<p style="text-align: justify; "><b>काठमाडौ । नेपाली सेनाले पूर्वाधार निर्माणमा प्रयोग हुने विस्फोटक पदार्थ (ईमल्सन) को गुणस्तर र नियमित आपूर्तिमा कुनै आशङ्का नगर्न पूर्वाधार आयोजना निर्माणकर्तालाई आग्रह गरेको छ । सेनाको सुनाचुरी ईमल्सन प्लान्टबाट उत्पादित विस्फोटक पदार्थको गुणस्तर र नियमित आपूर्तिमा शङ्का नगरी ढुक्क भएर प्रयोग गर्न आयोजना निर्माणकर्तालाई सैनिक सामग्री उत्पादन निर्देशनालयका निर्देशक सहायकरथी हेगेन्द्रलाल महर्जनले विश्वास दिलाए ।<br></b></p><p style="text-align: justify; "><b>आयोजना निर्माणकर्तालाई मकवानपुरको मनहरी गाउँपालिका–६ स्थित सुनाचुरी ईमल्सन प्लान्टको निरीक्षण र त्यसबाट उत्पादित विष्फोटक पदार्थको काठमाडौँ–तराई मधेश द्रूतमार्गमा आज गुणस्तर परीक्षण पुष्टि गराउँदै सेनाले नियमित आपूर्ति र सुपथ मूल्यमा उपलब्ध हुनेमा पनि निश्चिन्त रहन सुझाव दिएको छ । उक्त प्लान्टमा यसै आर्थिक वर्षमा जडित नयाँ ईमल्सन प्लान्टको वार्षिक उत्पादन क्षमता दुई हजार ४०० भए पनि आवश्यकताअनुसार दोब्बरसम्म उत्पादन बढाउन सकिने जनाउँदै सेनाले आपूर्तिमा पनि कुनै समस्या आउन नदिने प्रतिबद्धता जाहेर गरेको छ ।&nbsp;<br></b></p><p style="text-align: justify; "><b>उक्त ईमल्सन प्लाण्टका लागि चाहिने कच्चा पदार्थ दुवै छिमेकी मुलुकबाट आयात गर्दै आएको छ । उक्त प्लान्टबाट उत्पादित विष्फोटक पदार्थ प्रतिकिलो १९८ मूल्य हाल कामय गरिएकोमा त्यसलाई कसरी मूल्य घटाउन सकिन्छ भन्ने बारेमा सैनिक मुख्यालयले गृहकार्य गरिरहेको छ । सेनाले विष्फोटक पदार्थको मूल्यमा सन्तुलन ल्याउन र नियमित आपूर्तिका लागि उत्पादनकर्ता कम्पनीसँगै सम्झौता गर्ने तयारी गरेको छ ।&nbsp;<br></b></p><p style="text-align: justify; "><b>गत भदौको अन्तिम साताबाट सञ्चालनमा आएको उक्त नयाँ प्लान्टबाट हालसम्म १९४ मेट्रिक टन विष्फोटक पदार्थ उत्पादन भइसकेको छ । उत्पादित सामग्रीमध्ये हाल ४२ मेट्रिक टन मौज्दात रहेको सो अवसरमा जानकारी दिइयो । नयाँ प्लान्टबाट उत्पादित विष्फोटक पदार्थ एक वर्षसम्म प्रयोग गर्न सकिने छ । कारखानामा हाल एक हजार २०० मेट्रिक टन कच्चा पदार्थ मौज्दात छ । पछिल्लो समय माग धेरै बढेकाले उत्पादन स्टक धेरै राख्नु नपरेको जानकारी दिइयो ।<br></b></p><p style="text-align: justify; "><b>&nbsp;विकास आयोजनालाई विस्फोटक पदार्थ ढुवानी सहज होस् भन्ने हेतुले सेनाले क्षेत्रगतरूपमा मुलुकका तीन स्थानमा २०० मेट्रिक टन क्षमताको डिपोमा भण्डारणको व्यवस्था गर्न लागिएको बताएको छ । पूर्वाधार निर्माण आयोजनाबाट आउन सक्ने मागलाई ध्यानमा राखेर सेनाले&nbsp; ७०० मेट्रिक टन विष्फोटक कच्चा पदार्थका लागि एलसी खोलिसकेको छ ।