<p><b>रामहरि न्यौपाने,</b><br>नुवाकोट । राष्ट्रिय गौरवको आयोजनाको रुपमा विस्तार भइरहेको ‘गल्छी–त्रिशूली–मैलुङ्ग–स्याफ्रुबेसी–रसुवागढी’ सडक योजना अन्तरगत नुवाकोटको पिपलटारदेखि ढुङ्गेसम्मका प्रभावित बासिन्दाले मुआब्जा माग गर्दै पुस २९ गते आइतबार दुईघण्टा सडक अबरुद्ध बनाएका छन् । <br>आयोजना अन्तर्गत पीपलटार–ढुङ्गे करीब नौ किमि सडक बालाजु–त्रिशूली सडक खण्डमा पर्ने र सो सडकको सीमा निर्धारण बिसं २०३४ सालको राजपत्रमा उल्लेख गरिएको भन्दै मुआब्जा नदिने जनाएपछि प्रभावित बासिन्दाले सवारी साधन सञ्चालनमा अबरोध पु¥याएका छन् । मुआब्जा पीडित संघर्ष समितिको आयोजनामा मध्यान्ह १२ बजेदेखि अपरान्ह दुई बजेसम्म गरिएको बन्दले नुवाकोट हुदै चल्ने छोटो तथा लामो दुरीका सवारी साधनहरु ठप्प बनेका थिए । </p><p><br>बन्दपछि आयोजित कोणसभामा चरणबद्ध आन्दोलनका कार्यक्रम अन्तरगत सवारी बन्द गराएको र मागको सुनुवाई नभए थप संघर्षका कार्यक्रम ल्याउन बाध्य हुने समितिका संयोजक लिलानाथ न्यौपानेले चेतावनी दिनुभयो ।<br>“स्थानीयबासी विकासको बिरोधी भनेर निर्माण कार्य रोक्ने पक्षमा छैनौ ।” उहाँले भन्नुभयो “एउटै आयोजना मार्फत भइरहेको कार्यको कहीँ दिने र कहीँ नदिने विभेदको विरुद्धमा आन्दोलित भएका हौ ।”</p><p><br>यो आयोजना अन्तरगत धादिङको गल्छीदेखि नुवाकोटहुदै रसुवा र चीनको सीमाक्षेत्र रसुवागढी नाकासम्म सडक विस्तार भइरहेको छ । सडकको गल्छी–देवीघाटको मुआब्जा निर्धारण गरी रकम वितरण भइरहेको छ । </p><p><br>यस्तै, विदुर नगरपालिका–१ ढुङ्गेदेखि मैलुङसम्मको पनि मुआब्जा निर्धारणको प्रक्रियामा रहेको योजना प्रमुख सुबोधकुमार देवकोटाले जानकारी दिनुभयो । उहाँको अनुसार त्रिशूली–ककनी–बालाजु खण्डमा पर्ने पासाङल्यामु राजमार्ग क्षेत्रको दायाँबायाँ जग्गाको सीमा निर्धारण बिसं २०३४ मा सडक विस्तारको क्रममा सडकको पहुँचमा आइसकेकाले हालको सडकमा पर्ने जग्गाको मुआब्जा निर्धारणको लागी कानून अभावमा पिपलटार–ढुङ्गेसम्मको भने मुआब्जा दिन नसक्ने अबस्था छ । </p><p><br>पिपलटार–ढुङ्गे सडक खण्ड नुवाकोटको सदरमुकाम सहित मुख्य–मुख्य बजार क्षेत्रमा पर्दछ । मुआब्जा माग गर्दै प्रभावित बासिन्दाले यसअघि चरणबद्ध रुपमा बिरोध प्रदर्शन गरेका थिए भने आगामी दिनमा जिल्ला बन्दसम्मको थप विरोधका कार्यक्रम घोषणा गरेका छन् । यहाँबाट प्रतिनिधित्व गर्ने सांसद्हरुले प्रतिनिधिसभाको संसद बैठकदेखि प्रधानमन्त्रीलाई ज्ञापन पत्र बुझाएर मुआब्जा उपलब्ध गराउन ध्यानाकर्षण समेत गराएका छन् । &nbsp;</p><p><br>&nbsp;विभिन्न चरणमा बिरोधका कार्यक्रम गर्दै आएका स्थानीयले सडकको निर्माण कार्यमा भने अबरोध पु¥याएका छैनन् । निर्माण कार्य हाल तिव्र गतिमा अघि बढिरहेको छ । </p><p>‘गल्छी–रसुवागढी’ सडकको पृथ्वी राजमार्ग स्थित धादिङको गल्छीबाट नुवाकोटको देवीघाट–त्रिशूली–रसुवाको मैलुङ्ग–स्याफ्रुबेसी–रसुवागढीहुदै चीनको केरुङ प्रवेशद्धारसम्म जोड्ने सडक निर्माणको काम भइरहेको छ । आयोजनाको समग्र काम हाल ३५ प्रतिशत सम्पन्न भएको छ । उक्त सडक ८२ किमि दुरीको छ ।