काठमाडौं,चैत १७ ।  नेपाली कांग्रेस भक्तपुरका युवा नेता अशोक ढुंगेल नयाँ शक्तिमा प्रवेश गरेका छन् ।
बुधबार एक विज्ञप्ति प्रकाशित गर्दै  नयाँ शक्तिमा लागेको घोषणा गरेका हुन् । ढुंगेलले आफू “समृद्धि र विकास भएकोले त्यो एजेण्डा बोकेर गठन हुन लागेको नयाँ शक्ति नेपालमा आजै देखि समाहित” भएको जानकारी दिएका छन् ।

प्रेस विज्ञप्ति
म लामो समय देखि नेपाली कांग्रेसको विभिन्न तहमा जिम्मेवारी पुरा गर्दै आएको कार्यकर्ता हु“ । तर नेपाली कांग्रेसमा देखिएको पुरातनवादी मानसिकता, अन्तर पार्टी लोकतान्त्रिक अभ्यासको नाममा भित्रिएको कुसंस्कृति र युवाहरुको भुमिकालाई न्यूनीकरण गर्नै प्रवृतिको कारण त्यस पार्टीमा रहेर राजनीति गर्ने अवस्था रहेन । 

लोकतान्त्रिक गणतन्त्र स्थापना भइसकेको र अव देशको मूल एजेण्डा समृद्धि र विकास भएकोले त्यो एजेण्डा बोकेर गठन हुन लागेको नया“ शक्ति नेपालमा आजै देखि समाहित भएको छु । साथै इमान्दार र जागरुक तरुण साथीहरुलाई नयाँ शक्ति निर्माण अभियानमा जुट्न हार्दिक आव्हान समेत गर्दछु ।
 

काठमाडौं,चैत २३ ।  नेपालको संविधानविरुद्ध आपत्तिजनक वक्तव्य निकाल्ने छिमेकी राष्ट्र भारत र युरोपियन युनियनको कदममा मौन बसेको भन्दै कांग्रेसका चार नेताले गंभिर आपत्ति जनाएका छन् । उनीहरुले ईयु-भारतको कदमविरुद्ध उभिन सभापति शेरबहादुर देउवालाई औपचारिक पत्रसमेत गरेका आजको राजधानी दैनिकमा समाचार छ ।

संसदीय दलको विधान अनुमोदन गर्न सोमबार बसेको केन्द्रीय कार्यसमिति बैठकअघि कांग्रेसका चार केन्द्रीय सदस्यले नेपालको सार्वभौमिकतामाथि ठाडै हस्तक्षेप गर्दासमेत नेतृत्व नबोेलेको भन्दै औपचारिक प्रस्ताव दर्ता गराएका हुन् । सभापति शेरबहादुर देउवालगायतका पदाधिकारी विज्ञप्तिको विपक्षमा उभिन नयार नभएपछि केन्द्रीय सदस्यहरुले केन्द्रीय समिति बैठकमै लिखित प्रस्ताव दर्ता गरी दबाब दिएको एक नेताले बताए ।

यसरी प्रस्ताव दर्ता गराउनेमा केन्द्रीय सदस्यहरु धनराज गुरुङ, बद्री पाण्डे, जीवन परियार र गुरुराज घिमिरे छन् । प्रतावमा भारत र ईयुले नेपालको संविधानप्रति असन्तुष्टि जनाउँर्दै निकालेको संयुक्त विज्ञप्ति र त्यसबारे नेतृत्वको मौनताप्रति गम्भीर आपत्ति जनाइएको छ ।

१९ चैत, काठमाडौं ।
संघीय समाजवादी फोरम नेपालका वरिष्ठ नेता अशोक राईले नयाँ शक्ति नेपालका संयोजक डाक्टर बाबुराम भट्टराइमा नाटीय चरित्र रहेको आरोप लगाएका छन् । राजधानी दैनिकमा समाचार छ ।
 
'हिजो उहाँ आफैँले संविधान जारी गर्नुभयो, अनि अहिले मधेसी आदीबासी जनजातिको अधिकार नभएको संविधानमा हस्ताक्षर गरेर मैले गल्ती गरे भन्नुहुन्छु, राईले भने 'उहाँहरु सात प्रदेशलाई नै सुदृढ गर्ने भन्नुहुन्छ, यही संविधान कार्यान्वयन गर्ने भन्नुहुन्छ भने यो कसरी नयाँ शक्ती हो ।'
 
