<p>१२ जेठ, काठमाडौं ।<br>प्रधानमन्त्री के.पी. शर्मा ओलीले बुढिगण्डकी जलविद्युत आयोजनाको निर्माणलाई सरकारले उच्च प्राथमिता दिएकाले बजेटको अभावले निर्माण कार्य नरोकिने र स्थानीयबासीलाई चाँडै जग्गाको मुआब्जा उपलब्ध गराइने बताउनु भएको छ । <br><br>बुढिगण्डकी जलविद्युत आयोजना अघि बढाउने विषयमा गोरखा र धादिङका सांसदहरु, आयोजना सरोकार समितिका प्रतिनिधिहरुसहितको बैठकमा प्रधानमन्त्री ओलीले पैसाकै कारण आयोजना नरोकिने प्रतिवद्धता व्यक्त गर्नुभयो । <br><br>सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको छलफलमा सरकारले आयोजना चाँडो अघि बढाउनुपर्ने, चित्त बुझदो ढंगबाट स्थानिय वासिन्दालाई जग्गाको मुआब्जा उपलब्ध गराउनुपर्ने र आयोजना वरिपरि रिंगरोड निर्माण गर्नुपर्ने माग आएको नेकपा एमालेका सांसद राजेन्द« पाण्डेले जानकारी दिनुभयो । <br><br>१२ सय मेघावाट विद्युत उत्पादन क्षमताको यस आयोजना निर्माणका लागि करिब २ सय ६० अर्ब रुपियाँ लागत लाग्ने र आयोजना सम्पन्न हुन ८ वर्ष लाग्ने अनुमान गरिएको छ । <br><br>राष्ट्रिय गौरवको यस बुढिगण्डकी जलविद्युत आयोजना निर्माणका लागी सरकारले आयोजना क्षेत्रमा जग्गा किनबेच रोक्का गरिसकेको छ । <br><br></p>

हृदयविदारक यो तस्वीरले जो कोहिलाई पनि एक पटक सोँच्न विवश बनाउँछ । जहाँ चारै तिर एक हुल मान्छेहरु लठ्ठी डन्टा लिई घेरेर उभिएका छन् । एक महिलाले आफ्नी दुई नाबालिक छोरीको हत्या गरेकी छन् । बच्चको लास अगाडमै छन् । बीचमा अमाले आँसुको खोलो बगाई भकानिदै छिन् ।<p>बाराको कलैया नगरपालिकाको बरेवाका विजय साह कानुकी श्रीमती २२ वर्षीया सबिता देवीले आफना छोरीहरु चार बर्षीया काजल र अढाइ बर्षीया अनिताको हत्या गरेकी हुन् । ससुरा र श्रीमानले शारीरिक तथा मानसिक यातना दिएर घर निकाला गरेपछि यात्ना खेप्न नसकी सविता एक आमा भएर पनि आफ्नी दुई छोरीको ज्यान लिएर आत्म हत्या गर्न विवश भईन् । आफ्नै हातले कलिला दुई नाबालिक छोरीको हत्या गरिन् र स्वयम् आत्म हत्या गर्न खोज्दा स्थानीयले रोके ।</p><p>आखिर यस्तो राक्षस र निरंकुश समाज कनि बन्दै छ हाम्रो । जहाँ छोरी भएकै कारण एक महिलामाथि घरका सम्पूर्ण सदस्यहरुले अन्याय गर्छन् । यातना दिन्छन् । आखिर छोरी भन्ने वितिके बोझ किन ? के साँचिकै छोरी यो समाजको बोझ हो ? मात्रै छोराले संसार चल्छ ।</p><p>सोँच महिलामाथि हिंसा गर्नै नामर्दहरु हो सोँच ……………<br><br>वीरगन्ज जेष्ठ १२ गते बुधबार :- श्रीमान तथा सासु ससुराले मानसिक यातना दिए पछि घर छाडेर हिँडेकी एक महिलाले आफनै दुई नाबालिका छोरीको हत्या गरेकी छन् ।</p><p>बाराको कलैया नगरपालिकाको बरेवाका विजय साह कानुकी श्रीमती २२ वर्षीया सबिता देवीले आफना छोरीहरु चार बर्षीया काजल र अढाइ बर्षीया अनिताको हत्या गरेकी हुन्।</p><p>वीरगन्ज उपमहानरपालिका वडा नम्बर ८ भेडियाहीमा अवस्थित शम्सानघाट नजिक रहेको सिंगहा नदिको पानीमा मङगलबार साँझ दुवै छोरीलाई चोबलेर सबिता देवीले हत्या गरेकी हुन् ।<br>छोरीहरुको हत्या गरेपछि सबिताले पनि आत्महत्याको प्रयास गरेकी थिइन् । तर, गाँउलेले देखेपछि उनलाई आत्महत्या गर्नबाट रोकेका थिए ।</p><p>सिंगहा नदिको छेउमा रहेको सिसौंको हाँगा काट्न गएका भेडियाहीका साबीर भेडिहरले सबै भन्दा पहिले सबिताले दुई बालिकालाई नदिको पानीमा चोबलेको देखेका थिए । एक महिलाले दुई नाबालिकालाई पानीमा चोबलेको देखेपछि उनले अन्य गाँउलेहरुलाई गुहार लगाएका थिए ।