार्यसमिति काभ्रेले शुक्रबार पत्रकार सम्मेलन गरेर यस्तो चेतावनी दिएको हो । बुधबार साँझ राजधानीको गौशालाबाट प्रक्राउ परेका लामालाई सुनियोजित ढंगले फसाउन खोजेको आरोप लगाउँदै कांग्रेस जिल्ला कार्यसमिति काभ्रेले तत्काल लामालाई रिहाई गर्न माग गरेको छ ।<br><br>पत्रकार सम्मेलनमा नेपाली कांग्रेस जिल्ला कार्यसमिति काभ्रेका सभापति मधु आचार्यले नागरिकको सुरक्षाको लागि कांग्रेसले जुनसुकै कदम चाल्ने बताए ।<br><br>उनले भने,‘हामी यस कार्यप्रति घोर भत्र्सना गदछौँ, कांग्रेसका यूवा नेता गणेश लामा शारिरीक ब्यायामबाट घर फर्किदै गर्दा गौशाला नजिक उनीमाथि गोली प्रहार भयो, भाग्यवश उनलाई गोली लागेन, उनीमाथि गोली प्रहार गर्नेलाई प्रहरीले समातेन, तर गणेशजीलाई हात हतियारसहित लामा प्रकाउ गर्यौँ भनेर प्रहरीले सूचना जारी गर्यो, यो भन्दा गैर–जिम्मेवारी कुरा के हुन सक्छ ? लामाले आफूमाथि गोली हान्नेलाई समात्न खोज्दा उनीहरु भागे, प्रहरीले भाग्नेहरुलाई नसमातेर लामालाई मात्रै समात्यो, गोली हान्ने मानिस भाग्छ, प्रहरीले लामालाई षड्यन्त्रपूर्वक समात्छ, प्रहरीले देखाएको यो कस्तो नाटक हो ?’<br><br>उनले अघि थपे,‘हामीले त्यो समयका प्रत्यक्षदर्शी र सिसिटिभि क्यामेरामा कैद भएका फुटेज हेर्दा साधा पोशाक लगाएका प्रहरीले नै लामामाथि गोली हानेको शंका गरेका छौँ, यस्तो स्थिति हो भने मन नपरेका मानिसलाई अधिनायकवादी सरकारले प्रहरी प्रशासन लगाएर मार्ने अनि संविधान प्रदत्त नागरिकले बाँच्न पाउने हकमाथि कुठाराघात गर्ने अनि कसरी हामीले सरकारको विश्वास गर्ने ?’<br><br>षड्यन्त्रपूर्वक गोली हानी हत्या गर्ने उद्देश्यले प्रहरीले नै गोली हानेको दाबी गर्दै नेपाली कांग्रेस जिल्ला कार्यसमिति काभ्रेका सचिव दिनेश लामाले गणेश लामालाई विना शर्त रिहाईको माग गरे ।<br><br>उनले भने,‘राज्य शक्तिको दुरुपयोगको बाटोमा गएको छ, यस्तो स्थितिमा हामीले कसको विश्वास गर्ने, कसको भर पर्ने, सरकार नै गुण्डा गर्दिको शैलीमा जनता माथि आक्रमण गर्ने मनस्थितिमा उत्रेको छ यो कांग्रेसलाई स्वीकार्य हुँदैन ।’<br></p>