सात प्रदेश र नयाँ संविधानमा उत्पीडित समुदायको पक्षमा नरहेकाले नै आफू आन्दोलनमा उत्रिएको राईले बताए।

काठमाडौं,चैत १९ । राजधानीको मुटु सुन्धारामा रहेको कर्मचारी सञ्चय कोषको भबन गुण्डा नाइके राजु गोर्खाली समूहले कब्जा गरेको छ । सुन्धारास्थित सञ्चय कोषको व्यापारीक भबन ‘काठमाडौं मल’ मा गुण्डा नाइके गोर्खाली समूहले टेण्डर हाल्दा सबैभन्दा बढी बिड गरी कब्जा गर्न सफल भएको हो । सञ्चय कोषले मासिक ९६ लाख न्यूनतम मूल्य राखी बोलपत्रको आव्हान गरेको थियो । गत शुक्रवार ११ वटा फर्मले टेण्डर बिड गरेका थिए ।

जसमा गोर्खाली समूहले आफ्नो दुई वटा फर्म दर्ता गर्दै सूर्यदिप ग्रुपको नामबाट सबैभन्दा बढि ३ करोड १७ लाख मासिक बुझाउने कबोल गरी टेण्डर हालेर मल हात पार्न सफल भएका हो । गोर्खाली समूहले टेण्डर पारेपछि काठमाडौं मलका व्यापारीहरु त्रसित बनेका छन् । गोर्खाली समूहले सूर्यदिप र्फमबाट ३ करोेड १७ लाख र दोस्रो शिवलक्ष्मी कोजु फर्मबाट २ करोड ७१ लाख मासिक बुझाउने शर्तमा टेण्डर हालेको थियो ।

तर, पहिलो र दोस्रो दुबै छाडेर गोर्खाली समूहले मासिक १ करोड ५१ लाख कबोल भएकोे तेस्रो फर्म सूर्य बिनायक हाउजिङबाट सम्झौंता गर्ने योजना समेत बनाएको खुलेको छ । अन्य फमहरुले भने धेरै कम मूल्यमा टेण्डर हालेका थिए । गोर्खाली समूहले पहिलो र दोस्रो फर्म छाडेर १ करोेड ५१ लाख मूल्यमा टेण्डर हालेको सुर्य बिनायक हाउजिङबाट सञ्चय कोषसँग सम्झौंता गर्र्ने तयारी गरेको मल स्रोत बताउँछ । मासिक डेढ करोड फरक पर्ने भएपछि योजनाबद्ध तरिकाबाट गोर्खाली समूहले दुईवटै फर्मको ५७ लाख बैंक  ग्यारेन्टी जोखिममा राखेर १ करोड ५० लाखमा सम्झौंता गरी सञ्चय कोषलाई बार्षिक २५ करोड घाटा पु-याउने खेलमा लागेको छ ।

स्रोतका अनुसार उक्त तेस्रो फर्म कानून बमोजिम दर्ता नभएका कारण रद्ध हुने तयारीमा छ । सो फर्ममा टेण्डर बिड गर्ने संस्थाको छाप र हस्ताक्षार समेत गरिएको छैन । उक्त फर्म यसअघि काठमाडौं मल भाडामा लिने पम्पी राणा समूहकै हो । राणा कोषको कालो सूचिमा छन् । तेस्रो फर्मबाट काम गर्न गोर्खाली समूह अहिले राजनीतिक र प्रशासनिक लबिङ लागेर मल हत्याउने षड्यन्त्रमा जुटेको छ । गोर्खाली ८ महिना पछि अबकास पाउन लागेका नेपाल प्रहरीका एआईजी विज्ञानराज शर्मासँग बेला बेलामा जोडिने गर्दछन् ।

स्रोतका अनुसार एआईजी शर्माले गोर्खालीलाई संरक्षण दिएका कारण गोर्खाली प्रहरी फन्दामा पर्न सकेका छैनन् । तीन करोड १७ लाखमा उक्त टेण्डर सम्झौंता गर्नलाई तत्काल गोर्खाली समूहलाई तिन महिनाको भाडा ९ करोड ५१ लाख र एक बर्षको बैंक ग्यारेन्टी ३८ करोड गरेर लगभग ५० करोडको जोहो गर्नु पर्ने सञ्चयकोषका एक अधिकृत बताउँछन् । गोर्खालीले उक्त रकम जम्मा गरेको खण्डमा स्रोत खोजिने भएकाले गोर्खालीलाई टेण्डर हत्याउन त्यति सहज भने छैन ।
* न्युज-नेपाल