<p>काठमाडौं । बारामा सवारी दुर्घटना हुँदा सशस्त्र प्रहरी बलको १२ नम्बर गण, बारामा कार्यरत प्रहरी उपरीक्षक एसपी बलराम पोखरेलको ज्यान गएको छ । रमुख जिल्ला अधिकारी गणेश भट्टराई सवार गाडी कर्मचारी मिलन केन्द्र बाराको निजगढमा आयोजित कार्यक्रममा सहभागी भएर पथलैया हुँदै कलैया फर्किन लागेको क्रममा पसहा पूलको पूर्वतिर रोकिएको ट्र्याक्टरमा ठोकिएर ना १ झ १६३३ नम्बरको स्कार्पिओ साँझ साढे ८:३० पल्टेको थियो। &nbsp;<br><br>दुर्घटना हुँदा पोखरेलको घटना स्थलमै ज्यान गएको हो । उक्त सवारीमा रहेका प्रमुख जिल्ला अधिकारी गणेश भट्टराईकाे अवस्था भने गम्भिर रहेको बारा प्रहरीले जनाएको छ ।अन्य ३ जना पनि घाइते भएका छन् । <br>घाइते हुनेहरुमा सशस्त्र प्रहरीका हवल्दार सञ्जयकुमार यादव, प्रहरी जवान शम्भु गुरुङ र चालक जगत पटेल रहेका छन् । भट्टराईकाे बिरग‌ंज अस्पतालमा उपचार भैरहेकाे छ । थप उपचारकाे लागि काठमाण्डाै ल्याउने तयारी भैरहेकाे प्रहरीले जनाएकाे छ ।&nbsp; सडकमा रोकिराखेको ट्रयाक्टरको ट्रेलरमा ठक्कर खाँदा दुर्घटना भएकाे र सवारी अन्दाजी ७ मिटर तल दक्षिण तर्फ खसेकाे प्रहरीले जनाएकाे छ । दुर्घटना भएकाे सवारीमा ५ जना यात्रारत रहेका&nbsp; थिए ।<br></p>

<p>विदुर । चोरी मुद्धामा दोषी ठहरिएका नुवाकोटको विदुर नगरपालिका–१ का रमेश तामाङलाई प्रहरीले पक्राउ गरेको छ ।</p><p><br>तीन वर्षअघि एक महिलाले लगाएको गरगहना चोरी गरेको अभियोगमा नुवाकोट जिल्ला अदालतबाट दोषी ठहरिएका २२ वर्षका तामाङलाई प्रहरीले पक्राउ गरी फैसला कार्यान्वयनको लागी अदालत बुझाएको छ । <br>नलाई विशेष सूचनाको आधारमा सोमबार राति काठमाडौमा पक्राउ गरी फैसला कार्यान्वयनको लागी यहाँ ल्याएको जिल्ला प्रहरी कार्यालयका प्रहरी नायव उपरीक्षक भीमलाल भट्टराईले जानकारी दिनुभयो । </p><p><br>अदालतले तामाङलाई दोषी ठहर गर्दै विसं २०७२ माघमा सुनाएको एक वर्ष कैद भुक्तानी तथा दण्ड र बिगो गरी रु तीन लाख दश हजार जरिवानाको लागी कारागार पठाएको श्रेष्तेदार शिवप्रसाद बञ्जराले जानकारी दिनुभयो । <br><br><br></p>

<p>विदुर । १५ वर्षकी एक किशोरीलाई भारतमा लगेर बिक्री गरेको अभियोगमा नुवाकोट प्रहरीले उनको बुबा सहित तीन जनालाई पक्राउ गरेको छ ।</p><p><br>पक्राउ पर्नेमा किशोरीका बुबा सहित दुप्चेश्वर गाउपालिका वडा नं. ६ का २२ वर्षीय सुनिल तामाङ र सोही स्थानका ३१ वर्षीया लक्ष्मी नेपाली रहेको जिल्ला प्रहरी कार्यालय नुवाकोटका प्रहरी उपरीक्षक कृष्णबहादुर पल्लिमगरले जानकारी दिए ।</p><p><br>प्रहरीले उनीहरुलाई नुवाकोट जिल्ला अदालतमा मानव बेचविखन तथा ओसार पसार विरुद्धको अभियोगमा मुद्धा दर्ता गरी अनुसन्धानको लागी हिरासतमा राखेर अनुसन्धान अघि बढाएको छ ।