<p>विदुर । बागमती प्रदेश सरकारले द्वन्द्वपीडितलाई पाँच करोड रुपैयाँ सहायता रकम वितरण गर्ने भएको छ ।&nbsp;<br></p><p>द्वन्द्व प्रभावित व्यक्ति तथा परिवारलाई स्वास्थ्य उपचार, सीप विकास र स्वरोजगारमूलक व्यवसायका लागि प्रदेशले सहायता रकम प्रदान गर्न प्रदेश सरकारले चालु आर्थिक वर्षमा ५ करोड रुपैयाँ विनियोजन गरेको हो । प्रदेशको आन्तरिक मामिला तथा कानुन मन्त्रालयले द्वन्द्व प्रभावितलाई सहायता रकम माग गर्न निवेदन पेस गर्न आह्वान समेत गरिसकेको छ । फागुन मसान्तसम्मको समयसीमा निर्धारण गरी सम्बन्धित स्थानीय तहमार्फत सहायता रकमका लागि निवेदन दिन सूचना प्रकाशित गरिएको मन्त्रालयको सूचना बिभागले जानकारी दिएको छ ।&nbsp;</p><p>सूचना बिभागका अनुसार गणतन्त्र प्राप्तिका लागि भएका अन्दोलनमा बेपत्ता भएका, घाइते तथा अपांग भएका, द्वन्द्वबाट प्रभावित परिवारलाई स्वास्थ्य, सीप विकास एवम् व्यवसायमा सहयोग गर्न सहायता रकम प्रदान गरिने जनाइएको छ ।</p><p>सम्बन्धित जिल्ला प्रशासन कार्यालयमार्फत द्वन्द्व प्रभावित परिचयपत्र पाएकाहरूले कार्य्विधिमा तोकिए बमोजिम कागजात सहित तीन शीर्षकमा सहायता रकम माग गर्न सक्ने कानुनी प्राबधान रहेको छ ।&nbsp;</p><p>&nbsp;</p><div><br></div>

<p>विदुर । बागमती प्रदेश सरकारले हतारमा कानुन निर्माण गरेका कारण कार्यान्वयनमा नआउँदै संशोधनको झन्झट हुने गरेको छ । प्रदेश सरकार गठन भएको करिब दुई वर्षको अवधिमा निर्माण भएका ४५ वटा कानुनमध्ये आधा दर्जनभन्दा बढी कानुन संशोधन भइसकेका छन् ।<br></p><p>बागमती सरकारले चालु आर्थिक वर्षबाट नै लागू गर्ने गरी बनाएको प्रदेश सवारी तथा यातायात व्यवस्था ऐन लागू नै नभई संशोधन गरिएको छ । संघीय कानुनसँग धेरै बुँदाहरू बाझिएपछि प्रदेशले कानुन संशोधन गरी कार्यान्वयनमा ल्याएको छ ।&nbsp;</p><p>संशोधित ऐनमा पनि धेरै अव्यावहारिक व्यवस्था राखिएको भन्दै सरकारले नै गठन गरेको सुझाव समितिले दोस्रोपटक संशोधन गर्नुपर्ने सुझाव दिएको छ । करको विषयमा संघीय कानुनविपरीत प्रदेश सरकारले कानुन बनाएपछि चालु आर्थिक वर्षको करिब डेढ महिना प्रदेशको यातायात कर प्रभावित भएको थियो ।&nbsp;</p><p>बागमती सरकारले बनाएको स्थानीय तहको पदाधिकारीहरूलाई दिइने सुविधासम्बन्धी ऐन कार्यान्वयनमा सर्वोच्च अदालतले रोक लगाएको छ । प्रदेश सरकारले आफूले बनाउने कानुन पर्याप्त अध्ययन र सरोकारवाला पक्षसँग छलफल नै नगरी बनाउन थालेपछि अहिले कार्यान्वयनमा जटिलता देखिन थालेको छ ।&nbsp;</p>