</p><p>चीनसंगको सीमा क्षेत्र रसुवागढीदेखि धादिङको गल्छीसम्मको सडक निर्माणको लागी नेपाल सरकारले ‘गल्छी–त्रिशूली–मैलुङ्ग–स्याफ्रुबेसी–रसुवागढी’ सडक योजनाको लागी रु नौ अर्ब ५० करोड बजेट उपलब्ध गराएको छ ।<br>गल्छीबाट सुरु भएर रसुवागढीसम्म पुग्ने सडकको निर्माण ठेकेदार पक्ष, नेपाली सेना र चीन सरकार मार्फत तीन खण्डमा भइरहेको छ । गल्छीबाट मैलुङसम्मको ४६ किमि सडक कोभेक–तुदी–रसुवा कन्स्ट्रक्सन जेभी मार्फत भइरहेको छ ।</p><p><br>रसुवाको मैलुङदेखि स्याफ्रुबेसीसम्म १८ किमि सडकको ट्रयाक खोल्ने जिम्मेवारी पूरा गरी नेपाली सेनाले गरी गत चैत ३० मा आयोजना पक्षलाई हस्तान्तरण गरिसकेको छ । स्याफ्रुबेसीबाट रसुवागढीसम्मको १८ किमि सडक चीन सरकार मार्फत निर्माण भइरहेको छ । &nbsp;<br><br><br></p>

<p>काठमाडौ । लमजुङमा आज अपराह्न ४ बजेर १ मिनेटको समयमा भूकम्पको धक्का महसुस भएको छ ।<br><br>उत्तरी लमजुङको सिम्पानी केन्द्रबिन्दु रहेको ३ दशमलब ४ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ ।<br><br>बेंसीशहरमा छोटो तर कडा झड्का महसुुस भएको थियो भने उत्तरी लमजुङको बाहुनडाँडादेखि दक्षिणको सुन्दरबजार नगरपालिकासम्म भूकम्पको धक्का महसुुस भएको स्थानीयवासीले बताएका छन् ।<br><br>यसअघि गत २५ गते साँझ ७ बजेर ४९ मिनेटको समयमा सदरमुकाम बेंसीशहर नजिकै केन्द्रबिन्दु बनाएर तीन म्याग्निच्यूडको भूकम्प गएको थियो । <br><br></p>

<p><br>काठमाडौं । नेपाली ईतिहासमा नै पहिलो पटक श्रीराम तारकब्रह्म महायज्ञ हुने भएको छ । जगदगुरु श्रीरामानन्दाचार्य सेवापीठ,महायोगी सिद्धबाबा अध्यात्मिक प्रतिष्ठाको आयोजनामा ७ सय ५ वर्षपछि श्रीराम तारकब्रह्म महायज्ञ हुन लागेको हो । श्रीरामानन्दाचार्य सेवापीठ हनुमान मन्दिरको प्राङगण वराहक्षेत्र सुनसरीमा यहि आगामी २०७५ माघ २७ वसन्त पञ्चमीदेखि सूरुभई २०७५ फागुन ७ गतेसम्म महायज्ञ सञ्चालन हुनेछ । । महायज्ञको औंचित्यवारे जानाकारी दिन शुक्रवार राजधानीमा विशेष पत्रकार सम्मलेन गरिएको थियो ।<br>पत्रकार सम्मलेलनमा श्री श्री श्री १००८ श्री बैष्णव डा.कृष्णदास जी महाराजले हरित नेपाल,स्वस्थ नेपाल,स्वच्छ नेपाल,संमृद्ध नेपाल,स्वावलम्बि नेपाल सु-संस्कारी नेपालको लागि महायज्ञको आयोजना गर्न लागेको बताए । डा.कृष्णदास जी महाराजले राष्ट्र, राष्ट्रियता र आत्म, आत्मियतासहितको मानव समुदाय विकसित हुनुपर्ने धारणा राखे । राष्ट्र, राष्ट्रियता, धर्म, संस्कार र संस्कृति नेपालीहरुको पहिचान भएको बताउँदै उनले भने,‘हामी नेपालीहरुले आफूलाई चिन्न छोड्दैछौं, अरुको प्रगतिमा दास हुन जादैछौं, जुन कुरा नेपालीको लागि महाघातक छ, समयमै आफुभित्र नेपालीपन खोज्नुपर्छ ।’