काठमाडौं । माओवादी केन्द्रका अध्यक्ष प्रचण्डले नयाँ सरकार गठनअघि नै एमाले र माओवादी केन्द्रबीच पार्टी एकताको प्रयास भइरहेको बताउनु भएको छ।
शनिबार दिउँसो सिन्धुली जिल्लाका सांसदहरुको सम्मानमा आयोजित कार्यक्रममा बोल्दै अध्यक्ष प्रचण्डले भन्नुभयो, “मैले धेरैपटक भनिसकेको छु, पार्टी एकताबाट पछाडि फर्कने ठाउँ नै छैन। पछाडि फर्कने पुल भत्काइसकेका छौं। हिजो मात्र मेरो र कमरेड केपी ओलीबीच लामो र गम्भीर छलफल भयो। नयाँ सरकार गठन गर्न केही दिन लाग्ने देखिन्छ, त्यसभन्दा अघि नै पार्टी एकता टुङ्गाउने प्रयास गरेका छौं, अब छिटै पार्टी एकता हुन्छ।”
“बाम गठबन्धनलाई जनताले अत्याधिक मतले जिताएका छन्। यो हाम्रा लागि अवसर मात्र होइन, चुनौति पनि हो” प्रचण्डले भन्नुभयो, “जनताले हामीबाट धेरै नै आशा राखेका छन्, अब पनि अस्थिरता, अब पनि भ्रष्टाचार, अब पनि झगडा भयो भने हाम्रो राजनीति गर्ने ठाउँ रहँदैन। यो शान्ति, सुशासन र समृद्धिका लागि जनताले दिएको ठूलो मौका हो, यसलाई हामीले कुनै हालतमा चुक्न दिने छैनौं।”
शनिबार दिउँसो नै एमालेका बरिष्ठ उपाध्यक्ष बामदेव गौतमद्वारा लिखित नेपाल नवनिर्माण महाअभियान नामक पुस्तकको बिमोचन गर्दै अध्यक्ष प्रचण्डले जनताको जनादेश बामपन्थीका लागि अग्निपरीक्षा भएको बताउनु भयो। प्रचण्डले भन्नुभयो, “जनताले हामीलाई विश्वास गरेका छन्। अबको बहस विकासको बहस हो, समृद्धिको बहस हो, विकास र समृद्धिमा गुणात्मक छलाङ् जरुरी छ, त्यसका लागि बामदेवजीको पुस्तकले महत्वपूर्ण प्रेरणा दिनेछ।”
“हामी सफल भए देशको विकासको नयाँ युगतिर जान्छ। ५० वर्षअघि हाम्रै हाराहारीमा रहेका सिङ्गापुर, कोरिया र मलेसिया आज विकासको नयाँ युगमा छन्” प्रचण्डले भन्नुभयो, “हामी पनि विकासको नयाँ युगमा प्रवेश गर्दैछौं। त्यसका लागि शान्ति, सुशासन र समृद्धिको बलियो संकल्प चाहिन्छ। अब हाम्रो सम्पूर्ण ध्यान त्यही दिशातिर केन्द्रित हुनुपर्छ।”

<p><span style="line-height: 1.42857;">धनकुटा ।</span><br></p><p>मंसिर २९ गतेबाट संघर्ष समितिले धनकुटालाई प्रदेश नं.१ को राजधानी बनाउने गरेको आन्दोलनको नेतृत्व अब धनकुटाका राजनैतिक दलहरुले &nbsp;गर्ने भएका छन् ।</p><p><br></p><p>&nbsp;<span style="line-height: 1.42857;">स्थानिय तहको निर्वाचन,प्रदेश र प्रतिनीधि सभाको चुनावमा दलहरुको मुख्य एजेण्डा धनकुटालाई राजधानी बनाउने भएकोले आन्दोलनको नेतृत्व राजनैतिक दलहरुले गर्नुपर्ने माग आएपछि अबको आन्दोलन दलहरुले गर्ने भएका हुन् ।</span></p><p><br></p><p><span style="line-height: 1.42857;">संघर्ष समितिले शनिबार दल तथा सरोकारवालाहरु संगको बैठक तथा परामर्श पछि दलका जिल्ला प्रतिनीधिहरुले आन्दोलनको नेतृत्व लिएका हुन् ।</span></p><p><br></p><p>सर्बपछिय बसेको उक्त बैठकबाट नेकपा एमालेका तर्फबाट सचिव सुरेन्द्र पौडेल,नेपाली कांग्रेसका तर्फबाट जिल्ला सदस्य,बिष्णु पौडेल, नेकपा माओवादी केन्द्र का तर्फबाट सचिवालय सदस्य तिलक प्रसाद राई र संघिय समाजवादी फोरमका तर्फबाट नगर ईन्चार्ज सरोज आठपहरीयाले आन्दोलनको नेतृत्व लिएका छन् ।</p><p><br></p><p><span style="line-height: 1.42857;">सर्वपक्षिय बैठक पछि थप आन्दोलनको कार्यक्रम गर्न सहकार्य गर्नका लागि दलहरुले आपसि परामर्श गर्ने जानकारी दिएका छन् ।</span></p><p><br></p><p>&nbsp;<span style="line-height: 1.42857;">बैठकले दलहरुले भोली आईतबार १२ बजे पछि धनकुटा बजार बन्द गरेर धनकुटा बजारमा जनप्रदर्शन गर्ने तथा दैनिक रुपमा चरणवद्ध आन्दोलन निर्णय गरेको छ ।</span></p><p><br></p><p>&nbsp;<span style="line-height: 1.42857;">कार्यक्रममा यहि पौस १६ गते धनकुटाका जनप्रतिनीधिहरुको नेतृत्वमा काठमाण्डौंको माईतिघर मण्डला र १७ गते सिंहदरबार घेराउ गर्ने कार्यक्रम जानकारी दिईएको छ ।</span></p><p><br></p><p>राजधानी बनाउन धनकुटा उपयुक्त भएपनि यस बिषयमा गलत सूचना गएकोले धनकुटाले आन्दोलनमा उत्रनु परेको संघर्ष समितिले जानकारी दिएको छ ।</p>