18.12¡ÆC
१ बैशाख, दिक्तेल ।
मध्यपहाडि लोकमार्गमा पर्ने दिक्तेल–हलेसी सडक खण्डको बर्खेटारमा मङ्गलबार भएको बस दुर्घटनाका सबै मृतकको सनाखत भएको छ ।
जिल्लाको पश्चिमी क्षेत्रमा पर्ने महादेवस्थान–१ स्थित बर्खेटारको भिरमा भएको दुर्घटनामा ज्यान गुमाएकामध्ये अधिकांश खोटाङ्गे रहेका छन् ।
प्रहरीले दिएको जानकारी अनुसार खोटाङका १५, उदयपुरका ७, सोलुखुम्बुका २ र बारा जिल्लाका एक जनाले ज्यान गुमाएका छन् ।
मृतकको शव जिल्ला अस्पतालमा परीक्षण गरेर सबै शव आफन्तलाई जिम्मा लगाउने काम भएको जिल्ला प्रहरी कार्यालय खोटाङका प्रहरी नायब उपरीक्षक विद्यानन्द माझीले जानकारी दिनुभयो ।
