२६ चैत, काठमाडौं ।
अख्तियार दुरुपयोग अनुसन्धान आयोगले भूकम्पपीडितका लागि खरिद गरिएको त्रिपालमा भ्रष्टाचार गरेको अरेपमा भन्दै काठमाडौँ महानगरपालिकाका तत्कालीन कार्यकारी प्रमुखसहित छ जनाविरुद्ध विशेष अदालतमा आज मुद्दा दायर गरेको छ ।

आयोगका प्रवक्ता कृष्णहरि पुस्करकाअनुसार कामपाका तत्कालीन कार्यकारी प्रमुख तथा हाल सार्वजनिक खरिद तथा अनुगमन कार्यालयका सहचिव पूर्णभक्त तण्डुकार, तत्कालीन विभागीय प्रमुख शान्तराज पोखरेल, वित्त विभाग प्रमुख बुद्धरत्न मानन्धर, प्रशासन महाशाखा प्रमुख अखतबहादुर साउद, क्षितिज इन्टरप्राइजेजका सञ्चालक नन्दराज पोखरेल तथा न्यु चौधरी टे«डर्सका सञ्चालक सुन्दरलाल चौधरीविरुद्ध मुद्दा दायर गरिएको हो ।

आयोगकाअनुसार तत्कालीन कार्यकारी प्रमुख तण्डुकार, विभागीय प्रमुख पोखरेल, वित्त विभाग प्रमुख मानन्धर र प्रशासन महाशाखा प्रमुख साउदसँग जनही रु २४ लाख १० हजार २१४ बिगो दाबी गरिएको छ । यस्तै त्रिपालको ठेकेदार क्षितिज टे«ड इन्टरप्राइजेजका सञ्चालक पोखरेलसँग रु दुई लाख ९१ हजार ३२३ र न्यु चौधरी टे«डर्सका सञ्चालक सुन्दरलाल चौधरीसँग रु २१ लाख १८ हजार ८९० बिगो दाबी गरिएको आयोगले जनाएको छ ।

भूकम्पपछि मानवीय सहायता उपलब्ध गराउने र भूकम्पपीडितलाई अस्थायी आश्रम उपलब्ध गराउने सन्दर्भमा अनावश्यक लाभ लिने, पीडित व्यक्ति तथा परिवारमा परेको मानवीय सङ्कटको मौका उठाएर बढी मूल्य लिई त्रिपाल बिक्री वितरण गरेको उजुरीमाथि छानबिन गर्दा भ्रष्टाचार भएको ठहर अख्तयारको छ ।

प्रयोग गर्न अनुपयुक्त, कम गुणस्तर र साना आकारका प्लास्टिक त्रिपाललाई समेत परल मूल्यभन्दा अस्वाभाविक मूल्य राखी भुक्तानी गरेको, काठमाडौँ महानगरपालिकाका राष्ट्रसेवक कर्मचारी तथा आपूर्तिकर्ताले आफूलाई गैरकानुनी लाभ लिएको अनुसन्धानबाट पत्ता लागेको आयोगले जनाएको छ ।

आयोगले ओरापी सबैलाई हदैसम्मको कारबाहीको माग गरेको छ । व्यवस्थापिका–संसद्को सार्वजनिक लेखा समितिले त्रिपाल घोटाला प्रकरणमा सहभागी सबैलाई कारबाही गर्न र सत्य तथ्य सार्वजनिक गर्न यसअघि नै निर्देशन दिएको थियो ।

