म्यानचेष्टर सिटी बिरुद्ध मेस्सीको हृयाट्रिक

<p>४ कार्तिक, एजेन्सी ।<br>टिमका पहिलो नम्वरमा खेलाडी लिओनल मेस्सीको हृयाट्रिकको मदतमा बार्सिलोनाले च्याम्पियन्स लिग फुटबलमा पेप ग्वार्डिओलाको म्यानचेष्टर सिटीमाथि सानदार जित दर्ता गरेको छ ।<br><br><br>सिटीको प्रशिक्षक बनेपछि बार्सिलोनाका पूर्व प्रशिक्षक ग्वार्डिओला पहिलो पटक नाउ क्याम्प पुगेका थिए । तर उनको प्रशिक्षणलाई फितलो बनाउँदै टिमलाई बार्साले ४ गोल खुवायो ।<br><br>बार्सीलोना बिरुद्ध फितलो रुपमा प्रस्तुत सिटि पहिलो हाफमा केही राम्रो लयमा देखिएपनि त्यो लय धेरै समय टिक्न सकेन ।<br><br>मेस्सीले खेलको १७ औं मिनेटमा टिमको लागि गोल गर्दै खाता खोलेका थिए । गोलकिपर ब्राभोले नै रातो कार्ड पाएपछि धर्मराएको सिटिले त्यसपछि लगातार गोल खान पुग्यो ।<br><br>डि बक्स बाहिर हातले बल समाएकोमा उनले मैदान छोड्नु पर्यो । खेलको ५३ औं मिनेटमा १० खेलाडीमा सिमिति सिटीले ९ मिनेटपछि दोस्रो गोल खायो । ६९ औं मिनेटमा मेस्सीले अर्को गोल गर्दै हृयाट्रिक पुरा गरे ।<br><br>७३ औं मिनेटमा म्याथु दोहोरो पहेँलो कार्ड पाएर मैदानबाट बाहिरिएपछि घरेलु टोली बार्सिलोना पनि १० खेलाडीमा सिमित भयो । तर तीन गोलले अगाडी रहेको टिमको लागि नेयमारको पेनाल्टी रोकिएपनि उनले केही मिनेटपछि नै व्यक्तिगत गोलको खाता खोल्दै टिमको जितलाई थप बलियो बनाए ।<br><br>च्याम्पियन्स लिगमा सिटीले चार गोल खाएको यो पहिलो पटक हो । यो जितसँगै बार्सिलोनाले भने आफ्नो विजयी यात्रा कायम राख्दै उपाधि सुनिश्चित गर्ने क्रममा सिटीसँग ५ अंकको दुरी बनाएको छ ।<br><br></p>