<p><span style="line-height: 1.42857143;">काठमाडौं,असार १३ । सरकारले रोजगारीका लागि द्वन्द्वग्रस्त मुलुकमा जान प्रतिवन्ध लगाएको एक साता नबित्दै श्रम तथा रोजगार मन्त्रालयले छुट्टिमा आएर फर्कन चाहनेलाई अफगानिस्तान पठाउने तयारी गरेको छ ।&nbsp;</span><span style="line-height: 1.42857143;">श्रम मन्त्रालयले सरकारले प्रतिबन्ध लगाएको स्थानमा सुरक्षा खतरा भएकोले नजान आग्रह गर्दै सर्वसाधरणलाई ट्राभल एडभाइजरी गर्ने र एडभाइजरीको समेत बेवास्ता गर्दै जान चाहनेलाई लिखित कबुलियत गराएर जान दिने तयारी गरेको आजको अन्नपूर्ण पोस्टमा समाचार छ ।</span></p><p><span style="line-height: 1.42857143;">अफगानिस्तानको राजधानी काबुलमा क्याडेली दूतावासमा गार्डको काम गर्दै नेपालीमाथि लक्षित गर्दै गत सोमबार तालिबान आतंकबादी आत्मघाती बम विस्फोट गराएर १३ नेपालीको मृत्यु भएपछि बिहीबार मन्त्रिपरिषदले &nbsp;अफागनस्तिान, इराक, सिरिया र लिबियामा नेपालीलाई रोजगारीका लागि जान प्रतिवन्ध लागएको थियो ।&nbsp;</span><span style="line-height: 1.42857143;">श्रम तथा रोजगार मन्त्री दीपक बोहोरा स्वयं छुट्टीमा आएकालाई फर्काउन पहल गर्दै विभिन्न सरोकारवालासँग छलफलमा सक्रिय भएका छन् ।</span></p>

<p>१२ असार, काठमाडौं ।<br>झण्डै एक सय बढी नक्कली डाक्टर पक्राउ परिरहेको बेलामा तिनै मुद्दा सहित यसअघि चार पटक अनसन बसिसकेका डा. गोविन्द केसी आफ्ना सबै माग पुरा नभएपछि फेरी अनसन बस्ने तयारीमा लागेका छन् ।<br><br>सामाजिक अभियन्ता केसीले दुई हप्ताभित्र माग पूरा नभए अनसन बस्ने चेतावनी सरकारलाई दिएका छन् ।<br><br>शिक्षण अस्पताल महाराजगञ्जका प्राध्यापक डा. केसीले चार बुँदे माग सार्वजनिक गर्दै आफ्ना माग पूरा नभए आमरण अनसनमा बस्ने घोषणा गरेका हुन् ।<br><br>आइतबार शिक्षण अस्पतालमा पत्रकार सम्मेलन गरेर प्राध्यापक केसीले ४ बुँदे माग पुरा नभए असार २६ गतेदेखि आमरण अनसन बस्ने घोषणा गरेका छन् ।<br><br>अख्तियार प्रमुख लोकमानसिंह कार्कीलाई महाअभियोग लगाउनुपर्ने माग सहित चिकित्सा शिक्षा ऐनको मस्यौदामा पाँच वटा सुधार गरेर संसदको यही अधिवेशनबाट पारित गर्नुपर्ने माग केसीले अघि सारेका छन् ।<br>तर केसीको पहिलो माग अर्थात् अख्तियारका विवादीत प्रमुख लोकमानसिंह कार्कीलाई महाअभियोग लगाउने कुराले अख्तियारले अपशब्द नै प्रयोग गरि विज्ञप्ति निकाल्न भ्याएको छ ।<br><br>डा. केसीले माथेमा प्रतिवेदनको सुझाव विपरित काठमाडौंमा खोल्न प्रस्तावित प्रतिष्ठान सम्बन्धि संसदमा विचाराधिन विधेयक तत्काल फिर्ता गर्नुपर्ने माग समेत गरेका छन् ।<br><br>विगतमा भएका सहमति सम्झौताको अक्षरस पालना गर्न माग गर्दै डा. केसीले जारी गर्नुभएको विज्ञप्ति यस्तो छ ।</p><p><img src="https://topnepalnews.comuploads/posts/5329a8d2c60060f9a66980b3b02123ab1466961549.jpg" style="width: 712px;"><br><img src="https://topnepalnews.comuploads/posts/8d20102a6e420d9ad4a6c73b5487d29a1466961572.jpeg" style="width: 741px;"><br><b>महाअभियोग माग गर्दा जनताको करबाट तलब भत्ता खाएका लोकमानको यस्तो चर्तिकला</b><br><br>सामाजिक अभियन्ता डा। गोविन्द केसीले आइतवार पत्रकार सम्मेलन मार्फत अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई संसदवाट महाअभियोगक लगाउनु पर्ने माग गरेपछि अख्तियारले कडा भत्सना गरेको छ ।