<p>४ कार्तिक, काठमाडौं ।<br>जंगल युद्धबाट खुल्ला राजनीतिमा आएपछि एकदिन पनि कहिँ जाँदा कतै साइकल नचढेका प्रधानमन्त्री पुष्पकमल दाहाल प्रचण्डले अब आफु सहित सबै नेतालाई साइकल सुविधा दिने भएका छन् ।<br><br>प्रचण्ड सरकारले न व्यवहारिक न त उपयोगी नै हुने साइकल हेर्दा लोकप्रिय जस्तो देखिन सभामुख, उपसभामुखलगायत संसदका पदाधिकारीहरुलाई सुविधावापत साइकलसमेत दिने भएको छ ।<br><br>संसदमा तयार सांसदहरुको सुविधा बढाउने विधेयकका अनुसार अब सभामुखले २ वटा साइकल पाउनेछन् । कति मूल्य बराबरको साइकल भन्ने कुरा भने खुलाइएको छैन ।<br><br>साइकल दिएपछि त्यसको उपयोगिता, सुरक्षा, यसअघि दिइंदै आएको पँजेरो, सुरक्षाकर्मीको गाडीको सुविधा बारे बिधेयकमा केही बोलिएको छैन ।<br><br>सँधै अगाडि र पछाडि सुरक्षाकर्मीको गाडी राखेर पँजेरोमा हुईंकिने विपक्षी दलका नेताका नाममा पनि २ वटा साइकल दिने विधेयकमा उल्लेख छ ।<br><br>यस्तै विपक्षी दलका नेता, सत्तापक्षका नेता, सत्ता पक्षको मुख्य सचेतक, विपक्षी दलको प्रमुख सचेतक र समितिका सभापतिहरुले पनि १र१ वटा साइकल सुविधा पाउने नियम प्रचण्ड सरकारले प्रस्तावित विधेयकमा लेखेको छ ।<br><br></p>

<p>४ कार्तिक, काठमाडौं ।<br>यसअघि सम्म नेताहरुले कुनै जिल्ला वा ठाउँको भ्रमण गर्दा सवारीसाधन या भनौं यातायात खर्च पाएको छ सुनेकै हो । तर अब हिँडेको पनि भत्ता पाउने भएका छन् । रोचक कुरा त के भने यो नियम आफ्नो लागि सांसदहरु आफैंले बनाएका हुन् ।<br><br>यस्तै नेताहरुले बिदेश गएपनि अबदेखी नेता भत्ता पाउने भएका छन् । संघीय संसदका पदाधिकारी तथा सदस्यहरुको पारिश्रमिक र सुविधा सम्वन्धी ऐन संशोधनका लागि बनेको विधेयकले सांसदहरुलाई हिँडेको पनि भत्ता पाउने गरि ‘पैदल भत्ता’ को व्यवस्था गरेको छ ।<br><br>कानुन मन्त्रालयबाट प्रस्तावित उक्त विधेयकले सांसदहरुलाई विभिन्न १८ वटा शीर्षकमा आर्थिक सुविधा उपलब्ध गराउने व्यवस्था गरेको छ । त्यसमध्ये १४ नम्बर सूचीमा ‘पैदल भ्रमण भत्ता’ समेत पाउने उल्लेख गरिएको छ ।<br><br>नयाँ नियम अनुसार अब सांसदले जति हिँड्यो त्यति पैसा पाउने छन् । सांसदहरुलाई सुविधा उपलब्ध गराउने सम्बन्धी विधेयकअनुसार अब सांसदहरुले एक कोष हिँडेको २५ रुपैयाँका दरले पाउनेछन् ।<br><br>प्रचण्ड नेतृत्वको सरकारले सांसदहरुलाई खुशी बनाउन यस्तो नियम बनाएको हो ।<br><br>प्रस्तावित विधेयक व्यवस्थापिका संसदले जस्ताको त्यस्तै पारित गरेमा सभामुख ओनसरी घर्तीको पैदल यात्राको मूल्य सबैभन्दा महंगो हुनेछ । घर्तीले एक कोष हिँडे ३० रुपैयाँ पाउनेछिन् ।<br><br>प्रमुख विपक्षी दल वा अन्य सांसदहरुले भने ५ रुपैयाँ कम अर्थात प्रतिकोष २५ रुपैयाँका दरले पैदल भत्ता पाउनेछन् ।<br><br>व्यवस्थापिका संसदमा ऐनको रुपमा प्रस्ताव भइसकेको विधेयकले अर्को अनौठो सुविधा प्रस्ताव गरेको छ । अब सरकारले नै सांसदहरुलाई ‘नेता भत्ता’ दिने प्रस्ताव गरेको हो ।<br><br>विधेयकको व्याख्यात्मक टिप्पणीको १० नम्बरमा&nbsp; ‘पदाधिकारी वा सदस्यले प्रतिनिधिमण्डलको नेताका रुपमा विदेश जाँदा थप भूमिका समेत निर्वाह गर्नुपर्ने हुनसक्ने भएकाले प्रस्तुत व्यवस्था गरिएको ।’ भनेर भत्ता दिइएको छ ।</p><p>मिल्ने र सकेसम्म शिर्षक बनाएर प्रचण्ड सरकारले सांसदहरुलाई भत्ता दिने नियम बनाएको छ । यसबाट भूकम्पपछि गोठ र छाप्रामा रात बिताइरहेका जनताको लागि प्रचण्ड सरकार कति चिन्तित रहेको भनेर अन्य विषय खोजिरहनु नपर्ने बनाइदिएको छ ।<br><br></p>

