<p><span style="line-height: 1.42857143;">पोखरा, भदौं १७ । न्यु &nbsp;डायमन्ड एकेडेमी र त्रिभुवन आर्मी क्लब नवआदर्श सामुदायिक विकास समाजलको आयोजना गरेको राष्ट्रिय महिला भलिबल प्रतियोगिताको सेमिफाइनलमा पुगेको छन ।</span><br></p><p>शुक्रबार लामाचौरमा भएको खेलमा साविक विजेता डायमन्डले आर्मीलाई २५,११,२५, १७ र २५, १५ले हराउँदै अन्तिम चारमा पुगेको हो &nbsp;।</p><p><span style="line-height: 1.42857143;">यसैगरी आर्मी पराजित भएपनि समुह क को उपविजेताको रुपमा सेमिफाइनलमा पुगेको हो ।</span><br></p><p>समुह क मा नेपाल पुलिस क्लब प्रतियोगिताको अन्तिम समयमा नआउने निर्णय गरेका कारण डायमन्ड र आर्मीले प्रतिस्पर्धा गरेको थिए । यसैगरी अर्को खेलमा एपिएफले मध्यपश्चिमको श्रीगाउको टोलीलाई २५, ९, २५, १० र २५, १२ ले हरायो ।</p><p><span style="line-height: 1.42857143;">शुक्रबार अन्तिम खेल भने वर्षाका कारण &nbsp;सकेन । एपिएफले पश्चिममाञ्चल विरुद्धको खेलमा २–० ले अग्रता लिइरहेको बेला वर्षाले खेल रोकिएको थियो । शनिबार बिहान पहिलो खेलमा एपिएफ र पश्चिमाञ्चलले खेल्नेछन । हरितालिका तीज महोत्सव–२०७३ &nbsp;का अवसरमा संचालन हुने प्रतियोगिताको न्यु डायमण्डले उपाधिमा ह्याट्रीक गरिसकेको छ ।</span><br></p><p><span style="line-height: 1.42857143;">डायमन्डका प्रशिक्षक कुमार राईले सुरुआत खेलमा टोलीले आफनो स्वभाविक खेल देखाउन नसकेको बताए । उनले भने, हामीले सहज रुपमा लियो आजको खेलमा । सर्भर बाहेक अन्यमा राम्रो प्रदर्शन भएन । नेपाली कला, संस्कृतिको संरक्षण तथा प्रबद्र्धन गर्ने उद्देश्यले संस्थाको २० औं वार्षिकोत्सव अवसरमा &nbsp;भैरहेको प्रतियोतिामा नेपालको उत्कृष्ट टोलीले प्रतिस्पर्धा गरिरहेको छन । यसैगरी महोत्सवमा तीज नृत्य, गीत अन्य विविध कार्यक्रम भैरहेको छन ।</span><br></p><p><span style="line-height: 1.42857143;">प्रतियोगिताको विजेताले ७५ हजार र उपविजेताले ५० हजार रुपैयाँ साथमा शिल्ड, मेडल र प्रमाणपत्र पुरस्कार पाउनेछ । तेस्रोले २० हजार र सान्त्वनालाई १५ हजार दिइनेछ । विधागतरुपमा वेष्ट प्लेयर, क्वीकर, लिब्रो, स्पाइकर, ब्लकर, सर्भर, डिफेन्डर र कोचलाई उपाधि दिइनेछ । भलिबल हेर्न झण्डै ४ हजार दर्शक अट्ने कृत्रिम प्याराफिट तयार पारिएको खेल संयोजक सुशीलकुमार श्रेष्ठले जनाए ।</span><br></p><p><br></p><p>शुक्रबार राष्ट्रिय खेलकुद परिषदका सदस्य सचिव केशब कुमार विष्टले महोत्सव एवम भलिबल प्रतियोगिताको उद्घाटन गर्नु भएको थियो । नेपाल भलिबल संघका अध्यक्ष मनोरञ्जन रमण शर्मा र आयोजक नव आर्दश सामुदायकि विकास समाजका अध्यक्ष धर्ममानसिंह भण्डारीले कार्यक्रम हरेक वर्ष भब्य बन्दै गएको बताए । र महोत्सवले भलिबल खेलाडीको स्तर बढाउन सहयोग गर्ने समेत बताए ।</p><p><br></p><p>यसैगरी सदस्य सचिव विष्टले नेपालले आयोजना गर्ने आगामी १३ औं साग खेलकुदको ६ खेलहरु पोखरामा गर्ने निर्णय भैसकेको जानकारी गराए । उहाले भन्नु भयो, लामाचौरको निमार्णधिन मैदानमा खेल आयोजना गर्ने प्रयास गर्नुपर्ने बताए । त्यसका लागी पोखरा बासीले राखेपलाई दबाब दिनु पर्ने विष्टले बताए ।