&nbsp;<br></b></p><p style="text-align: justify; "><b>म्याग्दीस्थित ३८ मेघावाट क्षमताको निलगिरि एक विद्युत् आयोजनाका निर्माणकर्ता बलराम खतिवडाले यस वर्षदेखि ठूला जलविद्युत् परियोजना शुरु हुने भएकाले विष्फोटक पदार्थको मागलाई सम्बोधन गर्न सेनाका लागि चुनौती हुनसक्ने प्रतिक्रिया दिए । उनले भने, “नेपाली सेनाले उपलब्ध गराउने भनेको विष्फोटक पदार्थ गुणस्तरीय, सहुलियत मूल्य र आपूर्तिमा निरन्तता हुन्छ कि हुन्न भन्ने प्रश्न हो, त्यो भएको खण्डमा हामीलाई लिन करै लाग्ने छ ।”<br></b></p><p style="text-align: justify; "><b>आयोजना लगानीकर्ताले हाल भारतबाट विष्फोटक पदार्थ खरिद गर्दा भन्सार मूल्य जोडेर प्रतिकिलो १३२ रुपैयाँमा भन्सार विन्दुमा प्राप्त गरिरहेको हुँदा तुलनात्मक रूपमा सेनाको उत्पादन महँगो भएको प्रतिक्रिया दिएका छन् । सेनाले भने विष्फोटक पदार्थ व्यापार गर्ने र नाफा कमाउने उद्देश्यले नभई विकास आयोजना सञ्चालनकर्तालाई सहयोग पु-याउने हेतुले प्लान्ट सञ्चालन गरेको हुँदा गुणस्तर कायम, आपूर्ति सुनिश्चित र मूूल्यमा सन्तुलन कायम गर्नेमा विशेष ध्यान पु-याउने अठोट व्यक्त गरेको छ ।<br></b></p><p style="text-align: justify; "><b>यसअघि सोही स्थानमा सञ्चालनमा रहेको पुरानो प्लान्टबाट वार्षिकरूपमा २०० मेट्रिक टन विष्फोटन पदार्थ उत्पादन हुँदै आएको छ । त्यसबाट उत्पादित सामग्रीको म्याद छ महिना रहेको थियो । सेनाले भनेको छ, “नयाँ प्लान्टको उत्पादन गुणस्तर अन्तर्राष्ट्रियस्तको छ, मागअनुसार उपलब्ध गराउने क्षमता वृद्धि गर्नेछौँ, आवश्यक परेमा मेसिन थप्नेछाँ ।”</b><br></p>

<p style="text-align: justify; "><b>रामहरि न्यौपाने,&nbsp;</b><br></p><p style="text-align: justify; ">विदुर । साढे चार वर्षअघि गएको विनासकारी भूकम्पको कारण घरमा आशिंक क्षति ब्यहोरेका लाभग्राहीलाई घरको प्रवलिकरण गर्न राष्ट्रिय पुनर्निर्माण प्राधिकरण मार्फत रु एक लाख अनुदान उपलब्ध गराउदै आएपनि नुवाकोटका पीडितले लिन बेवास्था गरेका छन् ।<br></p><p style="text-align: justify; ">जिल्ला आयोजना कार्यान्वयन एकाई अन्तरगत रहेको अनुदान व्यस्थापन तथा स्थानीय पूर्वाधार कार्यालयको अनुसार नुवाकोटमा एक हजार ५७४ प्रवलीकरण लाभग्राही रहेकामा २२ प्रतिशतले अनुदान सम्झौता गरेको र त्यसमध्ये पहिलो किस्ता बापत अनुदान रकम लिने २० प्रतिशत मात्र छ ।</p><p style="text-align: justify; ">आयोजनाका प्रमुख शम्भुकुमार शाहको अनुसार नुवाकोटका लाभग्राही मध्ये ३६० घरधुरीले क्षति पुगेको घरको प्रवलीकरण गर्नको लागी अनुदान सम्झौता गरेका छन् ।</p><p style="text-align: justify; ">साढेचार वर्षअघि विसं २०७२ बैशाख १२ मा गएको विनासकारी भूकम्पको कारण घरमा आंशिक क्षति पुगेका धनीलाई पुर्ननिर्माण प्राधिकरणले लाभग्राही सूचीमा सूचिकृत भएकालाई क्षतिग्रस्त घर मर्मतको लागी दुई चरणमा रु एक लाख दिने कार्यबिधि भएपनि लाभग्राहीले यसतर्फ वेवास्था जनाएको उहाँले बताउनुभयो ।