</p><p><br>काठमाडौको विभिन्न स्थानबाट मंगलबार उनीहरुलाई पक्राउ गरी कारबाहीको लागी नुवाकोट ल्याएर अनुसन्धान सुरु गरेको र संलग्न अन्यको पनि खोजी भइरहेको प्रहरीले जनाएको छ । बुबा सहित तीन जनाले किशोरीलाई गत पुस २२ गते नुवाकोटहुँदै भारतको बेश्यालयमा लगेर बिक्री गरेको प्रहरीको दाबी छ । </p><p><br>पीडित किशोरीलाई भारतीय प्रहरीको सहयोगमा नेपाल प्रहरीले उद्धार गरेर गत साता नेपाल फर्काइएको थियो । <br><br><br></p>

<p><b>गोकर्ण अधिकारी,<br></b>रामती । नुवाकोटको दुप्चेश्वर गाँउपालिका–१ मा रहेको घ्याङफेदी माध्यामिक विद्यालयले अभिभावकको आर्र्थिक अबस्था मजबुद बनाउन फलफुलका बिरुवा वितरण थालेको छ । <br>जनजाती&nbsp; र दलित समुदायको मात्र बासोबास रहेको यहाँका अभिभावकको आर्थिक अबस्था कमजोरीले बालबालिका विद्यालय पढाउन सक्ने हैसियत कमजोर भएकाले आर्थिक उपार्जजनमा सहयोग पु-याउन फलफुलको बिरुवा निःशुल्क उपलब्ध गराएको विद्यालयका सहायक प्रअ प्रेम स्याङताङले जानकारी दिनुभयो ।</p><p><img style="width: 1024px;" src="https://topnepalnews.comuploads/posts/01947538745e9b348ea2e0a50759c5c91548080307.jpg"><br>उहाँको अनुुसार एक विद्यार्थीको अभिभावकलाई उनीहरुको माग अनुसार दुईवटा बिरुवा उपलब्ध गराइएको छ । वितरण गरिएको बिरुवा यहाँको लागी पहिलो पटक परीक्षण पश्चात किवी, हलुवाबेद, अंगुर र आलुबखडा रहेका छन् । <br>यसअघि स्थानीय जातको आलुबखडा पाइने भएपनि हाल वितरण गरिएको उन्नत जातको र अन्य फलफुलको बिरुवा साविक घ्याङफेदी गाविस (हाल दुप्चेश्वर गाँउपालिका–१) मा पहिलो पटक लगाउन थालिएको हो । <br>विद्यालयमा अध्ययनरत तीन सय भन्दा बढी विद्यार्थीका अभिभावकले दुई–दुई वटाको दरले फलफुलको बिरुवा वितरण भइरहेको र त्यो एक साता भित्र उपलब्ध गराइसक्ने बताइएको छ ।</p><p>अभिभावकलाई विरुवा वितरणको लागी विद्यालय व्यवस्थापन समितिका अध्यक्ष कृष्णबहादुर स्याङताङ आफै सक्रिय हुनुभएको छ भने उहाँलाई विद्यालयमा रहेका शिक्षकहरु, जनप्रतिनिधिले समेत सहयोग पुुर्याएका छन् । <br></p><p>जिल्लामा भौगोलिक रुपमा विकट, उच्चस्थानमा कृषि उब्जनी प्रयाप्त नहुदाँ आर्थिक कमजोरीले अभिभावकले बालबालिका विद्यालय पठाउन छाडेपछि उनीहरुलाई जिविकोपार्जनमा सहयोग पु-याएर पढाउन सक्ने हैसियत बनाउन बिरुवा उपलब्ध गराएको गाँउपालिकाको उपाध्यक्ष अञ्जु आचार्यले जानकारी दिनुभयो ।