<p><span style="line-height: 1.42857;">विरगञ्ज ।</span><br></p><p>पर्सा जिल्लामा एक वर्षमा २९ वटा मानव अधिकार उलंघनका घटना भएको सार्वजनिक गरिएको छ ।&nbsp;</p><p>अनौपचारिक क्षेत्र सेवा केन्द्र इन्सेकले वीरगञ्जमा आज आयोजना गरेको वाषिर्क पूर्व समीक्षा गोष्ठीमा २९ वटा मानव अधिकार उलंघनका घटना पर्सामा घटेको सार्वजनिक गरिएको हो ।&nbsp;</p><p>मानवअधिकार वर्ष पुस्तक २०१८ को वार्षिक समिक्षा गोष्ठीमा इन्सेकका पर्सा प्रतिनिधि केसी लामिछानेले पर्सा जिल्लामा सन् २०१७ मा विभिन्न प्रकृतिका मानवअधिकार उलंघनका २९ घटना भएको जानकारी दिनुभयो ।&nbsp;</p><p>पर्सामा एक वर्षमा ६ वटा हत्याका घटना भएका छन् जसमा ४ जना महिला छन् । अधिकाशं महिलाहरुको हत्या परिवारका सदस्यहरुबाटै भएको देखिएको छ ।&nbsp;</p><p>त्यसैगरी १६ वर्ष मुनीका ४ जना किशोरी र बालिकालाई बलात्कारको प्रयास भएको छ भने १६ वर्ष भन्दा माथिका ६ जना युवती र महिलालाई बलात्कारको प्रयास भएको छ । जसमध्ये २ वटा घटनाका प्रतिवादीहरु अझै फरार रहेका छन् ।&nbsp;</p><p>त्यस्तै एक वर्षमै १६ वर्ष भन्दा मुनीका ३ जना किशोरी र बालिकाको तथा ५ जना १६ वर्ष भन्दा माथिका युवती तथा महिला बलात्कृत भएका छन् ।</p><p>१६ वर्ष भन्दा मुनिका किशोरी तथा बालिकालाई बलात्कार गर्ने एक प्रतिवादी फरार रहेको इन्सेक प्रतिवेदनमा उल्लेख छ । इन्सेकले सन् २०१७ को हाल सम्म मानव बेचविखनका २, कथित बोक्सी आरोपका २ र बाल विवाहका १ वटा मुद्धा दर्ता भएको जनाएको छ ।&nbsp;</p><p>पर्सामा बोक्सी आरोपमा प्रताडित हुने एक जना महिला अधिकारकै क्षेत्रमा क्रियाशिल महिला समेत &nbsp;रहेको तथ्यांकमा उल्लेख गरिएको छ । पर्सा जिल्लामा कथित बोक्सीको आरोपमा अधिकारकर्मीलाई नै शारीरिक र मानसिक यातना दिने काम भएको समेत जनाइएको छ ।&nbsp;</p><p><br></p>

<p><span style="line-height: 1.42857;">बीरगञ्ज ।</span><br></p><p>बाराको मटिअर्वामा सिकारुले विद्यालय परिसर भित्र चलाएको जिपले ठक्कर दिँदा &nbsp;१ विद्यार्थीको मृत्यु भएको छ भने ४ जना विद्यार्थी घाइते भएका छन् ।</p><p>बाराको मटिअर्वामा रहेको नेपाल राष्ट्रिय उच्च माध्यमिक विद्यालयको परिसर भित्रको चौरमा स्थानिय दिनेश साहले जिप सिक्ने क्रममा चलाएको जिपको ठक्करबाट आज विद्यालयमा पढन आएका १० बर्षिय सुरज साहको घटना स्थलमै मृत्यु भएको प्रहरीले जनाएको छ ।&nbsp;</p><p>व्ज्ण्ढम्घठण्ड नम्बरको भारतिय बोलेरो जिपले ठक्कर दिँदा सो दुर्घटना भएको थियो । साथै जिपको ठक्करबाट विद्यालय परिसर भित्रै १३ बर्षिय प्रदीप साह, १४ वर्षिय अर्जुन साह, ४ वर्षिय संगिता कुमारी र ३ वर्षिय नन्दनी कुमारी साह घाइते भएका छन् ।&nbsp;</p><p>घाइतेहरुको वीरगंज स्थित नारायणी उपक्षेत्रीय अस्पतालमा उपचार भइरहेको छ ।</p><p>ठक्कर दिने जिपका सिकारु चालक दिनेश साह र जिपका मालिक कलैया उपमहानगरपालिका ६ का मोहन गुप्ता लाई प्रहरीले नियन्त्रणमा लिइएको जिल्ला प्रहरी कार्यालय वाराका प्रवक्ता भुनेश्वर साहले बताउनु भयो ।</p>