</p><p style="text-align: justify; ">सम्झौता गरेका सबैले स्वतः पहिलो किस्ता बापत रु ५० हजार पाउने भएपनि ३२६ परिवारले मात्र रकम लिएको सरकारी तथ्याङ्क छ । आयोजना प्रमुख शाहको अनुसार पहिलो किस्ता रकम लिएकाले पनि घरको प्रवलीकरण गरेर दोश्रो किस्ता बापत थप रु ५० हजार लिन एक जनाले पनि निवेदन दिएका छैनन् ।&nbsp;</p><p style="text-align: justify; ">प्रवलीकरणमा समावेश भएका अधिकाशं लाभग्राहीले असन्तुष्ट जनाएर आंशिकबाट पूर्ण लाभग्राहीमा सूचिकृत गर्न गुनासो फाराम दर्ता गराएको तथा सरकारले तोके अनुसार प्रवलीकरण गर्न नचाहेर अनुदान रकम लिन चासो नदिएको हुनसक्ने उहाँको भनाई छ ।&nbsp;</p><p style="text-align: justify; ">नुवाकोटमा भूकम्पको कारण क्षति पुगेका ७७ हजार १४८ घरको प्राविधिक मार्फत सर्वेक्षण गरिएकोमा कुल लाभग्राही ७५ हजार ८२५ रहेको कार्यालयले जनाएको छ । घरको पूर्णक्षति भएकालाई सरकारले नयाँ निजी निवास निर्माण गर्नेलाई रु तीन लाख उपलब्ध गराउदै आएको छ । प्रवलीकरणतर्फ भूकम्प प्रभावितले चासो नदिएपनि नयाँ घर बनाउनेको सङ्ख्या भने सन्तोषजनक रहेको कार्यालयका सूचना प्रविधि विज्ञ बिनोद अधिकारीले जानकारी दिनुभयो । उहाँको अनुसार भूकम्पको कारण घरको पूर्ण क्षति भएका लाभग्राही मध्ये ७२ हजार ७९८ (९६ प्रतिशत) ले नयाँ घर बनाउन प्राधिकरणसंग सम्झौता गरेका छन् ।&nbsp;</p><p style="text-align: justify; ">सम्झौता गरेका मध्ये पहिलो किस्ता बापत लिएर नयाँ घर बनाउने प्रतिबद्धता जनाएकामा ६९ हजार ४२ (९१.९४ प्रतिशत) घरधुरीले तोकिए अनुसार घरको संरचना जगतहसम्मको सतह निर्माण गरेर दोश्रो किस्ता बुझिसकेका छन् ।&nbsp;</p><p style="text-align: justify; ">घर निर्माण सम्पन्न गरेर ५८ हजार ८९४ (७७.७६ प्रतिशत)ले तेश्रो किस्ता बापतको अनुदान रकम प्राप्त गरिसकेको कार्यालयले जनाएको छ ।</p><p style="text-align: justify; ">सरकारले भूकम्पको कारण घरको पूर्ण क्षति भएका लाभग्राहीलाई तोकिएको मापदण्ड अनुसार नयाँ घर निर्माण गरेपश्चात राष्ट्रिय पुर्ननिर्माण प्राधिकरण मार्फत तीन चरणमा क्रमशः रु ५० हजार, रु एक लाख ५० हजार र रु एक लाख गरेर रु तीनलाख अनुदान उपलब्ध गराउदै आएको छ । नुवाकोटमा भूकम्पले क्षति पुगेका मध्ये करीब ९५ प्रतिशतले भूकम्प प्रतिरोधी नयाँ घर निर्माणमा समावेश भइसकेको सरकारी तथ्याङ्क छ । –––</p><div style="text-align: justify; "><br></div>

<p><div style="text-align: justify;"><strong>विदुर । पश्चिमी बायुको प्रभावले बिहीबारदेखि सुरु भएको माघेझरी उघ्रिएको छ । हिजो बिहानैदेखि बादलले आकाश ढाकेपनि वर्षा रोकिएको थियो भने दिउसोँ केही समय घाम लागेकाले लगातारको झरीका कारण कष्टकरण भएको जनजीवन सामान्य भएको छ । पानीको कारण दुईदिनसम्म प्रभावित भएको जनजीवन मौसम अनुकुल भएसगैँ हिजोदेखि नै चलपहल बाक्लो भएको हो ।