</p><p><img style="width: 1024px;" src="https://topnepalnews.comuploads/posts/94fc785366025dc68c445e71586b2fe51548080296.jpg"><br>“घ्याङफेदीको सिङ्गो १ नं. वडामा हालसम्म यही एक मात्र विद्यालययले कक्षा नौसम्म अध्ययन गराउन यो वर्षबाट सुरु गरेको छ । यसअघि यहाँका विद्यार्थीले कक्षा आठभन्दा माथी अध्ययन गर्न अन्यत्र जानुपर्ने र त्यसको लागी गाँउबाट नभ्याउने हुदाँ धेरैले पढाई छाड्न बाध्य हुदै आएका थिए । गाँउपाललिकाले गाँउमा नै माथिल्लो तहसम्मको अध्ययन र विद्यार्थी पढाउने अभिभावकलाई जिविकोपार्जनमा सहयोग पु¥-उने नीति अवलम्वन गरेपछि भर्ना भएका विद्यार्थीहरु नियमित विद्यालय आउन थालेका छन् । </p><p>बालबालिका पढाउने अभिभावकलाई जिविकोपार्जन कार्यक्रमको लागी गाँउपालिकाले आधार डेभलमेन्ट नेपाल सँस्थासंग सहकार्य गरेको छ । <br><br><br></p>

<p><b>रामहरि न्यौपाने,</b><br>विदुर । नुवाकोटको सूर्यगढी गाँउपालिका–१ का वडाध्यक्ष इमानसिंह तामाङले वडा नं. १ मा अवस्थित लच्याङ स्वास्थ्य चौकी निर्माणको लागी आवश्यक जग्गा निःशुल्क उपलब्ध गराउनुभएको छ ।<br><br>नेपाल सरकारले भूकम्पपछिको पुर्ननिर्माण कार्यक्रम अन्तरगत स्वास्थ्य चौकीको भवन बनाउन रु दुई करोड २५ लाख बजेट छुट्टाएपनि जग्गा अभावले हुदै आएको ढिलाईमा वडाध्यक्ष तामाङले हाल स्वास्थ्य चौकी रहेको स्थान नजिकै सोलेमानेमा जग्गा प्रदान गरेसगैँ निर्माणको लागी प्रक्रिया अघि बढाउन सहज भएको छ ।<br><br>“भवन बनाउन बजेट आएपनि जग्गा नहुदाँ निर्माण अनिश्चित भइरहेको थियो ।” उहाँले भन्नुभयो “सार्वजनिक जग्गामा भवन बनाउन नपाइने र जग्गा खरिद गर्न बजेट समेत नभएपछि उक्त रकम फिर्ता हुनबाट जोगाउन आफैले निःशुल्क जग्गा प्रदान गरेको हो ।”<br><br>स्वास्थ चौकीलाई स्थानीयबासीबाट निःशुल्क प्राप्तीको लागी लामो समयदेखिको पहल सार्थक नभएपछि उहाँले आफूले वडाध्यक्ष भएको हैसियतमा प्राप्त गरेको सुविधाको रकम खर्चिएर केही दिन अघि मात्र स्थानीयसंग जग्गा खरिद गर्नुभएको थियो । उहाँले उपलब्ध गराएको जग्गा लच्याङमा सबैभन्दा आकर्षण, पायक पर्ने स्थानमा रहेको छ ।</p><p><img style="width: 866px;" src="https://topnepalnews.comuploads/posts/309005cab1b76e701e6653554681486e1548046084.jpg"><br>नयाँ भवन बनाउन एक रोपनी जग्गा आवश्यक पर्ने भएपनि जिल्ला मालपोत कार्यालयबाट एक रोपनी चार आना जग्गा वडाध्यक्षबाट प्राप्त भएको स्वास्थ्य चौकीका इञ्चार्ज सरस्वती पौडेलले बताउनुभयो । उहाँको अनुसार भूकम्पले क्षति पुगेको लच्याङ स्वास्थ्य चौकी हाल अस्थायी भवनबाट सञ्चालनमा रहेको छ ।<br><br>“भवन अभावमा स्वास्थ्य चौकीले सञ्चालन गर्दै आएको बर्थिङ सेन्टर (सुरक्षित प्रजनन् केन्द्र) प्रभावकारी बनाउन चुनौती हुदै आएको थियो ।” पौडेलले भन्नुभयो “अब बन्ने नयाँ भवनमा चौबिसै घण्टा सेवा उपलब्ध गराउन स्वाथ्यकर्मीलाई आवशीय व्यवस्था सहित बर्थिङ सेन्टर सहित प्रयोगशाला सेवा लगायतका सुविधा उपलब्ध गराउन लागिएको छ ।”<br><br>लच्याङ स्वास्थ्य चौकीमा हेल्थ असिसेन्टको नेतृत्वमा पाँच जना कर्मचारी कार्यरत रहेका छन् । कोठाको अभावले अस्थायी भवनबाट बिरामीलाई गुणस्तरीय सेवादिन, औषधी भण्डारण गर्न तथा थप सेवा विस्तार गर्न कठिनाई हुदै आइरहेको छ ।<br><br><br></p>