काठमाडौं,चैत १७ । एमाओबादीका प्रवक्ता दिनानाथ शर्माले वर्तमान सरकार कछुवाको तालमा अगाडी बढेको बताउनु भएको छ । रफत सञ्चार क्लबले आयोजना गरेको साक्षतकार कार्यक्रममा बोल्दै उहाँले वर्तमान सरकारको काम कारवाही प्रभाबकारी नभएको भन्दै सरकाले जनताको हितमा काम गर्न नसकेको बताउनु भएको हो ।
उहाँले काँग्रेसको महाधिबेशन पस्चात सरकार परिवर्तनको बिषय हल्ला मात्र भएको बताउँदै यहि सरकालाई राष्ट्रिय सरकारको स्वरुप प्रदान गर्दै काँग्रेसलाई समेत सरकारमा सामेल गराउन शिर्ष नेताहरु लागि परेको बताउनु भयो ।
उहाँले मधेश अन्दोलनका जायज मागहरुको सम्बोधन नगरे स्थानिय निकायको निर्वाचन असफल हुने भन्दै संघियता र सिमांकनको टुंगो नलगाएसम्म सथानिय निकायको निर्वाचन सम्भव नरहेको उहाँको टिप्पणी छ ।
नेपाल सरकारका प्रधान मन्त्रीको चीन भ्रमणमा गरिएको सम्झौताहरुको कार्यान्वयनमा जटिलता देखिएको र विगत देखि नै सरकारले बनाएको यौजनमा हुने भागबन्डा र कमिशनको खेलकै कारण हरेक यौजना सफल हुन नसकेकाले सरकारले यता तर्फ ध्यान दिनु पर्नेमा जोड दिनु भयो ।
भुकम्पले थिलो थिलो पारेका नेपाली लाई थप हावा हुरीले पिडा थपेको र सकारले केही गर्न नसकेको भन्दै बर्खा लाग्नु अगावै सरकारले भुकम्प पिडितहरुका लागि गास र बासको जोहो गर्नु पर्ने बताउनु भयो । 
इन्धन र ग्याँसको अभावमा सरकारले कालो बजारीयाहरुलाई नियन्त्रण गर्न असफल भएको आरोप लगाउँदै उहाँले नेपाल आयाल निगम र सरोकारवालहरुले नै इन्धनको अभाव श्रृजना गरेको र सरकार मुख दर्शक मात्र बनेको बताउनु भयो ।
बिभिन्न कम्युनिष्टबीचको एकतालाई एमओबादीले तिव्रता दिएको भन्दै एकाता नभए पनि धुब्रिकरण भएर सबै अगाडी बढ्ने उहाँको भनाई छ ।र

१७ चैत,काठमाडौं । १० वर्षे जनयुद्धको लक्ष्य र उद्देश्य अझै पूरा नभएको र माओवादीको मूल नेतृत्वले जनतालाई धोका दिएको भन्दै सशस्त्र संघर्षको तयारीमा रहेको विप्लव माओवादी आन्तरिक व्यवस्थापन मिलाउन नसक्दा भित्रभित्रै समस्यामा पर्न थालेको खबर छ । युद्धका लागि केही आन्तरिक तयारी गर्न नसक्दा युद्ध तयारीको मनस्थितिमा रहेको विप्लव माओवादी विस्तारै छिन्नभिन्नको अवस्थामा पुग्ने हो कि भन्ने संशय यो पार्टीबाट केही हुने आस गरेर लागेकाहरुमा पलाउन थालेको छ ।

विश्वस्त स्रोतका अनुसार सशस्त्र संघर्ष गर्ने भन्दै वैद्य माओवादीसँग सम्बन्ध विच्छेद गरेर बनेको यो पार्टी अहिले युद्धको तयारीका केही कुरामा अल्झँदा छिन्नभिन्नको अवस्थामा पुगेको छ । युद्धका लागि आवश्यक पर्ने तयारीमा विप्लव माओवादी खरो रुपमा उत्रन नसक्दा यो पार्टीमा व्यापक रुपमा असन्तुष्टि बढ्दै गएको बताइन्छ ।

स्रोतका अनुसार, विप्लव माओवादीले देशभर संगठन निर्माण र ५ हजारभन्दा बढीको संख्यामा छापामार तयार पारे पनि युद्धका लागि आवश्यक पर्ने हतियारलगायत युद्ध सामग्रीको प्रवन्ध भने अझै गर्न सकेको छैन । हतियार खरिदका लागि उसले पटक–पटक प्रयास गरे पनि उसको प्रयास सार्थक हुन नसकेको बताइन्छ । विप्लवले हतियार खरिदका लागि गरेको प्रयासबारे यसअघि अखबार दैनिकले खुलासा गरेको अखवार दैनिकले समाचार लेखेको छ । विप्लव माओवादीले पहिलोपटक हतियार खरिदका लागि उदय चलाउनेलाई जिम्मा दिए पनि उनले चितियाँ व्यापारीसँग गर्नै लागेको सम्झौताबारे चिनियाँ कम्युनिष्ट पार्टी हुँदै सरकारसम्म सूचना पुगेपछि अवरुद्ध बन्न पुगेको थियो । पछि चीन सरकारले ‘के नेपालमा हतियार आवश्यक रहेको हो ?’ भन्दै एमाओवादीसँग यसबारे जानकारी नै माग गरेको थियो । यो घटनापछि एमाओवादीमा विप्लव माओवादीलाई कसरी हेर्ने भन्नेबारे बहस नै सुरु भएको थियो ।
स्रोतका अनुसार, चलाउनेको प्रयास असफल भएपछि विप्लवले दोस्रोपटक आफ्नै हेर्डक्वार्टरका सुदीप मल्ललाई हतियार खरिदको जिम्मा दिँदै चीन पठाएका थिए । तर, उनले पनि हतियार किन्न नसकेको कुराले अहिले विप्लव माओवादीमा नयाँ तरंग उत्पन्न गराएको छ । ‘विप्लवले दोस्रोपटक हतियार खरिदका लागि गरेको प्रयास पनि असफल भएको छ,’ स्रोतले अखबार दैनिकसँग भन्यो, ‘विप्लवको दोस्रोपटकको हतियार खरिदको प्रयास पनि असफल भएपछि अहिले विप्लव माओवादीमा हतियार कसरी प्रवन्ध गर्ने भन्ने विषय टाउको दुखाइ बनेको छ ।’

