<p><span style="line-height: 1.42857143;">काठमाडौं,असार १२ । &nbsp;रिपब्लिक अफ आयरल्याण्डलाई हराँउदै आयोजक फ्रान्स युरोकप फुटबलको क्वाटरफाइनलमा प्रवेश गरेको छ । आइतबार राति लियोनमा भएको खेलमा रिपब्लिक अफ आयरल्याण्डलाई २-१ ले हराँउदै फ्रान्स &nbsp;क्वाटरफाइनलमा पुगेको हो । खलको दोस्रो मिनेटमा बे्रडीले पेनाल्टी मार्फत अग्रताको आयरल्याण्ड पहिलो &nbsp;हाफमा अग्रता लिएपनि आयोजक फ्रान्सले गेन्जीमामले खेलको ५८ औ र ६१ औ मिनेटमा गोल गर्दै फ्रान्सलाई अग्रता दिलाए ।</span><br></p><p><br></p><p>त्यसपछि धेरै प्रयास भएपनि कुनै तर्फवाट गोल हुन सकेनन र &nbsp;फ्रान्स विजयी भयो । फ्रान्स समूह एको विजेताको रुपमा अन्तिम १६ मा आएको थियो भने उत्कृष्ट तेस्रोमा पर्दै प्रिक्वाटरफाइनलमा आएको आयरल्याण्डले अन्तिम १६ मा पर्न बलियो मानिएको इटालीलाई हराएको थियो । &nbsp;फ्रान्सले सन् २००० देखि युरोकपको नकआउट चरणमा जित निकाल्न सकेको छैन । आयरल्याण्ड भने पहिलो पटक नकआउट चरणमा आएको हो ।</p>

<p><span style="line-height: 1.42857143;">काठमाडौं,असार १२ । &nbsp;लैनचौर डोजोले ११ औं उपत्यकाव्यापी सितोरियो कराते प्रतियोगिताको उपाधि जितेको छ । ५ स्वर्ण, ३ रजत र ४ कांस्यसाथ लैनचौर टिम च्याम्पियन बन्यो ।</span><br></p><p>नेपाल सितोरियो कराते डो संघ, घन्टाघर शाखा डोजोद्वारा आयोजित प्रतियोगितामा ५ स्वर्ण, ३ रजत र २ कांस्य जित्दै केन्द्रीय डोजो उपविजेतामा सीमित भयो । तेश्रो भएको आयोजक घन्टाघरले ४ स्वर्ण, ३ रजत र ९ कांस्य हात पा¥यो ।</p><p><br></p><p>पुरुषमा अर्जुनकुमार चन्द तथा महिलामा रोस्मा लामा उत्कृष्ट खेलाडी घोषित भए । दुवै आयोजक घन्टाघरका हुन् । अर्जुनले १ र रोस्माले २ स्वर्ण जिते । त्यस्तै पुरुषमा आनन्दनगर डोजोका फिन्जु शेर्पा तथा महिलामा केन्द्रीय डोजोकी रश्मिला लामा उदीयमान खेलाडी घोषित भए ।</p><p>विजेतालाई राष्ट्रिय खेलकुद परिषद् (राखेप) का सदस्य–सचिव केशवकुमार विष्ट, नेपाल कराते महासंघका अध्यक्ष दावा गुरुङ, राखेपका प्रेस सल्लाहकार रोहित दाहाललगायतले एक कार्यक्रमबीच पुरस्कृत गरे । प्रतियोगितामा २ सय ६० खेलाडीले २२ स्वर्णका लागि प्रतिस्पर्धा गरेको प्रतियोगिता संयोजक हरि राउतले जनाएका छन् ।</p><p>&nbsp;</p><div><br></div>

<p><span style="line-height: 1.42857143;">काठमाडौं,असार १२ । &nbsp;मनमैजु डोजो प्रथम वादो किड्स कराते प्रतियोगितामा टिम च्याम्पियन बनेको छ । मनमैजुले ९ स्वर्ण, ५ रजत र ५ कांस्य जित्यो । अल नेपाल वादोकाइ कराते डोद्वारा आयोजित प्रतियोगिताको पुरुषमा मनमैजुका साहिल घले र महिलामा मनकामनाकी सुस्मिता श्रेष्ठ उत्कृष्ट खेलाडी चुनिए । बुङमती डोजोले अनुशासित टिमको उपाधि हात पा¥यो भने मार्चपास्टमा त्रिलोक एकेडेमी उत्कृष्ट ठहरियो ।</span><br></p><p><br></p><p>पुरुषको २० केजीमा त्रिलोकका विकास घर्ती, २५ केजीमा मनमैजुका साहिल घले, ३० केजीमा बुद्धज्योतिका अयासजंग बखती, ३५ केजीमा मनमैजुका अनिल उप्रेती, ४० केजीमा मनमैजुका अनिश लामिछाने तथा एकल कातामा लिबर्टीका उदित श्रेष्ठले स्वर्ण जिते ।</p><p><br></p><p>महिलाको १५ केजीमा रोजमेरीकी आकृति बोगटी, २० केजीमा मनकामनाकी सुस्मिता श्रेष्ठ, २५ केजीमा मनमैजुकी मनमैजुकी दिब्या गुरुङ, ३० केजीमा मनमैजुकी विनिता चापागाईं, ३५ केजीमा मनमैजुकी जिया खड्गी, ४० केजीमा मनमैजुकी सविना श्रेष्ठ, ४५ केजीमा मनमैजुकी सोनी राई तथा एकल कातामा मनमैजुकी वर्षा बुढा मगर पहिलो भए ।</p><p><br></p><p>प्रतियोगिताको राष्ट्रिय खेलकुद परिषद् (राखेप) उपाध्यक्ष एवं नेपाल ओलम्पिक कमिटीका महासचिव लामा टेन्डी शेर्पाले एक कार्यक्रमबीच उद्घाटन गरे । सो अवसरमा राखेपअन्तर्गत प्रचार प्रसार शाखाका प्रशासकीय अधिकृत लोकेन्द्रकुमार बस्नेतलाई कदरपत्रद्वारा आयोजकले सम्मान गरेको थियो । वादोकाइका प्रमुख प्रशिक्षक मोहन महर्जनले बस्नेतलाई कदरपत्र प्रदान गरे । एकदिने प्रतियोगितामा २ सय ५५ खेलाडीले १४ स्पर्धामा प्रतिस्पर्धा गरेको प्रतियोगिताका सह–संयोजक विजय खड्काले जनाएका छन् ।</p>