<p>विदुर । सर्वोच्च अदालतले पृथ्वीनारायण शाहको जन्मजयन्ती एवं राष्ट्रिय एकता दिवस पुस २७ गते सार्वजनिक बिदा नदिनुको कारण सरकारसँग सोधेको छ ।&nbsp;</p><p>न्यायाधीश कुमार रेग्मीको एकल इजलासले सोमबार रिटमाथि पहिलो सुनुवाइ गर्दै कारण देखाऊ आदेश जारी गर्दै अग्राधिकारसमेत दिएको हो । वरिष्ठ अधिवक्ता सुरेन्द्र भण्डारीले राष्ट्रिय एकता दिवस एवं पृथ्वी जयन्तीका अवसरमा बिदा माग गर्दै सर्वोच्चमा रिट निवेदन दर्ता गराउनुभएको थियो । आधुनिक नेपाल निर्माणको मुख्य अभियानकर्ता पृथ्वी नारायणको स्मृतिमा पहिले सार्वजनिक बिदा दिने गरिए पनि पछि हटाइएको भन्दै प्रधानमन्त्री तथा मन्त्रिपरिषद्को कार्यालयलाई विपक्षी बनाई निवेदन दर्ता गरेका थिए ।&nbsp;</p><p>सरकारका तर्फबाट राष्ट्रिय एकता दिवस पुस २७ मा विदा दिई हर्ष उल्लाषका साथ मनाउन, गोरखा दरबारको संरक्षण गरी पृथ्वीनारायणको सिंगो जीवनी झल्किने संग्राहलय राख्न रिट निवेदकको माग गरीएको छ । त्यसैगरी दिव्य उपदेशलाई अध्यापन गराउन लगायतका माग निवेदनमा गरिएको छ ।</p><div><br></div>

<p>विदुर । सर्वोच्च अदालतले पृथ्वीनारायण शाहको जन्मजयन्ती एवं राष्ट्रिय एकता दिवस पुस २७ गते सार्वजनिक बिदा नदिनुको कारण सरकारसँग सोधेको छ ।&nbsp;</p><p>न्यायाधीश कुमार रेग्मीको एकल इजलासले सोमबार रिटमाथि पहिलो सुनुवाइ गर्दै कारण देखाऊ आदेश जारी गर्दै अग्राधिकारसमेत दिएको हो । वरिष्ठ अधिवक्ता सुरेन्द्र भण्डारीले राष्ट्रिय एकता दिवस एवं पृथ्वी जयन्तीका अवसरमा बिदा माग गर्दै सर्वोच्चमा रिट निवेदन दर्ता गराउनुभएको थियो । आधुनिक नेपाल निर्माणको मुख्य अभियानकर्ता पृथ्वी नारायणको स्मृतिमा पहिले सार्वजनिक बिदा दिने गरिए पनि पछि हटाइएको भन्दै प्रधानमन्त्री तथा मन्त्रिपरिषद्को कार्यालयलाई विपक्षी बनाई निवेदन दर्ता गरेका थिए ।&nbsp;</p><p>सरकारका तर्फबाट राष्ट्रिय एकता दिवस पुस २७ मा विदा दिई हर्ष उल्लाषका साथ मनाउन, गोरखा दरबारको संरक्षण गरी पृथ्वीनारायणको सिंगो जीवनी झल्किने संग्राहलय राख्न रिट निवेदकको माग गरीएको छ । त्यसैगरी दिव्य उपदेशलाई अध्यापन गराउन लगायतका माग निवेदनमा गरिएको छ ।</p><div><br></div>

