१५ चैत, काठमाडौं  ।
राप्रपा नेपालका अध्यक्ष एवं उपप्रधान तथा परराष्ट्रमन्त्री कमल थापाले हिन्दु राष्ट्रको पक्षमा जस्तोसुकै आन्दोलन गर्न पनि तयार रहेको बताउदै नयाँ घोषणा गरेका छन् । हिन्दूराष्ट्र नेपाल स्थापनार्थ सोमबार बुटवलमा आयोजित हिन्दूत्व जागरण बृहत आमसभालाई सम्बोधन गर्दै मन्त्री थापाले हिन्दू राष्ट्रको पक्षमा जस्तोसुकै आन्दोलन पनि गर्ने घोषणा गरेका हुन् ।
 
हिन्दु धर्मको पक्षमा जागरण अभियान चलाउँदै आएको राप्रपा नेपालले सोमबार बुटवलमा आयोजना गरेको धार्मिक सभालाई सम्बोधन गर्दै थापाले अलग पहिचान र फरक विचार लिएर सरकारमा सहभागी भएको राप्रपा नेपाल आफ्ना एजेण्डा स्थापित गर्न हिन्दु राष्ट्रको पक्षमा जस्तोसुकै आन्दोलन गर्नपनि तयार रहेको वताएका हुन्। थापाले हिन्दु धर्मको पक्षमा एकतावद्व हुन सबैलाई आह्वानसमेत गरे।
 
हिन्दुराष्ट्र स्थापित नहुँदासम्म आफ्नो पार्टी सदन र सडकबाट संघर्ष गरिरहने उनको भनाई छ। पूर्ण धार्मिक स्वतन्त्रतासहितको सनातन हिन्दु धर्म, राजासहितको प्रजातन्त्र र संघीयताको विकल्पमा स्थानीय स्वायत्त शासन जस्ता एजेण्डाको पक्षमा राप्रपा नेपालले सदन र सडकबाट एकसाथ आवाज उठाईरहेको थापाले बताए।
 
पार्टीका मुद्दालाई संविधानले नसमेटेकाले आफ्नो दलले मात्रै संविधानको विपक्षमा मतदान गरी मुद्दा स्थापित गराउन जनतामाझ आएको स्पष्ट पारे । परराष्ट्रमन्त्री थापाले प्रधानमन्त्री केपी शर्मा ओलीको चीन भ्रमण नेपाली जनताको पक्षमा भएको दाबी गरे। ‘चीन भ्रमणले नेपाल र चीनबीच आर्थिक विकास हुने आधार तयार पार्नुको साथै अब नयां ढंगले दुई देशबीच व्यापार बिस्तार हुने ढोकापनि खुलेको छ,’ उनको दाबी थियो। हिन्दुराष्ट्र र राजासहितको प्रजातन्त्र स्थापित गराएरै छाड्ने अठोट व्यक्त गर्दै हिन्दू राष्ट्र स्थापित नहुदाँसम्म आन्दोलवाट विश्राम नलिने समेत प्रष्ट पारे ।

‘थापाले भने बरु पर्यो भने सरकार छाडिन्छ तर, ९४ प्रतिशत नेपाली जनताको भावना, चुनाबमा जनताले हामीलाई दिएको म्यान्डेड, विश्वमा देखिएको हिन्दूत्वको जनमत अनि हाम्रो गौरबशाली पार्टी राप्रपा नेपालको मुल एजेन्डा हिन्दूराष्ट्र र संवैधानिक राजसंस्था जस्तो हाम्रा आत्मीय मुद्दालाइ हामी किमार्थ छोडदैनौ’  ।
 

<p>काठमाडौं,बैशाख १ । कर कार्यालय धनकुटाले श्री ५ को सरकार लेखिएको अनुसुची १० को कर फारम भराएपछि धनकुटाका स्थानीय व्यावसायीले आपत्ति जनाएका छन् । धनकुटा-४ का खुकुरी तथा ग्रील उद्योगी गोपाल विश्वकर्माले राजतन्त्र गएको १० वर्षपछि पनि फारममा सुधार नगरेको भन्दै कर कार्यालयका प्रमुखसँग विवाद गरेका छन् ।</p>

<p>अझै पनि यसतो लापरबाही हुनु हजारौं जनताको बलिदानीबाट आएको लोकतन्त्रको उपहास भएको उनको भनाई छ । उता कर कार्यालयका प्रमुख पेशल न्यौपानेले भने मन्त्रालयबाटै यस्तो अनुसूची भएको फारम आएकोले आफूले केही गर्न नसक्ने बताए । अभियान दैनिकमा खबर छ ।</p>