<p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.1px; line-height: 23.998px;">एजेन्सी,असार १२ । कोपा अमेरिका स्थापनाको सयौं वर्षगाँठका अवसरमा भइरहेको कोपा अमेरिका फुटबल उपाधिको लागि सोमवार अर्जेन्टिना र चिली &nbsp;भिड्दैछन्। फाइनल खेल अमेरिकाको न्यु जर्सीस्थित मेटलाइफ स्टेडियममा सोमबार बिहान नेपाली समयअनुसार ५:४५ बजे हुनेछ।&nbsp;<span style="letter-spacing: 0.1px; line-height: 23.998px;">गत वर्ष चिलीले आफ्नो घरेलु मैदानमा अर्जेन्टिनालाई पेनाल्टी सुटआउटमा पाखा लगाउँदै ऐतिहासिक जित निकालेको बदला लिदै अर्जेन्टिनालाई २३ वर्षपछि उपाधि जित्ने दाउमा मैदान उत्रदैछ । १४ पटकको उपाधि विजेता भए पनि अर्जेन्टिना १९९३ मा कोपा अमेरिकाको उपाधि जिते यता महत्वपूर्ण उपाधिविहीन रहेको छ ।&nbsp;</span></p><p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.1px; line-height: 23.998px;">जारी प्रतियोगितामा अर्जेन्टिनाले अमेरिकालाई तथा चिलीले कोलम्बियालाई पराजित गर्दै फाइनलमा भेट तय गरेका हुन् । अर्जेन्टिना पेनाल्टी सुटआउटमा पटक पटक अभागी रहदै आएको छ । सन् २००६ को विश्वकपमा जर्मनीसँग, २०११ को कोपामा उरुग्वेसँग पेनाल्टी सुटआउटमै पराजित भएको थियो। &nbsp;<span style="letter-spacing: 0.1px; line-height: 23.998px;">सन् २०१४ को विश्वकपको फाइनलमा पुगेको अर्जेन्टिना जर्मनीसँग अतिरिक्त समयमा पराजित भएको थियो। यो पटक अर्जेन्टिनासामु उक्त हारको बदला लिने उपयुक्त मौका मिलेको छ भने मेसीलाई अर्जेन्टिनालाई २३ वर्षपछि कोपाको उपाधि दिलाउँदै इतिहासमा नाम लेखाउने अवसर हुनेछ।</span></p>

<p>१२ असार, टोकियो ।<br>नेपाली फूटवलका पूर्वराष्ट्रिय खेलाडी वसन्त गौचन विदेशी फुटवल संस्थासँग आवद्ध भएर अहिलेसम्मकै ठूलो बार्षिक आम्दानी गर्ने पहिलो खेलाडी बनेका छन् ।<br><br>गौचनले जापानमा व्यवसायिक फुटबल प्रशिक्षण यात्रा प्रारम्भ गर्दै बार्षिक ५५ लाख रुपैयाँको सम्झौता गरेका छन् ।<br><br>गौचनलाई जापानको फनरुट्स फुटबल एकेडेमीले प्रशिक्षकको रुपमा अनुबन्ध गरेको हो ।<br><br>फनरुट्स टोकियोमा अवस्थित व्यवसायीक फुटबल एकेडेमी हो । फलरुट्सको जर्मन टोली बोरुसिया डर्टमुन्डसँग ‘टाइ अप’ छ ।<br><br>डर्टमुनन्डले जापानमा आफ्नो एकेडेमी र फुटबल स्कुल पनि चलाएको छ । <br>डर्टमुन्डबाट हरेक वर्ष फलरुट्समा युवा खेलाडीलाई प्रशिक्षण दिन प्रशिक्षक आउने गर्छन् ।<br><br>फनरुट्समा उनी स्पोर्टसको विद्याथीका प्रशिक्षकलाई इन्स्ट्रक्टर पनि गर्छन् । पुमा सकर क्लव, चोफुओचुकाको स्कुल टिममा ६ वर्षदेखिको १२ वर्षसम्मका बाल बेलाडीलाई तथा कोमाजावा सकर क्लबमा चारदेखि १० वर्षका बाल खेलाडीलाई प्रशिक्षण दिन्छन् ।<br><br>गौचनले एकेडेमीबाट वार्षिक ५५ लाख रुपैयाँ पारिश्रमिक पाउनेछन् । यस अलावा उनले शनिवार तथा विदाका दिनमा क्लव बाहिर अन्य ठाउँमा समेत घण्टाको हिसावमा फुटवल प्रशिक्षण दिने बताइएको छ ।<br></p>