<p>रोश्नी ज्योती<br></p><p>विदुर । नुवाकोटको घ्याङफेदीबाट सम्पर्क बिहिन भएका दुई युवाको अवस्था अझै अन्योल भएको छ ।&nbsp;</p><p>सिन्धुपाल्चोक हेलम्बुका १७ वर्षका वाङ्गेल तामाङ र काठमाडौ जोरपाटीका २० वर्षका जापान तामाङ नुवाकोटको दुप्चेश्वर गाउँपालिका वडा नं १ घ्याङफेदीको फेदीबाट शुक्रबारदेखि हराएकाले खोजी भइरहेपनि अबस्था थाहाँ पाउन नसकेको प्रहरीले जनाएको छ ।</p><p>प्रहरी चौकी समुन्द्रटारका प्रहरी सहायक निरीक्षक गेलालाल यादवको शुक्रबार दिउसोँ फेदीबाट तालुकेसरी जान लागेका उनीहरु निरन्तरको वर्षाको कारण पुनः घ्याङफेदीको वस्तीतर्फ फर्कने क्रममा बीच बाटोबाटै हराएको भनेर परिवारले दिएको जानकारीको आधारमा सोमबारपनि खोजी गरेपनि अबस्था थाहा पाउन नसकिएको हो ।</p><p>उनीहरुले आफूहरु जंगल क्षेत्रमा फसेकाले उद्धार गरिदिन गरेको आग्रह अनुसार प्रशासन र प्रहरीलाई जानकारी गराएका आफन्तहरुले सोमबारपनि दिनभर हेलिकोप्टर मार्फत खोजी जारी राखेका थिए । हराएका व्यक्तिको खोजीको लागी, स्थानीयबासी, प्रहरीको सहयोगमा हेलिकोप्टर मार्फत खोजी गरेपनि उनीहरु हराएको स्थानमा पुग्न नसकेको हेलम्बु गाउँपालिकाका अध्यक्ष निमा ग्याल्जेन लामाले बताउनुभयो । उहाँहरु सोमबार बिहानै देखि खोजीमा लागेर साँझ मात्र फर्कनुभएको थियो ।&nbsp;</p><p>&nbsp;दुई युवा हराएको भनिएको स्थानमा क्षेत्रमा घाम लागेर हेलिकोप्टर मार्फत खोज्न सहज भएपनि पाँच फिटसम्म हिउँ जमेको र बाटो पत्ता लगाउन नसकेकाले खोजिगर्न कठिनाई देखिएको स्थानीयबासीले बताएका छन् ।&nbsp;</p><div><br></div>

<p><b>विदुर । सञ्चार तथा सूचना प्रविधि मन्त्री गोकुल बास्कोटाले प्रकाशित तथा प्रसारित गलत समाचारका सम्बन्धमा अदालतले तोकेको क्षतिपूर्ति संचारगृहबाट भराउनुपर्ने बताउनुभएको छ ।<br></b></p><p><b>राष्ट्रियसभा अन्तर्गतको विधायन व्यवस्थापन समितिमा मिडिया काउन्सिल विधेयकमाथिको छलफलमा बास्कोटाले विधेयकमा गलत मनासाय राखेर समाचार सम्प्रेषण गरेको ठहर भएमा पत्रकारलाई १० लाख रुपैयाँ जरिवाना गराउने प्रावधानको सट्टा जरिवाना कति गराउने भन्ने अंक उल्लेख नगर्ने तर अदालतले तोकेको जरिवाना सञ्चारगृहबाट भराउनुपर्ने प्रस्ताव गर्नुभएको हो । २५ देखि ५० हजार मासिक तलब पाउने पत्रकारले लाखौं क्षतिपूर्ति दिन नसक्ने भन्दै बास्कोटाले समाचार संस्था वा सञ्चारगृहले नै तिर्नु पर्ने प्रावधान राख्न आबश्यक रहेको बताउनुभएको हो ।&nbsp;</b></p><p><b>बास्कोटाले मुद्धाहरुको छानबिन र जरिवाना तोक्ने अधिकार अदालतलाई दिनु पर्ने भन्दै आचारसंहिता उलंघनका घटनाहरु, पीडक र पीडितबीच मध्यस्तताका काम मात्रै काउन्सिलले गर्न पाउने गरी व्यवस्था गर्नुपर्ने समेत बताउनुभयो ।