१ बैशाख, धनगढी ।
गए राति डोटीको जिजोमाडौँको खाँडमा भएको जिप दुर्घटनामा आठ जनाको मृत्यु हुनुका साथै अरु सातजना घाइते भएका छन् । दूर्घटनामा मृत्यु हुने अधिकाँश एकै परिवारका रहेका छन् ।

मृत्यु हुनेमा  पद्मकन्या क्याम्पस काठमाडौँंका तीन प्राध्यापक र उनीहरुका परिवारजन र अन्य रहेका छन् ।
 
दुर्घटनामा परी पद्मकन्या क्याम्पसका प्राध्यापक, साहित्यकार एवम्  डोटेली लोक संस्कृतिका अनुसन्धानकर्ता डा जयराज पन्त, उहाँकी पत्नी सहप्राध्यापक गुड्डी पन्त तथा भाइबुहारी सावित्रा पन्तको पनि मृत्यु भएको छ । गुड्डी र सावित्रा दुवै पद्मकन्या क्याम्पसमै  अध्यापनरत हुनुहुन्थ्यो ।    

यस्तै सोही दुर्घटनामा परी डा पन्तका काका पशुसेवा निर्देशनालयका पूर्वनिर्देशक डा गणेशराज पन्त र उहाँका भाइ केशवराज पन्तको समेत मृत्यु भएको छ ।

बाङ्डुग्रीसैनबाट जिजोडामाडौँतर्फ जाँदै गरेको अवस्थामा ना१ज ३२९४ नं को जिप गए राति ९ बजे दुर्घटना भएको हो ।     

दुर्घटनामा जिप चालक डोटी वनलेक गाविसका चेतराज बलायर, हिजोडामाडौँ गाविसकी हरिना टमाटा र ठेगाना खुल्न नसकेकी जानकी ताम्राकारको समेत मृत्यु भएको छ ।

घटनास्थलमा छ जनाको र डडेलधुरास्थित उपक्षेत्रीय अस्पतालमा उपचारका क्रममा दुई जनाको मृत्यु भएको हो ।    

सडकबाट झन्डै पाँच सय मि तल भिरमा खसेर भएको दुर्घटनामा सातजना घाइते भएका छन् ।  

दोलखा,चैत २५ । दोलखाको जिरी नगरपालिका वडा नंं २ स्थित हलेसी सामुदायिक वनमा भीषण आगलागी भएको छ ।  बिहान १० बजेतिर दोबान गाउँ नजिकै भिरबाट लागेको आगो अहिले हलेसी मन्दिरको आसपाससम्म आइपुगेको छ । बिहानैदेखि चलेको तीव्र हावाहुरीका कारण आगो नियन्त्रण बाहिर गएको हो ।
 
स्थानीयवासीले आगो नियन्त्रणमा लिन खोजे पनि हावाहुरीका कारण आगो नियन्त्रणमा आउन सकेको छैन । इलाका प्रहरी कार्यालय जिरीबाट प्रहरीको टोली आगो नियन्त्रणमा लिन खटिइसकिएको प्रहरी नायब निरीक्षक विष्णुराज फुयाँलले बताए।
 
आगो कसरी लागेको हो भन्नेबारे केही खुल्न सकेको छैन । चौरासी हेक्टर क्षेत्रफलमा फैलिएको हलेसी सामुदायिक वनको आधाभन्दा बढी भूभाग अहिले डढेलोले जलिसकेको छ । हावाहुरी बढिरहेका कारण आगो माली गाउँको माथिल्लो भागतिर फैलिएको छ भने डाँडापारिको भागबाट होमडाँडा सामुदायिक वन र धाउखानी सामुदायिक वनतर्फ बढिरहेको छ ।
 
यही चैत २७ गते सामुदायिक वनको साधारणसभा तय गरिएको छ । साधारणसभा आउन दुई दिन बाँकी हुँदै सामुदायिक वनमा भीषण आगलागी भएको छ ।
 
आगलागी भएको क्षेत्र सर्वसाधारणको चरन क्षेत्र भएकाले जिरी नगरपालिका वडा नं २ र ३ का सर्वसाधारणका चौपाया डढेलोका कारण प्रभावित भएका छन् । धुवाँका कारण अहिले गाउँ सिङ्गै अँध्यारोमा छ ।

१९ चैत, काठमाडौं ।
पर्यटकीय नगरी ठमेलमा लागूऔषध कारोबारदेखि वेश्यावृत्तिको धन्दासम्म हुने गरेको छ । प्रहरीले पछिल्लो दुई हप्तामा गुन्डागर्दी, लागुऔषध कारोबार तथा वेश्यावृत्ति गर्ने १९ जनालाई पक्राउ गरेको छ ।