<p>काठमाडौं,बैशाख  १  । संयुक्त लोकतान्त्रिक मधेशी मोर्चाका नेता एवम् सद्भावना पार्टीका अध्यक्ष राजेन्द्र महतोले अबको आन्दोलनमा कुनैपनि नाकाबन्दीका कार्यक्रम नहुने प्रष्ट पारेका छन् ।<br />
मंगलबार रिपोर्टर्स क्लब नेपालले आयोजना गरेको साक्षात्कारमा उनले विगतको नाकाबन्दीको आन्दोलनबाट कुनै परिणाम नआएको र सरकारले भन्दापनि जनताले सास्ती पाएको उल्लेख गर्दै बैशाख ६ गतेबाट हुने आन्दोलन कुनैपनि किसिमको नाकाबन्दी कार्यक्रम नहुने बताएका हुन् । उनले भने,‘अब हामी नाकाबन्दी र जनतालाई दुःख दिने काम गर्दैर्नौ, आन्दोलन सिंहदरबार केन्द्रीत हुन्छ, यो आन्दोलन कसैको विरुद्धमा होईन, अधिकारप्राप्तिको लागि हो ।’<br />
अध्यक्ष महतोले विगतमा मधेश केन्द्रित आन्दोलन गर्दा आफूहरुलाई गलत आक्षेप लगाएको उल्लेख गर्दै अबको आन्दोलन सिंहदरबार केन्द्रित रहेर देशव्यापी रुपमा सशक्त बनाउने बताएका हुन । उनले भने,‘अबको आन्दोलन जनता कम प्रभावित हुने र सरकारलाई अधिकतम दबाब पुग्ने खालको हुन्छ ।’<br />
साक्षात्कारमा उनले विगतमा सरकारलाई दबाब दिनको लागि बाध्य भएर आफूहरुले नाकाबन्दी गरेको भएपनि सरकारले सुनुवाई नगरेकोले अब हुने आन्दोलनले सरकारको घुँडा टेकाएर छाड्ने दाबी गरे । उनले थपे,‘‘हामी सिंहदरबार घेर्छौं, हाम्रा माग सम्बोधन हुनेगरि संविधान संशोधन नभएसम्म हामी आन्दोलन गरिरहन्छौं ।’’<br />
महतोले प्रधानमन्त्रीले जनताको नाममा गरेको सम्बोधनवारे टिप्पणी गर्दै भने,‘ओलीको सम्बोधन बकवास छ, यो औचित्यहिन छ, यसले न त जनतालाई एक पैसाको राहत दिन्छ, न त आन्दोलनकारीको मागलाई नै सम्बोधन गर्छ ।’  <br />
ओलीले वार्ताको लागि आह्वान गरेर आन्दोलन तुहाउने नाटक मञ्चन गरेको भन्दै उनले थपे,‘हामीले वार्ताको लागि आन्दोलन स्थगित् गर्दा उहाँहरु कानमा तेल हालेर बस्नुभयो तर हामीले वार्ताको लागि फेरि अल्टिमेटम दिँदा कुनै वास्ता गर्नुभएन, त्यसैले उहाँहरु मुलुकलाई निकास दिने पक्षमा हुनुहुन्न, त्यसैले अब वार्ताको कुनै सम्भावना छैन ।’<br />
नयाँ वर्षको सम्बोधनमा आफूहरुले प्रधानमन्त्री ओलीको राजिनामाको उपहार खोजेको बताउँदै सम्बोधनको नाममा सरकारले जनतालाई उपहास गरेको उनले बताए । मधेशीको माग नै नबुझेको भन्ने प्रधानमन्त्रीले आह्वान गरेको वार्तामा जानु भनेको ओलीको अनुहार हेर्न जाने काम मात्रै हुने उनले बताए ।  <br />
यद्धपी अध्यक्ष महतोले आन्दोलन आफूहरुको कुनै चाहना नभएको स्पष्ट पारे । उनले थपे,‘आन्दोलन हाम्रो बाध्यता हो, दुई महिनासम्म पनि आन्दोलन स्थगित गर्दा वार्ता गरिएन, अल्टिमेटम दिएको अन्तिम दिनमा आएर सरकारले हामीलाई वार्तामा बोलाउनु भनेको जनतालाई झुक्याउने काम हो, यो वार्ताको नौटंकीमात्रै हो ।’<br />
उनले बैशाख ६ गते पहिचान पक्षधरहरु मधेशी, जनजाती, आदिवासीलगायत सबै शक्तिहरुसँगको छलफलपछि बृहत्त आन्दोलनका कार्यक्रमहरु सार्वजनिक गर्ने जानकारी दिए ।<br />
क्लबका अध्यक्ष ऋषि धमलाले एकता, सहकार्य र सहमतिका साथ अघि बढ्न राजनीतिक दलहरुलाई सुझाव दिएका छन् । धमलाले भने,‘‘नयाँ वर्षसँगै मुलुकमा सहमति कायम गरेर अघि बढ्ने दिशातर्फ प्रमुख राजनीतिक दल र यसका शीर्ष नेताहरु लाग्नुपर्छ, यसो भयो भने मात्रै मुलुक र जनताको भलो हुन्छ ।’’<br />
उनले शीर्ष नेताहरुलाई मुलुक र जनताको सुख, समृद्धि र विकासको लागि केन्द्रित हुन समेत आग्रह गरेका छन् ।</p>