<br><br><br>सबैभन्दा पवित्र कर्म कृषि रहेको भन्दै डा।कृष्णदास महाराजले भने,‘नेपाल कृषिप्रधान देश हो । तर, हामीले ८० प्रतिशत अन्न किनेर खानुपर्ने स्थिति छ, हाम्रो जीवनशैली कृषि हो, कृषि पेशा छोडेर अन्यत्र जाने काम भईरहेको छ, कृषिजस्ता पवित्र कर्म अरु कुनै छैन्, कृषकलाई निरोगी बनाउँछ, अरुलाई पाल्न सक्ने पेशा यही कृषि हो, हामी हरित क्रान्तिमा जुटि रहेका छौं, हरित गृहमा बायुमण्डीलीय प्रभावलाई रोक्न र प्राकृतिक सम्पदाको अविवेकपूर्ण दोहनबाट जोगाउमा सबैले ध्यान दिनुपर्छ ।’<br><br>डा।कृष्णदास महाराजले जात, पात उच निचरहित जीवन जिउन मानव एक भएर बाँचौं भन्ने हिन्दुधर्मको मुल मन्त्र भएको भन्दै यसलाई कुनै व्यक्ति वा संस्थासँग जोड्न नमिल्ने बताए । त्यस्तै कार्यक्रममा जगद्गुरु श्रीरामानन्दचार्य सेवा पीठ एवम् महायोगी सिद्धबाबा आध्यामिक प्रतिष्ठानका वरिष्ठ उपाध्यक्ष गोविन्दबाबु तिवारीले श्रीराम तारकब्रम्ह महायज्ञ राष्ट्रपति विद्यादेवी भण्डारीले उद्घाटन गर्ने बताए ।<br><br><br>नेपालको भविष्य निर्माणको आधार तयार गर्नका लागि श्रीराम मन्त्रराजले १६ करोडको हवन अर्चन गरिने ‘श्रीराम तारकब्रम्ह महायज्ञ’ को लागि गत महाशिवरात्रीदेखीदेश विदेशमा रहेका १२०० साधक साधिकाहरुले कुल १ अर्ब ६० करोडको संख्यामा मन्त्र जप अनुष्ठान गरिरहेका छन् ।’<br><br>जगद्गुरु श्रीरामानन्दचार्य सेवा पीठ एवम् महायोगी सिद्धबाबा आध्यामिक प्रतिष्ठानका वरिष्ठ उपाध्यक्ष तिवारीले भने,‘आगामी माघ २५ गते वृहत शोभायात्राबाट हुने यस महायज्ञ र नवनिर्मित अतिथिगृह समेतको उद्घाटन हुनेछ, जगद्गुरु श्रीरामानन्दाचार्य सेवा पीठ परिसर, वराहक्षेत्र धाम सुनसरी चतरामा सम्मानीय राष्ट्रपति विद्यादेवी भण्डारीज्यूबाट हुनेछ।’<br><br>सिद्धबाबावाट दिक्षित साधक साधिकाहरुवाट करिव ८ करोडको आर्थिक सहयोगवाट सुविधायुक्त कुल १२६ कोठाको आवस गृह सम्पन्न भै सकेको छ । महायज्ञमा प्रदेश नम्बर १ का मुख्यमन्त्री शेरधन राईसहित दुई हजार पाँच सय अतिथिहरुको उपस्थिति रहनेछ ।<br><br>प्रस्तावित यज्ञ किन ?<br>यज्ञ आध्यात्मिक दृष्टिकोणवाट मात्र नभई भौतिक विज्ञानका दृष्टिकोणवाटसमेत आवश्यक प्रमाणित भइरहेकाले यस यज्ञको सङकल्प गरिएको हो । यथा –<br>क . यज्ञवाट उत्पन्न हुने धुवाँले प्रचुरमात्रामा अक्सिजन उत्पादनका साथै ओजन तहको घनत्व वृद्धिभई सूर्यवाट आउने हानिकारक विकिरणलाई छेकेर पृथ्वीलाई सुरक्षित गर्ने भएकाले,<br><br>ख. यज्ञवाट अतिवृष्टि र अनावृष्टिजस्ता प्रकोप रोकथाम भई उपयुक्त वृष्टि हुन्छ र पृथ्वी उर्वर भएर दिव्य अन्न र औंषधीय वनस्पतिहरुको उत्पादनमा वृद्धि भई प्राणी जीवनको रक्षा हुने भएकाले<br>ग . वायुमण्डलमा रहेको विषक्तलाई शुद्धीकरण गरी वायुमणडपको शोषध भई स्वास्थ्य लाभ हुने भएकोले<br>घ . पितृउद्धार,ग्रहदोष शमन,श्राप निवारण,रोगनाश, भूपप्रेत निवारण,दरिद्रय आदी दुर्भाग्यको नाश र भगवद्भक्ति प्राप्त गराउने भएकोले । साथै यस यज्ञवाट नेपाल र नेपालीका लागि निम्न अनुसारको थप लाभ प्रप्ता हुने भएकोले ।