21.12¡ÆC
<p>काठमाडौं । नेपाली क्रिकेटले अहिलेसम्मकै ठूलो सफलता हात पारेको
छ।आईसीसी विश्वकप छनोट अन्तर्गत बिहीबार पपुवा न्युगिनीलाई ६ विकेटले
हराएको नेपालले एकदिवसीय मान्यता प्राप्त गर्दै ऐतिहासिल सफलता प्राप्त
गरेको हो । पपुवा न्यूगिनीलाई ६ विकेटले पराजित गरेसँगै नेपाल एकदिवसीय
मान्यता नजिक थियो। अर्को प्ले अफमा नेदरल्यान्डले हङकङलाई ४४ रनले पराजित
गरेपछि नेपालको एकदिवसीय मान्यता पक्का भएको हो। <br><br>आईसीसीको
नियमअनुसार नेदरल्यान्ड्सबाहेक विश्वकप छनोट प्रतियोगितामा सहभागी एसोसिएट
टोलीमध्ये शीर्ष तीनले सन् २०२२ सम्मका लागि एकदिवसीय टोलीको मान्यता
पाउनेछन् । गत डिसेम्बरमा सम्पन्न अन्तर्राष्ट्रिय क्रिकेट काउन्सिल
(आईसीसी) विश्व क्रिकेट लिग च्याम्पियनसिप जितेको हैसियतमा नेदरल्यान्ड्सले
यसअघि नै एकदिवसीय टोलीको मान्यता पाइसकेको छ । यसैगरी सोसिएट टोलीमध्ये
सुपर सिक्स चरणमा पुगिसकेका संयुक्त अरब इमिरेट्स (यूएई) र स्कटल्यान्डले
पनि एक दिवसीय मान्यता पक्का गरिसकेका छन् ।</p><p>स्कटल्यान्ड र युएईले
सुपर–६ मा स्थान पक्का गर्दै एकदिवसीय मान्यता पक्का गरिसकेका छन्। नेपालले
पपुवा न्युगिनीलाई पराजित गर्दै सातौं स्थानको प्ले अफमा स्थान पक्का गरेर
एकदिवसीय मान्यता पाएको हो। यता पपुवा न्युगिनी र हङकङले भने एकदिवसीय
मान्यता गुमाउनुका साथै डिभिजन–२ मा झरेका छन्।<br></p>