<p> </p>

१५ चैत, काठमाडौं   ।
 भर्खरै सम्पन्न १३ औं महाधिवशेनबाट नेपाली कांग्रेसको सभापतिमा निर्वाचित शेरबहादुर देउवालाई टक्कर दिन पार्टीकै एक जना प्रभावशाली नेता तयार भएका छन् । महाधिवेशनपछि संसदीय दलको नेता छान्ने तरखरमा रहेको कांग्रेसमा देउवासँग भिडेर दुई पटक पराजित भएका रामचन्द्र पौडेल भने पछि हटेका छन् । पौडेलको ठाउँमा निर्वाचित केन्द्रीय सदस्य एवं निवर्तमान महामन्त्री प्रकाशमान सिंहले देउवालाई टक्कर दिन मैदानमा उत्रिने तयारी गरेका हुन् ।

गणेशमान पुत्र सिंह आगामी २४ गते हुने संसदीय दलको निर्वाचनमा देउवासँग भिड्न तयार भएको कांग्रेस स्रोतले जनाएको छ । सभापतिमा हारेका रामचन्द्र पौडेललाई सर्वसम्मत संसदीय दलको नेता बनाउन गरेको प्रस्ताव देउवाले अस्वीकार गरेपछि सिंह अघि बढ्न लागेका हुन् ।

स्रोतका अनुसार सोमबार पौडेल निवास बोहोराटारमा बसेको बैठकले प्रकाशमान सिंहलाई संसदीय दलको नेतामा चुनाव लडाउने गरी छलफल भएको र देउवाबिरुद्ध चुनावी मैदानमा आउने लगभग तय भएको छ ।

देउवासँग दुईपटक पराजित भएका पौडेललाई संसदीय दलको नेतामा चुनाव नलड्न उनी निकटका नेताहरुले सुझाव दिएपछि पौडेल पछि हटेका छन् ।

बहुमत देउवाको पक्षमा, असन्तुष्ट फकाउँदै पौडेल समूह

संसदीय दलमा देउवासँग भिड्न तयार भएपनि प्रकाशमान सिंहसँग बहुमत भने अहिले देखिँदैन् । देउवाभन्दा पौडेल समूह कमजोर छ । जसका कारण देउवालाई जित्न त्यती सजिलो छैन् ।

तर कांग्रेसभित्र ठूलो प्रभाव पार्ने नेता खुमबहादुर खडका र कुलबहादुर गुरुङ अहिले सभापति देउवासँग असन्तुष्ट छन् । महाधिबेशन अगाडि गरेको (गुरुङलाई वरिष्ठ नेता, खडकालाई उपसभापति दिने) बाचा देउवाले पुरा नगरी वास्ता नै गर्न छाडेपछि असन्तुष्ट बनेका यी दुई नेतालाई पौडेल समूहले फकाउने प्रयास गरिरहेका छन् । यी दुई नेताले पौडेल समूहलाई सहयोग गरे सिंह संसदीय दलको नेता बन्न सक्छन् ।
– dainiknepal.com

१६ चैत, गोरखा ।
बेलायतका राजकुमार ह्यारी सोमबार दिउँसो दुई बजेतिर लापुबेसीको प्रभातकिरण माविका विद्यार्थीसँग भेटघाट कार्यक्रममा सरिक हुन जाँदै थिए। उनी विद्यालयमा मात्र पुगेका थिए, एक्कासी हावाहुरी चल्न थाल्यो।
 
‘ठूलै हावाहुरी चल्यो। उनी हत्तपत्त विद्यालयको अफिस कोठाभित्र छिरे’ प्रधानाध्यापक जीव गुरुङले भन, ‘हामी शिक्षक स्टाफहरु नाल, थाम, बलो समातेर बसेका थियौं। उनी पनि त्यसै गर्न थाले।’ अन्नपूर्ण पोस्ट दैनिकमा समाचार छ।
 
२० मिनेट जोडदार हावाहुरी चलेको उनले बताए। ‘२० मिनेटसम्म हुरी चल्यो। कक्षा कोठाको जस्ता सबै उनकै आँखा अगाडि उडायो। यो देखेर उनी डराएका पनि थिए’, गुरुङले भने।
 
त्यतिबेला कक्षा आठका विद्यार्थीहरु जिल्लास्तरीय परीक्षा दिइरहेका थिए। ‘छानो उडाएपछि जाँच दिइरहेका विद्यार्थीहरु भागाभाग भयो’ गुरुङले भने ‘नैतिक बिषयका जाँच दिइसकेर स्थानीय बिषयको जाँच दिन थालेका थिए। जाँचै अधकल्चो भयो।’ स्थानीय बिषयको परीक्षा भएकाले विद्यालयले नै निर्णय गरेर अर्को परीक्षा लिने उनले बताए ।
 
हावाहुरी थामिएपछि ह्यारीले शिक्षक विद्यार्थीहरुसँग सामुहिक तस्वीर खिचाएका थिए। प्रकोप आइरहने भएकाले पक्की विद्यालय भवन चाँडो बनाउन सुझाव दिएका थिए।