<p>कोलनी । नुवाकोटको विदुर नगरपालिका–९ स्थित स्टार इङ्लिस बोर्डिङ स्कुलमा शुक्रबार अपरान्ह आगलागी भएको छ ।</p><p><img style="width: 1024px;" src="https://topnepalnews.comuploads/posts/27f5df6ed2fac6979524caa48f73d47d1547876563.jpg"><br>दिउसो करिब ३ बजेतिर लागेको आगोले विद्यालयको छात्रबास रहेको भवनको एकवटा कोठा जलेर पूर्ण क्षति पुगेको छ । विद्यालयका प्रिन्सिपल उषा अधिकारीको अनुसार आगलागीबाट चार जना विद्यार्थी सुत्ने गरेको कोठा जलेर नष्ट हुदाँ उनीहरुको ओछ्यान लगायतका लत्ताकपडा, अध्ययनका सामाग्रि क्षति पुगेको छ । आगो लागेको केही समयमा पुगेको विदुर नगरपालिकाको दमकलको सहयोगमा स्थानीयबासी, प्रहरी, नेपाली सेनाको सहयोगले आगो आधा घण्टामा नै नियन्त्रणमा आएको थियो ।</p><p><img style="width: 1024px;" src="https://topnepalnews.comuploads/posts/0db0ed04b72b743f8d13e8e83f0983851547876590.jpg"><br></p><p> आगलागीबाट करिब एक लाख बराबरको धनमाल क्षति भएको नुवाकोट प्रहरी प्रमुख कृष्णबहादुर पल्लिमगरले जानकारी दिनुभयो । </p><p><img style="width: 1024px;" src="https://topnepalnews.comuploads/posts/de94048fadfae40488bf0a118949427e1547876554.jpg"><br>शुक्रबार दिन भएकाले दिनको एक बजे नै विद्यालय बन्द भएको र छात्रबासका विद्यार्थी समेत घर गएकाले कोही नभएको समयमा आगो लागेकाले विद्युत गढबढ भएको हुनसक्ने प्रहरीको अनुमान छ । <br><br><img style="width: 1024px;" src="https://topnepalnews.comuploads/posts/71af53a5ad1f5338db79b60ab1e475141547876600.jpg"><br></p>

<p>पुनर्निर्माणको दुई वर्षे लक्ष्य र कार्ययोजना पारितनुवाकोट । राष्ट्रिय पुनर्निर्माण प्राधिकरण निर्देशक समितिले पुनर्निर्माण तथा पुनर्स्थापनाको आगामी लक्ष्य तथा कार्ययोजना पारित गरेको छ ।<br><br>प्रधानमन्त्री एवम् राष्ट्रिय पुनर्निर्माण प्राधिकरण निर्देशक समितिका अध्यक्ष केपी शर्मा ओलीको अध्यक्षतामा बिहीबार बसेको निर्देशक समितिको बैठकले आउँदो दुई वर्षभित्र पुनर्निर्माण तथा पुनस्र्थापनाको काम सम्पन्न गर्ने गरी पुनर्निर्माण तथा पुनर्स्थापनाको आगामी लक्ष्य तथा कार्ययोजना पारित गरेको हो ।<br><br>त्यसका लागि आवश्यक बजेटको व्यवस्था गर्न अर्थ मन्त्रालय, राष्ट्रिय योजना आयोगसहित दातृ राष्ट्रहरुसँग छलफल निर्णय पनि गरिएको प्राधिकरणका प्रमुख कार्यकारी अधिकृत सुशील ज्ञवालीले जानकारी दिनुभयो ।<br><br>दातृ राष्ट्रहरुले सम्झौता अनुसारको बजेट उपलब्ध नगराएपछि पुनर्निर्माण तथा पुनस्र्थापनाका लागि थप बजेटको व्यवस्था गर्न निर्देशक समितिले पुनः दातृ राष्ट्रहरुसँग छलफल गर्ने निर्णय गरेको हो ।