<br><br>आफ्ना माग पुरा नभए असार २६ गतेदेखि आवरन सनशन बस्ने घोषण गरे लगत्तै अख्तियार प्रमुख कार्कीको निर्देशनमा अपशब्द प्रयोग गर्दै कार्कीले आफ्नो बचाउ गर्न लगाएका छन् ।<br><br>यहाँसम्मकी अख्तियारले विज्ञप्तिमा केसीको मानसिक समस्या भएको क्षुब्द शब्द प्रयोग गर्दै उपचारको माग गरेको छ ।<br><br>&nbsp;आफ्नो न्यूनतम् आचरण र जिम्मेवारीको दायराबाट बिमुख डा. केसीको मानसिक उपचारको शीघ्रातीशीघ्र उचित व्यवस्थाका लागि समेत आयोगले सरकारसँग आग्रह गर्दछु विज्ञप्तिमा भनिएको छ । साथै आयुक्त माथि लगाइएको आरोप पुष्टी गरी देखाउने समेत अख्तियारले विज्ञप्ति मार्फत डा. केसीलाई चुनौती दिएको छ ।<br><br><b>अख्तियारको नौटंकी<br></b>अख्तियारले फेसबुक मार्फत पहिलो बिज्ञप्तिमा लेखेको भाषा बारेमा सर्वत्र आलोचना हुन थालेपछि अर्को विज्ञप्ति निकाल्दै पहिलो विज्ञप्ति सच्यायार मानसिक शब्द हटाएको छ ।<br><br>यस्तो छ लोकमान सिंह कार्कीको बचाउनमा अख्तियारले निकालेको विज्ञप्ति<br><br>विज्ञप्ति सहित प्रेस विज्ञप्तिः २०७३।०३।१२ गते । ————————————- </p><p>डा. गोबिन्द के.सी. द्वारा आज जारी प्रेस-बिज्ञप्ति मार्फत नेपाल सरकारसँग प्रस्तावित बिभिन्न मागको फेहरिस्तमा आयोगका माननीय प्रमुख आयुक्त तथा माननीय आयुक्तहरु माथि मनोगत लाञ्छना सहित महाभियोग एवं कारबाहि प्रक्रिया आघि बढाउन राखेको मागप्रति आयोग कडा शब्दमा भर्त्सना गर्दछ । भ्रष्टाचार, अनाचार एवं सबैखाले बिसंगति बिरुद्दको महाअभियानमा क्रियाशील आयोगका माननीय प्रमुख आयुक्त र आयुक्तहरु प्रति लक्ष्यित डा. के.सी.को सो माग छुद्रता, अराजकता र अस्वस्थ मानसिकताको द्योतक हो भन्ने आयोगको ठम्याई छ । आयोग, मागको फेहरिस्तमा समुल्लेखन भएजस्तो आफ्ना कुनैपनि पदाधिकारीद्वारा आफ्नो र आफन्तको निहित स्वार्थका लागि चिकित्साक्षेत्रमा भर्ना गरेको, स्वास्थ्य तथा चिकित्सा क्षेत्रको सुधारको प्रक्रिया अबरुद्द तुल्याएको, भ्रष्टहरुलाई संरक्षण दिएको र कुनै पदाधिकारी बिशेषलाई सौदाबाजीमार्फत राजीनामा दिन वाध्य तुल्याएको भन्ने जस्ता तुच्छ अभियोगको तथ्यगत परिपुष्टीका लागि डा. के.सी.लाई चुनौति दिन चाहन्छ ।</p><p>जहाँसम्म काठमाण्डौं विश्वबिद्यालयको प्रवेश परिक्षामा हस्तक्षेप गरेको भन्ने थप आक्षेपको प्रश्न छ सो विषयमा सरोकारवालाहरुको असीमित उजुरीपछि आयोगले सम्बद्द नियामक निकाय “मेडिकल काउन्सिललाई” परिक्षाको निष्पक्षता परिक्षणका निम्ति निर्देशन दिएको तथ्य आयोग स्पष्ट पार्न चाहन्छ ।</p><p>प्रमुख आयुक्तले “व्यापारिक स्वार्थ” राखेको भन्ने जस्तो घृणित र निकृष्ट आक्षेपका हकमा त्यस्तो अमुक व्यापारिक स्वार्थमा उहाँको संलग्नता सावितीका लागि आयोग, डा. के.सी. लाई थप चुनौति दिन चाहन्छ र उहाँको व्यापारिक स्वार्थको सप्रमाण पुष्ट्याईं गरिदिएको खण्डमा उहाँले पदीय जिम्मेवारीबाटै सन्याश लिने उहाँको निजी घोषणा समेत सार्वजनिक गर्दछ । डा. के.