</p><p><br></p><p>कैलास विकास बैकको मुख्य प्रायोजनमा हुने महोत्सवमा दैनिक राष्ट्रिय तथा स्थानीय कलाकारको प्रस्तुति रहनेछ । महोत्सवमा पशुपति शर्मा, टीका पुन, तुलसा जिसी, युवक खड्का, जीवन दाहाल, मंजु बिक, जमुना सोनम, रामजी पौडेल, सीता केसी, घनश्याम ढकाल, प्रकाश सपुत, निशा पोखरेल, सरस्वती लामिछाने, राजु ढकाललगायत कलाकारको प्रस्तुति रहनेछ । कैलास विकास बैंकको मुख्य प्रायोजनमा हुने महोत्सवमा करिब २५ लाख खर्च लाग्ने र ३० लाख संकलन गर्ने आयोजकको लक्ष्य लिएको अर्थ संयोजक बमबहादुर गुरुङले बताए । साँस्कृतिक तथा विविध विधा तथा खेलकुदमा गरी १ हजार जना प्रतिष्पर्धी र करिब १ लाख दर्शकको सहभागिता रहने आयोजकको अनुमान छ । बानियाँ स्टोर्स लामाचौर मुख्य सहयोगी रहेको महोत्सव प्रायोजकमा रेडबुल इनर्जी ड्रिङ्क्स, एकता बुक्स डिष्ट्रिव्यूटर्स, सहप्रायोजक चौधरी ग्रुप, कोकाकोला, वृज सिमेन्ट, सुमी डिष्ट्रिलरी प्रालि, गण्डकी आयाल मिलको कोशेली तेल, जयमनकामना सहकारी संस्था, लवकुश डेरी, एशियन थाइ फुड्स, दि युनाइटेड गोल्डमार्ट, आर–टेक प्रालि लामाचौर छन् ।</p>

<p>१८ भदौ, काठमाडौं ।<br><br>पदाधिकारीबीचको आन्तरिक झगडा, दुई कार्यसमितिबीचको आधिकारिकता विवाद, पछिल्लो पाँच महिनायता अन्तर्राष्ट्रिय क्रिकेट काउन्सिल ९आईसीसी० को निलम्बन लगायत कारणले लामो समयदेखि अन्योलग्रस्त नेपाली क्रिकेटले चाँडै निकास पाउने सम्भावना देखिएको छ ।<br><br>घरेलु खेलकुदको सर्वोच्च संस्था राष्ट्रिय खेलकुद परिषद् 'राखेप' को पहलमा नेपाली क्रिकेटको समस्या समाधानका लागि अन्तर्राष्ट्रिय जिम्मेवार निकाय आईसीसी गम्भीर देखिएको छ । त्यसका लागि आईसीसीको उच्चस्तरीय टोली आगामी आइतबार 'सेप्टेम्बर चारमा' नेपाल आउने भएको छ । राखेपले गरेको पहलपछि आईसीसीका प्रमुख कार्यकारी डेभिड रिचर्डसनसहितको तीन सदस्यीय उच्चस्तरीय टोली नेपाल आउन लागेको हो ।</p><p>आईसीसीले राखेपलाई पठाएको पछिल्लो पत्रअनुसार आईसीसी टोलीमा प्रमुख कार्यकारी रिचर्डसनसँगै आईसीसीमा एसोसिएट्स सदस्य राष्ट्रहरूका अध्यक्ष इमरान ख्वाजा र आईसीसी अधिकारी अमर शेख छन् ।टोलीले आइतबार नै प्रधानमन्त्री पुष्पकमल दाहाल र खेलकुदमन्त्री दलजित श्रीपालीसँग भेट गर्ने इच्छा व्यक्त गरेको छ । रिचर्डसनले राखेपका सदस्यसचिव केशवकुमार बिष्टलाई सम्बोधन गरी लेखेको पत्रमा प्रधानमन्त्रीसँगको भेटलगत्तै एउटा कार्यदल गठन गर्ने प्रस्ताव गरेका छन् । यो कार्यदलले क्यानको जारी ऐनको समीक्षा गरी नयाँ ऐनको मस्यौदा गर्नेछ ।<br><br>रिचर्डसनका अनुसार आईसीसीकै अधिकारीको नेतृत्वमा रहने उक्त कार्यदलले बनाएको ऐनअनुसार नै क्यानमा नयाँ नेतृत्वका लागि स्वतन्त्र र निष्पक्ष निर्वाचन गरिने पत्रमा उल्लेख छ ।‘प्रधानमन्त्री र खेलकुदमन्त्रीलाई भेटी हामी आईसीसीकै अधिकारीको नेतृत्वमा एउटा कार्यदल बनाउनेछौं’, रिचर्डसनले पत्रमा लेखेका छन्, ‘उक्त कार्यदलले क्यानको वर्तमान ऐनको समीक्षा गर्नेछ र नयाँ ऐनको मस्यौदा गर्नेछ । सोही ऐनअनुसार क्यानको नयाँ नेतृत्वका लागि स्वतन्त्र र निष्पक्ष निर्वाचन हुनेछ ।’