भारतले तेर्सायो प्रस्ताव

नेपालमा अस्थिरता रहे मात्र आफ्नो भलाइ हुने बुझाइमा लामो समयदेखि रहेको भारतसँग पनि विप्लवले हतियार ल्याउने डिलिङ गरेको स्रोतको दाबी छ छ । विश्वस्त सं्रोतका अनुसार विप्वल माओवादीले हतियार खरिदको प्रस्ताव भारतीय खुफिया एजेन्सी ‘रअ’सँग समेत राखेको छ । तर, विप्लवले हतियार खरिदका लागि सहयोग गर्न ‘रअ’ सँग आग्रह गरे पनि उसले भने सर्त तेर्साएको छ । रअले के सर्त तेर्सायो भन्ने बारेमा केही थाहा हुन नसके पनि उसले नेपालको राष्ट्रिय हितविपरीत हुने केही मुद्दाहरुमा सहयोग गर्न विप्लवसँग सर्त राखेको बुझिएको छ । ‘विप्लवले रअसँग पनि नेपालमा हतियार ल्याउन सहयोग गर्ने कुरा पुर्याएका छन्,’ स्रोतले भन्यो, ‘तर, रअले भने केही सर्तहरु तेर्साएको छ ।’ रअले सर्त तेसाएपछि भने विप्लवले निकै असजिलो महसुस गरेको बुझिएको छ ।

हतियार नभएपछि चुलियो निरासा

विप्लव माओवादीले सशस्त्र संघर्ष थाल्ने भनेर पार्टीभित्र धेरैपटक आन्तरिक मिति तोकिसकेको छ । तर, उसले पटकपटक मिति तोके पनि उसले सशस्त्र संघर्ष सुरु गर्न सकेको छैन । उसको सशस्त्र संघर्ष थाल्ने बारे प्रकाशमा आएका कुराहरु यथार्थमा नहुँदा एकातिर विप्लव माओवादीको संघर्षको कुरा कतिपयले गफ मात्रै रहेको रुपमा विश्लेषण गर्न थालेका छन् भने पार्टीभित्रै पनि यसले तीव्र असन्तोष पैदा गरेको अवस्था छ । स्रोतका अनुसार केही महिनाअघि देखि नै छिटो सशस्त्र संघर्ष थाल्न दबाब दिएका छापामार तथा युवा नेताहरुले अहिले विप्लवलाई थप दबाब दिइरहेका छन् । तर, केही अघि एकैपटक जित्ने गरी संघर्ष थाल्ने तयारी रहेको बताएका विप्लव स्वयं आफैं पनि यतिबेला नाजावाफ हुन पुगेको बुझिाएको छ ।

f

१७ चैत, काठमाडौं । 
बेलायती राजकुमार ह्यारी ११ दिने नेपाल बसाई सकेर आज बेलुका स्वदेश फर्किदै छन् । गत चैत ६ गते नेपालको औपचारिक भ्रमणका लागि आएका ह्यारी बुधबार राति स्वदेश फर्किन लागेका हुन्। ह्यारी कतार एयरवेजको विमानमार्फत बुधवार राति  ९:१५ स्वदेश फर्किने कार्यक्रम छ।  ह्यारी हिजो अपरान्ह गोरखाको लापु गाविसबाट काठमाडौ आएका थिए । उनि लैनचौरस्थित बेलायती दूतावासमा बसेका थिए । बेलायती राजदबार केन्सिङ्टन प्यालेसले ह्यारीको स्वदेश फिर्तीबारे औपचारीक रुपमा केही बताएको छैन । बेलायती राजकुमार ह्यारी चैत ६ गते नेपालको औपचारिक भ्रमणमा आएका थिए । 

औपचारिक भ्रमण सकिएपछि पनि उनले आफू नेपालको सौन्दर्यबाट प्रभावित भएको र नेपाललाई अझै सहयोग गर्न चाहेको भन्दै बसाइ ६ दिन थप लम्बाएका थिए ।नेपालमा बसाइका क्रममा राजकुमार ह्यारीले राष्ट्रपति र प्रधानमन्त्रीसँग भेट गरेका थिए। यसैगरी ह्यारीले भूकम्पले क्षति पुर्याएको ललितपुरको पाटन दरबार स्क्वायर क्षेत्रसहित बर्दीया, भक्तपुर, लम्जुङ, गोरखा र पोखराको भ्रमण गरेका थिए।