<br><br>ङ . हरित नेपालको निमार्ण गरी नेपाललाई स्वस्थ र स्वच्छ बनाउन तथा नेपालीलाई स्वावलम्बी,स्वाभिमानी एवं स्वरोजगारयुक्त बनाउन मद्दत पुग्ने भएकोले<br></p>

<p>सोलेमाने (नुवाकोट) । प्रदेससभा सदस्य बद्रीप्रसाद मैनालीले बदलिदो परिवेश अनुसार जनतालाई सेवा पुयाउनको लागी राज्य संयन्त्रहरु क्रियाशिल हुदै आएकाले सोही अनुसार लाग्न स्थानीयतहलाई निर्देशन दिनुभएको छ । नुवाकोटको सूर्यगढी गाँउपालिका–१ लच्याङमा वडा कार्यालय मार्फत आर्थिक वर्ष २०७४÷७५ मा सञ्चालन भएका योजना, बजेट तथा कार्यक्रम सम्बन्धि जानकारी गराउन पुस २४ गते मंगलबार कार्यालय परिसरमा आयोजित सार्वजनिक सुनुवाईमा सम्बोधन गर्दै नुवाकोटबाट प्रतिनिधित्व गर्नुहुने प्रदेससभा सदस्य मैनाली । मुलुकमा शासन व्यवस्था फेरिएपनि जनतालाई सेवा प्रवाह गर्नको लागी स्थापना भएका सरकारको भूमिका समेत बदलिएर सञ्चालन हुनुपर्ने बताउनुभयो । </p><p>उहाँले सूर्यगढी गाँउपालिका–१ ले सरोकारवाला पक्षहरुलाई समावेश गरी गत आर्थिक वर्षमा सञ्चालन गरेको कार्यक्रमको सार्वजनिक सुनुवाई गरी जानकारी दिनु अहिलेको लोकतन्त्र, गणतन्त्र तथा स्थानीय सरकार भएको महशुस भएको भन्दै प्रंशसा गर्नुभयो । सांसद् मैनालीले नुवाकोटका अन्य स्थानीयतहमा रहेका वडा कार्यालयहरुले सञ्चालन गरेका कार्यक्रमको जनतालाई जानकारी गराउन हिच्किचाउदै आएको सन्दर्भमा लच्याङमा सार्वजनिक सुनुवाई आयोजना हुनु र सहभागीहरुले सञ्चालित कार्यक्रमलाई थप प्रभावकारी बनाउनको लागी दिएको सुझाबले स्थानीय सरकारको स्थापनाको लक्ष्य पूरा गर्न सफल भएको बताउनुभयो ।</p><p><img style="width: 1024px;" src="https://topnepalnews.comuploads/posts/3c1588a6a12267f8fd09a60607b435d71546958016.jpg"><br></p><p> सार्वजनिक सुनुवाईमा सहभागीहरुले बोल्ने क्रममा लच्याङमा माविसम्म अध्ययन गर्ने विद्यालय नभएको भनेर राखेको जिज्ञासामा उहाँले अहिलेको कानूनले मावि सञ्चालनको अधिकार स्थानीयतहलाई दिएकाले त्यो अब कार्यान्वयन हुने र त्यसको लागी आफू क्रियाशिल भएर सहयोग गर्ने बताउनुभयो ।