<p><span style="line-height: 1.42857143;">काठमाडौं,जेठ १३ । नेपालका असन्तुष्टि</span><br></p><p>१. केन्द्रीय कमिटीका निर्णय कार्यान्वयन भएनन्</p><p>गत ४ वैशाखमा सम्पन्न केन्द्रीय कमिटी बैठकले विभाग गठन, प्रादेशिक संगठन कमिटी बनाउने र सरकार–पार्टीबीच समन्वयका लागि छुट्टै संयन्त्र गठन गर्ने निर्णय गरेको थियो ।</p><p>एक साताभित्र विभाग गठन गरी तल्लो तहसम्म सर्कुलर पठाउने निर्णय भए पनि डेढ महिना बित्न लाग्दा अहिलेसम्म ३१ मध्ये २२ वटा विभाग मात्रै गठन भएका छन् । स्थायी समितिले प्रदेश कमिटी बनाउने निर्णय गरे पनि कस्तो कमिटी बनाउनेबारे औपचारिक छलफलसमेत भएन ।</p><p>‘केन्द्रीय कमिटीले निर्णय गरेको एक महिना १० दिन बित्यो, तर किन कार्यान्वयन भएन् ?, किन संयन्त्र बनेन ? तीन दिनभित्र जारी गर्न सकिने सर्कुलर किन कार्यकर्ताबीच पुगेन ?, त्यो त हाम्रो हातमा छैन,’ मदन भण्डारी अध्ययन केन्द्रले गरेको राष्ट्रिय भेलामा सचिव योगेश भट्टराईले भने ।</p><p>२. संस्थागत निर्णय र परामर्श हुँदैन भेलामा नेता नेपाल र वरिष्ठ नेता झलनाथ खनाल दुवैले पार्टीमा स्थायी, पोलिटब्युरो र केन्द्रीय कमिटीका बैठक औपचारिकतामै सीमित हुने गरेको आरोप लगाएका छन् । ‘आवश्यक परामर्श त परै जाओस्, स्थायी समितिमा कसैले विरोधमा बोल्ने धृष्टता गरिहाल्यो भने कर्के नजरले हेरिन्छ,’ नेपालले असन्तुष्टि पोख्दै भने, ‘गुट चलाउनेको हातमा पार्टी गएको छ, पार्टी चलाउनेहरूचाहिँ चाउरिएर बस्नुपरेको स्थिति छ ।’</p><p>३. दशौँ महाधिवेशनलाई लक्षित गरेर सदस्यतामा धाँधली नेता नेपालले दशौँ महाधिवेशनलाई लक्षित गरेर संस्थापनले संगठित सदस्यता वितरण र सरुवामा मनपरी गरेको आरोप लगाएका छन् ।&nbsp;</p><p>&nbsp;नयाँ पत्रिका दैनिकमा समाचार छ।</p>

<p><span style="line-height: 1.42857143;">काठमाडौं,जेठ १३ । संसदीय क्षेत्र विकास कार्यक्रमका नाममा सांसदलाई दिइँदै आएको अबौँ बजेट दुरुपयोग भएको आरोप लगाउँदै पूर्वअर्थमन्त्रीहरुले आउँदो बजेटमा यस्तो रकम विनियोजन नगर्न सुझाव दिएका छन् ।</span><br></p><p>पूर्वअर्थमन्त्री तथा तत्कालीन एमाओवादी नेता वर्षमान पुनले निर्वाचन क्षेत्र विकासका नाममा सांसदलाई दिइन रकम रोक्नुपर्ने बताए । ‘विकासका नामा सांसदले पाउने रकम जथाभावी खर्च हुँदा एकातिर नेताहरु बद्नाम हुँदै गएका छन् भने अर्कोतिर त्यो बजेजबाट खासै उपलब्धि हात लागेको देख्न सकिएको छैन ।’ उनले भने ।</p><p><br></p><p>यसैवीच नागरिक दैनिकले आज सम्पादकीय लेख्दै राज्यको ढुकुटीको दोहर गरि सांसदहरुले सांसद कोषको पैसाबाट मादल किनिदिने जस्ता क्षणिक कार्यक्रमहरुमा सांसदहरु लाग्न नहुने उल्लेख गरेका छन् । महत्वपूर्ण आयोजनाका निमित्त राज्यका ढुकुटी प्रयोग हुनुपर्ने भन्दै नागरिकले सम्पादकीय लेखेको छ ।</p>