सी. का तमाम गतिबिधिलाई आयोगले आफ्नो स्मृतिमा राखेको छ ।</p><p>यताका दिनमा चिकित्सा एवं स्वास्थ्य क्षेत्रको सुद्दताका लागि आयोगले आफ्नो कारवाहीधिकार भित्रै रहेर गरेको पहलबाट उत्तर्सिएका मेडिकल माफियाहरुसँगको डा. के.सी.को सानिध्यता, आयोगको अनुसन्धान प्रक्रियामा रहेका एकथरी स्वघोषित नागरिक अगुवा तथा संगठित अपराधी र भ्रष्टहरुसँगको उहाँको साँठगाँठ आयोगको दृष्टिबाट ओझेलमा छैनन् । वस्तुत: आयोग पदाधिकारीहरु बिरुद्द केन्द्रित पछिल्लो प्रस्तावलाई डा. के.सी.का यिनै सन्देहास्पद गतिबिधीका आलोकमा हेरिनुपर्दछ भन्ने आयोगको आग्रह छ ।</p><p>चिकित्सा तथा स्वास्थ्य क्षेत्रको सुधारका नाममा स्वास्थ्य क्षेत्रलाई नै बन्धक बनाउँदै डा. के.सी.ले गरेका विगतका प्रत्येक आन्दोलनले यस क्षेत्रलाई विकास र उत्थानको मार्गतर्फ नभई बिनाश र अबन्नतिको दिशातर्फ प्रवाहित गरेको आमबुझाई भन्दा पृथक आयोगको अभिमत छैन ।</p><p>अद्याबधी राष्ट्रसेवकको आवरणमा रहे पनि राष्ट्रसेवकको न्यूनतम् आचरण र पेशागत धर्म परिपालना नगर्ने र किस्ताबन्दीको उदण्डताको आडमा राज्यलाई धम्क्याउने जस्ता डा. के.सी.का कार्य प्रवृत्ति आफैंमा खेदजनक छन्। आयोग, डा. के.सी. लाई नेपाली चिकित्सा क्षेत्रको बिनाशको प्रतिनिधी बाहक नबन्न बरु आफूमा निहीत चिकित्सकीय योग्यतालाई उपचारका क्षेत्रमा भरपूर सदुपयोग गर्न सुझाब दिन चाहन्छ । सँगसँगै बारम्बार आफ्नो न्यूनतम् आचरण र जिम्मेवारीको दायराबाट बिमुख डा. के.सी.को मानसिक उपचारको शीघ्रातीशीघ्र उचित व्यवस्थाका लागि समेत आयोग सरकारसँग आग्रह गर्दछ ।</p><p>डा. के.सी. ले स्वास्थ्य क्षेत्रको सुधारका नाममा उचो स्वर गरिरहँदा वहां आफैं कार्यरत त्रि.बि.शिक्षण अस्पतालको जर्जर अबस्थितिलाई झाँकेर हेर्नु वाञ्छित हुनेछ र वहाँमा सेवारत संस्थाप्रतिको न्यूनतम् दायित्वोध भएको खण्डमा शिक्षण अस्पतालको अस्वस्थताको उपचारका लागि आफूलाई तैनाथ गर्नु बुद्दिमानी हुनेछ । भ्रष्टहरुको माखेसाङ्गलोमा जेलिएका डा. के.सी. लाई कुसंगत परित्याग गर्न र प्रायोजित अभियन्ता नबन्न समेत आयोग थप सुझाब दिन चाहन्छ । वस्तुत: नेपाली स्वास्थ्य क्षेत्रको सुधार र विकासका सन्दर्भमा डा. के.सी.का खोक्रा अभियानबाट होइन आयोगको दृढ प्रतिबद्दता र पहलबाट निश्चित उपलब्धि हासिल भएको तथ्य आम नेपाली दाजुभाई दिदीबहिनीहरुमा बिदितै छ ।</p><p>साथै आयोग नेपाली स्वास्थ्य क्षेत्रमा बिद्यमान अराजकता, दण्डहिनता, माफियातन्त्र र सबै प्रकृतिका असंगतिहरुको अन्त्यका निम्ति सर्वथा क्रियाशील रहने दृढता व्यक्त गर्दछ । आयोग यस्ता कुनैपनि काल्पनिक र निराधार आक्षेपहरुको भ्रममा नपर्न आम-जनमानसमा आग्रह गर्दछ । साथ-साथै आयोग, भ्रष्टहरुद्वारा प्रायोजित मनोगत लाञ्छनाकै आधारमा भ्रष्टाचार बिरुद्दको आफ्नो कर्तव्यपथबाट किंचित बिचलित नहुने तथ्य समेत स्पष्ट पार्न चाहन्छ ।</p><p><img src="https://topnepalnews.comuploads/posts/94e6cf42d26060f2473c567118c04fba1466961589.jpg" style="width: 698px;"><br></p>