<br><br>रिचर्डसनले पत्रमा आफ्नो नेपाल भ्रमण र कार्यदल गठनलाई आईसीसीमा नेपाल क्रिकेट संघ ९क्यान० को सदस्यता पुनः प्राप्तिको महत्वपूर्ण कदमसमेत भनेका छन् ।नेपाली क्रिकेटको नियमनकारी निकाय क्यान पछिल्लो ९२ दिनयता आईसीसीको निलम्बनमा छ । क्रिकेट पदाधिकारीबीचको आन्तरिक विवादसँगै जन्मिएको दुई समानान्तर संस्थाका कारण क्यान गत वैशाख १२ गते आईसीसीको निलम्बनमा परेको हो ।<br><br>निवर्तमान अध्यक्ष टंक आङ्बुहाङलगायत केही सदस्यको विरोध हुँदाहुँदै एक समूहले साधारणसभामार्फत चतुरबहादुर चन्दको नेतृत्वमा निर्वाचित समिति बनाएको थियो । तर राखेपले जिल्ला प्रतिनिधि छनोट पारदर्शी नभएको र आफ्नो निर्देशनविपरीत साधारणसभा गरेको भन्दै रमेश सिलवालको नेतृत्वमा तदर्थ समिति गठन गरेको थियो ।<br><br>दुई समानान्तर समिति अस्तित्वमा आएसँगै क्यान थप विवादित बनेको थियो । सोही कारण आईसीसीले नेपाली टोलीलाई अन्तर्राष्ट्रिय सहभागिताको अनुमति दिने तर क्यानलाई निलम्बन गर्ने निर्णय गरेको थियो । क्यानका यी दुई समितिलाई अदालतले समेत काम गर्न रोक लगाएको छ । आधिकारिकताका विषयमा निर्वाचित समितिले दायर गरेको रिट अझै पनि अदालतमा विचाराधीन छ ।नेपाली क्रिकेटको यही अवस्थाबारे अध्ययन गर्न आईसीसीको टोली गत जुलाई पहिलो साता पनि नेपाल आएको थियो । त्यतिबेला आईसीसीको टोली नेपाली क्रिकेटसँग सम्बद्ध र सरोकारवालाहरूसँग छलफल गरेर फर्किएको थियो ।<br><br>रिचर्डसनले राखेपलाई पठाएको पछिल्लो पत्रमा नेपाली क्रिकेटको समस्या समाधानका लागि आईसीसी टोलीको अघिल्लो नेपाल भ्रमण पनि निकै फलदायी बनेको उल्लेख गरेका छन् । उनले आफ्नो आसन्न भ्रमणसमेत सोही कारण सम्भव भएको जनाएका छन् । ‘गत जुलाईमा आईसीसी टोलीले नेपाली क्रिकेटका सम्बद्ध र सरोकारवालाहरूसँग गरेको छलफल निकै फलदायी बनेको छ’, उनले पत्रमा भनेका छन्, ‘मैले सोही फलदायी प्रयासलाई निचोडमा पुर्‍याउन आफ्नो भ्रमण तय गरेको हुँ । विश्वास छ यो भ्रमण पनि सोचेजस्तै सफल हुनेछ ।’<br><br>राखेपका सदस्यसचिव बिष्टले आईसीसी टोली आउने तय भइसकेको जानकारी दिए । ‘नेपाली क्रिकेटको समस्या समाधानका लागि आईसीसीको टोली आइतबार नेपाल आउँदै छ’, सदस्यसचिव बिष्टले भने, ‘उहाँहरूले यही भ्रमणमा क्रिकेट समस्या समाधानका लागि ठोस निर्णय गर्ने जनाउनुभएको छ ।’ आईसीसीले प्रस्ताव गरेको कार्य दल गठनका लागि राखेप र आईसीसीबीच समझदारी देखिए पनि त्यसमा रहने सदस्य र त्यसको स्वरूपबारे भने टुंगो लाग्न बाँकी छ ।<br><br>आईसीसीले पत्रमा आफ्नो नेतृत्वमा नेपाली क्रिकेटका सरोकारवालाहरूलाई समेटेर कार्यदल बनाउन प्रस्ताव गरेको छ । तर सदस्यसचिव बिष्टले सबैसँग सल्लाह गरेर सहमतिमा कार्यदल गठन गरिनु पर्ने जनाएका छन् ।<br><br>‘आईसीसीले आफ्नै किसिमले कार्यदल गठन गर्ने प्रस्ताव गरेको छ तर त्यसमा हामीले हाम्रो पनि सल्लाह हुनुपर्छ भनेका छौं । कार्यदल कस्तो बनाउने भन्ने विषय र त्यसमा रहने व्यक्तिका सम्बन्धमा हामी र सरोकारवाला सबैसँग छलफल हुनुपर्छ भनेका छौं’, सदस्यसचिव बिष्टले भने, ‘कार्यदल बनाउने सम्बन्धमा सहमति भइसकेको छ, कसरी बनाउने भन्नेबारे अझै छलफल हुँदैछ ।’<br><i>अन्नपुर्ण पोष्टमा खबर छ</i><br></p>