एजेन्सी,चैत १६ । भारतमा चलिरहेको टी-२० मा उत्कृष्ट प्रदर्शन गरिरहेका विराट कोहली विश्वको नम्बर वन ब्याट्सम्यान बनेका छन् । आईसीसीले जारी गरेको नयाँ टी-२० र्‍याङ्किङमा विराट शीर्ष स्थानमा उक्लिएका हुन् । यसअघि उनी दोस्रो नम्बरमा थिए । यसअघि कोहलीभन्दा २४ प्वाइन्ट अगाडि रहेर अष्ट्रेलियाका एरोन फिन्च पहिलोमा थिए । तर, अब कोहली ६८ प्वाइन्टले अगाडि छन् । टी-२० को शीर्ष दसको सूचीमा भारतबाट कोहली बाहेक अन्य कुनै खेलाडी छैनन् । 
 
यो र्‍याङ्किङमा न्यूजील्यान्डका मार्टिन गुप्टिल राम्रो प्रदर्शन गर्दै तेस्रो नम्बरमा उक्लेका छन् । उनी यसअघि पाँचौ नम्बरमा थिए । एक म्याचमा विस्फोटक पारी खेलेका क्रिस गेल छैटौं नम्बरमा रहेका छन् । टप १० मा अन्य भारतीय ब्याट्सम्यान छैनन् ।
 
बलिङ तर्फ भने भारत खस्किएको छ । पहिलो नम्बरमा रहेका आर अश्विन अब तेस्रो नम्बरमा पुगेका छन् । वेस्टइन्डिजका स्यामुएल बद्री पहिलो नम्बरमा उक्लेका छन् ।  भारतका रविन्द्र जडेजा सातौं नम्बरमा रहेका छन् । यता टीमतर्फ टी-२० र्‍याङ्किङमा भारतीय टीम पहिलो नम्बरमा रहेको छ । दोस्रो नम्बरमा न्यूजील्यान्ड र तेस्रो नम्बरमा वेस्टइन्डिज रहेको छ । 
 

कोलकाता, चैत २२  । अन्तर्राष्ट्रिय क्रिकेट काउन्सिल आइसीसीले  भारतीय ब्याट्सम्यान विराट कोहलीको कप्तानीमा'टिम अफ द टुर्नामेटन्ट' सार्वजनिक गरेको छ । आइतबार सम्पन्न टी-२० विश्वकपमा उत्कृष्ट प्रदर्शन गर्ने खेलाडीहरु समेटेर टिम अफ द टुर्नामेन्ट गरेको हो । टोलीमा ईंग्ल्याण्डका चार खेलाडीले स्थान बनाएका छन्। बिजेता वेष्ट इन्डिज र आयोजक भारतका दुई-दुई खेलाडी छन्। 

अष्ट्रेलिया, न्युजिल्याण्ड र दक्षिण अफ्रिकाका १-१ खेलाडीले टोलीमा स्थान पाएका छन्। बंग्लादेशका मुस्ताफिजुर रहमान भने वैकल्पिक खेलाडीका रूपमा छानिएका छन्। टोलीमा भारतीय कप्तान महेन्द्रसिंह धोनी, वेष्ट इण्डिजका क्रिश गेल भने परेनन् । आइतबार सम्पन्न आइसीसी टी-ट्वान्टी विश्वकपमा इंग्ल्याण्डलाई हराउँदै वेष्ट इण्डिजले उपाधि उचालेको थियो ।

आइसिसि 'टिम्स अफ टुर्नामेन्ट'
१ विराट कोहली, भारत (कप्तान)
२ जेसन रोय, ईंग्ल्याण्ड
३ क्वीन्टन डी कक, दक्षिण अफ्रिका
४ जो रुट, ईंग्ल्याण्ड
५ जोस बटलर, ईंग्ल्याण्ड
६ शेन वाट्सन, अष्ट्रेलिया
७ एन्ड्रे रस्सेल, वेष्ट इन्डिज
८ मिचेल स्यान्टनर, न्युजिल्याण्ड
९ डेविट विलि, ईंग्ल्याण्ड
१० स्यामुएल बद्री, वेष्ट इन्डिज
११ आशिष नेहरा, भारत
वैकल्पिक खेलाडी,
१२ मुस्ताफिजुर रहमान, बंगलादेश।आज नआएका चाँही आउन नपाउने हो  र यो नियम भएनन है  नयाँ शक्तिको ममि रिसाईन जस्तो छ है बोलचालै छैन् ।  

