<p>१३ जेठ, बीरगञ्ज ।<br>वाराको वरियारपुरबाट वीरगंज आउदै गरेका केडिया अर्गनाईजेशन उद्योग समूहका सदस्य सुरेश केडियालाई आज सांझ अज्ञात समूहले वाराको पसाहा पुल नजिकैबाट अपहरण गरी अज्ञात स्थल तर्फ लिएर गएको छ ।</p><p>भारतीय स्कारपियोमा आएको अज्ञात समूहले केडिया सवार बा १० च ७२४० नम्बरको कार नियन्त्रणमा लिई चालकमाथि गोली प्रहार गरी सुरेश केडियालाई अपहरण गरी भारत तर्फ लिएर गएको स्थनियवासिन्दाले बताएका छन् ।</p><p>गोली प्रहारबाट घाइते भएका चालक पर्सा विन्दवासिनी वडा नं. २ निवासी उमेश प्रसाद साह कानु लाई प्रहरीले घटना स्थलबाट उपचारका लागि वीरगंज स्थित नारायणी उपक्षेत्रिय अस्पतालमा ल्याई पुर्याएको र घटनाका बारेमा थप अनुसन्धान भई रहेको प्रहरीले जनाएको छ । घाइते कानुको कानमा गोली लागेको छ ।</p><p>वाराको ग्रामिण क्ष्ँेत्रका व्यापारीहरुसंग गहुं मकै खरिदका लागि वीरगंजबाट गएका केडियालाई अपहरण गरेर भारत तर्फ लिएर जाने क्रममा अपहरणकारीहरुले चलाएको स्कारपियोले वाराको मझरिया गाउंमा ठक्कर दिएर ३ वटा बाख्रा&nbsp; मरेको समेत स्थानिय वासिन्दाले बताएका छन ।</p><p>घटना पछि अहिले वारा, पर्साको सम्पूर्ण क्षेत्रमा नाकाबन्दी गरी भारतीय सुरक्षाकर्मीलाई समेत परिचालन गरेर खोजतलास गरिएको अंचल प्रहरी कार्यालय नारायणी वीरगंजका प्रहरी वरिष्ठ उपरिक्षक नारायण सिंह खड्काले बताउनु भयो ।</p><p>अपहरित केडिया वीरगंज उद्योग वाणिज्य संघका पूर्व अध्यक्ष एवं केडिया अर्गनाईजेसका संचालक हिरालाल केडियाका जेठो छोरा हुनु हुन्छ । घटनापछि वीरगंजका उद्योगी व्यवसायि तथा स्थानियवासिन्दा समेत आतंकित&nbsp; भएका छन ।<br></p>

<p><span style="line-height: 1.42857143;">काठमाडौं, जेठ १३ । वैदेशिक रोजगारीका लागि मलेसिया जाने नेपाली कामदारको स्वास्थ्य परीक्षणमा लागू गरिएको बायोमेट्रिक प्रणालीविरुद्ध पुनरावेदन अदालत पाटनमा दायर गरिएको रिट निवेदन खारेज भएको छ । बुधबार न्यायधीशद्वय टेकराज नेपाल र पदमराज भट्टको संयुक्त इजलासले सो रिट खारेज गरेको हो । &nbsp;&nbsp;</span><span style="line-height: 1.42857143;">मलेसिया जाने कामदारको स्वास्थ्य परीक्षणमा लागू गरिएको बायोमेट्रिक प्रणाली अवैध भएको तथा व्यवसायमाथि सेन्डिकेट लागू गरेको भन्दै खारेज गराउनका लागि नेपाल मेडिकल व्यवसायी सङ्घका अध्यक्ष शमसेर नेपालीले पुनरावेदन अदालत पाटनमा सो रिट निवेदन दायर गरेका थिए ।&nbsp;</span><br></p><p><span style="line-height: 1.42857143;">२०७२ साल भदौ २८ मा दायर गरिएको उक्त रिट निवेदनमा श्रम तथा रोजगार मन्त्रालय, व्यवस्थापिका संसद अन्तराष्ट्रिय सम्बन्ध तथा श्रम समिति, व्यवस्थापिका संसद अन्तराष्ट्रिय सम्बन्ध तथा श्रम समिति अन्तर्गत वैदेशिक रोजगार अध्ययन उपसमिति, स्वास्थ्य तथा जनसङ्ख्या मन्त्रालय, वैदेशिक रोजगार प्रवद्र्धन वोर्ड सचिवालय र नेपाल स्वास्थ्य व्यवसायी महासङ्घलाई विपक्षी बनाइएको थियो । &nbsp;</span><span style="line-height: 1.42857143;">निवेदनमाथि पुनरावेदनले यसबीचमा विभिन्न मितिमा प्रतिवादीहरूबाट आवश्यक मिसिलहरू मगाएर अध्ययन गरेको थियो भने वादीतर्फबाट आवश्यक प्रमाणहरू माग गरि अध्ययन गरेको थियो । तर दाबी गरिएअनुसार प्रमाणहरू नजुटेको र बायोमेट्रिक प्रणाली स्वास्थ्य परीक्षणसँग सम्बन्धित नरहेकोले उक्त रिट खारेज गरिएको हो ।