<br><br>प्राधिकरणले प्राविधिकहरु परिचालन गर्नु अघि नै निजी आवास बनाएकाहरुलाई अनुदान दिने गरी कार्यविधि पनि संशोधन गरेको छ । प्राविधिकहरु परिचालन गर्नु अघि नै निजी आवास बनाएकाहरुलाई पनि अनुदान दिने गरी त्यसे सम्बन्धी कार्यविधि पनि बैठकले पारित गरेको प्रमुख कार्यकारी अधिकृत ज्ञवालीले बताउनुभयो ।<br><br>समितिले गएको वर्ष निजी आवास निर्माणका काम सुरु गरेकाहरुलाई यस वर्षभित्र अनुदान रकम उपलब्ध गराइसक्ने निर्णय पनि गरेको छ । आगामी आर्थिक वर्षभित्र निजी आवास निर्माणको काम सम्पन्न हुने गरी अनुदान उपलब्ध गराउने निर्णय पनि गरिएको समितिले जनाएको छ ।<br><br>त्यसैगरी प्राधिकरण निर्देशक समितिको बैठकले स्थानीय तहमा पनि विपद् व्यवस्थापन हुने गरी नशाङ्कनको काम अघि बढाउने निर्णय पनि गरेको छ ।</p>

<p align="justify">विदुर । नुवाकोट, रसुवा र धादिङमा सेवा पु¥याउने उद्देश्यले विदुरमा खाद्य प्रविधि तथा गुण नियन्त्रण डिभिजन कार्यालय स्थापना गरिएको छ ।<br><br>खाद्य सामग्रीसम्बन्धी तीन जिल्लामा बजार अनुगमन, निरीक्षण, नमूना सङ्कलन, परीक्षण, मुद्दा दायर, जनचेतना अभिवृद्धि एवं परामर्शलगायत सेवा पु¥याउन कार्यालय स्थापना गरिएको हो । कार्यालयमा वरिष्ठ खाद्य अनुसन्धान अधिकृतसहित नौ जनाको दरबन्दी भए पनि हाल खाद्य अनुसन्धान अधिकृतसहित चार कर्मचारीबाट सेवा थालिएको निमित्त कार्यालय प्रमुख ९खाद्य अनुसन्धान अधिकृत० नवराज श्रेष्ठले बताउनुभयो ।<br><br>उहाँका अनुसार यसअघि यहाँका तीन जिल्लाको कामकारवाही काठमाडौँबाटै हुने गरेको थियो । “नागरिकलाई सरकारी सेवा अधितकतम पायक पर्ने स्थानबाट उपलब्ध गराउन विदुरमा कार्यालय स्थापना गरिएको हो,” श्रेष्ठले भन्नुभयो । कार्यालयले खाद्य उद्योग, पेयपदार्थ उद्योग, किराना पसल, होटललगायत बिक्रीमा राखिएका खाद्य सामग्रीको गुणस्तर मापन गरेर मानवीय स्वास्थ्यप्रति सचेत गराउने काम गर्नेछ । उपभोक्तालाई जागरुक बनाउन सचेतना गोष्ठी, तालीम, परामर्श, होमस्टे ९घरबास० लाई प्रश्रय गरी पर्यटन प्रवद्र्धनमा समेत सहयोग पु¥याउने लक्ष्य छ ।<br><br>कार्यालय स्थापनासँगै सरोकारवालासँगको समन्वयनमा खाद्य सामग्रीसम्बन्धी नियमित बजार अनुगमन, निरीक्षण, नमूना सङ्कलन, परीक्षण, मुद्दा दायर, जनचेतना अभिवृद्धि एवं परामर्श र होटलको स्तरीकरण (गुणस्तर मापन चिह्न) गर्ने कार्यक्रम एकल तथा संयुक्त रुपमा कार्यालयले अघि बढाएको छ । <br><br></p>

<p>बट्टारबजार । यामाहा कम्पनीको नुवाकोट र रसुवाको आधिकारिक विक्रेता त्रिशूली अटो प्राली, बट्टारले जिल्ला ट्राफिक प्रहरी कार्यालय नुवाकोटलाई बुधबार ६ थान हेलमेट प्रदान गरेको छ । </p><p>प्रालीको कार्यालय बट्टारमा आयोजित एक कार्यक्रमको बीच त्रिशूली अटो प्रालीका सञ्चालक मधुसुदन थपलिया र प्रालीका प्रबन्ध निर्देशक बिवेक थापाले ट्राफिक व्यवस्था सहजताको लागी उक्त हेलमेट उपलब्ध गराउनुभएको हो । जिल्ला ट्राफिक प्रहरी इञ्चार्ज प्रहरी नायव निरीक्षक शम्भुबहादुर अधिकारीलाई हेलमेट प्रदान गर्दै सञ्चालक थपलियाले यात्रुको सुरक्षाको लागी अहोरात्र खटिने ट्राफिक प्रहरी आफूपनि सुरक्षित भएर सेवा प्रदान गर्नुपर्ने हुदाँ त्यसको लागी सहयोग पुगोस भनेर ती समाग्रि प्रदान गरिएको बताउनुभयो ।