रात्रीजीवनको ‘हब’ बनेको ठमेलमा बेलुका सधैँ झगडा पर्ने भएकाले प्रहरीले कही दिनयता आक्रामक रणनीति लिन थालेको छ । १२ दिनमा दुई सय भन्दा धेरैलाई पक्राउ गरिसकेको प्रहरीले जनाएको छ । जसमध्य १९ जनलाई अदालतबाट म्याद थप गरी अनुसन्धान अघि बढाइएको महानगरीय प्रहरी वृत्त सोह्रखुट्टेले जनाएको छ ।

खाजाघरको आवरणमा कोठी सञ्चालन
क्षेत्रपाटी चोकस्थित एउटा घरमाथि राखिएको बोर्डमा लेखिएको छ, क्षेत्रपाटी खाजा घर । झट्ट हेर्दा यहाँ चिया र खाजा बिक्री भइरहेको देख्न सकिन्छ । तर, यो खाजाघरको वास्तविक धन्दा भने फरक छ ।

खाजघरको आवरणमा त्यहाँ लामो समयदेखि वेश्यावृत्तिको धन्दा हुँदै आएको छ । प्रहरीले बुधबार दिउँसो त्यहा छापा मारी तीन जोडी र खाजाघरका सञ्चालकलाई रंगेहात पक्राउ गरेको थियो । सञ्चालक जनक थापासहित तीन युवती र ग्राहक बनेर गएका तीन पुरुष पक्राउ परेका हुन् ।

मासिक पाँच हजार दिएर युवतीलाई वेश्यावृत्ति

खाजाघरभित्र दुई वटा कोठा छन्, जहाँ बिहानदेखि बेलुकासम्म वेश्यावृत्ति हुने गरेको खुलेको छ । गाउँका सोझा युवतीलाई जागिर लगाइदिने भन्दै ल्याएर सञ्चालककले वेश्यावृत्तिमा लगाउने गरेको खुलेकोछ, महानगरीय प्रहरी वृत्त सोह्रखुट्टेका डीएसपी सोमेन्द्रसिंह राठौरले भने, ‘मासिक पाँच हजार दिएर युवतीहरुलाई वेश्यावृत्तिमा लगाउँदै आएका थिए ।’

फ्ल्याट र होटेलको आवरणमा वेश्यावृत्ति

पाँच वर्षअहघिसम्म ठमेलका मसाजपार्लर र गेस्टहाउसमा खेलेआम वेश्यावृत्ति हुन्थ्यो । तर, प्रहरीले कडाइ शुरु गरेपछि धेरै मसाजपार्लर बन्द भइसकेका छन् । गेस्टहाउसमा पनि दलालमार्फत मात्र ग्राहक र यौनकर्मी महिला खोज्ने काम हुन्छ । प्रहरीलको कडाइपछि फ्ल्याट तथा सामन्य होटेलको आवरणमा वेश्यावृत्ति हुने गरेको हो ।

तेस्रोलिंगी सिक्री लुटपाटमा
ठमेलका सडकमा सिक्री लुट्ने धन्दामा संलग्न दुई तेस्रोलिंगी पनि पक्राउ परेका छन् । सिक्री लुटेर भाग्ने क्रममा बुधबार भगवानबहालको गल्लीबाट निशाा केसी पक्रउा परेकी छिन् ।

त्यस्तै सोमबार सिक्री लुटेकै आरोपमा प्रहरीले अर्की तस्रो लिंगी सिम्रन गुरुङलाई समेत पक्राउ गरेको छ । यौन सन्तुष्टि दिने भन्दै युवकसँग नजिकिएर उनीहरुले सिक्री लुट्ने गरेका हुन् । ठमेलका सडकमा तेस्रोलिंगीले खुलेआम सडकमा बार्गेनिङ गर्छन् । उनीहरुविरुद्ध पनि प्रहरीले कडाई शुरु गरेको छ ।

गाँजा देखि ब्राउनसुगरसम्म

ठमेल पर्यटकहरु पनि झुम्मिने भएकाले लागुऔषधको गोप्य कारोबारसमेत हुने गरेको छ । गत सोमबार मात्र प्रहरीले १० ग्राम ब्राउनसुगरसहित दुई युवकलाई पक्राउ गरेको थियो ।

मुकुन्द श्रेष्ठ र सागर श्रेष्ठलाई प्रहरीले ब्राउनसुगरसहित पक्राउ गरेको हो । उनीहरुले पर्यटकलाई लागुऔषध बेच्ने गरेका थिए ।

अनुसन्धानका क्रममा ट्याक्सी चालकले लागुऔषधका सेवनकर्ता खोज्ने गरेको समेत खुलेको डिएसपी राठौरले बताए । बाटामा गाँजा, चरेस तथा हेरोइनको थारैथोरै परिमाणमा कारेबार हुने गरेको छ । त्यसविरुद्ध पनि प्रहरीले निगरानी कडा बनाएको छ ।