&nbsp;</span></p><p>उत्प्रेषणयुक्त परमादेशको मुद्दा पुनरावेदनमा 2072-wo-0170 &nbsp;नम्बरमा दर्ता गरिएको थियो । पुनरावेदनले मन्त्रालयविरुद्ध दायर गरेको अग्राधिकार प्राप्त रिट २०७३ जेठ १२ गते फैसला गर्दै खारेज गरेको हो । बायोमेट्रिकसम्बन्धी यसअघि सर्वोच्च अदालतमा अन्तरिम आदेशका लागि परेको मुद्दा पनि खारेज भएको थियो भने सर्वोच्चमै यससम्बन्धी अर्को मुद्दा विचाराधिन रहेको छ ।&nbsp;</p><p><b><br></b></p><p><b>‘महासङ्घमा अनियमितता भेटिएन’</b></p><p>यसैबीच वैदेशिक रोजगारमा जाने नेपाली कामदारहरूको स्वास्थ्य परीक्षण गर्ने स्वास्थ्य संस्थाहरूको छाता संस्था नेपाल स्वास्थ्य व्यवसायी महासङ्घमाथि विभिन्न पक्षहरूले अनेकन आरोप लगाएर विभन्न नियामक निकायहरूमा दिईएको उजुरीबाट महासङ्घले कतै पनि गलत तथा अनियमितता नगरेको पुष्टि भएको छ ।&nbsp;</p><p>खासगरी मलेसिया जाने कामदारको स्वास्थ्य परीक्षणसँगै लागू गरिएको बायोमेडिकल प्रणाली, महासङ्घमा जम्मा भएको पैसा अनियमितता गरेको तथा स्वास्थ्य संस्था तथा सर्वसाधारणसँग समेत रकम उठाएर ठगी गरेको भनेर गरिएको उजुरीमाथि अनुसन्धान गर्दा कुनैपनि आरोप पुष्टि नभएको र अनियमितता नगरेको ठहर भएको हो ।&nbsp;</p><p>तत्काल आरोप पुष्टि नभएको भन्दै महासङ्घविरुद्ध अख्तियार दुरूपयोग अनुसन्धान आयोगमा परेको उजुरीलाई मुल्तवीमा राखिएको छ भने आयोगले २०७० पुस २९ मा महासङ्घ कार्यालयमा छापा मारी नियन्त्रणमा लिएको विभिन्न सक्कल कागजातहरू पनि महासङ्घलाई नै फिर्ता गरेको छ । तीन वर्ष लगाएर अनुसन्धान गर्दा पनि कुनै प्रकारको अनियमितता नदेखिएकोले सक्कल फाइलहरू फिर्ता गरिएको आयोगले जनाएको छ ।&nbsp;</p><p>त्यस्तै सर्वोच्च अदालतमा परेको उजुरी अझै विचाराधिन रहेकोले आयोगमा खडा भएको मुद्दाको फाइल भने तामेली शाखामा राखिएको छ । महासङ्घविरुद्ध परेको उजुरीमाथि अनुसन्धान गरिरहेको समाज कल्याण परिषद्ले पनि कुनै गलत तथ्य फेला नपारेको जनाएको छ ।&nbsp;</p><p><span style="line-height: 1.42857143;">त्यसैगरी जिल्ला प्रशासन कार्यालयमा परेको उजुरीमाथि अनुसन्धान गर्दा पनि आरोपमाथि ठोस प्रमाण नजुटेको भन्दै महासङ्घ गलत नभएको निष्कर्षमा पुगेको थियो । त्यस्तै बायोमेट्रिकविरुद्धको उजुरीमाथि अनुसन्धान गर्दा पनि आरोप पुष्टि नभएको भन्दै महासङ्घ सही रहेको निचोड निकालेको छ । &nbsp;</span><span style="line-height: 1.42857143;">उजुरीकर्ताहरूले महासङ्घको वैधानिकता, महासङ्घले प्रयोग गर्दै आएको होलोग्राम स्ट्रिकटर, संस्थाको रकम ठगी, क्षतिपूर्ति वितरणमा अनियमितता गरेको लगायतका विषयमा प्रश्न उठाएका थिए । तर, सबै उजुरीहरूमाथि अध्ययन तथा अनुसन्धान गर्दा कतै पनि ठगी तथा अनियमितता र गलत काम नभेटिएको निचोडमा नियामक निकायहरू पुगेका हुन् । यसले सम्पूर्ण स्वासथ्य व्यवसायीहरू एक हुनुपर्ने सन्देशसमेत दिएको छ ।</span><br></p>