एजेन्सी,चैत ३० । वेष्ट इन्डिजका बलर डवेन ब्रावोले  श्रीलंकाका लासिथ मालिङगाको कीर्तिमान भंग गर्दै ट्वेन्टी–ट्वेन्टी क्रिकेटमा नयाँ कीर्तिमान बनाएका छन् । इन्डियन प्रिमियर लिग आइपिएल अन्तर्गत सोमबार राति किंग्स इलाभेन पञ्जावसँग भएको खेलमा नयाँ क्लब गुजरात लायन्सका ब्रावोले चार लिएर ट्वेन्टी–ट्वेन्टी क्रिकेटमा नयाँ किर्तीमान बनाएका हुन् । 

उनी  तीन सय भन्दा धेरै विकेट लिने पहिलो खेलाडी बनेका हुन् । उनले अहिलेसम्म ट्वेन्टी–ट्वेन्टी क्रिकेटमा तीन सय दुई विकेट लिएका छन् । वेष्ट इन्डिजका ब्रावोले अहिलेसम्म दुई सय ९२ ट्वेन्टी–ट्वेन्टीको दुई सय ७६ पारीमा सात हजार दुई सय ६१ रन खर्चेर तीन सय दुई विकेट लिएका हुन् । मालिंगाले ट्वेन्टी–ट्वेन्टी क्रिकेटमा दुई सय ९९ विकेट लिएका छन् ।

एजेन्सी,चैत २१ । रियलको जितसँगै बार्सिलोनाको ३९ खेलदेखिको अपराजित यात्रा टुंगिएको छ । नाउ क्याम्पमा भएको इएल क्लासिको गुमाएसँग उसको अपराजित यात्रा टुंगिएको हो । बार्सिलोना गएको वर्षको अक्टोबर तीनमा सेभिल्लासँग २–१ ले पराजित भएयता अहिलेसम्म पराजित भएको थिएन ।   गएराति बार्सिलोनाको घरेलु मैदानमा नाउ क्याम्पमा भएको खेलमा रियल मड्रिले बार्सिलोनालाई २–१ गोल अन्तरले पराजित गरेको हो। 
खे५६ औं मिनेटमा जेरार्ड पिकेले गोल गर्दै घरेलु टोली बार्सिलोनालाई सुरुवाती अग्रता दिलाए । ६२ औं मिनेटमा करिम बेन्जिमाले रियलका लागि बराबरी गोल फर्काए । ८३ औं मिनेटमा कप्तान सर्जियो रामोस दोहोरो पहेँलो कार्ड खाँदै मैदानबाट बाहिरिएपछि रियल १० खेलाडीमा सीमित भयो । तर त्यसको दुई मिनेटपछि नै क्रिष्टियानो रोनाल्डोले रियलका लागि गोल गरे र २–१ को जित दिलाए ।
 
जितपछि रियल मड्रिडको ३१ खेलबाट ६९ अंकका तेस्रो स्थानमै यथावत छ। रियल मड्रिडसँग पराजित भएको बार्सिलोना समान खेलबाट ७६ अंकका साथ शीर्ष स्थानमै छ। दोस्रो स्थानमा रहेको एथ्लेटिको मड्रिडको समान खेलबाट ७० अंक छ।

काठमाडौं, चैत २० । सियाली बक्सिङ महासंघका उपाध्यक्ष समेत रहेका थाइल्यान्ड बक्सिङ संघका अध्यक्ष डा. पिचाइका छोरा डान चुन हाभा जिराले प्रधानमन्त्री दैवी प्रकोप राहत कोषलाई २० हजार अमेरिकी डलर उपलब्ध गराएका छन् ।