</strong></div><strong><div style="text-align: justify;"><strong>हिजो अपरान्हदेखि आकाश खुला भएको मौसम पुर्वअनुमान महाशाखाले जनाएको छ । बिहीबार र शुक्रबार वर्षा र हिमपात गराएको पश्चिमी वायु कमजोर हुँदै गएकाले हिजो देखि नै मौसम खुला भएर आज पारिलो घाम लाग्ने मौसमविद् विभूति पोख्रेलले जानकारी दिनुभएको छ ।&nbsp;</strong></div><div style="text-align: justify;"><strong>मौसम खुला भएसगै दुई दिनदेखि रोकिएको दैनिक कामकाजको लागी हिजोदेखि नै सहज भएको छ । बजार क्षेत्रमा किनमेल गर्ने तथा आउजाउ गर्नेको सङ्ख्या बाक्लो देखिएको थियो भने गाउँघरमा खेतीपाती, घाँसदाउरा सहित दैनिक कामकाजमा किसानहरु व्यस्त देखिएका थिए ।&nbsp;</strong></div><div style="text-align: justify;"><strong>बिहीबार अपरान्हदेखि सुरु भएको बर्षा सहित माथिल्लो क्षेत्रको हिमपातले नुवाकोट, रसुवा, धादिङ, गोरखा सहित मुलुकभरका जनजीवन प्रभावित भएको थियो ।</strong></div><div style="text-align: justify;"><strong>लगातार दुई दिनको झरीले बालबलिका तथा बृद्धबृद्धालाई निकै कठिनाई भएकोमा लाग्न सुरु भएको घामको तापले हिजोदेखि नै राहत महशुस भएको छ ।&nbsp;</strong></div></strong></p>

<p style="text-align: justify; "><b>विदुर । राज्यको चौथो अङ्ग तथा समाजको ‘वाचडग’को रुपमा प्रतिष्ठित पेशा मानिँदै आएको पत्रकारिता क्षेत्रलाई नियमन गर्ने नेपाल मिडिया काउन्सिलको नेतृत्व लब्ध प्रतिष्ठित र विशिष्ट वजनदार हुनुपर्छ भन्ने बिषयमा छलफल भएको छ ।<br></b></p><p style="text-align: justify; "><b>राष्ट्रियसभाको ‘विधायन व्यवस्थापन समिति’को बैठकमा सदस्यहरुले राज्यका प्रमुख अङ्गजस्तैे पत्रकारिता क्षेत्रलाई सही मार्गमा हिँडाउन र निर्देशित गर्न मिडिया काउन्सिलमा पदाधिकारी सिफारिस गर्ने समितिको संयोजक सम्मानित व्यक्ति नै रहने कानूनमै व्यवस्था गर्न सुझाव दिएका थिए ।&nbsp;</b></p><p style="text-align: justify; "><b>&nbsp;<span style="white-space:pre"> </span> काउन्सिललाई अलिकति सञ्चार क्षेत्रसँग जोडिएर मुलुकभरबाट प्रतिनिधित्व हुने विषयको सुनिश्चित गर्न प्रत्येक प्रदेशबाट एक जनाको प्रतिनिधित्वको व्यवस्था गर्न सुझाव दिएका छन् । दश वर्षमात्र पत्रकारिताको अनुभव भएको व्यक्ति काउन्सिलको अध्यक्ष बनाउँदा वैधानिकता र व्यवहारिक पक्षबाट उठ्नसक्ने प्रश्न प्रति सजग हुनुपर्ने भन्दै सदस्यहरुले स्नात्तकोत्तर सहित २५ वर्ष पत्रकारिताको अनुभव तथा विशिष्टता हासिल गरेका सर्वोच्च अदालतको न्यायाधीश हुने योग्यता भएकालाई मात्र अध्यक्षमा योग्य हुने प्रावधान राख्न सुझाव दिएका छन् ।