</p><p><img style="width: 1314px;" src="https://topnepalnews.comuploads/posts/6d35b942f87af33b4871c125793aec931547648947.jpg"><br>यस्तै, प्रालीका प्रबन्धक निर्देशक थापाले यामाहाको उत्पादन तथा सामाग्रि विक्री र मर्मतको लागी मात्र नभई आफूहरु मानवीय सेवा र सामाजिक कार्यमा समेत क्रियाशिल भएकाले त्यस स्वरुप ट्राफिक प्रहरीसंगको सहकार्य र उनीहरुलाई सहयोग स्वरुप हेलमेट उपलब्ध गराइएको बताउनुभयो । उहाँले आगामी दिनमा पनि प्रालीको तर्फबाट सामाजिक उत्तरदायित्वको क्षेत्रमा निरन्तर क्रियाशिल हुने प्रतिबद्धता जनाउनुभयो । </p><p><img style="width: 1314px;" src="https://topnepalnews.comuploads/posts/d3e68c05ba165ef559d3f8e6984979b71547648957.jpg"><br>नुवाकोट र रसुवाको लागी यामाहाको आधिकारिक विक्रेताको रुपमा दश महिना अघि मात्र स्थापन भएको त्रिशूली अटो प्रालीले छोटो समयमा नै यहाँको बजारमा निकै लोकप्रियता हासिल गरेको छ । यामाहाको उत्पादनको रुपमा रहेको मोटरसाइकल र स्कुटर काठमाडौको मुल्यमा नै प्रालीले यहाँ उपलब्ध गराएकाले खरिद गर्ने ग्राहकको सङ्ख्या उल्लेख्य बढेको हो । हाल यामाहाको उत्पादनमा रहेका मोटरसाइलक र स्कुटर जिल्लामा रहेको स्थानीयतह, सामाजिक संघसँस्था र व्यक्तिगत खरिदको लागी निकै माग बढेको छ । </p><p><img style="width: 1314px;" src="https://topnepalnews.comuploads/posts/675d0c751e04b2cdf4f54b257570c2a31547648969.jpg"><br>विभिन्न अफर र मर्मत तथा पाटपुर्जाको सामाग्रि समेत सहज रुपमा यही पाइने भएकाले अन्य कम्पनीका उत्पादनको तुलनामा नुवाकोट र रसुवाका पारखीहरुको लागी यामाहाको उत्पादनको मोटरसाइकल र स्कुटरको माग निकै बढेको त्रिशूली अटो प्रालीले जनाएको छ । <br><br></p>

<p align="justify">त्रिशूली । काठमाडौँको गोङ्गबुमा ग्याँस सिलिण्डर पड्किँदा आज एक जनाको मृत्यु भएको छ ।<br><br>आज दिउँसो करीब १२ः३० बजेको समयमा श्याम ढुङ्गानाले सञ्चालन गरेको पिस नेपाल ह्याण्डीक्राफ्ट उद्योगमा सिलिण्डर पड्किँदा नुवाकोटको बेलकोट बस्ने ३२ वर्षीय मजदुर काजी तामाङ्को मृत्यु भएको प्रहरी परिसर काठमाडौँका प्रवक्ता होविन्द्र बोगटीले जानकारी दिनुभयो । दुर्घटनामा गम्भीर घाइते भएका तामाङ्को उपचारका क्रममा अपरान्ह ३ः३० बजे महाराजगञ्जस्थित शिक्षण अस्पतालमा मृत्यु भएको प्रहरीले जनाएको छ ।<br><br>सो क्रममा उद्योगका मजदुर कैलाश श्रेष्ठ, राजकुमार विसी, रोशन तामाङ र अनिल पोखरेल घाइते भएका छन् । घाइतेको बयोधा अस्पतालमा उपचार भैरहेको छ । दुर्घटनाको यकिन कारण भने नखुलेको र अनुसन्धान भैरहेको प्रहरीले जनाएको छ । सिलिण्डर पड्किएर उद्योगमा आगलागीसमेत भएको छ । आगलागीबाट भएको क्षतिको विवरण आइनसकेको प्रवक्ता बोगटीले बताउनुभयो । <br></p>

