चीन–भारत जोड्ने तीन सडक बनाउन ११ वर्ष ढिलो

<p>४ कार्तिक, काठमाडौं ।<br>आर्थिक वर्ष ०६५/६६ देखि निर्माण थालिएका तीनवटा उत्तर–दक्षिण करिडोर सडक निर्माण सम्पन्न हुन १५ वर्ष लाग्ने भएको छ ।</p><p>०७० मै सम्पन्न हुनुपर्ने कोसी, कालीगण्डकी र कर्णाली करिडोर लोकमार्ग सम्पन्न हुन आर्थिक वर्ष ०८०/८१ सम्म पर्खनुपर्नेछ । राष्ट्रिय गौरवका यी आयोजना ०७० सालभित्रै सम्पन्न गर्ने लक्ष्य थियो । तर, निर्धारित अवधिमा सम्पन्न हुन नसकेपछि तीनवटै आयोजनाको म्याद थपिएको छ ।<br><br>आवधिक योजना पाँच वर्षको हुने भएकाले सुरुमा पाँच वर्षमा सम्पन्न गर्ने गरी योजना बनाइएको तर विविध कारणले सम्पन्न गर्न नसकिएको उत्तर–दक्षिण लोकमार्ग आयोजना निर्देशनालयका निर्देशक गोपालप्रसाद सिग्देलले जानकारी दिए । साथै, एकैचोटि १५ वर्षको योजना बनाउनका लागि स्रोतको निर्धारण गर्न गाह्रो हुने भएकाले पनि सुरुमा पाँच वर्ष राखिएको उनको तर्क रहेको आजको नयाँ पत्रिकामा समाचार छ ।<br><br>राष्ट्रिय योजना आयोगका पूर्वउपाध्यक्ष गोविन्दराज पोखरेलले भने तोकिएकै समयमा काम सम्पन्न नहुनुमा काम गर्ने क्षमताको अभाव, उच्च हिमाली क्षेत्रको मौसमले वर्षमा केही महिना मात्र काम हुनु, कुल लागत बजेट एकैपटक व्यवस्था गर्न नसक्नुजस्ता कारण रहेको बताए ।<br><br>तोकिएको अवधिमा सम्पन्न नहुने आयोजनाले एकातिर लागत र निर्माण अवधिमा वृद्धि गर्ने गरेको छ भने अर्कातिर समयमा विकास आयोजना पूरा नहुँदा सेवाग्राही ९जनता० को उत्साहलाई पनि मार्ने काम गरेको छ ।<br><br><br></p>