</b></p><p><b>अदालतले दोषी प्रमाणका आधारमा प्रमाणि भए, जतिपनि सजाय तोक्न सक्ने बताउँदै बास्कोटाले मिडियाले कसैप्रति अन्याय नै नगर्ने भनी दाबी गर्न नसकिने बताउनुभयो ।&nbsp;</b></p><p><b>यसैबीच, नेपाल मिडिया काउन्सिल विधेयकमा प्रस्ताव गरिएको दण्ड जरिवानासम्बन्धी प्रावधान हटाउने विषयमा सहमति भएको छ । विधेयकमाथि राष्ट्रियसभा, विधायन व्यवस्थापन समितिमा भइरहेको दफावार छलफलका क्रममा समितिमा प्रतिनिधित्व गर्ने सांसदबीच सहमति भएको हो ।</b></p><p><b>मिडिया काउन्सिल विधेयकका सम्बन्धमा समितिका सभापति परशुराम मेघी गुरुङले&nbsp; काउन्सिल नियमनकारी संस्था भएकाले दण्ड जरिवाना होइन, आचारसंहिता उलंघन भए नभएको नियमन गर्ने जिम्मेवारीमा हुने भएकाले विधेयकमा प्रस्ताव गरिएको दण्ड जरिवानासम्बन्धी प्रावधान हटाइएको स्पष्ट पार्नुभयो ।&nbsp;</b></p><div><br></div>

<p>विदुर । बागमती प्रदेश लोकसेवा आयोगको सदस्यमा सिफारिस भएका दुई जनाले सपथग्रहण गरेका छन् । प्रदेश लोक सेवा आयोगमा सिफारिस भएका सदस्य सुर्दशन ढकाल र शर्मिला न्यौपानेले सोमबार प्रदेश प्रमुखको कार्यलयमा सपथग्रहण गर्नुभएको हो ।&nbsp;<br>बागमती प्रदेश प्रमुख बिष्णुप्रसाद प्रसाईं, मुख्यमन्त्री डोरमणि पौडेल तथा सभामुख सानुकुमार श्रेष्ठको उपस्थितिमा सदस्यहरुलाई बागमती प्रदेश लोकसेवा आयोगका अध्यक्ष सुरेन्द्रमान श्रेष्ठले पद तथा गोपनियताको सपथ गराउनुभएको हो । सपथग्रहणसँगै बागमती प्रदेश लोकसेवा आयोगले पूर्णता पाएको छ ।<br>प्रदेशसभाबाट गएको भदौ १४ गते लोकसेवा आयोग गठनसम्बन्धी विधेयक पारित भएको थियो । बागमती प्रदेशका मुख्यमन्त्री डोरमणि पौडेल संयोजक रहेको सिफारिस समितिले गएको कात्तिक २९ गते अध्यक्षमा सुरेशमान श्रेष्ठलाई सिफारिस गरेको थियो । प्रदेश लोकसेवा आयोगका पदाधिकारीको सेवा अवधि ६ वर्षको लागी तोकिएको छ ।<br>प्रदेस अन्तरगतका कार्यालयको लागी आवश्यक पर्ने कर्मचारी भर्ना, पदस्थापना, सरुवा, बढुवा, सम्मान तथा पुरस्कार, कारबाही लगायतका आवश्यक परिचालन प्रदेश लोकसेवा आयोग मार्फत गर्ने जिम्मेवारी तोकिएको छ ।<br></p>