<br>साबीर र गाँउलेहरुले नदिबाट निकाल्दा दुवै बालिकाको मृत्यु भइसकेको थियो ।</p><p>म बन्चरो लिएर सिसौको हाँगा काट्न आएको थिए, साबीरले भने, ‘नदिको पानीमा रातो सारी लगाएकी महिलाले पानीमा बच्चालाई डुबाएको जस्तो देखेपछि चिच्याएर अरुहरुलाइ बेलाएँ, तर बाहिर निकाल्दा दुवै बच्चाको प्राण गइसकेको रहेछ ।’<br>बच्चाको हत्या गरेपछि ती महिलाले आफुले पनि पानीमा डुबेर आत्म हत्या गर्ने प्रयास गरेको प्रत्यक्षदर्शी साबीरले बताए ।</p><p>बच्चाहरुलाई पानीमा चोबलेर मारेपछि ती महिलाले पनि पानीमै डुबेर आत्महत्याको प्रयास गरेकी थिइन् , उनले भने, ‘तर नदिमा तीन चार फिट मात्र पानी भएकाले उनको प्रयास सफल भएन, अनि हामीले पनि उनलाई तत्कालै नदिबाट बाहिर निकाली हाल्यौ ।</p><p>गाँउलेले खबर गरेपछि तत्कालै घटनास्थलमा प्रहरी पुग्दा मृतक दुवै नाबालिकाको शव नजिकै सबीता देवीले टाउको बजारेर रुदै गरेको अवस्थामा भेटिएको प्रहरी चौकी बसपार्कका प्रहरी नायब निरीक्षक जयराम यादवले बताए ।</p><p>सबिता देवीलाई प्रहरीले नियन्त्रणमा लिएर जिल्ला प्रहरी कार्यालय पर्साको हिरासतमा राखेको छ । मृतक दुवै बालिकाको शव पोष्टर्मामका लागि नारायणी उपक्षेत्रीय अस्पतालमा राखिएको पर्साका प्रहरी उपरिक्षक राजुबाबु श्रेष्ठले बताए ।<br>घरमा श्रीमान् र सासु ससुराले मानसीक यातना दिएपछि झगडा गरेर सोमबार सविता आफना दुई छोरीलाई लिएर वीरगन्ज १५ मुर्लीमा अवस्थित दिदीको घरमा आएकी थिइन् ।</p><p>कलैयाको बरेवामा रहेको घर फर्कनका लागि भन्दै मङगलवार मध्यान्ह १२ बजे तिर दिदीको घरबाट निस्किएकी उनले भेडियाहीमा रहेको सिंगहा नदीमा लगेर दुवै छोरीको पानीमा चोबलेर हत्या गरेकी हुन् ।<br>प्रहरीसँगको प्रारम्भिक बयानका क्रममा सविता देवीले घरपरिवारबाट मानसिक यातना दिएका कारण छोरीको हत्या गरेको बताएकी छन् ।</p><p>नदीको छेउमा पुगेपछि दुवै छोरीलाई तिमिहरु घर जाऊ म यही बस्छु भने, तर उनिहरुले मलाई छाडेर जान मानेन्, प्रहरी हिरासतमा रहेकी सविताले भनिन्, ‘घर जान नमानेपछि रिस उठ्यो । अनि दुवैलाई पानीमा डुबाएर मारिदिएँ, अहिले पछुतो लागेको छ ।’</p><p>घरमा श्रीमान र सासु ससुराले छोरीकै कारण विभिन्न बहाना बनाएर अनावश्यक रुपमा मानसिक यातना दिदै आएकाले आफूले घर छाडेर हिँडेको उनले बताइन् ।<br>पर्साका प्रहरी उपरीक्षक श्रेष्ठले भने घटनाका बारेमा अनुसन्धान भइरहेको बताए । ‘घटना पछि महिला मानसिक रुपले विक्षप्त अवस्थामा पुगेकी छन्’, उनले भने , ‘अहिले उनि कुरा गर्न सक्ने अवस्थामा छैनन्, पछि अवस्था ठिक भएपछि हामी उनिसँग सोधपुछ गर्छौ ।</p><p><i>बैलेन्द्र महतोको फेसबुकबाट साभार</i><br><br></p>

<p><span style="line-height: 1.42857143;">काठमाडौं,जेठ १२ । ट्राफिक जरिवाना शुल्क बृद्धिको विरोधमा यातायात ब्यवासायीले महासंघले विहिवार सार्वजनिक सवारी नचलाउने भएका छन् । यातायात ब्यवसायी महासंघले एकतर्फी रुपमा ट्राफिक जरिवाना शुल्क बृद्धिको विरोधमा भोली बिहान ७ बजेदेखि ५ बजेसम्म भाडाका यातायात बन्द गर्ने निर्णय गरेको हो । &nbsp;</span><span style="line-height: 1.42857143;">महासंघको आज बसेको बैठकले सरकारले आफूहरुको परामर्श विना नै ट्राफिक प्रहरीलाई १५ प्रतिशत कमिसन दिलाउन खोजेको निष्कर्ष निकाल्दै देशव्यापी रुपमा भाडाका यातायात बन्द गर्ने निर्णय गरेको हो । गृह मन्त्रालयले सार्वजनिक सवारीको साधन बन्द नगर्न यातयात व्यवसायीहरुलाई आग्रह गर्दै बन्द गराए कारवाही गर्ने चेतावनी दिएको छ ।&nbsp;</span></p>