</p><p> <b>यस्तै, </b>सहभागीले लच्याङहुदै उर्लेनी र सरमथली जाने सडक हिउदको ६ महिना चल्ने र बाँकी छ महिना बन्द हुने गरेको भन्दै राखेको जिज्ञासामा उहाँले स्थानीय सरकारसंग समन्वयन गरी प्रदेस र केन्दीय सरकारबाट आगामी वर्ष नै बजेट तर्जुमा गराउने प्रतिबद्धता जनाउनुभयो । सहभागीहरुले राखेको जिज्ञासा तथा लच्याङको मुख्य समस्याको रुपमा रहेको भैरवी गुठी समस्या समाधानको लागी आफू सकारात्मक भएकाले त्यसमा खेती लगाउने किसानले जग्गा पाउनुपर्ने र भैरवी जात्रा सञ्चालनमा पनि निरन्तरता हुनुपर्ने गरी समाधान गर्नुपर्ने बताउनुभयो । सांसद् मैनानीले लच्याङबासीको लागी ड्वाचे खानेपानी सञ्चालनको लागी अध्यक्ष समेत रहनुभएका गाँउपालिका अध्यक्षले चासो किन नदिनेका आफूले समेत थाहाँ नभएको भन्दै यसतर्फ आफू अब सक्रिय भएर लाग्ने र त्यसमा उत्पन्न समस्या समाधान गराएर पानी सञ्चालन गराउनतर्फ लाग्ने बताउनुभयो । उहाँले लच्याङमा रहेका गुम्बा, देवीस्थल लगायतका शक्तिपीठहरुको संरक्षण, शिक्षा, पूर्वाधार विकास, जनचेतना अभिबृद्धि, रोजगारीको सिर्जना, व्यवसायिक तालीम तथा सिप प्रबद्धनको लागी आफूले पहल गर्ने भएकाले वडा कार्यालयबाट पनि त्यसमा सहयोगको अपिल हुनुपर्ने बताउनुभयो । </p><p><b>यस्तै, </b>कार्यक्रममा सूर्यगढी गाँउपालिकाको उपाध्यक्ष मञ्जु ढकालले गाँउपालिकाले सञ्चालन गर्दै आएको योजनामा लच्याङलाई प्रथामिकतामा राख्ने गरेको बताउनुभयो । उहाँले कार्यक्रममा गाँउपालिकाको अध्यक्ष अनुपश्थित हुनु पारिवारिक कारण भएको भन्दै गाँउपालिकाहरुमा सबैभन्दा पिछडीएको वडाको रुपमा लच्याङलाई माथी उठाउन बजेट बिनियोजनमा प्रथामिकता पर्नुपर्ने बताउनुभयो । सहभागीहरुले लच्याङमा राजनीतिक पूर्वाग्रही भएर बजेट तर्जुमा निकै कम भएको र कार्यक्रमम गाँउपालिकाको अध्यक्ष उपस्थिती नभएको भनेर टिप्पणी गरेपछि उहाँले यस्तो बताउनुभएको हो । </p><p><img style="width: 1024px;" src="https://topnepalnews.comuploads/posts/06f61ab5d80fa345efef087d1a4a37b51546958038.jpg"><br></p><p><br><b>यस्तै,</b> कार्यक्रममा नेपाल कम्युनिष्ट पार्टीका नेता एवम् सूर्यगढी गाँउपालिकाबाट सम्पन्न निर्वाचनमा अध्यक्षको उम्मेदवार समेत रहनुभएका बिन्दा ढुङ्गानाले लच्याङमा रहेका महिला, दिदीबहिनीहरुको लागी तालीम, सिप र स्वरोजगार कार्यक्रम ल्याएर उनीहरुलाई चुलोचौकाबाट पुरुष सरह प्रतिस्पर्धामा ल्याउनुपर्ने बताउनुभयो । उहाँले अहिलेको सरकारले कानून निर्माणदेखि बजेट समेत तर्जुमा गर्ने अधिकार भएकाले त्यसलाई प्रयोग गरी लच्याङको विकासको लागी स्थानीय सरकार लागिपर्नुपर्ने बताउनुभयो । </p><p><img style="width: 1024px;" src="https://topnepalnews.comuploads/posts/3089fb05dbbe93113f313c0c8d3cb3ac1546958057.jpg"><br></p><p><br>सार्वजनिक सुनुवाईमा&nbsp; वडाअध्यक्ष इमानसिंह तामाङको अनुसार वडा कार्यालय मार्फत गत आर्थिक वर्षमा प्राप्त भएको एक करोड ३२ लाख बजेट मध्ये कन्टीजेन्सी १२ लाख ७४ हजा कटाएर एक करोड २० लाख रुपैयाँ बजेटमा ४८ वटा योजना तर्जुमा गरिएको थियो । ती योजना मध्ये अधिकांश योजनाको सफल कार्यान्वयन भएको र त्यसबाट