<p><b>रामहरि न्यौपाने,</b><br>घ्याङफेदी । नुवाकोटको दुप्चेश्वर गाँउपालिका–१ घ्याङफेदीमा गत साता भएको बालबिबाह यहाँको बालक्लबको पहलमा रद्द भएको छ ।<br>घ्याङफेदी माध्यामिक विद्यालयमा अध्ययनरत विद्यार्थी आबद्ध रेडपण्डा बाल क्लबको पहलमा बालबिवाह बदर गराउन सफल भएको हो । क्बलका अध्यक्ष राजु तामाङको अनुसार विद्यालयमा अध्ययनरत कक्षा ७ का १५ वर्षीय छात्र र कक्षा ८ मा अध्ययनरत १७ वर्षीयाँ छात्राबीच भागेर गरेको बिवाह रद्द गराइएको हो ।<br>“भागेर बिवाह गरेका उनीहरुलाई परिवारको साथमा केटा पक्षले घरमा भित्र्याएको थियो ।” तामाङले भन्नुभयो “क्लबका पदाधिकार र विद्यालयका शिक्षकको पहलमा अभिभावकलाई सम्झाएपछि उनीहरुलाई छुट्टी–भिन्न गराइएको छ ।” <br><br>बिबाह पश्चात विद्यालय आउन छाडेपछि उनीहरुले बिबाह गरेको सूचनाको आधारमा लगातार एक साताको प्रयासमा क्लबमा आबद्ध विद्यार्थीले नै बिबाह रद्द गराइदिएका हुन् । <br><br>बिबाह रद्द भएसगै उनीहरु अध्ययनको लागी आ–आफ्नो घरबाट विद्यालय समेत आउन सुरु गरेको घ्याङफेदी माविका सहायक प्रअ प्रेम स्याङताङले जानकारी दिनुभयो । उहाँको अनुसार बालबिबाहका क्रम अझै कायम भएकाले रोक्नको लागी भइरहेको विभिन्न प्रयासका बीच सम्पन्न भएको बिबाह रद्द गराउनु ठूलो चुनौती भएपनि बालक्लबमा अबद्ध विद्यार्थी त्यसमा सफल भएका छन् ।<br><br>“विद्यार्थी र शिक्षकले अभिभावक सहित केटाकेटीलाई कानूनी रुपमा उमेर नपुगि बिबाह गर्नु दण्डनीय हुने भनेर सम्झायौ ।” स्याङताङले भन्नुभयो “अहिले रद्द भएको बिबाह उमेर पुगेपछि दुवैपक्षको सहमतिमा पुनः कायम गराउन सक्ने भनेर छुट्टी–भिन्न गराएका हौ ।”<br>जिल्लामा नै भौगोलिक रुपमा विकट, तामाङ समुदायको बाहुल्यता तथा शैक्षिक र आर्थिक रुपमा पछाडी परेको घ्याङफेदीमा बालबिबाह साँस्कृतिक रुपमा सामान्य मानिए पनि अहिले त्यो हटाउने प्रयास सफल कार्यान्वयनतर्फ लक्किएको छ । &nbsp;<br><br>पछिल्लो समय गाँउपालिका, वडा कार्यालय र आधार डेभलमेन्ट नेपाल लगायतका सामाजिक संघसँस्थाको सहयोगमा सञ्चालनमा रहेका बालक्लबको पहलमा निरुत्साहित हुदै आएको दुप्चेश्वर गाँउपालिका उपाध्यक्ष अञ्जु आचार्यले बताउनुभयो ।<br><br>उहाँको अनुसार गाँउपालिकाले बालबिबाह, चेलिबेटी बेचबिखन लगायतका विकृति बन्द गराउन समस्याग्रस्त क्षेत्रका विद्यालयमा बालक्लब स्थापना गरी उनीहरु मार्फत चलाइएको अभियान प्रभावकारी बन्न थालेको छ । “क्लबलाई सामाजिक सँस्थासंगको सहकार्यमा गाँउपालिकाले आवश्यक सहयोग पु¥याएर अघि बढाइएको छ ।” आचार्यले भन्नुभयो “बालबालिका आफै जागरुक हुदै आएपछि समाजमा विद्यामान विकृति नियन्त्रणको लागी सहज हुने बन्न थालेको छ ।”