<p>१२ जेठ, बाजुरा ।<br>बाजुराको रुगिन गाविस वडा नं ६ कवाडीमा आज विहान बाढीले दुईवाललको मृत्यु भएको छ । <br><br>मृत्यु हुनेमा रुगिन गाविस वडा नं ६ निवासी चन्द्र बुढथापाका छोरा वर्ष १० का निखिल बुढथापा र ६ वर्षे दीर्घ बुढथापा हुन् ।</p><p>आज विहान चार वजे तिर परेको पानीले खोला गाउँ पस्दा घरवाट बाहिर निस्कन नसकि भलपानीमा पुरिएर&nbsp; बालकको मृत्यु भएको प्रमुख जिल्ला अधिकारी भोजराज श्रेष्ठले जानकारी दिनुभयो ।<br><br>बाढीले बगाउँदा&nbsp; नौरता भण्डारी, छमकला बुढथापा मोहन सुनार, रिउली बुढथापा ,अम्कला बुढथापा र मदन बुढथापा भाईते भएका छन् ।<br><br>घटनास्थल सदरमुकाम मार्तडीबाट चालिस कोष टाढाको पैदल दुरीमा रहेकाले अझै पनि सरकारी टोली घटनास्थलमा पुग्न सकेको छैन ।<br><br>यस्तै पूर्व–पश्चिम राजमार्गअन्तर्गत नवलपरासीको बर्दघाट–९ भुतहाँमा आज दिउँसो सवारी दुर्घटना हुँदा १२ जना घाइते भएका छन् ।</p><p>
प्रहरीका अनुसार बर्दघाटबाट बुटवल जाँदै गरेको लु१ख ३१३८ नम्बरको बसले सोही दिशाबाट बुटवल जाँदै गरेको लु१ख ७३७४ नम्बरको बसलाई पछाडिबाट ठक्कर दिँदा दुर्घटना भएको हो । 

अन्य घाइतेको उपचार स्थानीय अस्पतालमा भइरहेको प्रहरीले जनाएको छ । बस र चालक प्रहरीको नियन्त्रणमा छन् । <br><br><br></p>

<p><br>१२ जेठ, काठमाडौं ।<br>नेपाली काँग्रेसकी नेत्री एवम् केन्द्रीय सदस्य सुजाता कोइरालाले तत्काल सरकार परिवर्तन गरे सबैका लागि घातक सावित हुने बताउनुभएको छ । </p><p>
रफत् सञ्चार क्लबले आज भक्तपुरमा गरेको साक्षात्कारमा नेत्री कोइरालाले वर्तमान सरकारले ल्याएको आर्थिक एवम् सामाजिक विकासको योजना नेपाल र नेपालीको हितमा भएको बताउनुभयो । <br><br></p>

<p>१२ जेठ, काठमाडौं ।<br>संघिय समाजवादी फोरम नेपालका अध्यक्ष उपेन्द्र यादवले आफुहरुका माग प्रति सरकार सकारात्मक भए आफुहरु बार्तामा बस्न तयार रहेको बताउनु भएको छ ।<br><br>आज भैरहवामा आयोजित पत्रकार सम्मेलनमा अध्यक्ष यादवले मधेशी र जनजातीका माग प्रति सरकार र प्रमुख राजनीतिक दलहरु सकारात्मक नभएकाले आफुहरुले आन्दोलन जारी राखेको बताउनु भयो । <br><br><br></p>

<p>१२ जेठ, काठमाडौं ।<br>कोइलाई के धन्दा घर ज्वाईलाई खानाकै धन्दा भनेजस्तै !</p><p>नेपाली काँग्रेसका महामन्त्री रहेका सशांक कोइरालालाई भने कहिले ओली सरकार ढल्ला र ढाल्न पाउँला जस्तो भएको उनकै अभिव्यक्तिले प्रष्ट पारेको छ ।<br><br>काँग्रेसका महामन्त्री डा. सशांक कोइरालाले केपी ओली नेतृत्वको वर्तमान सरकार संविधान कार्यान्वयन र भूकम्पपछिको पुनः निर्मणमा सुस्त देखिएको बताउनु भएको छ ।<br><br>काँग्रेस मकवानपुर क्षेत्र नम्बर–२ को प्रशिक्षण कार्यक्रममा महामन्त्री डा. कोइरालाले संविधान जारी भएको लामो समय भैसक्दा पनि पछिल्ला समय संस्थागत भ्रष्टाचार मौलाउँदै गएको बताउनुभयो । <br><br>महामन्त्री कोइरालाले सरकारले गर्न नसक्ने र हावादारी बाचा गरेर चर्चा बटुल्नमात्र खोजेको बताउनुभयो । <br><br></p>