<p><span style="line-height: 1.42857;">जनकपुरधाम ।</span><br></p><p>सर्वोच्च अदालतका पूर्व न्यायाधिश गिरीशचन्द्रलालको संयोजकत्वमा गठन गरिएको आयोगले सरकार समक्ष बुझाएको तेश्रोको मधेश आन्दोलन प्रतिवेदन सार्वजनिक गर्नका लागि माग गर्दै आज जनकपुरधाममा प्रदर्शन गरिएको छ ।</p><p>नेपाल सरकारले नै गठन गरेको सो प्रतिवेदन तत्काल सार्वजनिक गरेर पिडितलाई न्याय दिनका लागि माग गर्दै मधेश आन्दोलनका पिडितहरुको सञ्जालले जनकपुरधामको रामानन्द चौकवाट जुलुस प्रदर्शन गरेका छन् ।</p><p>मधेश आन्दोलनमा परेर पिडित भएकाहरुको सहभागितामा भएको सो जुलुस अस्पताल रोड, जानकी चौध, सुनचादी बजार भएर जनक चौकमा आएर सम्पन्न भएका थिए । आन्दोलनको क्रममा अहिले पनि विभिन्न मुद्दा खेपीरहेका युवाहरुको पनि सहभागिता रहेको थियो ।</p><p>जनक चौकमा आयोजना गरिएको कोण सभामा बोल्दै मधेश आन्दोलनका पिडित रहेका सरोज मिश्रले सरकारले नै गठन गरेको आयोगले बुझाएको प्रतिवेदन सार्वजनिक गरेर क्षतिपूर्ती, परिपूरण तथा न्याय दिनका माग गरेका थिए ।</p><p>यस अघि पनि शहिद परिवारले पनि विज्ञप्ति जारी गरेर मधेश आन्दोलनको क्रममा भएको घटनाहरुको बारेमा तयार पारिएको प्रतिवेदन सार्वजनिक गर्नका लागि पनि माग गर्नु भयो ।</p>

<p><span style="line-height: 1.42857;">जनकपुरधाम ।</span><br></p><p>धनुषा जिल्लाको हंसपुर नगरपालिकाको पहिलो नगरपरिषद वैठक आज सम्पन्न भएको छ । हंसपुर नगरपालिकाकाले आर्थिक वर्र्ष २०७४–७५ का लागि ३३ करोड १४ लाख २९ हजार ३ सय ६२ रुपैयाको आय व्यय बजेट सार्वजनिक गरेको छ ।</p><p>नगरपालिकाका उपमेयर रेणु झाले सो बजेट प्रस्तुत गर्नु भएको थियो । प्रस्तुत गरिएको बजेटमा पूँजीगत तर्फ २२ करोड ५८ लाख ९२ हजार ३ सय ६२ रुपैया तथा शशर्त अनुदान तर्फ १४ करोड ५५ लाख ३७ हजार रहेको छ ।</p><p>हंसपुर नगरपालिकाले प्रस्तुत गरेको पूजीगत खर्चलाई आर्थिक, सामाजिक, वातावरण, विपत व्यवस्थापन, संस्थागत विकास, सेवा र सशासन तर्फ केन्द्रीत गरेको छ ।</p><p>हंसपुर नगरपालिकाका प्रमुख रामज्ञान मण्डलको अध्यक्षतामा भएको सो कार्यक्रममा जिल्ला समन्वय समितिका अध्यक्ष रामदेव बनरैत यादवको प्रमुख आतिथ्यमा सम्पन्न भएका थिए ।</p><p>कार्यक्रममा जनकपुर उपमहानगरपालिकाका प्रमुख लालकिशोर साह, उपप्रमुख रिता झा, सहितका वक्ताहरुले धनुषा जिल्लामा रहेका १८ वटा स्थानीय तहमध्ये पहिलो परिषद वैठक गरेर हंसपुर नगरपालिकाले राम्रो कामकाज गरेकोमा सराहना गरेका थिए ।</p>