<p><span style="line-height: 1.42857143;">काठमाडौं,जेठ १३ । यातायात व्यवसायीले गरेको चक्काजामका कारण अलपत्र परेका यात्रुका लागि नेपाल प्रहरीले &nbsp;निः शुल्क बस सञ्चालन गरेको छ । यातायात ब्यवसायीले जरिवानाको दर उच्चरुपमा वृद्धी गरिएको भन्दै विहीबार चक्काजाम गरेका छन् । नेपाल प्रहरीले यी दुई रुटमा चलेका निःशुल्क बस सेवाको सदुपयोग गर्न अनुरोध गरेको छ-</span><br></p><p><br></p><p>रुट नं. १</p><p>नक्साल, जयनेपाल, पुतलीसडक, माइतीघर, थापाथली, पुल्चोक, जावलाखेल, एकान्तकुना, बल्खु, कलंकी, रविभवन, कालिमाटी, त्रिपुरेश्वर, नागस्थान, न्युरोड गेट, जमल, महेन्द्र शालिक, दरवारमार्ग, जयनेपाल सिनेमाहल हुँदै नक्साल ।</p><p><br></p><p>रुट नं. २</p><p>नक्साल, लोत्सेचोक, ज्ञानेश्वर, रातोपुल, गौशाला, एयरपोर्ट, सिनामंगल, कोटेश्वर तीनकुने, नयाँ बानेश्वर, माइतीघर, थापाथली, त्रिपुरेश्वर, नागेस्थान, न्युरोड गेट, जमल, लैनचौर, लाजिम्पाट, पुलिस एकेडेमी, नारायण गोपाल चोक, पुलिस एकेडेमी, बालुवाटार हुँदै नक्साल ।</p>

<p><span style="line-height: 1.42857143;">काठमाडौं,जेठ १३ । &nbsp;ट्राफिक जरिवाना रकम बढेको बिरोधमा चक्का जामको आयोजना गरेका व्यवसायीले नेपाली सेनाको सैनिक स्कुल बसमा तोडफोड गरेको छ । &nbsp;बन्दकर्ताले चाबहिल चोकमा बा २ ख २२४७ नम्बरको सैनिक बसमा ढंगामुढा र तोडफोड गरेका हुन् । उनीहरुले राजधानीको सुकेधारामा बा १ ज १५९९ नम्बरको ट्याक्सी, टेकुमा ना १ ज ८४१३ नम्बरको टाटासुमो र टेकुमा बा २ ज २००० नम्बरको ट्याक्सी तोडफोड गरेको प्रहरीले जानकारी दिएको छ ।&nbsp;</span><br></p><p><br></p><p>प्रहरीले राजधानीको गौशाला, बालाजु, ललितपुरका विभिन्न स्थानमा &nbsp;जबर्जस्ति बन्द गराउदै हिड्ने १५७ जनालाई &nbsp;नियन्त्रणमा लिएको छ । नियम उल्लंघन गर्ने सवारीको कारबाहीका लागि ट्राफिक प्रहरीले बढी शुल्क लिन लागेको विरोधमा नेपाल यातायात व्यवसायी राष्ट्रिय महासंघले गरेको बन्दले काठमाडौं उपतयका लगायत देश भरको जनजीवन प्रभावित भएको छ।</p><p>&nbsp;</p>

<p><span style="line-height: 1.42857143;">काठमाडौं,जेठ १३ । ट्राफिक नियम उल्लङ्घन गरेपछि लाग्ने शुल्क बढाएको भन्दै यातायात व्यवसायीले वृद्धि गरेको जरिवाना फिर्ता गर्न माग गर्दै सार्वजनिक यातायात बन्द गरेका छन् । आज विभिन्न यातायात व्यवसायी र मजदुरहरुले उपत्यकामा सवारी साधन चलाएका छैनन् । मोटरसाइकल र कार नीजि सवार साधन सडकमा कुदिरहेका छन्।