<p style="text-align: justify; "><b>रामहरि न्यौपाने,<br></b></p><p style="text-align: justify; "><b>विदुर । गोसाइँकुण्ड पदयात्रामा निस्केका दुई युवा नुवाकोटको घ्याङफेदीबाट सम्पर्क बिहिन भएका छन् ।</b></p><p style="text-align: justify; "><b>सिन्धुपाल्चोक हेलम्बुका २२ वर्षका वाङ्गेल तामाङ र काठमाडौ जोरपाटीका २० वर्षका जापान तामाङ नुवाकोटको दुप्चेश्वर गाउँपालिका–१ घ्याङफेदीको फेदी भन्ने स्थानबाट हराइरहेको जानकारी शुक्रबार पाएको जिल्ला प्रहरी कार्यालयका प्रमुख (प्रहरी उपरीक्षक) अविनारायण काफ्लेले जानकारी दिनुभयो ।</b></p><p style="text-align: justify; "><b>उहाँको अनुसार सिन्धुपाल्चोकहुदैँ नुवाकोटको घ्याङफेदी आइपुगेका ती युवा फेदीबाट तालुकसेरी जान लागेको र हिमपातले पुराएको अबरोधका कारण बस्तीतर्फ फर्कनेक्रममा जंगल क्षेत्रबाट सम्पर्क बिहिन भएका हुन् । फर्कने क्रममा उनीहरुले आफन्तलाई शुक्रबार राती करीब १० बजे फोन मार्फत जतिसक्दो चाडो उद्धार गरिदिन आग्रह गरेपनि प्रतिकुल मौसमका कारण शनिबार मात्र उद्धार समूह त्यसतर्फ प्रस्थान गरेको थियो । उनीहरु हराएको भनिएको स्थानमा खोजी गरेपनि अबस्था थाहा पाउन नसकिएको प्रमुख जिल्ला अधिकारी द्रोण पोखरेल जानकारी दिनुभयो ।&nbsp;</b></p><p style="text-align: justify; "><b>शुक्रबारदेखि नै उनीहरुको खोजीको लागी प्रहरी चौकी समुन्द्रटारले स्थानीयबासीको सहयोगमा स्थलगत र शनिबारदेखि काठमाडौबाट आएको हेलिकोप्टर मार्फत समेत खोजी गरेपनि भेट्टाउन सकिएको छैन् ।</b></p><p style="text-align: justify; "><b>जापान तामाङले दिदी सुस्मितालाई शुक्रबार राती फोन गरेर आफूहरु जंगल क्षेत्रको खोँचमा फसेको र अत्याधिक हिमपातका कारण चिसो भएर कठ्याङ्ग्रिएको भनेपछि उनीहरुको परिवारबाट पाएको सूचनाले नुवाकोट र रसुवा दुवै जिल्लाबाट खोजी तिव्र बनाइए छ ।</b></p><p style="text-align: justify; "><b>“परिवारलाई दिएको सूचना एवम् उनीहरुले बोकेको मोबाइल ‘लोकेशन’ पछ्याएर हराइरहेका युवाको खोजीमा हेलिकोप्टर र स्थलगत रुपमा उद्धार टोली परिचालन गरेपनि प्रतिकुल मौसमका कारण स्थान थाहा पाउन कठिन भएको छ ।” नुवाकोटका प्रजिअ पोखरेलले भन्नुभयो ।&nbsp;</b></p><p style="text-align: justify; "><b>लाङटाङ–गोसाइँकुण्ड–हेलम्बु होटल व्यवसायी सरोकार समितिका उपाध्यक्ष पेम्बा लामाका अनुसार उनीहरु हराएको भनिएको स्थानमा अबिरल वर्षा सहित हिमपात चलिरहेको छ ।</b></p><p style="text-align: justify; "><b>लाङटाङ राष्ट्रिय निकुञ्ज क्षेत्र अन्तरगत पर्ने चार हजार मि. उचारईको जंगलमा बाक्लो हुस्सु समेत लागेको कारण उद्धारको लागी उनीहरु आउजाउ गरेको स्थानमा खोजी गरेपनि अबस्था थाहा पाउन नसकिएको हो । –––</b></p><div style="text-align: justify; "><br></div>