<p>३ कार्तिक, काठमाडौं ।<br><br>प्रधानमन्त्री पुष्पकमल दाहालले संविधान कार्यान्वयनका लागि एकताबद्ध भएर लाग्न सवैलाई आग्रह गर्नु भएको छ ।<br><br>व्यवस्थापिका संसदको वैठकलाई आज सम्बोधन गर्नुहुदै प्रधानमन्त्री दाहालले तोकिएकै समयमा निर्वाचन गर्न नसकिए देश ठूलो दुर्घटनातर्फ जाने भएकाले पक्ष÷प्रतिपक्ष नभनी संविधान कार्यान्वयनका लागि एकताबद्ध हुनु पर्ने बताउनुभयो । <br><br>प्रधानमन्त्री दाहालले तराई, मधेशी, थारु, आदीवासी जनजाती लगायतका माग सम्बोधन लागि संविधान संशोधनको ड्राफ्ट अन्तिम चरणमा पुगेको र आन्दोलनरत दलहरुका जायज मागहरु सम्बोधन गरिने प्रतिवद्धता गर्नुभयो । <br><br>प्रधानमन्त्री दाहालले तिहार र छठसम्ममा सतपक्ष, प्रतीपक्ष र आन्दोलनरत पक्षबीचमा समझदारीको वातावरण बनाएर संविधान संशोधन गर्ने र निर्वाचन तर्फ देशलाई लैजाने विषय सरकारले उच्चप्राथमिकता राखेको बताउनुभयो ।<br><br>प्रधानमन्त्री दाहालले विगतका वार्ताहरुले बढी वादविवाद र समस्या समाधानमा भन्दा जटीलता पैदा गर्ने गरेकाले अहिले सरकारले समस्या समाधानका लागि गृहकार्यमा जोड दिएकोे बताउनु भयो ।<br><br>प्रधानमन्त्री दाहालले सरकारले स्थानीय तह पुनरसंरचनाको कामका आयोगसँग सहजीकरण गर्दै अघि बढिरहेको पनि बताउनु भयो । <br><br>सम्बोधनका क्रममा प्रधानमन्त्री दाहालले राष्ट्रिय गौरवका आयोजनाहरु मेलम्ची खानेपानी आयोजना, सडक निर्माण र अस्पतालहरुको अनुगमन र निरिक्षण गरेर समयमानै काम सम्पन्न गर्न र सुधार गर्न निर्देसित गरिएको जानकारी सदनलाई गराउनु भयो ।<br><br>उहाँले भुकम्प पीडितको आवास अनुदान वितरणको कार्यलाई तिव्र गरिएको र चार लाख २० हजार भन्दा बढीले पहिलो किस्ता अनुदान लिइसकेको जानकारी पनि दिनुभयो ।&nbsp;&nbsp; &nbsp;<br>&nbsp;&nbsp; &nbsp;&nbsp;&nbsp; &nbsp;<br>प्रधानमन्त्री दाहालले ब्रिक्स–विमेष्टेक आउटरिच सम्मेलनका क्रममा भारतका प्रधानमन्त्री नरेन्द्र मोदी र चीनका राष्ट्रपती सि जिङ पिङसँग संयुक्त रुपमा अनौपचारिक कुराकानी गर्ने अवसर जुटेको र त्यसमा त्रिदेशीय साझेदारी र नेपालले लिन सक्ने लाभका विषयमा छलफल गर्ने अवसर सुखद संयोग भएको बताउनु भयो ।<br><br>प्रधानमन्त्री दाहालले आफ्नो भारतको औपचारीक भ्रमणका क्रममा नेपाल भारतबीचको विश्वास सुदृढ गर्ने र नेपालको हित हुने गरी यस अघि सहमति भएका परियोजनाहरुको प्रभावकारी र शिघ्र कार्यान्वयनमा जोड दिईएको उल्लेख गर्नुभयो ।<br><br>प्रधानमन्त्री दाहालले आफ्नो भारतको औपचारिक भ्रमण र ब्रिक्स–विमेष्टेक आउटरिच सम्मेलनले छिमेकी मुलुकहरुकाबीच थप सम्बन्ध सुदृढ बनाउन सफल भएको पनि बताउनु भयो ।<br><br></p>