&nbsp;</span><span style="line-height: 1.42857143;">ट्राफिक प्रहरीले शुल्क २५ देखि २०० सम्मलाई जेठ १ गतेदेखि लागू हुनेगरी ५०० देखि एक हजार ५०० सम्म पु¥याएको भन्दै चोकचोकमा सवारीसाधन थन्क्याएर चक्काजाम गरेका हुन् । नेपाल यातायात मजदुर संघ, नेपाल यातायात स्वतन्त्र मजदुर संगठन, अखिल नेपाल यातायात मजदुर संघ र अखिल नेपाल क्रान्तिकारी मजदुर संघ लगायतका ८ वटा संस्था संयुक्त रुपमा जेठ १३ गते मुलुकभरका आफ्ना सवारीसाधन ग्यारेजमा थन्क्याएर सडकमा उत्रिएका हुन्।</span><br></p><p><span style="line-height: 1.42857143;">काठमाडौँ उपत्यकामा अत्यावश्यक सवारीसाधनबाहेक अरू कुनै पनि भाडाका सार्वजनिक सवारीसाधन चलेका छैनन् । २०७२ असोज १४ गते ट्राफिक ऐन संशोधन गरी ट्राफिक नियम उल्लङ्घन गर्नेलाई यही जेठ १ गतेदेखि लागू हुनेगरी ट्राफिक जरिवाना वृद्धि भएको थियो ।&nbsp;</span><span style="line-height: 1.42857143;">माओवादी बन्दका बेला र प्रहरी र प्रमुख जिल्ला अधिकारीसहितको ‘स्कटिङ’मा चलाउँने साझा यातायात यति बेला भने राजधानीमा गुमनाम अवस्थामा रहेको छ । विशेष सेवा सुविधा सहित सञ्चालनमा आएको महानगर यातायात पनि आज चलेकको छैन् । गृहले मंगलबार सार्वजनिक सवारी बन्द गरे कारवाही गर्ने चेतावनीसहित विज्ञप्ति निकालेको थियो ।&nbsp;</span><br></p><p><span style="line-height: 1.42857143;">भाडाका सार्वजनिक सवारी साधनलाई पूर्ण रुपमा बन्द गरे पनि निजी सवारी साधनहरू भने सञ्चालनमा छन् । चक्काजाम बिहान ५ बजेदेखि बेलुकी ५ बजेसम्म कायम हुने जनाएको छ । ट्राफिक प्रहरीले नियम तोड्ने सवारीलाई जेठ १ गतेदेखि न्युनतम् ५ सयदेखि अधिकतम १५ सयसम्मको जरिवाना लगाउन सक्ने नियम लागू गरेको थियो । त्यसको बिरोधमा ब्यबसायीले बन्द घोषणा गरेको हो ।</span><br></p>

<p><span style="line-height: 1.42857143;">कठमाडौं,जेठ १३ । &nbsp;ट्राफिक प्रहरीले वृद्धि गरेको जरिवाना फिर्ता गर्न माग गर्दै यातायात मजदुर व्यवसायीले आज &nbsp;सार्वजनिक यातायात बन्द गरेका छन् । &nbsp;आज विभिन्न यातायात व्यवसायी र मजदुरहरुले उपत्यकामा सवारी साधन चलाएका छैनन् । मोटरसाइकल र कार नीजि सवार साधन &nbsp;सडकमा कुदिरहेका छन्।&nbsp;</span><span style="line-height: 1.42857143;">गृह मन्त्रालयले सार्वजनिक यातायात बन्द नगर्न चेतावनी जारी गरेपनि त्यसको बेवास्ता गर्दै यातायात बन्दको घोषणा गरेका हुन् । नेपाल यातायात मजदुर संघ, नेपाल यातायात स्वतन्त्र मजदुर संगठन, अखिल नेपाल यातायात मजदुर संघ र अखिल नेपाल क्रान्तिकारी मजदुर संघ &nbsp;लगायतका ८ वटा संस्था संयुक्त रुपमा जेठ १३ गते मुलुकभरका आफ्ना सवारीसाधन ग्यारेजमा थन्क्याएर सडकमा उत्रिएका हुन्।</span></p><p>गृहले मंगलबार सार्वजनिक सवारी बन्द गरे कारवाही गर्ने चेतावनीसहित विज्ञप्ति निकालेको थियो । भाडाका सार्वजनिक सवारी साधनलाई पूर्ण रुपमा बन्द गरे पनि निजी सवारी साधनहरू भने सञ्चालनमा छन् । चक्काजाम बिहान ५ बजेदेखि बेलुकी ५ बजेसम्म कायम हुने जनाएको छ । &nbsp;ट्राफिक प्रहरीले नियम तोड्ने सवारीलाई जेठ १ गतेदेखि न्युनतम् ५ सयदेखि अधिकतम १५ सयसम्मको जरिवाना लगाउन सक्ने नियम लागू गरेको थियो । त्यसको बिरोधमा ब्यबसायीले बन्द घोषणा गरेको हो ।</p>