</b></p><p style="text-align: justify; "><b>सदस्यहरुले काउन्सिललाई गरिमामय बनाउन सत्तापक्ष र प्रतिपक्षमात्र नभई राष्ट्रियसभा एवं प्रतिनिधिसभा दुवैको सहभागीता हुनु आवश्यक रहेको भन्दै काउन्सिलको पदाधिकारी छनोट समितिमा राष्ट्रयसभाका अध्यक्ष, प्रतिनिधिसभाको सञ्चार क्षेत्र हेर्ने समितिका सभापति सहित एक महिला रहने व्यवस्था मिलाउन&nbsp; ‘विधायन व्यवस्थापन समिति’का पदाधिकारीले सुझाब दिएका हुन् ।</b></p><p style="text-align: justify; "><b>विसं २०४७ अघि प्रेस काउन्सिल नेपालको अध्यक्षमा सर्वोच्च अदालतको बहालवाला न्यायाधीश रहने व्यवस्था रहेकामा त्यसपछि सर्वोच्चको पूर्वन्यायाधीश हुँदै अहिले बाहिरबाट ल्याउने व्यवस्था अघि बढाइएको प्रसङ्गको पनि स्मरण गराइएको थियो । केही दिनदेखि नेपाल मिडिया काउन्सिल विधेयक, २०७५ माथि दफावार छलफल हुँदै आएको छ ।&nbsp;</b></p>

<p><b>विदुर । देशका विभिन्न स्थानमा पानी पर्नुका साथै मध्य र पश्चिमको उच्च हिमाली तथा पहाडी भेगमा हिमपात अहिलेपनि भइरहेको छ । पश्चिमी वायुको प्रभाव नुवाकोट, रसुवा, धादिङ, काठमाडौसहित देशका विभिन्न ठाउँमा बिहीबार बिहानदेखि सुरु भएको माघे झरी शुक्रबारदिनभर कायम रहेको थियो । अहिले पानी रोकिएपनि बादलले ढोकेको धुम्म आकाशको कारण मौसम भने अझै प्रभावित रहेको मौसमविद् प्रतिभा मानन्धरले जानकारी दिनुभएको छ ।<br></b></p><p><b>उहाँको अनुसार पश्चिमबाट नेपाल प्रवेश गरेको बायु प्रणाली मध्य क्षेत्रसम्म फैलिएर बर्षा र हिमपात भइरहेको हो ।</b></p><p><b>बिहीबारदेखि सुरु भएको लगातार झरी शनिबार पनि कायम रहने पूर्वअनुमान गरिएको छ । शनिबार अपरान्हसम्म नै मौसम प्रतिकुल रहने र साँझदेखि मात्र सुधार हुँदैजाने मौसम माहाशाखाको पूर्वअनुमान रहेको छ । बिहीबारदेखि सुरु भएको झरीको कारण रसुवा, नुवाकोट लगायतको पहाडी जिल्लाको उच्च भूभागमा हिमपात भएको छ भने तल्लो क्षेत्रमा बर्षाले जनजीवन प्रभावित बनाएको छ । चिसोको महशुस निकै बढेको छ ।</b></p>

<p><b>विदुर । हिमपातका कारण चीनसँगको एक मात्र व्यापारिक नाका रसुवागढी हुँदै आएको आयात निर्यात रोकिएको छ । बिहीबारदेखि निरन्तर भएको हिमपात भएका कारण यातायात सञ्चालन हुन नसक्दा आयात निर्यात रोकिएको हो । सामाग्री लोड गर्ने ठाउँमा हिउँ परेका कारण बिहीबार बिहानदेखि नेपालबाट केरुङ पुगेका कन्टेनरहरुमा सामान लोड हुन नसकेको केरुङमा रहेका नेपाली व्यवसायी पुरुषोत्तम पौडेलले बताउनुभएको छ ।&nbsp;<br></b></p><p style="text-align: justify; "><b>उहाँको अनुसार बिहीबार मध्यान्हदेखि हिमपात हुन थालेकाले रोकिएको यातायात सेवा सुचारु गर्न सक्ने अबस्था नहुदाँ सामान ल्याउन तथा लैजान ठप्प भएको छ । सडकमा दुई फिट भन्दा बढी हिमपात भईसकेकाले सवारीसाधन चल्न नसके पछि आयात निर्यात रोकिएको जानकारी आएको भन्सार कार्यालयले जनाएको छ ।&nbsp;</b></p><p><b>हिउँमा गाडी चिप्लिने भएका कारण रसुवागढी, ठोङ्सा, पाङसिङ लगायतका स्थानमा चिनियाँ पक्षले सवारी साधनन सञ्चालनमा नै रोक लगाएको जानकारी नेपाली पक्षलाई गराएको छ ।</b></p>