<p>त्रिशूली । राष्ट्रिय गौरवको आयोजनाको रुपमा विस्तार भइरहेको ‘गल्छी–त्रिशूली–मैलुङ्ग–स्याफ्रुबेसी–रसुवागढी’ सडक योजनाअन्तर्गत नुवाकोटको पिपलटारदेखि ढुङ्गेसम्मका प्रभावित बासिन्दाले मुआब्जा माग्दै आइतबार नुवाकोट बन्द आह्वान गरेका छन् ।<br><br>आयोजनाअन्तर्गत पीपलटार–ढुङ्गे करीब नौ किमी सडक बालाजु–त्रिशूली सडकखण्डमा पर्ने र सो सडकको सीमा निर्धारण विसं २०३४ को राजपत्रमा उल्लेख गरिएको भन्दै मुआब्जा नदिने जनाएपछि प्रभावित बासिन्दाले सङ्घर्षको कार्यक्रमअन्तर्गत जिल्ला बन्द गराएका हुन् ।<br><br>मुआब्जापीडित सङ्घर्ष समितिको आयोजनामा भएको बन्दले नुवाकोट र रसुवामा सञ्चालित छोटो तथा लामो दूरीका यातायातका साधन ठप्प हुँदा यात्रुले सास्ती पाएका छन् । बन्दले बजार क्षेत्र, शैक्षिक संस्था, उद्योग तथा कलकारखानासमेत प्रभावित भएका छन् । बन्दकर्ता बिहानैदेखि सडकमा शान्तिपूर्ण रूपमा विरोध जनाइरहेका छन् ।<br></p><p><img style="width: 1024px;" src="https://topnepalnews.comuploads/posts/b79ecf56d2efd12c5b122ee593a9062d1547970411.jpg"><br>चरणबद्ध आन्दोलनका कार्यक्रमअन्तर्गत बन्द आह्वान गरेको र मागको सुनुवाइ नभए थप सङ्घर्षका कार्यक्रम ल्याउन आफूहरु बाध्य हुने समितिका संयोजक लीलानाथ न्यौपानेले बताउनुभयो ।<br><br>त्रिशूली–ककनी–बालाजु खण्डमा पर्ने पासाङल्यामु राजमार्ग क्षेत्रको दायाँबायाँ जग्गाको सीमा निर्धारण विसं २०३४ मा सडक विस्तारको क्रममा सडकको पहुँचमा आइसकेको भनेर आयोजनाले मुआब्जा दिन नमल्निे योजना प्रमुख सुवोधकुमार देवकोटाले बताउनुभयो । उहाँका अनुसार कानून अभावमा पीपलटारदेखि ढुङ्गेसम्मको जग्गाको मुआब्जा दिन नसक्ने अवस्था छ ।</p><p><img style="width: 1024px;" src="https://topnepalnews.comuploads/posts/cf138efac9db125590a48fc0651e508a1547970421.jpg"></p><p><font color="#CE0000"><img style="width: 1024px;" src="https://topnepalnews.comuploads/posts/d6c397fa49dc763d75155c4bafc32cc41547970427.jpg"></font></p><p><font color="#CE0000"><b>बन्दकर्ताले ढुङ्गे बजारमा बिरोधको सांकेतिक स्वरुप पुरानो (थोत्रो) मोटरसाइकल जलाउदै ।</b></font><br><br>पीपलटार–ढङ्गे सडकखण्ड नुवाकोटको सदरमुकामसहित मुख्य–मुख्य बजार क्षेत्रमा पर्दछ । ‘गल्छी–रसुवागढी’ सडकको पृथ्वी राजमार्गस्थित धादिङको गल्छीबाट नुवाकोटको देवीघाट–त्रिशूली–रसुवाको मैलुङ्–स्याफ्रुबेसी–रसुवागढी हुदै चीनको केरुङ प्रवेशद्वारसम्म जोड्ने सडक निर्माणको काम भइरहेको छ । आयोजनाको समग्र काम हाल ३५ प्रतिशत सम्पन्न भएको छ । उक्त सडक ८२ किमी दूरीको छ । <br><br></p>