डिस्कोमा सधैँ लफडा

ओएमजी डिस्कोमा झागडा गर्ने सुशील गुरुङ र सोनाम गुरुङ थुनामा छन् । त्यस्तै, सिएनआई डिस्कोमा झगडा गर्ने सागर तामाङ र पासङ तामाङ पक्रानउ परेका छन् । पर्पलहेजमा झगडा गरी प्रहरीलाई नै दुव्र्यवहार गर्ने तुङवाङ लिम्बुलाई प्रहरीले बढाएको छ । प्रहरीका अनुसार लिम्बूलाई छाड्न कांग्रेसका ठूला नेताले दबाब दिए आएका छन् ।

१३ वटा मुद्दामा १९ जनामाथि कारबाही

पछिल्लो १२ दिनमा दुई सयभन्दा धेरै पक्राउ गरेकामा १३ वटा मुद्दामा १९ जनलाई भने सोह्रखुट्टे वृत्तले पक्राउ गरी कारबाही अघि बढाएको छ । वृत्तमा गत ७ चैतदेखि सरुवा भएर आएका डिएसपी राठौरले राति झगडा गर्ने, होहल्ला गर्ने तथा गुन्डागर्दी गर्नेविरुद्ध कडाइका साथा आक्रामक कारबाही शुरु गरेका हुन् ।

ठमेलमा धेरै रात्रीकालीन व्यवसाय भएकाले मदिरा पिएर झगडा हुने गरेको छ । यसअघि प्रहरीले पक्राउ गरी एक रात थुनामा राखेर छाड्ने गरेकोमा त्यसरी झगडा गर्नेलाई प्रहरीले मुद्दा नै चलाउन थालेको छ ।

आफ्नै मालिकलाई अपहरणको धम्की दिने पक्राउ

आफ्नै पूर्व मालिकलाई अपहरण गर्ने धम्की दिने एक युवकलाई सोह्रखुट्टे प्रहरीले पक्राउ गरेको छ । झोंछेस्थित चाँदीका सामान बनाउने पसलकी सञ्चालिका जानुका भट्टराईलाई बारम्बार धम्काउँदै यातना दिने नुवाकोटका प्रेम तामाङ पक्रउ परेका हुन् । तामाङले करिब ६ महिनाअघि सो पसलबाट काम छाडेका थिए ।

जागिर छाडेपछि आफूलाई पैसा नदिए पसलका बारेमा सबै पोल खोलिदिने भन्दै भट्टराईलाई पटक पटक धम्की दिएका थिए । अपहरण उद्योग मुद्दामा प्रहरीले उनलाई कारबाही अघि बढाएको छ । आजको नयाँ पत्रिकामा समाचार छ ।

काठमाडौं,चैत २० । मंसिर १६ गते उपल्लो मुस्ताङको ताप्तेजुङ क्षेत्रमा ड्रोन उडाएर तस्वीर लिइरहेका जर्मनीका दुई पर्यटक माइकल र आजा टोसक पक्राउ परे । इलाका प्रहरी कार्यालय लोमान्थाङले ड्रोन र क्यामेरा समेत जफत गरेपछि उनीहरु तीन दिनमा जोमसोमबाट रिहा भएको अाजको अन्नपूर्णमा समाचार छ । चैत ४ गते म्याग्दीको  घोरेपानीस्थित पुनहिलमा त्यस्तै अवस्थामा युक्रेनी नागरिक समातिए । उनको साथबाट इलाका प्रहरी कार्यालय घोरेपानीले ड्राने सेट रिमोट, दुई थान व्याट्री जफत गर्‍यो ।

पछिल्लो तीन महिनामा विश्व प्रसिद्ध राउन्ड अन्नपूर्ण पदयात्रामा भएका घटना हुन् यी । प्राकृतिक सुन्दरता धार्मिकस्थल, हिम शृंखला र कला संस्कृतिमा रमाउन आउने पर्यटकले अनुमतिविना ड्रो क्यामेरा मार्फत तस्वीर र दृश्य लिने क्रम बढेपछि प्रहरीले सक्रियता बढाएको छ ।

खासगरी बैशाख १२ को विनाशकारी भूकम्पछि ड्रोन चलाउनेको संख्या उल्लेख्य मात्रामा बृद्धि भएपछि सरकारले गत कार्त्तिकमा ड्रोन प्रयोग सम्बन्धी निर्देशिका जारी गरेको थियो । निर्देशिका जारी भएपछि पनि अनुमतिविना विदेशी पर्यटकले ड्रोन क्यामेरा कसरी पुर्‍याए भन्ने कुरा अनुसन्धानको विषय बनेको छ ।