जनताले राम्रो लाभ पाएकाले आगामी दिनमा सोही योजनामा बाँकी रहेका तथा त्यस्तै किसिमका योजना सञ्चालनमा प्रथामिकता दिने उहाँले बताउनुभयो । </p><p><img style="width: 1024px;" src="https://topnepalnews.comuploads/posts/6ce2b68c3f19ac1939abdb043c2d34141546958226.jpg"><br></p><p>चालु आर्थिक वर्षको ६ महिनाको अवधि पूरा हुनलाग्दा समेत यो आर्थिक वर्षको बजेट गाँउपालिकाले नपठाएको कारण तर्जुमा गर्न नपाएको गुनासो वडाध्यक्ष तामाङले गर्नुभयो । </p><p><img style="width: 1024px;" src="https://topnepalnews.comuploads/posts/3b121a32e54fb02ec7cfff34c90d37dd1546958070.jpg"></p><p><img style="width: 1024px;" src="https://topnepalnews.comuploads/posts/f6057c071a5498e44eeba1d2b8c9450e1546958079.jpg"></p><p><img style="width: 1024px;" src="https://topnepalnews.comuploads/posts/660cb9de5511c955ec0d6f9f141537391546958087.jpg"></p><p><img style="width: 1024px;" src="https://topnepalnews.comuploads/posts/fa6fd1a61e721dc979fd203c6d7931241546958099.jpg"></p><p><img style="width: 1024px;" src="https://topnepalnews.comuploads/posts/7c9ff52560fe1de930a2d486fcc179791546958108.jpg"><br>कार्यक्रममा गाँउपालिकको प्रमुख प्रशासकीय अधिकृत उत्तम खतिवडा सहित विषयगत कार्यालयका प्रमुख एवम् प्रतिनिधि, वडा नं. २, ३ र ५ का वडाध्यक्षहरु, इलाका प्र्रहरी कार्यालय चोकदेका प्रहरी इञ्चार्ज रामशरण कोइराला, विभिन्न राजनीतिक दलका पार्टी प्रतिनिधि, सामाजिक संघ सस्ँथा, महिला समूह, कृषि समूह, शिक्षक, विद्यार्थी लगायतको सहभागिता रहेको वडा कार्यालयका कार्यालय सहायक दिनेश श्रेष्ठले जानकारी दिनुभयो । <br><br><br></p>

<p>नुवाकोट । झिल्टुङ्ग (दुईपिपल, रातमाटे र जिलिङ) मा रहेका नेपालहरुको यही पुस २२ गते सम्पन्न भएको भेलाले झिल्टुङ्ग नेपाल समाज गठन गरेको छ ।</p><p> भेलाले सर्वसम्मत रुपमा तदर्थ समितिको अध्यक्षमा दुईपिपल देउरालीका नारायणप्रसाद नेपाल चयन गरेको छ । <br>भेलाले उपाध्यक्षमा रातमाटेका दामोदर नेपाल, सचिवमा जिलिङ्गका नारायण नेपाल र कोषाध्यक्षमा प्रकाश नेपाललाई चयन गरेको छ । </p><p><br>पहिलो पटक भएको भेलाले तदर्थ समिति गठन सहित बंशावली खोज अनुसन्धानको लागी मुकुन्द नेपालको संयोजकत्वमा एक समिति, दामोदर नेपालको संयोजकत्वमा आर्थिक व्यवस्थापन समिति र लुमडी नेपालको संयोजकत्वमा प्राविधिक समिति पनि गठन गरेको छ । <br>समाजको अर्को बैठक आसन्न पुस २९ गते बस्ने भएको छ । समाजको गठन सगै अब उपसमितिलाई दिएको जिम्मेवारी अनुसार बंशावली खोजी, झिल्टुङ्गको पहिचानलाई बृद्धि, भवन निर्माणमा केन्द्रित हुने अध्यक्ष नारायणप्रसाद नेपालले टपनेपालन्यूजलाई जानकारी दिनुभयो । <br><br></p>