<br><br>तामाङ बाहुल्यता अधिक रहेको यस दुप्चेश्वर गाँउपालिकाले बालबालिकाको क्षेत्रको लागी समेत योजना, बजेट तथा कार्यक्रमलाई प्रथामिकता दिएको जनाएको छ । बालक्लब स्थापनालाई पहिलो प्रथामिकता दिएको गाँउपालिकाले क्बलमा आबद्ध भएकालाई बालपरिषद् निर्माण गरी गाँउसभा र गाँउकार्यपालिका बैठकमा समेत सहभागी गराउने तयारी समेत गरेको छ । <br><br><br></p>

<p>नुवाकोट । दुप्चेश्वर गाउँपालिका–१ घ्याङडाँडामा गत मंसिर २८ मा मिनीट्रक दुर्घटनामा परी ज्यान गुमाएका व्यक्तिको परिवारलाई राहत स्वरुप नेपाली काँग्रेस नुवाकोटले संकलन गरेको राहत रकम उपलब्ध गराएको छ ।</p><p><br>दुर्घटनामा ज्यान गुमाएका व्यक्तिको परिवारलाई घरमा नै पुगेर काँग्रेस जिल्ला सदस्य शसीसागर पण्डित र नरेश तामाङले पीडित परिवारलाई रु पाँच हजारको दरले रु एक लाख दश हजार प्रदान गर्नुभयो । उक्त दुर्घटनामा २२ जनाले ज्यान गुमाएका थिए । <br>मिनीट्रक दुर्घटनामा परी ज्यान गुमाएका व्यक्तिका परिवारको आर्थिक अबस्था निकै कमजोर भएको र मिनीट्रकमा यात्रुको बीमा समेत नहुने भएकाले सहयोग स्वरुप राहत रकम उपलब्ध गराएको पण्डितले बताउनुभयो ।</p><p><img style="width: 1314px;" src="https://topnepalnews.comuploads/posts/7bd7dde0b523445cf34089c17d7524621547522753.jpg"><br>मिनीट्रक दुर्घटनामा परी ज्यान गुमाएका व्यक्तिको परिवारलाई दुप्चेश्वर गाँउपालिकाले रु २५ हजारका दरले राहत रकम गाँउपालिकाको अध्यक्ष योविन्द्रसिंह तामाङले प्रदान गर्दै उनीहरुको लागी थप सहयोगको अपिल गरेपछि समाजसेवीहरुबाट संकलन भएको रकम काँग्रेस जिल्ला सभापति जगदिश्वरनरसिंह केसीले वितरणको लागी गत साता प्रतिनिधि खटाउनुभएको थियो । </p><p><img style="width: 1314px;" src="https://topnepalnews.comuploads/posts/de099cb69ea4e94c4261f53d2d16a9a61547522769.jpg"><br>दुप्चेश्वर गाँउपालिकाको अपिल अनुसार नुवाकोटको ककनी गाँउपालिका–७ चतुरालेका समाजसेवी दिवाकर थपलियाले रु ५० हजार र काठमाडौको टंकेश्वर हार्डवेयर जरंखुको तर्फबाट व्यवसायी हेम गौतमले रु ६० हजार रकम उपलब्ध गराएका थिए । <br>गत मंसिर २८ मा भएको मिनीट्रक दुर्घटनामा परी घटनस्थलमा १८ जना र उपचारको लागी लैजादै गर्दा र उपचारको क्रममा समेत गरेर २२ जनाले ज्यान गुमाएका थिए । दुर्घटनामा परी घाइते भएका १२ जनाको काठमाडौ स्थित विभिन्न अस्पतालमा अहिले पनि उपचार भइरहेको छ ।</p><p>पीडित परिवारलाई यहाँका विभिन्न गाँउपालिका, व्यवसायी तथा समाजसेवीहरुले पनि सहयोग पु-याउनेक्रम जारी रहेको छ । &nbsp;<br><br><br></p>