<p>२५ भदौ, सुर्खेत ।<br>राप्रपा नेपालका अध्यक्ष कमल थापाले वर्तमान समयमा मधेसको सीमांकनको विषयमा सत्तारुढ दलहरुले संविधान संशोधन गर्न एमाले र आफ्नो पार्टीलाई उपेक्षा गरेर अगाडि बढ्न नसक्ने बताउनु भएको छ ।</p><p>मिडिया नेपाल सुर्खेतले शनिबार वीरेन्द्रनगरमा आयोजना गरेको पत्रकार भेटघाट कार्यक्रमलाई सम्बोधन गर्दै उहाँले&nbsp; संविधानमा उल्लेख गरेको स्थानीय, प्रदेश र संसद्को चुनाव २०७४ माघ ७ गतेभित्र निर्वाचान गर्न नसके देशमा संवैधानिक रिक्तता भई राष्ट्रियता र प्रजातन्त्रमाथि खतरा पुग्ने औंल्याउनु भयो ।</p><p>पूर्व उपप्रधानमन्त्रीसमेत रहेका अध्यक्ष थापाले सत्तारुढ दल तथा मधेसवादीपार्टीहरु नै जिम्मेवार नहुँदा आगामी निर्वाचनको मिति घोषणामै अन्यौलता भएको बताउनु भयो । उहाँले स्थानीय पुर्नसंरचनाको विवादलाई अन्त्य गरेर तत्काल स्थानीयको निर्वाचनको मिति चाडै घोषणा गर्न सरकारसँग माग गर्नुभयो ।</p><p>उहाँका अनुसार स्थानीय निकायलाई प्रभावकारी बनाउन स्थानीय निर्वाचन अपरिहार्य छ ।</p><p>उहाँले संविधान संशोधनका सवालमा मधेस केन्द्रीत राजनीति दलहरुले उठाएका मागलाई सम्बोधन गर्न संविधान संशोधन गर्न सरकारले छिटो पहल चाल्नु पर्नेमा जोड दिनु भयो । <br></p>

<p><span style="line-height: 1.42857143;">२४&nbsp;</span><span style="line-height: 1.42857143;">भदौ,&nbsp;</span><span style="line-height: 1.42857143;">काठमाडौं । </span></p><p><span style="line-height: 1.42857143;">संघीय गठबन्धनका संयोजक एवम् संघीय समाजवादी फोरम नेपालका अध्यक्ष उपेन्द्र यादवले मुलुकको आन्तरिक समस्या हल नगरी प्रधानमन्त्री पुष्पकमल दाहाल प्रचण्ड भारत भ्रमणमा जानुको कुनै औचित्य नहुने स्पष्ट पारेका छन् । शुक्रबार रिपोर्टर्स क्लब नेपालले आयोजना गरेको साक्षात्कारमा अध्यक्ष यादवले धेरै नेताको लागि ‘दिल्ली’ सरकारमा जाने र सरकारबाट गिराउने माध्यम बनेको भन्दै द्धिपक्षीय सम्बन्धलाई त्यस्तो खेलमा समाहित गर्न नहुने बताए । उनले अघि भने,‘आन्तरिक मामिलालाई लथालिंग पारेर यही अवस्थामा दिल्ली जाँदा स्वयम् प्रधानमन्त्रीलाई पनि भारतले राम्रो मान्दैन, त्यसैले जाने वेलामा दिल्ली जाने तर फर्कने वेलामा विल्ली बन्न नपरोस् ।’</span></p><p><br></p><p>साक्षात्कारमा बोल्दै अध्यक्ष यादवले प्रधानमन्त्रीले आफ्नो भारत भ्रमणको कार्यतालिका सारेर भएपनि पहिले आन्तरिक मामिला हल गर्नुपर्ने बताएका छन् । उनले अघि भने,‘मुलुकका बर्निङ् ईस्युलाई सम्बोधन नगरी, लथालिंग छोडेर भ्रमणमा जाने रुचि नै गलत हो, यो प्रवृत्ति नै गलत छ ।’&nbsp;</p><p>प्रधानमन्त्रीको भारत भ्रमणलाई कसरी हेर्नुभएको छ भन्ने पत्रकारको प्रश्नमा यादवले भने,‘हुन त स्वयम प्रधानमन्त्रीले पनि भारत भ्रमणको बारेमा केही माग्न जान लागेको होईन भन्नुभएको छ, तर पनि जनतालाई सुसुचित गर्नुपर्छ ।’उनले प्रधानमन्त्री दाहालले भारत लगत्तै अमेरिका भ्रमण गर्न लागेकोमा समेत आपत्ति जनाए । यादवले भने,‘अहिले किन जानु पर्यो, युएनको बैठकमा भाग लिन प्रधानमन्त्री नै जानुपर्छ भन्ने छैन, मन्त्री या सांसदलाई पठाउँदा पनि हुन्छ नि ।’ उनले प्रधानमन्त्रीलाई विदेशी सहयोग लिन चाहेको भएपनि अझै प्रशस्तै समय रहेको भन्दै व्यंग्य गरे ।&nbsp;</p><p><br></p><p>‘तीन बुँदे सहमति कार्यान्वयनबारे सरकारले केही गरेन’अध्यक्ष यादवले सरकारले संविधान संशोधन त परै जाओस मोर्चासँग गरेको तीन बुँदे सहमतिमा अहिलेसम्म प्रवेश नै नगरेको आरोप समेत लगाए ।&nbsp;</p><p>उनले थपे,‘गृहकार्य भैरहेको छ भनेर बाहिर कुरा आएको छ, तर कहाँ भएको हो, मलाई त थाहा छैन, यदि घरभिर भएको हो भने हामीलाई थाहा छैन् ।’</p><p>संविधान संशोधन गर्ने नेपालको आन्तरिक मामिला भएकोले सो विषय नेपाल आँफैले टुँगो लगाउने कुरामा आफू विश्वस्त रहेको यादवले बताए ।&nbsp;</p><p>संविधान जारी भएयता नेपाल–भारतवीच दुरी बढेको उल्लेख गर्दै असन्तुष्ट पक्षहरुको माँगलाई संवैधानिक ढंगले संशोधनमार्फत हल गर्नुपर्ने आजको आवश्यकत्ता रहेको बताए ।</p><p>कालो दिवस मनाउने</p><p>यादवले संविधान कार्यान्वयनको लायक नै नभएकाले आफूहरुले संविधान दिवसलाई कालो दिनको रुपमा मनाउन लागेको स्प्ष्ट पारे ।&nbsp;</p><p>यादवले थपे,‘मधेशीको लासमाथि टेकेर रगतको छिट्टाले पोतिएको संविधान बलजफ्ती जारी गरिएको हो, यसको हामी देशभरि विरोध गर्दछौं ।’</p><p>‘छिमेकी देशमा दुत पठाउनु नै गलत’</p><p>चीनको राष्ट्रपतिको नेपाल भ्रमण स्थगित भएको भन्ने हल्ला चलिरहेको छ, यहाँको धारणा के हो भन्ने पत्रकारको जिज्ञासामा उनले भने,‘सरकार गठन पुरा नहुँदै छिमेकी देशमा दुत पठाएर सरकारले गम्भिर गल्ती गर्यो, अब हेर्दै जानुहोस के के असर पर्ने हो ?’</p><p>केन्द्रले स्थानीय निकायमा हात हाल्नु गलत</p><p>स्थानीय निकाय प्रादेशिक सरोकारको विषय भएकोले केन्द्रिय निकायले हस्तक्षेप गरेको आरोप लगाए । उनले प्रादेशिक संरचना र संघीयतालाई नै धरापमा पार्ने षड्यन्त्रको लागि स्थानीय निकायको चुनावको हल्ला चलाईएको बताए । संविधान संशोधनमार्फत आफुहरुको माग सम्बोधन नभएसम्म चुनाव सम्भव नभएको यादवको दाबी थियो ।&nbsp;</p><p>‘संशोधनको नाममा संशोधन गरिए अमान्य’</p><p>संशोधनको नाममा संशोधन गर्ने काम गरिए आफूहरुलाई त्यो कुरा कुनै हालतमा मान्य नहुने यादवले चेतावनी दिए । यादवले भने,‘गठबन्धन वा मोर्चासँग सहमति नगरिकन संशोधन गरियो भने हामी त्यसको घोर विरोध गर्छौ, समष्टिगत रुपमा समस्याको समाधान हुनुपर्छ, त्यसको लागि संविधान संशोधन गर्नुपर्छ ।’&nbsp;</p><p>बलजफ्ती नाम मात्रैको लागि संशोधन गर्ने काम गरिए आफूहरु सशक्त आन्दोलनमा होमिने चेतावनी दिँदै यादवले भने,‘आन्दोलनले संविधान बर्खास्त गर्छ, आँफैले गरेको गल्ती सुधार गर्ने वा सच्याउने अवसर हो, बल सरकारको कोर्टमा छ ।’ ९० प्रतिशतबाट संविधान जारी भएको भन्नेहरुले नै आज आएर संविधान संशोधन गर्नुपर्छ भन्दै हिँडेकोले संविधान संशोधनको विकल्प नभएको यादवको भनाई थियो ।&nbsp;</p><p>प्रधानमन्त्रीले बोलेको कुरा पुरा गर्नुपर्छ</p><p>प्रधानमन्त्री दाहालले व्यवस्थापिका संसदबाट जनताको नाममा गरेको सम्बोधनबारे प्रतिक्रिया दिँदै उनले भने,‘प्रधानमन्त्रीले बोलेपछि पु्र्याउनुपर्छ, बोली बचनमा पक्का हुनुपर्छ ।’</p><div><br></div>