गत बैशाखको भूकम्प पीडितको सहयोगार्थ संकलन गरिएको उक्त रकम बराबरको चेक जिराले प्रधानमन्त्री केपी शर्मा ओलीलाई बालुवाटरस्थित प्रधानमन्त्री निवासमा हस्तान्तरण गरे । परिवारका अन्य सदस्य तथा नेपाल बक्सिङ संघका अध्यक्ष राजिव श्रेष्ठलगायत संघका पदाधिकारीको उपस्थितिमा जिराले उक्त सहयोग हस्तान्तरण गरेका हुन् ।

कक्षा १० मा अध्ययनरत १५ वर्षिय जिराले बैंककमा आफू अध्ययनरत रमरुडी इन्टरनेसनल स्कुलमा बहिनीसंग मिलेर सांगीतिक मार्फत सोही स्कुलमा अध्ययनरतलगायतबाट भूकम्प पीडितका लागि आर्थिक सहयोग संकलन गरेको अध्यक्ष श्रेष्ठले जनाएका छन् । सोही संकलित रकमलाई नेपाल बक्सिङ संघको पहलमा राहत कोष मार्फत भूकम्प पीडितको सहयोगार्थ हस्तान्तरण गरिएको हो । सहयोग हस्तान्तरण कार्यक्रममा आयोजित छुट्टै कार्यक्रममा बक्सिङ संघले पिचाइ र जिरालाई प्रशंसा पत्र प्रदान गरेको थियो ।

काठमाडौं, चैत १९ । शिवानी एयर चौथौं कामना सहकारी कप बुद्धिचाल प्रतियोगिता शनिबारदेखि हुने भएको छ । नेपालमा सहकारीको स्थापनाको ५९ औं राष्ट्रिय सहकारी दिवसको उपलक्षमा “आर्थिक विकास र सामाजिक रुपान्तरणका लागि सहकारी” भन्ने मूल नाराका साथ जिल्ला मूल समारोह समितिको समन्वय, ललितपुर जिल्ला बचत तथा ऋण सहकारी संघको आयोजना तथा ताम्रकार समाज ललितपुरको सह–आयोजनामा हुन लागेको प्रतियोगितामा पहिलो हुनेले १ लाख ७२ हजार ९ सय बराबरको वाईविआर यामाहा मोटर साईकल तथा दोश्रो, तेश्रो र चौथोले सुपर नकआउटका आधारमा क्रमशः ५०, ३० र २५ हजार नगद प्राप्त गर्ने पत्रकार सम्मेलनमा जानकारी गराईयो ।

सुपर लिगका विजेताले २५ हजार तथा दोश्रो देखि पाँचौ स्थान सम्म प्राप्त गर्ने खेलाडीहरुले क्रमश १५, १०, ८, ७ हजार र छैटौं देखि दशौं स्थान सम्मकाले समान ६ हजार, एघारौं देखि पन्धौं सम्मकाले समान ५ हजार ५ सय र सो¥हौं देखि बिसौं स्थानकाले समान ५ हजार नगद प्राप्त गर्ने पत्रकार सम्मेलनमा जानकारी गराईयो ।

महिलाको हकमा नकआउट र लिग चरणमा पुगबापत पाउने रकमका साथै पहिलो देखि १० औं स्थान प्राप्त गर्नेहरुले क्रमश थप १०, ८, ७, ६ र ५ हजार प्राप्त गर्नेछन् । यस्तै यु–१९ ले ५ हजार, रेटिङ्ग (१८०० र २०००) खेलाडीले ५ हजार, वेष्ट लोकल खेलाडी र भेट्रानले ५÷५ हजार, अनरेटेड पहिलो र दोश्रोले ७ र ५ हजार गरि प्रतियोगितामा सहभागी ३६ खेलडीहरुले पुरस्कार प्राप्त गर्ने छन् ।
पहिलो पटक शिवानी एयरको मुख्य प्रायोजन रहेको प्रतियोगिता जावलाखेलस्थित ताम्रकार समाज भवनमा चैत्र २० देखि २५ गते सम्म संचालन हुने छ । प्रतियोतिगामा ८० खेलाडीहरुले लिग कम नकआउट स्वीस लिगको आधारमा ११ राउन्डमा प्रतिस्पर्धा गर्ने अन्तराष्ट्रिय आर्विटर एवं बुद्धिचाल संघका सदस्य उमेश के.सी.ले जानकारी गराए ।